Առակներ 3

• Ո՞ւմ դուք կվստահեիք …

  • որ ձեզ ուշ գիշերով մեքենայով տուն տաներ։

  • ձեր ընտանիքի դրամական միջոցները։

  • որ ձեզ խորհուրդ տար, թե ում հետ հանդիպեք կամ ամուսնանաք։

  • որ ձեզ սովորեցներ Հիսուս Քրիստոսի մասին և այն մասին, թե ինչպես հետևել Նրան:

    Կարող եք գրատախտակին՝ Վստահություն բառի տակ գրել հետևյալ հարցի վերաբերյալ ուսանողների պատասխանները։

• Ի՞նչ հատկություններ պետք է ունենա մարդը, որպեսզի վստահեք նրան:

Կարդացեք Առակներ 3․5 հատվածը՝ խորհելով, թե ինչ է այն նշանակում ձեզ համար։ Այնուհետև ձեր օրագրում պատասխանեք հետևյալ հարցերին.

• Ո՞ւմ եք ավելի շատ վստահում՝ Տիրո՞ջը, թե՞ ինքներդ ձեզ: Ինչո՞ւ։

• Ի՞նչ իրավիճակ է ձեր կյանքում այս պահին, որի ժամանակ դուք զգում եք, որ պետք է ավելի շատ ապավինեք Տիրոջը, քան ինքներդ ձեզ:

Այսօր սուրբ գրություններն ուսումնասիրելիս փնտրեք, թե ինչ եք սովորում Սուրբ Հոգուց, որն օգնում է ձեզ ապավինել Տիրոջը:

Կարդացեք Առակներ 3.5–6 հատվածները՝ փնտրելով, թե ինչպես պետք է ավարտեք հետևյալ արտահայտությունը. «Եթե մենք …, ապա Տերը …»

• Ձեր կարծիքով, ի՞նչ է նշանակում ապավինել Տիրոջը մեր «ամբողջ սրտով» (հատված 5):

• Ձեր կարծիքով, ի՞նչ է նշանակում ապավինել Տիրոջը, այլ ոչ «մեր սեփական հասկացողությանը» (հատված 5):

  Օգնելու համար ուսանողներին ավելի լավ հասկանալ այս հատվածը, առաջարկեք երկու ուսանողի երեք ոտնաչափ հեռու կանգնել որևէ ամուր բանից, օրինակ՝ պատից: Մի ուսանողի առաջարկեք թեքվել դեպի պատը և օգտագործել այն որպես հենարան: Մյուս ուսանողին առաջարկեք որքան հնարավոր է հեռու թեքվել պատից՝ այնքան, որ չկորցնի հավասարակշռությունը:

• Ինչպե՞ս կարող են այս օրինակներն օգնել մեզ ավելի լավ հասկանալ Առակներ 3․5–6 հատվածները։

  Կարող եք ուսանողներին բաժանել փոքր խմբերի: Առաջարկեք ուսանողներին թղթի վրա գրել իրավիճակներ, երբ Վերջին Օրերի Սրբերի դեռահասները կարող են գայթակղություն ունենալ օգտագործելու իրենց սեփական դատողությունը՝ Տիրոջ խորհրդին ապավինելու փոխարեն: Օրինակները կարող են ներառել ժամանցի ընտրությունը, որոշելը, թե ում հետ կամ երբ հանդիպել, որոշակի բառապաշարի օգտագործումը, կրթության կամ ապագայի վերաբերյալ նպատակներ դնելը:

  Բավարար ժամանակ տրամադրելուց հետո կարող եք ցուցադրել հետևյալ հարցերը։ Ուսանողները կարող են օգտագործել իրենց ցանկերը՝ իրենց խմբերում հարցերը քննարկելու համար:

• Որևէ մարդու համար ի՞նչը կարող է դժվարացնել Տիրոջն ապավինելը՝ սեփական հասկացողությանը վստահելու փոխարեն:

• Ի՞նչ խորհուրդ կտաք այդ մարդուն, որպեսզի օգնեք նրան հաղթահարել այդ խոչընդոտները:

Կարդացեք սուրբ գրությունների հետևյալ հատվածները՝ փնտրելով, թե մենք ինչու պետք է ցանկանանք ապավինել Տիրոջը՝ մեր սեփական հասկացողության փոխարեն.

• Եսայի 55․8–9

• 2 Նեփի 4․34–35

• 2 Նեփի 26․24

• Հակոբ 4.10

• Մոսիա 4.9

  Երբ ուսանողները ավարտեն իրենց հատվածների ընթերցումը, առաջարկեք նրանց կիսվել իրենց գտածով իրենց խմբերում: Առաջարկեք մի քանի ուսանողի կիսվել դասարանի հետ։

  Եթե ​​դասի սկզբում գրատախտակին գրել էի վստահության արժանի հատկությունները, կարող եք ուսանողներին հարցնել, թե ինչպես է Տերը դրսևորում այդ հատկություններից յուրաքանչյուրը: Ուսանողները կարող են գրատախտակին ավելացնել Տիրոջ այլ հատկություններ, որ Նա ունի իրենց կարծիքով, կամ որ իրենք գտել են վերը նշված հատվածներում:

• Տիրոջ հատկություններից որո՞նք են օգնում ձեզ ապավինել Նրան, նույնիսկ եթե Նրա խորհուրդը հակասում է ձեր հասկացողությանը:

  Ստորև ներկայացված հարցի պատասխանին ուսանողներին պատրաստելու համար դիտեք «Trust in the Lord» (3:30) տեսանյութը, որը հասանելի է ChurchofJesusChrist.org կայքում: Այս տեսանյութում երիտասարդները պատմում են, թե ինչու են ընտրում Տիրոջն ապավինելը:

  Կարող եք կիսվել ստորև տրված հարցի ձեր պատասխանով՝ ի լրումն այն ամենի, ինչով կիսվում են ուսանողները:

  

  3:30

• Ե՞րբ եք դուք կամ ձեր ծանոթը ապավինել Տիրոջը՝ ձեր սեփական հասկացողության փոխարեն: Ինչպե՞ս է Նա օգնել կամ ուղղորդել ձեզ:

Մտածեք այն մասին, ինչ գրել էիք ձեր ուսումնական օրագրում դասի սկզբում: Ուղղորդում խնդրեք Տիրոջից՝ ձեր օրագրում տրված հետևյալ հարցերին պատասխանելու համար.

• Ի՞նչ սովորեցիք այսօր Տիրոջ մասին, որը խրախուսում է ձեզ ապավինել Նրան:

• Ո՞րն է եղանակներից մեկը, որով կարող եք վստահել Տիրոջը այն իրավիճակում, որի մասին գրել եք:

• Ինչպե՞ս կարող եք դա անել «ամբողջ սրտով» (Առակներ 3.5)։