Եսայի 1

Հիշեք այն դեպքերի մասին, երբ ձեր հագուստի վրա կային բծեր, որոնք չէին մաքրվում:

• Ինչպե՞ս կարող են մեր մեղքերը համեմատվել այդ բծերի հետ:

• Ի՞նչ պատճառներով մարդիկ կարող են մտածել, որ չեն կարող մաքրվել իրենց մեղքերից:

Մտածեք, թե ստորև բերված պնդումներից ո՞րն է ամենից շատ վերաբերում ձեզ: Հարցրեք ինքներդ ձեզ, թե ինչու եք այդպես մտածում:

• Ես վստահ եմ, որ Փրկիչը կարող է մաքրել ինձ իմ բոլոր մեղքերից:

• Ես հավատում եմ, որ Փրկիչը կարող է մաքրել ինձ իմ որոշ մեղքերից, բայց ոչ բոլորից:

• Ես հավատում եմ, որ Փրկիչը կարող է մաքրել այլ մարդկանց մեղքերը, բայց ոչ իմը:

• Ես չեմ հավատում, որ Փրկիչը կարող է մաքրել մեղքերը:

Սուրբ Հոգու բազմաթիվ դերերից մեկն է՝ վկայել Հիսուս Քրիստոսի մասին (տես 3 Նեփի 28.11): Եսայի 1 գլուխն ուսումնասիրելիս ուշադրություն դարձրեք, թե Երկնային Հայրը ինչ կկամենար, որ սովորեք Հիսուս Քրիստոսի և մեղքերը մաքրելու Նրա զորության մասին Սուրբ Հոգու միջոցով:

Կարդացեք Եսայի 1․2–4 հատվածները՝ ուշադրություն դարձնելով իսրայելացիների հոգևոր վիճակի վրա:

Եսայու ուսմունքներն ուսումնասիրելիս օգտակար կլինի հասկանալ, որ նա հաճախ Տիրոջ խոսքերը գրի է առել բանաստեղծական եղանակով, որը կոչվում է զուգահեռություն։ Զուգահեռությունն առաջանում է, երբ գրողն արտահայտում է որևէ միտք, այնուհետև կրկնում կամ հակադրում է այն՝ օգտագործելով այլ բառեր: Օրինակ՝ հատված 2-ում գտեք զուգահեռությանը վերաբերող արտահայտություններ։

Իր ուսմունքները ներկայացնելու համար Եսային օգտագործել է նաև պատկերներ։ Օրինակ՝ կարդացեք հատված 3-ը՝ փնտրելով այն պատկերները, որոնք Եսային օգտագործել է՝ իսրայելացիներին ուսուցանելու համար:

Տերը նախազգուշացրել է իսրայելացիներին, որ նրանց մեղքերը բացասական են ազդում իրենց վրա (տես Եսայի 1․5–9)։ Նա նաև բացատրել է, որ Ինքը գոհ չի նրանց կատարած կրոնական զոհաբերություններից, քանի որ դրանք անկեղծ չէին մատուցվում (տես Եսայի 1․10–15)։

Կարդացեք Եսայի 1.16–17 հատվածը՝ փնտրելով մարդկանց ուղղված Տիրոջ հրավերները:

• Ի՞նչ էր Տերը նրանց հրավիրում անել:

Կարդացեք Եսայի 1․18 հատվածը՝ փնտրելով Տիրոջ խոստումները մեզ, եթե ապաշխարենք: Նշեք, որ այս խոստումը ցույց տալու համար Եսային օգտագործել է և զուգահեռականությունը, և պատկերավորումը:

• Ի՞նչ կարող են մեզ ուսուցանել կարմիր և ծիրանի գույների պատկերավորումները մեղքի մասին:

Նախկինում Սփոփող միության գերագույն նախագահությունից քույր Շերոն Յուբենկը բացատրել է.

11:29

Հին Կտակարանի կարմիր ներկը ոչ միայն վառ էր, այլ նաև գունակայուն, որը նշանակում է, որ իր վառ գույնը տալիս էր բրդին և չէր գունաթափվում՝ անկախ նրանից, թե քանի անգամ էր այն լվացվում: Սատանան այս պատճառաբանությունն օգտագործում է մահակի նման. կարմիրից ներկված ճերմակ բուրդը երբեք չի կարող ճերմակ դառնալ: Բայց Հիսուս Քրիստոսը հայտարարում է. «Բարձր [են] իմ ճանապարհները ձեր ճանապարհներիցը», և նրա շնորհի հրաշքն այն է, որ երբ մենք ապաշխարում ենք մեր մեղքերից, Նրա կարմիր արյունը վերադարձնում է մեզ դեպի մաքրություն: Տրամաբանական չէ, բայց, այնուամենայնիվ, ճշմարիտ է: («Christ: The Light That Shines in Darkness», Լիահոնա, մայիս 2019, 75)

• Ի՞նչ կարող են մեզ ուսուցանել ձյան և բրդի նկարները Փրկչի խոստման մասին, երբ ապաշխարում ենք:

• Ինչպե՞ս կարող եք ամփոփ ներկայացնել հատվածներ 16–18-ը՝ որպես պնդում ճշմարտության մասին։

Կարդացեք Ալմա 7․13–14 և Վարդապետություն և Ուխտեր 19.16–19 հատվածները՝ փնտրելով, թե ինչ ապրումներ է ունեցել Փրկիչը, որպեսզի դուք կարողանաք ապաշխարել և մաքրվել ձեր մեղքերից:

• Ի՞նչ գտաք:

• Ի՞նչ սովորեցիք Երկնային Հոր և Հիսուս Քրիստոսի մասին այս հատվածներից, որոնք կարող են օգնել մարդուն ապաշխարել:

  Որպեսզի օգնեք ուսանողներին հասկանալ, որ իրենք կարող են մաքրվել Փրկչի օգնությամբ, ցուցադրեք հետևյալ տեսանյութը․ «There Is No Limit to God’s Love» (0:00-4:54)։ Այդ տեսանյութը հասանելի է ChurchofJesusChrist.org կայքում: Ուսանողները կարող են խորհել, թե տեսանյութում ներկայացված աղջիկն ինչ էր զգում իր գործած մեղքերի և Եսայի 1․18 հատվածում ուսուցանվող ճշմարտության ապացույցների պատճառով: Ապա կարող եք առաջարկել ուանողներին կիսվել իրենց գտածով:

  

  5:37

  Սուրբ Հոգուն հրավիրելու եղանակներից մեկն է՝ հնարավորություն տալ ուսանողներին կիսվել իրենց զգացմունքներով, վկայություններով և փորձառություններով: Հետևյալ հարցը եղանակներից մեկն է, որով ուսանողները կարող են դա անել։ Ուսանողներին առաջարկեք պատասխանել հարցին նախ իրենց օրագրում, ապա պատրաստակամ ուսանողները կարող են իրենց գրածով կիսվել դասարանի հետ: Երբ ուսանողները կիսվեն, հիշեցրեք նրանց, որ չկիսվեն որևէ անունով կամ խիստ անձնական որևէ բանով:

• Ինչպիսի՞ զգացողություն եք ունեցել Հիսուս Քրիստոսի և ձեզ մեղքից մաքրելու Նրա կարողության մասին: