Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Առակների ներածություն. «Տերն է տալիս իմաստությունը»

«Առակների ներածություն. «Տերն է տալիս իմաստությունը»», Հին Կտակարան․ Սեմինարիայի ուսուցչի ձեռնարկ (2026)

«Առակների ներածություն․ «Տերն է տալիս իմաստությունը»», Հին Կտակարան․ Սեմինարիայի ուսուցչի ձեռնարկ

Առակներ 1–4, 15–16, 22, 31, Ժողովող 1–3, 11–12․ Դաս 109

Առակների ներածություն

«Տերն է տալիս իմաստությունը»

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Ինչպե՞ս են վստահելի և սիրելի մարդկանց իմաստուն խորհուրդներն օրհնել ձեր կյանքը: Առակների գրքի ուսումնասիրությունը նման է հոգատար ընկերոջից, ընտանիքի անդամից և Տիրոջից իմաստություն փնտրելուն: Մեր կյանքում Նրա իմաստությունը կիրառելը կարող է մեզ պահել ուխտի նեղ ու անձուկ արահետում: Այս դասը կօգնի ուսանողներին բացահայտել ճշմարտություններ, որոնք կարող են օգնել նրանց գնալ Տիրոջ արահետով:

Ուսանողի նախապատրաստում․ Առաջարկեք ուսանողներին ընտրել մի արժեքավոր խորհուրդ կամ օգտակար խրատ, որ իրենք ստացել են ծնողներից, ղեկավարներից և վստահելի ընկերներից: Առաջարկեք ուսանողներին պատրաստվել կիսվելու այդ խորհրդով և ասելու, թե ինչպես է այն օրհնել իրենց կյանքը:

Հնարավոր ուսումնական վարժություններ

Վստահելի խորհուրդ

Կարող եք սկսել դասը` ուսանողներին փոքրիկ թղթեր տրամադրելով: Խնդրեք նրանց գրել իրենց տրված արժեքավոր խորհուրդը կամ խրատը: Թղթերը հավաքելուց հետո կարող եք կարդալ պատասխաններից մի քանիսը: Պատասխանը գրած ուսանողին առաջարկեք կիսվել, թե ինչպես է այդ խորհուրդն օգնել իրեն: Մնացած թղթերը ուսանողները կարող են փոխանցել ամբողջ դասարանով՝ կարդալով մյուս դասընկերների խորհուրդները: Ապա ուսանողներին առաջարկեք քննարկել հետևյալ հարցերը:

Ի՞նչն է ձեզ համար նշանակալից դարձնում որևէ մեկի խորհուրդը:
Ինչպե՞ս եք որոշում, թե ում խորհուրդներին կարող եք վստահել:

Երբ ուսանողները կիսվեն իրենց պատասխաններով, կարող եք առաջարկել նրանց աղոթքով խորհել հաջորդ հարցերի շուրջ:
Որքա՞ն հաճախ եք հետևում ուրիշների իմաստուն խորհրդին:
Որքա՞ն հաճախ եք Տիրոջից խորհուրդ խնդրում և հետևում դրանց:

Առակների իմաստությունը

Առակների գիրքը բազմաթիվ բանաստեղծական իմաստությունների մի ժողովածու է, որը գրվել է իսրայելացիների համար: Առակներում որոշ հատվածներ վերագրվում են Սողոմոն թագավորին (տես Առակներ 1․1, 10․1, 25․1, տես նաև Գ Թագավորների 4․32), մինչդեռ մյուս հեղինակները անհայտ են: Առակներն ուսումնասիրելիս ուշադրություն դարձրեք, թե ինչպես է Սուրբ Հոգին վկայում ճշմարտության մասին, երբ դուք բացահայտում եք այն ուղղորդումը, որ Տերը կցանկանար, որ դուք կիրառեք ձեր կյանքում:

Կարող եք ուսանողներին հիշեցնել, որ Առակները (օրինակ՝ Հոբը և Ժողովողը) օգտագործում են եբրայական բանաստեղծության տարրեր, որոնք կարող են դժվար ընկալելի լինել ընթերցողների համար: Անհրաժեշտության դեպքում կիսվեք, որ թեև շատ Առակներ խորապես հոգևոր են, որոշ առակներ պարզապես աշխարհիկ խորհուրդներ են:

Կարդացեք Առակներ 1․1–7-ը՝ փնտրելով առակների նպատակները։

Ուսանողներին առաջարկեք կիսվել իրենց գտածով: Եթե օգտակար լինի, կարող եք հարցնել, թե ինչու է կարևոր իմաստություն սովորել այսօր:

Կարող եք բացատրել, որ «Տիրոջ վախը» (հատված 7) նշանակում է Նրա հանդեպ ակնածանք և հարգանք զգալ և դրսևորել: Ուսանողները կարող են գրել այս բացատրությունը իրենց սուրբ գրություններում։

Ձեր կարծիքով, Տիրոջը պատվելը կամ ակնածանքով վերաբերվելը ինչո՞ւ կարող է լինել «գիտության սկիզբը» (հատված 7)։

Կարդացեք Առակներ 2․6–9 հատվածները՝ փնտրելով ճշմարիտ իմաստության աղբյուրը: (Նշում․ բակլերը շարժական վահան է)։ Խաչաձև հղում կատարեք կամ կապեք այս հատվածները Մոսիա 4.9 հատվածի հետ։

Ճշմարտության մեկ արտահայտությամբ ինչպե՞ս կամփոփեք ձեր սովորածը:

Օգնեք ուսանողներին բացահայտել հետևյալ ճշմարտությունը․ Տերը տալիս է մեզ իմաստություն, որպեսզի օգնի մեզ գնալ Իր արահետով։ Կարող եք առաջարկել ուսանողներին գրել այս ճշմարտությունը իրենց նշումներում, սուրբ գրություններում կամ ուսումնական օրագրերում, իսկ դուք գրեք այն գրատախտակին: Ուսանողները կարող են կիսվել այն դեպքերով, երբ Տիրոջ իմաստությունն օգնել է իրենց: Նրանք կարող են քննարկել, թե ինչպես կարող է Նրա իմաստությունը տարբերվել աշխարհի իմաստությունից: Օրինակ՝ ուսանողները կարող են նշել, թե ինչպես է տասանորդ վճարելը բերում Տիրոջ օրհնությունները (Մաղաքիա 3․10) կամ Փրկչի՝ առողջության օրենքին հետևելը մեզ ֆիզիկական և հոգևոր օրհնություններ բերում (Վարդապետություն և Ուխտեր 89.18–21):
Տիրոջ իմաստուն խորհրդին հետևելն ինչպե՞ս է օգնել ձեզ մնալ Նրա արահետում:
Որո՞նք են այն օրինակները, երբ Փրկիչն իմաստություն փնտրեց Իր Հորից, այլ ոչ ուրիշ աղբյուրներից:

Տիրոջ իմաստությունը կարող է օգնել մեզ հետևել Նրա օրինակին

Օգնեք ուսանողներին բացահայտել ճշմարտությունները, որոնք հրավիրում են իրենց հետևել Փրկչին և ավելի նմանվել Նրան: Դա անելու համար կարող եք տրամադրել Առակներ գրքի հետևյալ հղումներից մի քանիսը կամ բոլորը: Կարող եք գրել ձեր ընտրած հղումները թերթիկների վրա: Յուրաքանչյուր ուսանողի տվեք մի թերթիկ։ Առաջարկեք նրանց կարդալ հղումը և կատարել ստորև նշված երկու քայլերը: Այնուհետև ուսանողները կարող են իրենց թղթերը փոխանցել մեկ այլ ուսանողի և կրկնել երկու քայլերը: Կրկնեք թղթերի փոխանակումը, մինչև ուսանողները ուսումնասիրեն մի քանի հատված:

Նշում․ Դաս 110․ «Առակներ 3»-ը կենտրոնանում է այդ բաժնում տեղ գտած ճշմարտությունների վրա:

Ուսումնասիրեք Առակներ գրքի հետևյալ հատվածներից մեկը կամ մի քանիսը և կատարեք հետևյալը.

Ճշմարտության արտահայտության տեսքով գրեք այն, ինչ սովորեցիք։
Գրեք հակիրճ նկարագրություն, թե ինչպես կարող է այս իմաստությունն օգնել մարդուն հետևել Հիսուս Քրիստոսի օրինակին կամ ավելի նմանվել Նրան:

Առակներ 1․8

Առակներ 4.14–15

Առակներ 4.26

Առակներ 6․23

Առակներ 11․17

Առակներ 15․1

Առակներ 16․16

Առակներ 16.18–19

Առակներ 17․22

Առակներ 23․17

Առակներ 28․13

Առակներ 29․18

Առակներ 30․5

Հետևյալ վարժությունը կարող է օգնել ուսանողներին կիրառել այն, ինչ իրենք սովորեցին Առակների ուսումնասիրության ընթացքում։ Ուսանողները կարող են կատարել այս վարժությունը անհատապես, կամ կարող եք նրանց բաժանել խմբերի: Պաստառ պատրաստելու համար կարող եք թուղթ և նկարչական պարագաներ տրամադրել, կամ ուսանողները կարող են որևէ բան ստեղծել իրենց հեռախոսների միջոցով: Ուսանողներին օգնելու համար ցուցադրեք ստորև ներկայացված հրահանգները։

2026 Old Testament Seminary Teacher Materials

Պատկերացրեք, որ ձեզ խնդրել են ստեղծել մի պատկեր, որը ներկայացնում է Առակների հատվածներից մեկը՝ օգնելու դեռահասներին ավելի նմանվել Փրկչին: Ընտրեք մի առակ և ստեղծեք Երիտասարդներին զորացնելու համար ամսագրում տեղադրված պաստառի նման մի պաստառ: Ձեր ստեղծած պատկերը կարող է պարունակել հետևյալը․

Որևէ պարզ ստեղծագործական նկար, որը կարող է գրավել դեռահասի ուշադրությունը
Առակների հղումը և ճշմարտությունը, որը այն ուսուցանում է
Բացատրություն, թե Առակների այդ հատվածը ինչպես կարող է օգնել դեռահասին հետևել Փրկչի օրինակին կամ ավելի նմանվել Նրան

Կիսվեք Առակների իմաստությամբ

Ուսանողներին հնարավորություն տվեք կիսվել իրենց ստեղծած պատկերով կամ ցուցադրել այն։ Եթե ուսանողներն այս վարժությունը կատարել են խմբերով, նրանք կարող են ընտրել մի ուսանողի, որը կներկայացնի իրենց ստեղծած պատկերը դասարանին: Կարող եք պաստառները ցուցադրել սենյակում, և ուսանողները կարող են դիտել իրենց դասընկերների աշխատանքը: Դասը ավարտելու համար կարող եք առաջարկել ուսանողներին քննարկել հետևյալ հարցերը կամ պատասխանել դրանց իրենց ուսումնական օրագրերում:

Դադար առեք և մտածեք այն տպավորությունների մասին, որոնք դուք, հնարավոր է, ունեցել եք այսօրվա դասի ընթացքում: Այնուհետև ձեր օրագրում պատասխանեք հետևյալ հարցերին.

Այսօր ձեր ուսումնասիրած ճշմարտությունները ինչպե՞ս են ազդել Տիրոջը հետևելու ձեր ցանկության վրա:
Ի՞նչ եք ոգեշնչվել անել՝ Փրկչին ավելի նմանվելու համար:

Օժանդակ նյութեր

Որտե՞ղ կարող եմ գտնել իմաստություն:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Ձեր կյանքում անհրաժեշտ իմաստությունը ձեռք բերելու համար ոգեշնչում փնտրելիս ես առաջարկում եմ ձեզ նայել Փրկչին: Քրիստոսի մոտ գալու հիանալի եղանակներից մեկն է՝ կարդալ Մորմոնի Գիրքը սկզբից մինչև վերջ, և բացահայտել այնտեղ նկարագրված Հիսուս Քրիստոսի հատկանիշներն ու բնութագրիչները։ Եթե դուք դա անեք իրական մտադրությամբ և սրտի անկեղծությամբ, դուք կարող եք լսել Նրա ձայնը: Դուք կարող եք ճանաչել Նրան շատ զարմանահրաշ ձևով: («Receiving Revelation—Recent Messages from Prophets, Apostles, and Other Church Leaders» [միայն թվային ձևաչափով հոդված], Լիահոնա, հունիս 2023, Gospel Library)

Ինչո՞ւ է վտանգավոր ապավինել մարդկային իմաստությանը:

Նախագահ Ռասսել Մ. Նելսոնը բացատրել է․

5:49

Աշխարհի ձայներն ու ճնշումները դյութիչ են ու անհամար։ Բայց չափազանց շատ ձայներ խաբուսիկ ու հրապուրիչ են, և կարող են մեզ դուրս մղել ուխտի ճանապարհից: Դրան հաջորդող անխուսափելի տառապանքից խուսափելու համար ես աղաչում եմ, որ դուք այսօր հակազդեք աշխարհի հրապուրանքին՝ ամեն օր ձեր կյանքում ժամանակ տրամադրելով Տիրոջը։

Եթե տեղեկատվության մեծ մասը ստանում եք սոցիալական լրատվամիջոցներից կամ այլ տեսալսողական նյութերից, ապա Հոգու շշուկները լսելու ձեր ունակությունը կնվազի: Եթե միևնույն ժամանակ ամենօրյա աղոթքի և ավետարանի ուսումնասիրության միջոցով դուք չեք փնտրում Տիրոջը, դուք ձեզ անպաշտպան եք թողնում այն փիլիսոփայությունների առջև, որոնք կարող են հետաքրքրաշարժ լինել, բայց ճշմարիտ չեն: («Ժամանակ տրամադրեք Տիրոջը», Լիահոնա, նոյ. 2021, 120)

Ո՞րն է գիտելիքի և իմաստության միջև տարբերությունը:

Նախագահ Դեյվիդ Օ. Մակքեյը (1873–1970) բացատրել է.

«Գիտելիք ստանալը մի բան է, իսկ այն կիրառելը՝ միանգամայն այլ բան: Իմաստությունը գիտելիքի ճիշտ կիրառումն է։ (Համաժողովի զեկույցից, ապր. 1968, 93)

Լրացուցիչ ուսումնական վարժություններ

Առակներ 4․14–15։ Խուսափեք «ամբարիշտների ճանապարհից»

Պողոս առաքյալի միջոցով Տերն ուսուցանել է, որ յուրաքանչյուր գայթակղության համար Նա տվել է դրանից խուսափելու ճանապարհ (տես Ա Կորնթացիներին 10.13): Առակներում մենք սովորում ենք, որ գայթակղությունից խուսափելու Տիրոջ ճանապարհը, նախ և առաջ, դրանից խուսափելն է: Ուսանողներին առաջարկեք կարդալ Առակներ 4.14–15 հատվածները։ Առաջարկեք նրանց ստեղծել մի սցենար այս հատվածի վերաբերյալ: Ուսանողները կարող են ստեղծել սցենար փոքր խմբերով: Այնուհետև նրանք կարող են սցենարները փոխանակել մեկ այլ խմբի հետ և քննարկել, թե ինչու է նախընտրելի գայթակղությունից խուսափելը, քան փորձելը դրան դիմակայել: Ուսանողները կարող են նաև առաջարկել մի քանի ռազմավարություններ՝ խուսափելու իրավիճակներից, երբ մենք կարող ենք մեղք գործելու գայթակղություն ունենալ:

Ուսանողների հասկացողությունը խորացնելու համար կարող եք նաև ցուցադրել «Avoid It» տեսանյութը՝ 0:00-2:59: Յոթանասունից երեց Լին Գ. Ռոբինսը օգտագործում է շոկոլադե թխվածքաբլիթներն ուտելու գայթակղությանը դիմակայելու փոխաբերությունը՝ ցույց տալու համար Առակներ 4․14–15 հատվածների իմաստությունը։

Առակներ, որոնք օրհնում են դեռահասի կյանքը

Օգնեք ուսանողներին տեսնել, թե ինչպես կարող է Առակների իմաստությունը օգնել դեռահասին: Դա անելու եղանակներից մեկը փակագիծ ստեղծելն է: Ընտրեք Առակների 16 հղում և գրեք դրանք արտաքին տողերում: Ուսանողներին բաժանեք 8 խմբի։ Յուրաքանչյուր խումբ կարդում է Առակների երկու հղում և պատասխանում հետևյալ հարցերին.

Ձեր կարծիքով, ո՞ր առակը կարող է ձեր կյանքում լինել ամենակարևորն այս պահին:
Ինչպե՞ս կարող է այս առակն օգնել ձեզ հետևել Փրկչի օրինակին կամ ավելի նմանվել Նրան:

Քննարկումից հետո զուգընկերները կարող են ընտրել մեկ հատված, որը լավագույնս պատասխանում է այս երկու հարցերին: Նրանց ընտրած հատվածը տեղափոխվում է հաջորդ փուլ: Բաժանեք ուսանողներին չորս նոր խմբերի և հանձնարարեք նրանց կրկնել վարժությունը՝ կարդալով հատվածները և քննարկելով, թե որ առակը իրենք կտեղափոխեին հաջորդ փուլ: Շարունակեք, մինչև մնա Առակների մեկ հատված: Վերջին առակն ընտրելուց հետո ուսանողները կարող են կիսվել, թե ինչպես են իրենք տեսել, որ այս ճշմարտությունն օգնում է իրենց կամ իրենց ծանոթին՝ հետևելու Փրկչին:

Ուսմունքներ իմաստության մասին

Ուսանողների համար օգտակար կլինի սուրբ գրությունների վերանայումը, որոնք օգնում են մեզ հասկանալ իմաստությունը: Կարող եք առաջարկել ուսանողներին ստեղծել գաղափարների քարտեզ: Կարող եք մոդելավորել այս վարժությունը՝ գրատախտակի կենտրոնում գրելով Իմաստություն բառը: Առաջարկեք ուսանողներին օգտագործել սուրբ գրությունների ուսումնասիրության իրենց գործիքները՝ գտնելու սուրբ գրություններ, որոնք կարող են օգնել մարդուն ավելի լավ հասկանալ իմաստության մասին Տիրոջ ուսմունքները: Եթե ուսանողները լրացուցիչ ուղղորդման կարիք ունենան, կարող եք գրել հետևյալ հատվածները․ Ղուկաս 2.52, Հակոբոս 1․5, Մոսիա 4․9, Ալմա 37․35, Վարդապետություն և Ուխտեր 10․43։ Կարող եք առաջարկել ուսանողներին գալ գրատախտակի մոտ և գաղափարների քարտեզում ավելացնել այն, ինչ իրենք սովորում են սուրբ գրություններից՝ իմաստության մասին: