Ժողովող

• Ինչպես եմ ես վերաբերվում իմ մարմնին

• Ինչպես եմ ես անցկացնում իմ ազատ ժամանակը

• Ինչպես եմ ես վերաբերվում մարդկանց

Նախագահ Ռասսել Մ. Նելսոնն ուսուցանել է հետևյալը մեր ընտրությունների մասին։

Յուրաքանչյուր արդար ընտրություն, որը դուք կկատարեք այստեղ, հսկայական օգուտ կտա ձեզ այս կյանքում։ Բայց մահկանացու կյանքում կատարած արդար ընտրությունները աներևակայելի օգուտ կտան հավերժական կյանքում։ …

Հակառակորդը, իհարկե, չի ուզում, որ դուք նույնիսկ մտածեք վաղվա օրվա մասին, էլ չեմ խոսում հավերժական կյանքի մասին։ («Ընտրություններ հավերժության համար», [համաշխարհային հոգևոր հավաք չափահաս երիտասարդների համար, մայիսի 15, 2022], Gospel Library)

• Ինչպե՞ս կարող է մեզ վրա ազդել մեր ընտրությունները հավերժության հեռանկարից չդիտարկելը:

Գրեք այն որոշումը, որին դուք այժմ բախվում եք և որը կարող է «աներևակայելի օգուտ տալ հավերժական կյանքում»:

Խորհեք, թե ինչու Երկնային Հայրը կարող է ցանկանալ, որ դուք մտածեք ապագայի մասին՝ այս որոշումը կայացնելիս: Ի՞նչ կարող է տեղի ունենալ, եթե դուք դա չանեք:

Ժողովող գրքի այսօրվա ուսումնասիրության ժամանակ ձգտեք հասկանալ ճշմարտությունները և ստանալ անձնական հայտնություն Տիրոջից, որը կարող է օգնել ձեզ որոշում կայացնել:

Ժողովողի գրքում հեղինակն իրեն անվանել է «Ժողովողը» (Ժողովող 1.1)։ Քարոզիչը հակադրում է աշխարհիկ բաների վրա մեր կյանքը կենտրոնացնելու դատարկությունը և Աստծո հետ հանդիպելուն պատրաստվելու կարևորությունը:

Կարդացեք հետևյալ հատվածները՝ փնտրելով, թե ինչ բացահայտեց Քարոզիչը, երբ ձգտում էր որոշակի բաների, որոնք որոշ մարդկանց կարծիքով կարող են երջանկացնել իրենց ն բավարարություն պարգևել։

• Աշխարհիկ իմաստություն։ Ժողովող 1․13–18

• Ժամանակավոր հաճույքներ և նյութական ունեցվածք։ Ժողովող 2․1, 4–11

• Այս բաներին ձգտելը ինչպե՞ս կարող է ի վերջո թողնել մեզ ունայնության կամ հուսահատության մեջ:

Ժամանակավոր գիտելիքների և ունեցվածքի ձգտելուց հետո Քարոզիչն ավարտում է գիրքը՝ իր քաղած դասերով: Կարդացեք Ժողովող 12․7, 13–14 հատվածները՝ փնտրելով, թե ինչ է նա ուսուցանել, որ կարող է օգնել մեզ պահպանել հավերժության հեռանկարը:

Այդ հեռանկարն այնքան կարևոր է, որ Աստված ոգեշնչել է Իր ծառաներից շատերին՝ ուսուցանելու այն: Խաչաձև հղում կատարեք կամ կապեք Ժողովող 12.7, 13–14 հատվածները Ալմա 34․32 և Մորմոն 3․20, 22 հատվածների հետ։ Կարդացեք այդ հատվածները՝ փնտրելով, թե ինչպես են Ամուղեկը և Մորմոնն ուսուցանել նմանատիպ ուղերձ:

• Ինչպե՞ս կարող եք ամփոփել, թե ինչ են ուսումնասիրում այս հատվածները՝ ճշմարտության մեկ արտահայտությամբ:

  Օգնեք ուսանողներին բացահայտել հետևյալ ճշմարտությունը. Այս կյանքում մեր ընտրություններն են որոշելու, թե որքանով ենք մենք պատրաստ կանգնելու Աստծո առաջ Վերջին Դատաստանի ժամանակ: Երբ ուսանողները պատասխանեն հաջորդ հարցին, կարող եք առաջարկել նրանց փակել իրենց աչքերը և պատկերացնել, թե ինչպես են հանդիպում Աստծուն այս կյանքից հետո: Խրախուսեք նրանց մտածել, թե ինչ գիտեն Աստծո և Նրա հատկանիշների մասին:

• Աստծո ո՞ր հատկանիշներն են եզակիորեն որակավորում Նրան մեր Դատավորը լինելու համար:

Կարդացեք 3 Նեփի 27․16, 19 հատվածները՝ փնտրելով, թե ինչպես կարող ենք պատրաստվել հանդիպելու Հիսուս Քրիստոսին Վերջին Դատաստանի ժամանակ:

• Ինչո՞ւ է կարևոր հասկանալ, որ մենք չենք կարող պատրաստվել Վերջին Դատաստանին առանց Հիսուս Քրիստոսի:

Նախագահ Ռասսել Մ. Նելսոնը վկայել է, որ կարևոր է սկսել՝ «մտքում ունենալով վերջը»։

19:15

Որպես Եկեղեցու նախագահ իմ առաջին ուղերձում ես խրախուսել եմ ձեզ սկսել՝ մտքում ունենալով վերջնական նպատակը։ Սա նշանակում է՝ սելեստիալ թագավորությունը դարձնել ձեր հավերժական նպատակը և այնուհետև ուշադիր խորհել, թե երկրի վրա գտնվելու ժամանակ ձեր յուրաքանչյուր որոշումը որտեղ կտեղավորի ձեզ հաջորդ աշխարհում։ («Ունեցեք սելեստիալ մտածողություն», Լիահոնա, նոյ. 2023, 118)

• Ինչպե՞ս են Հիսուս Քրիստոսի ուսմունքները և օրինակը ցույց տալիս, որ Նա որոշումներ է կայացրել «վերջը մտքում ունենալով»:

Ընտրեք գրատախտակի որոշումներից մեկը և պատասխանեք հետևյալ հարցերին.

• Ի՞նչ որոշումներ կարող է կայացնել այդ մասին դեռահասը, որոնք կազդեն Աստծուն հանդիպելու համար նրա նապատրաստվելու վրա։

• Ի՞նչ եք սովորել Հիսուս Քրիստոսի ավետարանից, որը կարող է օգնել դեռահասին այդ մասին որոշումներ կայացնել:

Պատկերացրեք, որ Վերջին Դատաստանի ժամանակ կանգնած եք Աստծո առջև և լսում եք, որ Նա ասում է ձեզ. «Լավ, բարի ու հավատարիմ ծառա» (Մատթեոս 25.23):

Հիմա պատկերացրեք, որ կանգնելով Աստծո առջև, դուք հնարավորություն ունեք ապագայից հաղորդագրություն ուղարկել ձեր ներկայիս «ես»-ին: Գրեք հաղորդագրություն, որում դուք ապագայից այնպիսի խորհուրդ եք տալիս է ինքներդ ձեզ՝ որը կօգնի ձեզ նախապատրաստվել Վերջին Դատաստանին: Կարող եք ներառել այն, ինչ սովորեցիք և զգացիք այսօր.

• Երիտասարդ տարիքում արված ընտրություններն ինչպես են ազդում Աստծուն հանդիպելու ձեր նախապատրաստության վրա:

• Ինչպիսի՞ շտկումներ խորհուրդ կտայիք ինքներդ ձեզ կատարել այն որոշումներում, որ պետք է կայացնեք հիմա: