Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Predikuesit: “Perëndia do të Vërë të Gjykohet Çdo Vepër”

“Predikuesit: ‘Perëndia do të Vërë të Gjykohet Çdo Vepër’”, Manuali i Mësuesit të Seminarit për Dhiatën e Vjetër (2026)

“Predikuesit: ‘Perëndia do të Vërë të Gjykohet Çdo Vepër’”, Manuali i Mësuesit të Seminarit për Dhiatën e Vjetër

Fjalët e Urta 1–4; 15–16; 22; 31; Predikuesit 1–3; 11–12: Mësimi 111

Predikuesit

“Perëndia do të Vërë të Gjykohet Çdo Vepër”

A thoughtful young woman sitting at a kitchen table.

Ndonjëherë mund të jetë e lehtë të përqendrohemi në atë që ndodh në këtë jetë ndërkohë që harrojmë ta shohim jetën nga një këndvështrim i përjetshëm. Te Predikuesit, Predikuesi na kujton se gjërat e kësaj bote janë të përkohshme. Ai na këshillon të përgatitemi për kohën kur Perëndia do t’i gjykojë të gjithë fëmijët e Tij. Ky mësim mund t’i ndihmojë nxënësit të kuptojnë se si përqendrimi tek takimi me Perëndinë në Gjykimin Përfundimtar mund t’i ndihmojë ata të bëjnë zgjedhje të mençura.

Përgatitja e nxënësve: Ftojini nxënësit të bëjnë një bashkëbisedim me një prind ose udhëheqës të mirëbesuar rreth mënyrës se si e kanë parë ndikimin afatgjatë të vendimeve që morën si adoleshentë.

Veprimtari të Mundshme të të Mësuarit

Marrja e vendimeve

Merreni parasysh ta filloni orën mësimore duke i ndihmuar nxënësit të kuptojnë se si një këndvështrim i përjetshëm mund të ndikojë në vendimet që ata marrin. Për ta bërë këtë, mund të shkruani sa vijon në tabelë. Ftojini nxënësit të diskutojnë se si secili prej këtyre vendimeve, kur janë të rinj, mund të ndikojë në të ardhmen e tyre.

Mënyra se si e trajtoj trupin
Mënyra se si e shpenzoj kohën e lirë
Mënyra se si i trajtoj njerëzit

Më pas jepni thënien vijuese dhe ftojini nxënësit të bëjnë lidhjet ndërmjet vendimeve më lart dhe asaj që dha mësim Presidenti Nelson.

Presidenti Rasëll M. Nelson dha mësim sa vijon rreth zgjedhjeve tona.

“Çdo zgjedhje e drejtë që e bëni këtu, do të sjellë përfitime të stërmëdha tani. Por zgjedhjet e drejta në vdekshmëri do të sjellin përfitime të papërfytyrueshme përjetësisht. …

Kundërshtari, sigurisht, dëshiron që ju as të mos mendoni për të ardhmen, pa le pastaj jetën e përjetshme.” (“Zgjedhjet për Përjetësinë” [takim shpirtëror mbarëbotëror për të rinjtë e të rejat në moshë madhore, 15 maj 2022], Gospel Library [Biblioteka e Ungjillit])

Si mund të ndikojë tek ne mosarritja për t’i parë zgjedhjet tona me një këndvështrim të përjetshëm?

Shkruaj një vendim me të cilin po përballesh aktualisht që mund të “sjell[ë] përfitime të papërfytyrueshme përjetësisht”.

Mund të ndihmojë t’u jepni nxënësve disa ide rreth llojeve të vendimeve që ata mund të shkruajnë, të tilla si:

Të vazhdojnë të shpenzojnë kohë ose jo me një grup të caktuar miqsh.
Të pendohen ose jo për një mëkat që ka qenë në mendjen e tyre.
Ajo që zgjedhin të bëjnë në Shabat.

Përsiat se përse Ati Qiellor mund të dojë që të mendosh rreth të ardhmes ndërsa e merr këtë vendim. Çfarë mund të ndodhë nëse nuk e bën?

Ndërsa e studion librin Predikuesit sot, përpiqu t’i kuptosh të vërtetat dhe të marrësh zbulesë vetjake nga Zoti që mund të të ndihmojë për këtë vendim.

Përqendrimi te gjërat tokësore

Në librin Predikuesit, autori iu referua vetes si “Predikuesi” (Predikuesit 1:1). Predikuesi bëri krahasimin mes zbrazëtisë së përqendrimit të jetës sonë në gjërat tokësore me rëndësinë e përgatitjes për të takuar Perëndinë.

Merreni parasysh të krijoni grupe të vogla dhe ta ftoni secilin grup që të lexojë një nga fragmentet më poshtë. Për t’i ndihmuar nxënësit t’i kuptojnë më mirë fragmentet, mund të paraqitni përkufizimet vijuese. Ftojini nxënësit t’i zëvendësojnë fjalët dhe frazat vijuese me përkufizimet e tyre ndërsa lexojnë:

Fraza “të kota” do të thotë diçka boshe ose kalimtare.
“Nën qiell” ose “nën diell” do të thotë në këtë jetë të vdekshme.
“Kërkim për të kapur erën” do të thotë shqetësim i kotë.

Lexoji fragmentet vijuese, duke kërkuar atë që zbuloi Predikuesi pasi kërkoi gjëra të caktuara që disa njerëz mendojnë se do t’i bëjnë të lumtur dhe do t’u sjellin përmbushje:

Urtësinë e botës. Predikuesit 1:13–18
Kënaqësitë tokësore dhe zotërimet materiale. Predikuesit 2:1, 4–11

Nëse doni, mund të sqaroni se urtësia e botës dhe zotërimet materiale nuk janë doemos të këqija ose të gabuara. Por kur këto gjëra bëhen përqendrimi ynë, sidomos në vend që t’i pëlqejmë Perëndisë, ato bëhen shpirtërisht të rrezikshme. Ftojini grupet ta diskutojnë pyetjen vijuese. Më pas një anëtar i grupit mund t’ia tregojë klasës idetë e grupit.

Në çfarë mënyrash mundet që ndjekja e këtyre gjërave të na lërë në përfundim bosh ose të shqetësuar më kot?

Takimi ynë përfundimtar me Perëndinë

Pasi kërkoi njohuri dhe zotërime materiale, Predikuesi e përfundon librin e tij me mësimet që nxori. Lexo te Predikuesit 12:7, 13–14, duke kërkuar atë që ai dha mësim që mund të na ndihmojë të mbajmë një këndvështrim të përjetshëm.

Ky këndvështrim është kaq i rëndësishëm, saqë Perëndia ka frymëzuar shumë prej shërbëtorëve të Tij ta japin mësim atë. Bëj referencë-kryq ose lidhi vargjet te Predikuesit 12:7, 13–14 me vargjet tek Alma 34:32 dhe Mormoni 3:20, 22. Lexoji këto fragmente, duke kërkuar mënyrën se si Amuleku dhe Mormoni dhanë një mesazh të ngjashëm.

Si do ta përmblidhje atë që na mësojnë këto vargje në një pohim të vërtete?

Ndihmojini nxënësit të përcaktojnë një të vërtetë si: Zgjedhjet tona në këtë jetë do të përcaktojnë se sa të përgatitur jemi për të qëndruar përpara Perëndisë në Gjykimin Përfundimtar. Para se nxënësit t’i përgjigjen pyetjes vijuese, mund t’i ftoni t’i mbyllin sytë dhe të imagjinojnë takimin me Perëndinë pas kësaj jete. Inkurajojini ata të marrin parasysh atë që dinë rreth Tij dhe tipareve të Tij.
Çfarë tiparesh të Perëndisë e kualifikojnë Atë në mënyrë unike për të qenë Gjykatësi ynë?

Mund t’u kujtoni nxënësve rolin e Jezu Krishtit në ndihmesën për të na përgatitur për Gjykimin Përfundimtar duke dhënë shkrimin e shenjtë dhe pyetjen vijuese.

Lexo tek 3 Nefi 27:16, 19, duke kërkuar mënyrën se si mund të përgatitemi për t’u takuar me Jezu Krishtin në Gjykimin Përfundimtar.

Përse është e rëndësishme të kuptojmë se nuk mund të përgatitemi për Gjykimin Përfundimtar pa Jezu Krishtin?

Synimi ynë çelestial

Ndihmojini nxënësit të kuptojnë se si njohuria që zgjedhjet tona na përgatitin për përjetësinë mund të ndikojë në vendimet e përditshme që marrim. Një mënyrë për ta bërë këtë është duke i lejuar nxënësit të ushtrojnë atë që dha mësim Presidenti Nelson në thënien vijuese.

Presidenti Rasëll M. Nelson dëshmoi për rëndësinë e fillimit “me fundin në mendje”:

19:15

“Në mesazhin tim të parë si President i Kishës, ju nxita ta filloni me fundin në mendje. Kjo do të thotë ta bëni mbretërinë çelestiale synimin tuaj të përjetshëm dhe më pas të merrni parasysh me kujdes se ku do t’ju vendosë në botën tjetër secili nga vendimet tuaja ndërsa jeni këtu në tokë.” (“Mendoni Çelestialisht!”, Liahona, nëntor 2023, f. 118)

Në çfarë mënyrash e tregojnë mësimet dhe shembulli i Jezu Krishtit se Ai i mori vendimet “me fundin në mendje”?

Shpjegoni se nxënësit do të ushtrojnë zbatimin e asaj që po jep mësim Presidenti Nelson. Para se të fillojnë, mund t’u kërkoni atyre të mendojnë për vendimet që do të ndikojnë tek ta në jetën tjetër. Shtojini këto vendime në listën e vendimeve në tabelë nga fillimi i orës mësimore.

Nxënësit mund të diskutojnë më pas sa vijon në grupe të vogla.

Zgjidh një nga vendimet në tabelë dhe përgjigju për pyetjet vijuese:

Çfarë vendimesh mund të marrë një adoleshent rreth kësaj që do të ndikojë në përgatitjen e tij për t’u takuar me Perëndinë?
Çfarë ke mësuar nga ungjilli i Jezu Krishtit që mund ta ndihmojë një adoleshent të marrë vendime rreth kësaj?

Ftojini grupet që t’i ndajnë idetë e tyre me klasën. Mund t’i inkurajoni nxënësit të gjejnë dhe të japin shkrime të shenjta ose thënie nga udhëheqës të Kishës që e përkrahin atë që tregojnë ata.

Përfundimi

Para se nxënësit ta përfundojnë veprimtarinë vijuese, mund t’u kujtoni atyre vendimin që shkruan në fillim të orës mësimore.

Imagjino sikur po qëndron përpara Perëndisë në Gjykimin Përfundimtar dhe e dëgjon Atë të të thotë: “Të lumtë, shërbëtor i mirë dhe besnik” (Mateu 25:23).

Tani imagjino sikur, ndërkohë që po qëndron përpara Perëndisë, ti ke mundësinë t’i dërgosh një mesazh pas në kohë vetes sate të tanishme. Shkruaj një mesazh ku i jep këshillë vetes sate të tanishme që do të të ndihmojë të përgatitesh për Gjykimin Përfundimtar. Ti mund të përfshish atë që mësove dhe ndjeve sot rreth:

Mënyrës se si zgjedhjet kur je i ri ndikojnë në përgatitjen tënde për t’u takuar me Perëndinë.
Përshtatjeve që do ta inkurajoje veten të bëje rreth vendimeve me të cilat po përballesh aktualisht.

Merreni parasysh të dëshmoni për rëndësinë e marrjes së vendimeve me një përqendrim te dita që do të qëndrojmë përpara Perëndisë për t’u gjykuar.

Burime Shtesë

Predikuesit 1:2–3. Nëse shumica e gjërave në këtë jetë janë të përkohshme, çfarë ka rëndësi me të vërtetë?

Presidenti M. Rasëll Ballard (1928–2023) dha mësim:

13:29

“Gjatë shërbesës sime kam mësuar se ajo që është më e rëndësishmja, janë marrëdhëniet tona me Atin Qiellor dhe Birin e Tij të Dashur, me familjet tona, me të afërmit tanë dhe lejimi i Shpirtit të Zotit që të na udhërrëfejë në këto marrëdhënie, me qëllim që të mund të dëshmojmë për gjërat që janë më të rëndësishmet dhe që kanë jetëgjatësinë më të madhe”. (“Kujtoni Atë që Është Më e Rëndësishmja”, Liahona, maj 2023, f. 107)

Predikuesit 2:17. Nëse do të vdesim të gjithë, atëherë a ka të drejtë Predikuesi kur thotë se “të gjitha janë kotësi dhe një përpjekje për të kapur erën”?

Plaku D. Tod Kristoferson, i Kuorumit të Dymbëdhjetë Apostujve, dha mësim:

23:27

“Plaku Nil A. Maksuell [dikur] foli për ‘gjendjen e vështirë të njeriut’, faktin që gjithçka përfundon me vdekjen. Arritjet tona, përvetësimet tona, shoqërimet tona, të gjitha kanë fund dhe nuk ka asgjë më shumë se ajo që thuhet te Predikuesit: ‘Të gjitha janë kotësi dhe një përpjekje për të kapur erën’ [Predikuesit 2:17]. Vdekja është fakt dhe ne detyrohemi të pranojmë se pa një fuqi që e mposht vdekjen, jeta jonë nuk do të kishte ndonjë qëllim të madh afatgjatë. Fatmirësisht e dimë se vdekja është mposhtur, jeta ka qëllim e kuptim dhe gjithçka nuk është kotësi. Me Shlyerjen e Tij, Jezu Krishti e ka mposhtur gjendjen e vështirë njerëzore të vdekjes dhe tani, siç vërejti Plaku Maksuell, ‘ka vetëm gjendje të vështira vetjake [mëkatet, gabimet dhe dështimet tona vetjake] dhe prej këtyre gjithashtu mund të shpëtohemi duke ndjekur mësimet e Atij që na shpëtoi nga zhdukja tërësore’.” (“Mirëbesoni te Perëndia” [transmetim i trajnimit vjetor i Sistemit Arsimor të Kishës, 26 janar 2024], Gospel Library [Biblioteka e Ungjillit])

Predikuesit 3:17; 12:14. Si do të gjykohem?

Presidenti Dallin H. Ouks, i Presidencës së Parë, dha mësim:

17:7

“Gjykimi Përfundimtar nuk është thjesht një vlerësim i një shume totale të veprave të mira dhe të liga – i asaj që kemi bërë. Ai është një pranim i efektit përfundimtar të veprave dhe mendimeve tona – i asaj që jemi bërë. Nuk mjafton për askënd që vetëm t’i bëjë gjërat mekanikisht. Urdhërimet, ordinancat dhe besëlidhjet e ungjillit nuk janë një listë depozitash që na kërkohet t’i derdhim në ndonjë llogari qiellore. Ungjilli i Jezu Krishtit është një plan që na tregon se si të bëhemi ajo çfarë Ati ynë Qiellor dëshiron që ne të bëhemi.” (“The Challenge to Become”, Ensign, nëntor 2000, f. 32)

Predikuesit 12:13. Si mund të më bekojë Perëndia ndërsa i zbatoj urdhërimet e Tij?

Presidenti Tomas S. Monson (1927–2018) dha mësim:

14:25

“Ati ynë Qiellor na do aq sa thotë: ‘Mos gënje; mos vidh; mos shkel kurorë; duaje të afërmin porsi veten; e kështu me radhë’. Ne i dimë urdhërimet. Ai e kupton që, kur i zbatojmë urdhërimet, jeta jonë do të jetë më e lumtur, më përmbushëse dhe më pak e koklavitur. Sfidat dhe problemet tona do të jenë më të lehta për t’u duruar dhe ne do të marrim bekimet e premtuara prej Tij. Por, ndërkohë që Ai na jep ligje dhe urdhërime, Ai gjithashtu na lejon të zgjedhim nëse i pranojmë ato ose i mohojmë ato. Vendimet tona në lidhje me këtë do ta përcaktojnë vendmbërritjen tonë.” (“Zbatojini Urdhërimet”, Liahona, nëntor 2015, f. 83)

Veprimtari Plotësuese të të Mësuarit

Fillim ndryshe

Mund ta nisni duke paraqitur thënien nga Presidenti Nelson në fillim të mësimit. Pyetini nxënësit se çfarë dinë rreth jetës pas vdekjes që do të donin ta dinte gjithkush. Më pas ftojini nxënësit të diskutojnë se si bindjet tona rreth jetës pas vdekjes mund të ndikojnë në vendimet tona.

2 Nefi 9:51. “Për atë që nuk mund të japë kënaqësi”

Pasi të studioni rreth kërkimeve të kësaj bote që Predikuesi i kërkoi te Predikuesit 1 dhe 2, merrni parasysh të lexoni te 2 Nefi 9:50–51. Kërkojuni nxënësve të marrin parasysh se si i shpenzojmë kohën dhe paratë tona për gjëra që nuk kanë vlerë ose kënaqësi afatgjatë. Më pas mund të diskutoni se si Jezu Krishti dhe ungjilli i Tij mund të sjellin kënaqësi afatgjatë.

Shqyrtojini konceptet dhe pyetjet me një këndvështrim të përjetshëm

Nëse doni, mund t’i lini nxënësit të ushtrojnë përcaktimin e kushteve paraprake ose hamendësimeve të botës. Nxënësit mund të lexojnë paragrafin 8 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor (2023), duke kërkuar atë që mund t’i ndihmojë ata t’i shohin gjërat me një këndvështrim të përjetshëm.

Më pas nxënësit mund të studiojnë vargjet nga mësimi te Predikuesit 1 dhe 2 rreth kërkimit të urtësisë së botës, zotërimeve materiale dhe kënaqësisë trupore. Ftojini nxënësit të përcaktojnë hamendësimet e kësaj bote që mund t’i kenë ata që u japin përparësi këtyre gjërave. Nxënësit mund të tregojnë gjëra si:

Ju do të jeni më të lumturit nëse bëni gjithçka që ju bën të ndiheni mirë në atë çast (shihni te Predikuesit 2:1, 10).
Zotërimet materiale janë shenja të suksesit dhe na sjellin gëzim (shihni te Predikuesit 2:4–8).

Nxënësit mund t’i shohin më pas të njëjtat hamendësime “nisur nga standardi i Zotit për të vërtetën, në vend që të pranojmë kushtet paraprake ose hamendësimet e botës” (Dokumenti Bazë i Zotërimit Doktrinor [2023], “Marrja e Njohurisë Shpirtërore”, paragrafi 8).