Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 1: “Bisan pa ang Inyong mga Sala Mapula, Sila Pagapution Ingon sa [Niyebe]”

“Isaias 1: ‘Bisan pa ang Inyong mga Sala Mapula, Sila Pagapution Ingon sa [Niyebe],’” Manwal sa Magtutudlo sa Seminary sa Daang Tugon (2026)

“Isaias 1: ‘Bisan pa ang Inyong mga Sala Mapula, Sila Pagapution Ingon sa [Niyebe],’” Manwal sa Magtutudlo sa Seminary sa Daang Tugon

Isaias 1–12: Leksiyon 114

Isaias 1

“Bisan pa ang Inyong mga Sala Mapula, Sila Pagapution Ingon sa [Niyebe]”

Bisan pa og kitang tanan nakasala ug nagkinahanglan og pagpasaylo, usahay magtuo kita nga dili na kita mapasaylo. Klaro ang mensahe sa atong Manluluwas: “bisan pa ang inyong mga sala mapula, sila pagapution ingon sa niyebe” (Isaias 1:18). Kini nga leksiyon makatabang sa mga estudyante nga mosalig nga ang Manluluwas makahimo sa paglimpyo sa ilang mga sala.

Pagpangandam sa estudyante: Dapita ang mga estudyante nga basahon ang tudling sa doktrinal nga kahanas sa Isaias 1:18 ug pangitaon ang ilustrasyon nga gigamit ni Isaias. Dasiga ang mga estudyante sa pagpamalandong ug pagpangandam sa pagpakigbahin sa kahulogan sa tudling para nila. Pwede usab magpraktis ang mga estudyante sa pagsag-ulo sa importanteng hugpong sa mga pulong sa kasualtan nga: “bisan pa ang inyong mga sala mapula, sila pagapution ingon sa niyebe” (Isaias 1:18).

Posibleng mga Kalihokan sa Pagkat-on

Ang mantsa sa sala

Ionsiderar ang pagsugod sa klase pinaagi sa pagpakita sa mosunod nga hulagway o sa usa ka tela nga naay mansa.

Stain spot on the clothes, white t-shirt

Hunahunaa ang panahon dihang naay mansa ang imong sinina nga dili gyod matangtang.

Sa unsang paagi ang atong mga sala nahisama sa mga mansa?
Unsa ang pipila ka rason nga maghunahuna tingali ang mga tawo nga dili na sila malimpyo sa ilang mga sala?

Pwede nimong ipakita ang mosunod nga pangutana, aron makapamalandong ang mga estudyante sa ilang mga pagbati.

Pamalandongi kon hain sa mosunod nga mga pamahayag ang parehas sa imong gibati. Pwede nimong pangutan-on ang imong kaugalingon kon nganong kanay imong gibati.

Masaligon ko nga makalimpyo ang Manluluwas sa akong mga sala.
Ako nagtuo nga molimpyo ang Manluluwas sa pipila sa akong mga sala, pero dili ang tanan.
Motuo ko nga makalimpyo ang Manluluwas sa mga sala ubang tawo, pero dili ang akoa.
Dili ko motuo nga makalimpyo ang Manluluwas sa mga sala.

Usa sa daghang tahas sa Espiritu Santo mao ang pagpamatuod kang Jesukristo (tan-awa sa 3 Nephi 28:11). Samtang imong tun-an ang Isaias 1, hatagi og pagtagad kon unsay gusto sa Langitnong Amahan nga makat-onan nimo pinaagi sa Espiritu Santo bahin kang Jesukristo ug sa Iyang gahom sa paglimpyo sa mga sala.

Usa ka makasasalang nasod

Basaha ang Isaias 1:2–4, nga pangitaon ang espirituwal nga kahimtang sa mga Israelita.

Dapita ang mga estudyante sa pag-report sa ilang nakaplagan.

Makatabang ang mosunod nga makakat-on ang mga estudyante og importanteng kahanas sa pagtuon sa Isaias.

Samtang imong tun-an ang mga pagtulun-an ni Isaias, makatabang nga masabtan nga sagad niyang irekord ang mga pulong sa Ginoo gamit ang usa ka klase sa balak nga gitawag og paralelismo. Mahitabo ang paralelismo dihang ipahayag sa usa ka magsusulat ang usa ka ideya ug dayon sublion o itandi ang mga ideya gamit ang laing mga pulong. Pananglitan, pangitaa ang susamang hugpong sa mga pulong diha sa bersikulo 2.

Matabangan nimo ang mga estudyante sa pag-ila sa gitapo nga hugpong sa mga pulong nga “Pamati, O kalangitan” ug “patalinghog, O yuta” (Isaias 1:2). Usa ni ka ehemplo sa parallelism.

Migamit sab si Isaias og ipaghulagway aron ipakita ang iyang mga pagtulun-an. Pananglitan, basaha ang bersikulo 3, nga pangitaon ang lainlaing hulagway nga gigamit ni Isaias aron tudloan ang mga Israelita.

Pwede nimong hangyoon ang mga estudyante kon unsay gitudlo sa mga Israelita gamit ang mga hulagway sa baka ug asno. Kon kinahanglan, ipasabot nga dili parehas sa baka ug asno, wala mailhi sa mga Israelita ang ilang Agalon.

Ikonsiderar ang pag-summarize sa bersikulo 5–15 pinaagi sa pagpakigbahin sa mosunod nga parapo.

Gipasidan-an sa Ginoo ang mga Israelita nga adunay negatibong epekto kanila ang ilang mga sala (tan-awa sa Isaias 1:5–9). Gipasabot usab Niya nga wala Siya malipay sa ilang relihiyosong mga kalihokan sa pagsimba kay dili kinasingkasing ang pagtanyag niini (tan-awa sa Isaias 1:10–15).

Gikan sa dagtom-pula ngadto sa puti

Basaha ang Isaias 1:16–17, nga pangitaon ang pagdapit sa Ginoo ngadto sa katawhan.

Unsay gidapit sa Ginoo nga ilang buhaton?

Basaha ang Isaias 1:18, nga pangitaon ang saad sa Ginoo kon maghinulsol kita. Palihog timan-i nga migamit si Isaias og paralelismo ug paghulagway aron ipasiugda kini nga saad.

Ang Isaias 1:18 usa ka tudling sa doktrinal nga kahanas. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra kini nilang makit-an.

Aron tabangan ang mga estudyante nga mas masabtan ang paghulagway nga gigamit sa bersikulo 18, ikonsiderar ang pagpakita sa mosunod nga mga hulagway.

Unsay gitudlo kanato sa mga hulagway sa dagtom-pula ug hayag pula bahin sa sala?

Si Sister Sharon Eubank, kanhi sa Kinatibuk-ang Kapangulohan sa Relief Society, mipaasbot:

11:29

Ang pula nga tina sa Karaang Tugon dili lamang mabulukon kon dili molungtad usab, buot ipasabut nga ang iyang lab-as nga bulok mopilit sa delana [wool] ug dili mapusgaw bisan kapila pa kini labhan. Si Satanas migamit niini nga pagkumparar aron mobati kita nga dili na mapasaylo: ang puti nga delana nga namansahan og pula dili na mabalik sa pagkaputi. Apan si Jesukristo mipahayag, “Ang akong mga dalan [kay] labi pang hataas kay sa inyong mga dalan,”ug ang milagro sa Iyang grasya mao nga kon kita maghinulsol sa atong mga sala, ang Iyang pula nga dugo mopabalik nato ngadto sa kaputli. Dili kini lohikal, apan bisan niana may kamatuoran. (“Kristo: Ang Kahayag nga Nagdan-ag taliwala sa Kangitngit,” Liahona, Mayo 2019, 75)

Unsay gitudlo kanato sa hulagway sa niyebe ug balhibo sa karnero bahin sa saad sa Manluluwas kon maghinulsol kita?
Unsaon nimo pag-summarize ang bersikulo 16–18 ngadto sa usa ka pamahayag sa kamatuoran?

Bisan og mogamit og lainlaing pulong ang mga estudyante, tabangi sila sa pag-ila sa mosunod nga kamatuoran: Kon kinasingkasing kitang maghinulsol, limpyohan ni Jesukristo ang atong mga sala.

Mao kana ang gisinati sa Manluluwas aron makahinulsol kita

Ang mosunod nga mga kasulatan makatabang sa mga estudyante nga mamalandong sa nasinati sa Manluluwas aron malimpyohan sila sa ilang mga sala. Ikonsiderar ang pagpares-pare sa mga estudyante. Pwedeng basahon sa matag pares ang mosunod nga mga kasulatan ug hisgotan ang ilang nakat-onan. Makatabang tingali ang kauban nga mga pangutana. Dayon pwede kining ipakigbahin sa andam nga mga estudyante ngadto sa klase.

Basaha ang Alma 7:13–14 ug ang Doktrina ug mga Pakigsaad 19:16–19, nga pangitaon kon unsay nasinati sa Manluluwas aron makahinulsol ka ug malimpyohan sa imong mga sala.

Unsay imong nakaplagan?
Unsay imong nakat-onan bahin sa Langitnong Amahan ug kang Jesukristo gikan niini nga mga bersikulo nga makatabang sa usa ka tawo nga mopili sa paghinulsol?

Aron tabangan ang mga estudyante nga mabati nga malimpyohan sila sa Manluluwas, ikonsiderar ang pagpasalida og bidyo, sama sa “There Is No Limit to God’s Love” (gikan sa time code 0:00 hangtod 4:54). Kini nga bidyo anaa sa ChurchofJesusChrist.org. Pwedeng pamalandongan sa mga estudyante ang gibati sa babaye diha sa bidyo tungod sa iyang mga sala ug ang ebidensiya sa kamatuoran nga gitudlo sa Isaias 1:18. Dayon pwedeng nimong dapiton ang mga estudyante sa pagpakigbahin sa ilang nakaplagan.

5:37

Ang usa ka paagi sa pagdapit sa Espiritu Santo mao ang paghatag og higayon sa mga estudyante nga ipakigbahin ang ilang mga pagbati, mga pagpamatuod, ug mga kasinatian. Ang mosunod nga pangutana maoy usa ka paagi nga mahimo kini sa mga estudyante. Ikonsiderar ang pagdapit sa mga estudyante nga mosanong sa una sa pangutana diha sa ilang journal, ug dayon pwedeng ipakigbahin sa andam nga mga estudyante ang ilang gisulat ngadto sa klase. Samtang mopakigbahin ang mga estudyante, pahinumdomi sila nga dili ipakigbahin ang mga ngalan o ang bisan unsa nga personal ra kaayo.
Unsay imong gibati bahin kang Jesukristo ug sa Iyang katakos sa paglimpyo sa imong mga sala?

Ikonsiderar ang pagtapos pinaagi sa imong mga pagbati sa Manluluwas ug sa Iyang gahom sa paglimpyo nato dihang maghinulsol tkia.

Pagsag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon pagrebyo niini sa umaabot nga mga leksiyon. Ang importanteng hugpong sa mga pulong sa kasulatan para sa Isaias 1:18 mao ang “Bisan pa ang inyong mga sala mapula, sila pagapution ingon sa [niyebe].” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Unsay makatabang nako sa paghinulsol?

Si Presidente Dieter F. Uchtdorf, nga kanhi sakop sa Unang Kapangulohan, mipasabot:

19:7

Dili igsapayan unsa ka kalayo kaayo gikan sa imong tumong, dili ig-sapayan unsa ka kalayo pagkahisalaag, ang pamaaagi sa pagbalik sigurado ug tataw. Duol, pagkat-on kabahin sa Amahan; paghalad og usa ka masulob-on nga kasingkasing ug mapai-nubsanon nga espiritu. Pagbaton og hugot nga pagtuo, ug tuhoi ang makalimpyo nga gahum sa walay kinutuban nga Pag-ula ni Jesukristo. Kon kita mokumpisal ug maghinulsol sa atong mga sala, ang Dios matinud-anon ug makatarunganon nga mopasaylo ug mohugas kanato gikan sa tanan nga dili matarung. ““Bisag unsa kapula ang inyong sala, [mahimo] kini nga maputi sama sa yelo.” (“Ang Kalainan sa Gamay nga mga Sayop,” Liahona, Mayo 2008, 60)

Unsa kaha kon naglisod ko og pasaylo sa akong kaugalingon?

Si Brother Tad R. Callister, kanhi naserbisyo ingon nga Kinatibuk-ang Presidente sa Sunday School, mitudlo:

11:46

Dihay okasyon, nakahimamat ko og buotan nga mga Santos kinsa naglisod sa pagpasaylo sa ilang kaugalingon, kinsa inosente apan sayop nga mibutang og kinutoban sa matubsanong mga gahom sa Manluluwas. Wala tuyoa, ilang giusab ang walay kinutoban nga Pag-ula ngadto sa adunay kinutoban nga sa usa ka paagi dili makatabang sa ilang piho nga sala o kahuyang. Apan kini usa ka walay kinutoban nga Pag-ula [sa bahin] tungod kay kini naglakip ug naglangkob sa matag sala ug kahuyang, ingon man usab sa matag abuso o kasakit nga nahimo sa uban. (“Ang Pag-ula ni Jesukristo,” Liahona, Mayo 2019, 86)

Sa unsang paagi ang paghinulsol magpanalangin sa akong kinabuhi?

Si Presidente Russell M. Nelson mipakigbahin:

14:57

Sinatia ang makapalig-on nga gahom sa matag-adlaw nga paghinulsol—sa pagbuhat ug mahimong mas maayo sa matag adlaw.

Kon kita mopili nga maghinulsol, kita mopili nga mag-usab! Atong gitugotan ang Manluluwas nga mousab kanato ngadto sa labing maayo nga bersiyon sa atong mga kaugalingon. Kita mopili nga molambo sa espirituhanon nga paagi ug makadawat sa hingpit nga kalipay—ang hingpit nga kalipay sa katubsanan diha Kaniya. Kon kita mopili nga maghinulsol, kita mopili nga mas mahisama ni Jesukristo! (“Kita Makabuhat og Mas Maayo pa ug Mahimong mas Maayo,” Liahona, Mayo 2019, 67)

Dugang nga mga Kalihokan sa Pagkat-on

Pagtudlo sa mga estudyante kon unsaon paghinulsol

Aron matabangan ang mga estudyante nga masabtan kon unsaon nila paghinulsol, ikonsiderar ang paggamit sa artikulo nga “Unsaon sa Paghinulsol nga Tinuoray.” Apil niini nga artikulo ang mga pagtulun-an gikan ni Elder D. Todd Christofferson sa Korum sa Napulog Duha ka Apostoles. Pwede nimong dasigon ang mga estudyante nga rebyohon ang mga baroganan nga gitudlo ni Elder Christofferson ug dapiton sila nga tudloan ang usag usa kon unsay ilang nakat-onan bahin sa kon sa unsang paagi kita maghinulsol.

Kapilian nga bidyo

Ikonsiderar ang pagpasalida sa bidyo nga “Kanunay nga Adunay Paagi nga Makabalik” (2:21) ingon nga kapuli sa bidyo sa seksiyong “Kon unsay gisinati sa Manluluwas aron makahinulsol kita.” Niini nga bidyo, gihinumdoman ni Elder Neil L. Andersen sa Kurom sa Napulog Duha ka Apostoles ang asoy sa usa ka bishop ug usa ka kriminal nga dungan nga nakakat-on nga walay dili maabot sa gugma sa Langitnong Amahan ug ni Jesukristo. Samtang magtan-aw ang mga estudyante, pwede nimo silang dapiton nga pangitaon kon unsay makatabang nila nga mas mosalig sa katakos sa Manluluwas sa paglimpyo sa atong mga sala.

1:26

Isaias 1:10–15: Mga halad nga walay kapuslanan

Aron matabangan ang mga estudyante nga masabtan ang kaimportante sa pagsimba sa Ginoo uban ang sinserong kasingkasing, ikonsiderar ang pagdala og tasa o baso nga limpyo sa gawas pero hugaw sa sulod. Pwede nimong pangutan-on ang mga estudyante kon moinom ba sila gamit ni nga baso. Ipasabot nga ang baso nagrepresentar sa mga Israelita.

Dayon dapita ang mga estudyante nga basahon ang Isaias 1:11–15 ug pangitaon kon unsay gibati sa Ginoo bahin sa mga halad sa mga Israelita. Mahimo nimong ipasabot nga ang “mga obligasyon” sa bersikulo 13 nagpasabot nga mga halad.

Dayon ipangutana ang mosunod:

Sa imong hunahuna, nganong wala dawata sa Ginoo ang ilang mga halad?
Sa unsang paagi kini nga mga leksiyon konektado sa leksiyon nga naggamit og butang?
Unsay imong nakat-onan gikan niini nga mga bersikulo bahin sa pagsimba sa Dios?

Pwede nimong tabangan ang mga estudyante nga mailhan ang mosunod nga kamatuoran: Ang atong panggawas nga mga buhat sa debosyon ngadto sa Dios mas makahuloganon ngadto Kaniya kon ang atong mga motibo putli.

Pwedeng pamalandongan sa mga estudyante ang kaugalingon nilang mga motibo samtang nagpakitag buhat sa debosyon ngadto sa Ginoo.

Isaias 2:1–5: Ang Bukid diin Nahimutang ang balay sa Ginoo

Kon para nimo makabenepisyo ang mga estudyante gikan sa pagtuon sa usa ka panagna bahin sa balay sa Ginoo, ikonsiderar ang pagtudlo sa Isaias 2:1–5. Pahinumdomi ang mga estudyante nga sagad magtudlo si Isaias gamit ang paghulagway. Dayon dapita ang mga estudyante nga idrowing ang gihulagway ni Isaias diha sa Isaias 2:1–5. Human ang igo nga panahon, dapita sila sa pagpasabot sa ilang hulagway ngadto sa lain nga estudyante. Dayon ipangutana ang mosunod:

Sa unsang paagi ang hugpong sa mga pulong nga “ang bukid sa balay sa Ginoo” (Isaias 2:2) mahimong simbolo para sa templo?
Unsa ang gisaad nga mga panalangin sa pagtambong sa templo?

Tabangi ang mga estudyante nga mailhan ang mosunod nga baroganan: Samtang motambong kita sa balay sa Ginoo ug motuman sa Ginoo, tudloan kita Niya sa Iyang mga pamaagi. Dayon ikonsiderar ang pagpangutana sa mosunod:

Sa unsang paagi nimo nakita nga natuman ang mga pulong ni Isaias?