“Isaias 1–12: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Isaias 1–12: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Isaias 1–12
Isaias 1–12
Kinatibuk-ang Pagpasabot
Ang Manluluwas mipahayag nga, “mahinungdanon ang mga pulong ni Isaias” (3 Nephi 23:1) ug mimando kanato nga makugihong pangitaon ang iyang mga propesiya. Importante kaayo ang mga propesiya ni Isaias nga mas kadaghan siyang gikutlo sa katibuk-ang mga kasulatan kay sa ubang propeta. Daghan sa mga propesiya ni Isaias nagpunting sa Mesiyas ug sa Pagpahiuli sa Israel sa ulahing mga adlaw. Pinaagi ni Isaias, misaad ang Ginoo nga “bisan pa ang inyong mga sala mapula,sila papution ingon nga niyebe” (Isaias 1:18). Mipahimangno usab siya sa panahon dihang ang mga tawo “nagngalan sa daotan nga maayo ug sa maayo nga daotan” (Isaiah 5:20). Nakat-onan usab nato nga misaad nga “magatindog og usa ka bandila alang sa mga nasod” (Isaias 11:12) aron tapokon ang nagkatibulaag nga Israel.
Higugmaa ang imong mga gitudloan—Tinguhaa ang pagklaro ug pagsabot sa tinuod nga motibo sa mga pangutana, mga pagbati, mga gituohan sa mga estudyante. Usa ka paagi sa paghigugma niadtong imong mga gitudloan mao ang pagtinguha nga masabtan ang ilang mga kahimtang ug mga panginahanglan. Samtang mangutana ug mokomento ang mga estudyante, tinguhaa ang pagklaro ug pagsabot sa ilang mga pagbati ug mga gituohan ug ang tinuod nga katuyoan sa ilang mga pangutana. Human mangutana o mokomento ang mga estudyante, pasalamati sila ug pangutan-a kon gusto ba silang motubag og pipila ka pangutana. Dayon pwede kang mangutana aron masabtan ang tinuod nga katuyoan sa ilang pangutana o komento.
Para sa dugang pagbansay kon unsaon pagtinguha nga maklaro ug masabtan ang tinuod nga katuyoan sa mga pangutana, mga pagbati, ug mga gituohan sa mga estudyante, tan-awa ang: “Tinguhaa nga makaila kanila—sabta ang ilang mga sirkumstansiya, mga panginahanglan, ug mga kalig-on,” diha sa Pagpalambo sa mga Kahanas sa Magtutudlo.
Alang sa dugang pa kon giunsa kini paghimo sa Manluluwas, tan-awa sa “Nakaila Kanato ang Manluluwas ug Nakasabot sa Atong mga Kahimtang, mga Panginahanglan, ug mga Kalig-on,” Pagtudlo Sumala sa Pamaagi sa Manluluwas (2022), 13. (Para sa dugang pagbansay sa pagpaniid ug pagpangutana sa mga interes sa mga estudyante, tan-awa sa “Tinguhaa nga makaila kanila—sabta ang ilang mga sirkumstansiya, mga panginahanglan, ug mga kalig-on.”)
Pangandam sa Pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
Pasiuna sa Isaias
Katuyoan sa leksiyon: Aron tabangan ang mga estudyante nga madasig sa pagkat-on bahin kang Jesukristo pinaagi sa pagtuon sa Isaias.
-
Pagpangandam sa estudyante: ikonsiderar ang pagdapit sa mga estudyante nga motambong sa klase nga andam ipakigbahin ang importanteng kamatuoran bahin sa Isaias. Pwede nilang tan-awon ang Isaias diha sa Giya ngadto sa mga Kasulatan.
-
Sulod nga ipakita: Mga pamahayag bahin sa pag-awhag nga basahon ang usa ka basahon; ang infographic nga “The Kingdoms of Israel and Judah at a Glance;” usa ka diagram diin isulat sa mga estudyante ang ilang nakat-onan bahin sa mga ngalan ug mga titulo ni Jesukristo; mga hulagway ni Jesukristo
Isaias 1
Katuyoan sa leksiyon: Aron tabangan ang mga estudyante nga mosalig nga ang Manluluwas makahimo sa paglimpyo sa ilang mga sala.
-
Pagpangandam sa estudyante: Dapita ang mga estudyante nga basahon ang tudling sa doktrinal nga kahanas sa Isaias 1:18 ug pangitaon ang ilustrasyon nga gigamit ni Isaias. Dasiga ang mga estudyante sa pagpamalandong ug pagpangandam sa pagpakigbahin sa kahulogan sa tudling para nila. Pwede usab magpraktis ang mga estudyante sa pagsag-ulo sa importanteng hugpong sa mga pulong sa kasualtan nga: “bisan pa ang inyong mga sala mapula, sila pagapution ingon sa niyebe” (Isaias 1:18).
-
Sulod nga ipakita: Usa ka imahe sa sinina nga naay mantsa; mga hulagway sa dagtom-pula, hayag-pula, niyebe, ug balhibo sa karnero; ang pangutana aron pamalandongan sa mga estudyante ang ilang pagbati bahin sa paglimpyo sa sala
-
Mga bidyo: “Kristo: Ang Kahayag nga Nagdan-ag sa Kangitngit” (11:29) gikan sa time code 6:56 hangtod 7:42; “There Is No Limit to God’s Love” (5:38) gikan sa time code 0:00 hangtod 4:54
Isaias 5
Katuyoan sa leksiyon: Aron tabangan ang mga estudyante nga molambo ang ilang katakos sa pag-ila sa maayo ug daotan.
-
Pagpangandam sa estudyante: Dapita ang mga estudyante nga motambong sa klase nga andam sa pagpakigbahin og ehemplo sa usa ka butang nga dili peligroso, o maayo pa gani, nga sa kataposan mailhan nga makadaot.
-
Mga aytem nga andamon: Mga kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022)
-
Sulod nga ipakita: usa ka imahe sa camouflaged cheetah; pamahayag gikan kang Elder David A. Bednar; mga instruksiyon sa pagtuon sa kalihokan gamit ang Alang sa Kalig-on sa mga Kabatan-onan: Usa ka Giya sa Paghimo og mga Pagpili; journal nga pangutana sa kataposan sa leksiyon
-
Bidyo: “Magmabinantayon ngadto sa Pag-ampo Kanunay” (15:59) gikan sa time code 5:24 hangtod 6:07
Isaias 11–12
Katuyoan sa leksiyon: Aron tabangan ang mga estudyante nga mas madasig sila nga mopakigbahin sa ebanghelyo ngadto sa uban.
-
Pagpangandam sa estudyante: Ikonsiderar ang paghatag sa matag estudyante og duha sa pangutana sa pagtimbangtimbang sa kaugalingon nga gikan sa sinugdanan sa leksiyon ug pagdapit nila sa pagpamalandong kon unsaon nila kini pagtubag.
-
Sulod nga ipakita: Imahe sa punuan, mga gamot, ug turok sa usa ka kahoy; mga instruksiyon kon unsaon paggamit ang handout
-
Bidyo: Usa sa mosunod nga mga istorya gikan kang Gary E. Stevenson, “Paghigugma, Pagpaambit, Pagdapit,” Liahona, Mayo 2022:
-
Brother Wisan (pahina 86 o time code 5:40–7:06)
-
Mayra (pahina 86 o time code 8:33–9:42)
-
-
Handout: “Usa ka Bandila alang sa mga nasod”