Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եսայի 5. «Վայ նրանց, որոնք չարին ասում են բարի և բարուն՝ չար»:

«Եսայի 5. «Վայ նրանց, որոնք չարին ասում են բարի և բարուն՝ չար»», Հին Կտակարան․ Սեմինարիայի ուսուցչի ձեռնարկ (2026)

«Եսայի 5. «Վայ նրանց, որոնք չարին ասում են բարի և բարուն՝ չար»», Հին Կտակարան․ Սեմինարիայի ուսուցչի ձեռնարկ

Եսայի 1–12․ Դաս 115

Եսայի 5

«Վայ նրանց, որոնք չարին ասում են բարի և բարուն՝ չար»:

Եսայի մարգարեի միջոցով Տերը նախազգուշացրել է Իսրայելին իրենց մեղսավոր ընտրությունների վերաբերյալ, այդ թվում՝ «չարը բարի և բարին չար» անվանելը (Եսայի 5․20)։ Այսօր կան բազմաթիվ կործանարար գաղափարներ և գործողություններ, որոնք կարող են լավը թվալ: Այս դասը կմեծացնի ուսանողների ունակությունը՝ տարբերելու բարին չարից:

Ուսանողի նախապատրաստում. ուսանողներին առաջարկեք գալ դասարան՝ պատրաստ լինելով կիսվել այն բանի օրինակով, որը համարվում էր անվնաս կամ նույնիսկ բարի, սակայն, ի վերջո, պարզվեց, որ վնասակար է:

Հնարավոր ուսումնական վարժություններ

Հոգևորապես վտանգավոր գաղափարներ և գործողություններ

Կարող եք դասը սկսել՝ ցույց տալով դասի սկզբում ցուցադրված քողարկված վագրակատվի նկարը: Ապա կարող եք տալ հետևյալ հարցը և ցուցադրել երեց Դեյվիդ Ա. Բեդնարի ուղերձը:

Ի՞նչն է վագրակատվին դարձնում վտանգավոր իր զոհի համար:

Տասներկու Առաքյալների Քվորումից երեց Դեյվիդ Ա. Բեդնարը համեմատել է վագրակատվին վտանգավոր գաղափարների և գործողությունների հետ։

15:59

Ինձ համար վագրակատուները նրբագեղ, հրապուրիչ և գրավիչ արարածներ են: Վագրակատվի սև բծերով դեղնավուն երանգով մոխրա-սպիտակավուն մորթին հանդիսանում է գեղեցիկ քողարկում, որն այդ կենդանիներին դարձնում է գրեթե անտեսանելի, երբ նրանք հետապնդում են իրենց զոհին աֆրիկյան արոտավայրերում:

Նույն կերպ, հոգևորապես վտանգավոր գաղափարները և գործողությունները հաճախ կարող են հրապուրիչ, ցանկալի կամ հաճելի թվալ: Այսպիսով, մեր ժամանակակից աշխարհում մեզանից յուրաքանչյուրը պետք է զգուշանա հրապուրիչ չարից, որը ձևացնում է, թե բարի է: («Շարունակ արթուն լինեք աղոթքում», Լիահոնա, նոյ․ 2019, 33)

«Հոգևորապես վտանգավոր գաղափարների և գործողությունների» ի՞նչ օրինակներ կան, որոնք «կարող են գրավիչ, ցանկալի կամ հաճելի թվալ»:

Օգտակար կլինի ուսանողների պատասխանները գրել գրատախտակին։ Ուսանողները կարող են ասել նմանատիպ մի բան՝ «Դա իմ մարմինն է: Ես կարող եմ դրա հետ անել այն, ինչ ուզում եմ» կամ «Ամեն ինչ լավ է, քանի դեռ չես բռնվել»: Դուք կանդրադառնաք գրատախտակին գրված այս գաղափարներին ավելի ուշ՝ այս դասի ընթացքում:
Ինչու՞ է ձեզ համար կարևոր ճանաչել հրապուրիչ չարը, որը ձևացնում է, թե բարի է:

Հետևյալ բացատրությունը և առաջարկը կարող են օգնել ուսանողներին սկսել մտածել, թե այն, ինչ իրենք կսովորեն այս դասի ժամանակ, կարևոր է իրենց կյանքում:

Կարող է դժվար լինել ճանաչել այս խաբուսիկ գաղափարներն ու գործողությունները, հատկապես, երբ մենք կարող ենք նրանց ազդեցության տակ լինել: Մեզանից յուրաքանչյուրը մտածում կամ գործում է այնպիսի եղանակներով, որոնք ոչ լիովին են համապատասխանում Հիսուս Քրիստոսի ուսմունքներին (տես Հռոմեացիներին 3․23)։ Երկնային Հայրը և Հիսուս Քրիստոսը կօգնեն մեզ ճանաչել դա մեր մեջ, եթե մենք խնդրենք Նրանց օգնությունը Սուրբ Հոգու միջոցով: Այսօրվա ուսումնասիրության ժամանակ առանձնահատուկ ուշադրություն դարձրեք, թե Սուրբ Հոգին ինչպես կարող է օգնել ձեզ տարբերել ճիշտը սխալից:

Քողարկված խաբեություններ

Ամփոփ ներկայացրեք հետևյալ պարբերությունը՝ ուսանողներին Եսայի 5 բաժնի ընդհանուր ուղերձին ծանոթացնելու համար։

Եսայի 5 բաժնում Տերը ուսուցանել է իսրայելացիներին իրենց հանդեպ Իր սիրո և իրենց մեղսավոր ընտրությունների մասին՝ օգտագործելով խաղողի այգու համաբանությունը: Չնայած Տերը փորձել է օգնել նրանց աճել, իսրայելացիների մեղսավոր ընտրությունների պատճառով նրանք դարձան «ազոխ» (տես Եսայի 5․2), որը նրանց ապականության և սաստիկ բնավորության խորհրդանիշն էր: Քանի որ նրանք որոշեցին «մերժել» և արհամարհել Տիրոջը և Նրա ուսմունքները (տես Եսայի 5․24), պետք է մնան առանց Տիրոջ օգնության:

Ուսանողներին առաջարկեք թերթել Եսայի 5․8–23 հատվածները և հաշվել, թե քանի անգամ է Տերը օգտագործել «վայ» բառը (վեց անգամ): Բացատրեք, որ «վայ» նշանակում է խորը վիշտ կամ տառապանք: Տերը փորձել է ուսուցանել իսրայելացիներին, որ իրենց մեղսավոր ընտրությունները հեռացնում են նրանց Իրենից և տանում դեպի վիշտ և տառապանք:

Թեև կան շատ ճշմարտություններ, որոնց վրա այս դասը կարող է կենտրոնանալ, այս դասի մնացած մասը կկենտրոնանա վարդապետության սերտման Եսայի 5․20 հատվածի վրա։

Եսայի 5․20 հատվածը վարդապետության սերտման հատված է: Ուսանողներին առաջարկեք նշել վարդապետության սերտման հատվածները տարբերակիչ եղանակով, որպեսզի կարողանան հեշտությամբ գտնել դրանք:

Կարդացեք եսայի 5․20 հատվածը՝ փնտրելով, թե ինչ պատճառներով ենք մենք խոր վիշտ, կամ տխրություն և տառապանք ունենում:

Ի՞նչ գտաք:

Ուսանողներին օգնեք նշել հետևյալ ճշմարտությունը․ Եթե չարին բարի և բարիին չար անվանենք, մենք, ի վերջո, վիշտ և տառապանք կունենանք: Ուսանողներին առաջարկեք նշել հատվածում ներկայացված երեք զույգ բառը՝ չար և բարի, խավար և լույս, դառը և քաղցր։ Բացատրեք, որ Եսային հաճախ բերում էր բազմաթիվ օրինակներ՝ իր ուսմունքներն ավելի հստակ դարձնելու համար:

Ինչպե՞ս է պատահում, որ չարին բարի և բարիին չար ասելով, մենք, ի վերջո, վիշտ և տառապանք ենք ունենում:

Այդ խաբեությունները բացահայտելու դժվարության գիտակցումը կարող է օգնել ուսանողներին հասկանալ և ճանաչել խոչընդոտները և տեսնել, որ իրենք ունեն Աստծո կարիքն իրենց կյանքում:

Անդրադարձեք գրատախտակին գրված «հոգևորապես վտանգավոր գաղափարներին և գործողություններին» և տվեք հետևյալ հարցը։

Ի՞նչը կարող է դժվարացնել բացահայտելու այս հոգևորապես վտանգավոր գաղափարներն ու գործողությունները:

Մտածեք այն մասին, թե արդյոք կան հոգևորապես վտանգավոր գաղափարներ կամ գործողություններ, որոնք կարող են, ըստ ձեզ, գրավիչ, ցանկալի կամ հաճելի լինել:

Հիսուս Քրիստոսն է ճշմարտությունը

Դժվարությունները նշելուց հետո օգնեք ուսանողներին տեսնել Հիսուս Քրիստոսին որպես այդ դժվարությունները հաղթահարելու լուծում:

Կարդացեք Հովհաննես 14․6 հատվածը՝ փնտրելով, թե ինչ է ասել Հիսուսը այն մասին, թե ով է Ինքը:

Ըստ ձեզ, ի՞նչ նկատի ունի Հիսուսը, երբ ասում է, որ Ինքն է ճշմարտությունը:
Ի՞նչ են տվել մեզ Երկնային Հայրը և Հիսուս Քրիստոսը, որպեսզի օգնեն ճանաչել խաբուսիկ գաղափարներն ու գործողությունները, որոնց մասին խոսել ենք ավելի վաղ:

Չնայած սա համապարփակ ցանկ չէ, ուսանողները կարող են կիսվել հետևյալով.

Հոգի (տես Վարդապետություն և Ուխտեր 11.12–13)
Քրիստոսի լույսը (տես Մորոնի 7․16–19)
Մարգարեներ (տես Վարդապետություն և Ուխտեր 21.1, 4–6)
Սուրբ գրություններ (տես Բ Տիմոթեոսին 3.15–17)

Անհրաժեշտության դեպքում կարող եք կարդալ և քննարկել ներկայացված սուրբգրային հատվածներից մի քանիսը:

Հաջորդ վարժությունն ուսանողներին հնարավորություն կտա ուսումնասիրել Փրկչի ուսմունքները՝ օգնելու նրանց ճանաչել Նրա ճշմարտությունը: Ուսանողներին առաջարկեք ծանոթանալ գրատախտակին գրված հոգևորապես վտանգավոր գաղափարներին կամ գործողություններին: Ցուցադրեք ստորև ներկայացված հրահանգները։

Որպեսզի օգնենք մեզ տարբերել ճիշտը սխալից, կարող ենք դիմել Հիսուս Քրիստոսի և Նրա մարգարեների ուսմունքներին: Մենք կարող ենք «գտնել Հիսուս Քրիստոսի և Նրա մարգարեների ուսմունքները» Երիտասարդներին զորացնելու համար. ուղեցույց ընտրություն կատարելու համար գրքույկում («Կատարեք ոգեշնչված ընտրություններ», Երիտասարդներին զորացնելու համար. ուղեցույց ընտրություն կատարելու համար [2022])։

Ընտրեք մի գաղափար կամ գործողություն, որը չար է, բայց ձևանում է բարի, կամ որը բարի է, բայց ներկայացվում կամ անվանվում է որպես չար։ Ուսումնասիրեք Երիտասարդներին զորացնելու համար ուղեցույցը՝ փնտրելով Հիսուս Քրիստոսի և Նրա մարգարեների ուսմունքները, որոնք կարող են օգնել ձեզ ընտրել հետևել Հիսուս Քրիստոսին՝ սատանայի խաբուսիկ ուղերձների փոխարեն: Գրեք, թե ինչպես են Փրկչի ուսմունքներն ուղղում կեղծ գաղափարները:

Ուսանողներին առաջարկեք կիսվել իրենց գտածով: Դա անելու համար ուսանողը կարող է ընտրել գրատախտակին գրված որևէ գաղափար կամ գործողություն: Դասարանին խնդրեք բացատրել, թե ինչպես է իրենց սովորածը ցույց տալիս, որ այդ գաղափարը կամ գործողությունը հոգևորապես կործանարար է: Օրինակ՝ եթե ուսանողն ընտրի «Ամեն ինչ լավ է, քանի դեռ չես բռնվել» գաղափարը, դասարանի անդամները կարող են կիսվել, թե ինչ են սովորել «Ճշմարտությունը կազատի ձեզ» բաժնից Երիտասարդներին զորացնելու համար ուղեցույցում, օրինակ՝ այն պարբերություններով որոնք սկսվում են «Ապրել ազնվությամբ նշանակում է, որ դուք սիրում եք ճշմարտությունը ձեր ամբողջ սրտով» կամ «Այնքան շատ սիրեք ճշմարտությունը» արտահայտություններով։

Խորհրդածեք գիտելիքների շուրջ

Ուսանողներին հնարավորություն տվեք խորհելու իրենց սովորածի շուրջ՝ ցուցադրելով հետևյալ հարցը:

Հարցի պատասխանը գրեք ձեր օրագրում.

Ի՞նչ սովորեցիք այսօր, որը կարող է օգնել ձեզ ճանաչել ճշմարտությունը և ավելի լավ հետևել Հիսուս Քրիստոսին:

Ուսանողներին առաջարկեք կիսվել իրենց օրագրում գրած զգացմունքներով և վկայությամբ: Վկայեք Հիսուս Քրիստոսի և Նրա տիտղոսի մասին՝ որպես Ճշմարտություն:

Մտապահեք

Օգնեք ուսանողներին այս դասի ընթացքում մտապահել վարդապետության սերտման հատվածը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Եսայի 5․20 հատվածի սուրբգրային հիմնական արտահայտությունն է՝ «Վա՜յ նրանց, որոնք չարին ասում են բարի և բարուն՝ չար»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Ի՞նչը կարող է օգնել ինձ տարբերել բարին չարից:

Առաջին Նախագահությունից նախագահ Դալլին Հ. Օուքսը ասել է.

Երբ մենք սկսում ենք չափել ժամանակակից սովորությունները և առաջարկներն ըստ Աստծո ծրագրի վերաբերյալ մեր գիտելիքների և Աստծո խոսքում տրված նախադրյալների ու Նրա ապրող մարգարեների ուսմունքների, … մենք գիտենք, որ սա ապահով հող է ստեղծում մեզ համար հավերժորեն։ («As He Thinketh in His Heart», [evening with Elder Dallin H. Oaks, փետ. 8, 2013], 5)

Տես «Ձեռք բերել հոգևոր գիտելիքներ» բաժնի պարբերություններ 11-ը և 12-ը Վարդապետության սերտման հիմնարար փաստաթղթում (2023)։

Տես «Կենտրոնացրեք ձեր կյանքը Հիսուս Քրիստոսի շուրջ» կամ «Օգտվեք վստահելի աղբյուրներից» հոդվածները Փնտրել ձեր հարցերի պատասխանները շարքից՝ Gospel Library հավելվածի Թեմաներ և հարցեր բաժնում։

Ինչո՞վ են տարբերվում Երկնային Հոր և հակառակորդի ուղերձները:

Նախագահ Ռասսել Մ. Նելսոնն ուսուցանել է․

24:24

Հակառակորդը խելացի է։ Հազարամյակներ շարունակ նա բարուն չարի տեսք է տվել, իսկ չարին՝ բարու։ Նրա ուղերձները կարող են լինել բարձր, հանդուգն և պարծենկոտ։

Սակայն, մեր Երկնային Հոր ուղերձները զարմանալիորեն տարբերվում են: Նա հաղորդակցվում է պարզ, հանգիստ և այնպես հստակ, որ մենք չենք կարող չհասկանալ Նրան։ («Լսիր Նրան», Լիահոնա, մայիս 2020, 89)

Լրացուցիչ ուսումնական վարժություններ

Տեսանյութի ընդլայնված ընտրանքներ

Ուսանողների համար օգտակար կլինի լսել, թե ինչպես է երեց Բեդնարը նկարագրում այն, ինչ նա և իր կինը նկատել վագրակատուների որսի օրինաչափությունների վերաբերյալ Աֆրիկա կատարած այցի ժամանակ: Կարող եք դիտել «Շարունակ արթուն լինեք աղոթքում» տեսանյութի ավելի երկար հատվածը՝ 2:13-ից 6:07-ը, որտեղ ներկայացված են նրա փորձառությունները:

15:59

«Խավարը՝ լույսի տեղ … դառը՝ քաղցրի տեղ» (Եսայի 5․20)

Քանի որ ոչ բոլոր ուսանողները կարող են հեշտությամբ անվանել գործողությունը կամ գաղափարը բարի կամ չար, կարող եք զրույցի համար ժամանակ հատկացնել այն բանից հետո, երբ կբացահայտեք թավագիր ճշմարտությունը Եսայու բերած լրացուցիչ օրինակների վերաբերյալ․ խավար և լույս, դառը և քաղցր:

Որո՞նք են հոգևորապես վտանգավոր գործողությունների և գաղափարների լրացուցիչ օրինակները, «որոնք խավարը լույսի տեղ են դնում և լույսը՝ խավարի, որոնք դառը դնում են քաղցրի տեղ և քաղցրը՝ դառի» (Եսայի 5․20)։

Թեև ուսանողները ոչ միշտ կարող են երաժշտության որոշակի ընտրությունը կամ որևէ մեկին ծաղրելն անվանել չարիք, նրանք կարող են խոսել այն մասին, թե ինչպես երաժշտության որոշակի ընտրությունը կարող է ավելացնել խավարը կամ լույսը, կամ ինչպես մեր վերաբերմունքն այլ մարդկանց նկատմամբ կարող է առաջացնել դառը կամ քաղցր փորձառություններ:

Ինչպես տարբերել վստահելի և ոչ վստահելի աղբյուրները

Սատանայի խաբեությունները ճանաչելու եղանակներից մեկը՝ վստահելի և անվստահելի աղբյուրներն իրարից տարբերելն է։ Օգնեք ուսանողներին սովորել, թե ինչպես դա անել՝ օգտագործելով «Microtraining 3: How to Assess the Reliability of Sources» բաժնի նյութը, որը կարելի է գտնել ինստիտուտի Answering My Gospel Questions Teacher Material դասընթացում։ Կամ կարող եք օգտագործել վստահելի աղբյուրների հետ խորհրդակցելու մասին նյութը, որը կարելի է գտնել «Փնտրել ձեր հարցերի պատասխանները» աղբյուրում Gospel Library հավելվածի Թեմաներ և հարցեր բաժնում։

Եսայի 6․ Փոփոխություն Հիսուս Քրիստոսի և Նրա Քավության միջոցով

Կարող եք ուսուցանել Հիսուս Քրիստոսի մասին Եսայի 6 բաժնում օգտագործված խորհրդանիշների միջոցով։ Կարող եք ցուցադրել մի զույգ նկար, որտեղ պատկերված են պահեր իրադարձությունից առաջ և հետո, օրինակ՝ մեքենայի պատկերը մեքենան լվանալուց առաջ և հետո:

Ամփոփ ներկայացրեք Եսայի 6․1–4 հատվածները՝ բացատրելով, որ Եսային տեսիլք էր ունեցել, որտեղ նա կանգնած էր Տիրոջ առջև: Եսային փորձել էր նկարագրել այն զորությունն ու փառքը, որը նա զգացել էր Աստծո ներկայության մեջ:

Ուսանողներին առաջարկեք կարդալ Եսայի 6․5 հատվածը և փնտրել, թե ինչ էր Եսային զգում Տիրոջ ներկայության մեջ:

Ինչպես կարող եք ունենալ նույն զգացումը, որն ուներ Եսային։

Ապա ուսանողները կարող են ուսումնասիրել Եսայի 6․6–10 հատվածները՝ փնտրելով պատկերներ և արտահայտություններ, որոնք ուսուցանում են այն մասին, թե ինչպես ենք մենք փոխվել Հիսուս Քրիստոսի և Նրա Քավության միջոցով: Նրանք կարող են նշել, թե ինչպես է զոհասեղանը հիշեցնում մեզ Հիսուս Քրիստոսի զոհաբերության մասին (տես հատված 6), ինչպես է շուրթերը մաքրելը հիշեցնում մեզ Հիսուս Քրիստոսի մաքրագործող զորության մասին (տես հատված 7) կամ ինչպես է Եսայու պատասխանը հատված 8-ում հիշեցնում մեզ Հիսուս Քրիստոսի՝ Երկնային Հորը տված պատասխանը նախաերկրային գոյության մեջ (տես Աբրահամ 3․27)։

Երբ ուսանողները կիսվեն իրենց բացահայտածով, օգնեք նրանց նշել հետևյալ ճշմարտությունը․ Հիսուս Քրիստոսի և Նրա Քավության միջոցով, ես կարող եմ փոխվել և մաքուր դառնալ:

Ինչպե՞ս կարող է Եսայու փորձառությունը Հիսուս Քրիստոսի և Նրա Քավության հետ հույս տալ այն մարդուն, որը կարող է իրեն անարժան կամ ոչ համապատասխան զգալ:
Առանց խիստ անձնական որևէ բանով կիսվելու, պատմեք, թե ինչպե՞ս եք փոխվել Հիսուս Քրիստոսի և Նրա Քավության միջոցով:

Օգնեք ուսանողներին տեսնել, թե ինչպես կարող է Հիսուս Քրիստոսի քավիչ զորության անձնական զգացողությունը մեծացնել Նրա կամքը կատարելու մեր ցանկությունը: Ուսանողները կարող են հակադրել հատված 5-ում նկարագրված Եսայու սկզբնական զգացողությունը («Վայ ինձ, ես կորած եմ») հատված 8-ում նկարագրված Տիրոջ հրավերի նրա պատասխանին («Ահավասիկ ես, ինձ ուղարկիր»)։ Ուսանողները կարող են կիսվել, թե ինչու է Հիսուս Քրիստոսի քավիչ զորության զգացողությունը մեծացնում Նրա կամքը կատարելու մեր ցանկությունը կամ նրանք կարող են կիսվել սուրբ գրությունների կամ իրենց ծանոթ մարդկանց օրինակներով, որոնք ցույց են տալիս այս ցանկության փոփոխությունը: