Սաղմոս 119

Սուրբ գրությունները նման են , որովհետև ։

Դասի վերջում դուք կգնահատեք սուրբ գրությունների ուսումնասիրության ձեր նպատակը կամ կստեղծեք նոր նպատակ: Լուռ աղոթքով խնդրեք Երկնային Հորը, որ առաջնորդի ձեզ այսօր՝ Սաղմոս 119-ը ուսումնասիրելիս։ Ոգեշնչում խնդրեք՝ նպատակ դնելու համար, որը լավագույնս կօգնի ձեզ:

Սաղմոս 119-ը գրողը խորհրդանիշներ է օգտագործել՝ Աստծո խոսքը նկարագրելու համար։ Այս խորհրդանիշներն ընդգծում են սաղմոսերգուի սերը Աստծո խոսքի և օրհնությունների հանդեպ, որոնք գալիս են ջանասիրաբար Նրա խոսքերը ուսումնասիրելու և հնազանդվելու միջոցով:

Օրինակ` կարդացեք Սաղմոս 119.105–106 հատվածները՝ տեսնելով, թե սաղմոսերգուն ինչը համեմատեց Աստծո խոսքի հետ:

• Աստծո խոսքն ինչո՞վ է նման ճրագի լույսի:

  Եթե ​​ուսանողները կիսվեն հետևյալ սկզբունքի նման մի մտքով, գրեք այն գրատախտակին. Երբ մենք ուսումնասիրում ենք Աստծո խոսքը, Նա օրհնում է մեզ առաջնորդությամբ:

  Եթե ​​ուսանողներին ավելի շատ օգնություն անհրաժեշտ լինի՝ բացահայտելու այս սկզբունքը, կարող եք հարցնել. «Ինչո՞վ է տարբերվում լույսի ներքո քայլելը մթության մեջ քայլելուց» կամ «Ինչպե՞ս կարող են սուրբ գրություններն օգնել մեզ քայլել լույսի ներքո»: Կամ կարող եք գրել սկզբունքը և հարցնել. «Ինչպե՞ս են այս հատվածները ցույց տալիս գրատախտակին գրված սկզբունքը»:

  Կրկին միացրեք սենյակի լույսերը: Կարող եք առաջարկել ուսանողներին խաչաձև հղում կատարել կամ կապել Սաղմոս 119․105 հատվածը 2 Նեփի 32.3 հատվածի հետ։ Առաջարկեք ուսանողներին նշել, թե ինչո՞ւ են այս հատվածները նման: Կամ դիտեք «Ինչպես եմ ես հետևում #ԼսիրՆրան կոչին. երեց Դեյվիդ Ա. Բեդնար» (1:15), Gospel Library։

  

  1:16

  Կարդացեք կամ ցուցադրեք հետևյալ հարցերը և առաջարկեք մի քանի ուսանողների առանձին ընտրել մի հարց և պատասխանել դրան.

• Ձեր կարծիքով, ինչո՞ւ է Աստված ցանկանում առաջնորդել մեզ:

• Իմացությունը, որ Աստված կարող է առաջնորդել մեզ սուրբ գրությունների միջոցով, ինչպե՞ս կարող է մոտիվացնել մարդուն ուսումնասիրել սուրբ գրությունները:

• Ե՞րբ է Աստծո խոսքը ճրագ կամ լույս եղել ձեզ համար կամ ձեզ ծանոթ մարդու համար։

Սաղմոսերգուն այլ համեմատություններ է արել։ (Նշում․ սաղմոսերգուն Աստծո խոսքը նշել է տարբեր եզրույթների միջոցով, օրինակ՝ վկայություններ, կանոններ, օրենք, հրահանգներ, պատվիրաններ և եղանակներ)։

Սաղմոս 119․14–16, 72, 127

Սաղմոս 119․22–24

Սաղմոս 119․33–35

Սաղմոս 119․50–52, 54

Սաղմոս 119․102–104

1. Կարդացեք ձեզ հանձնարարված սուրբգրային հատվածը՝ փնտրելով, թե սաղմոսերգուն ինչը համեմատեց Աստծո խոսքի հետ:

2. Վերցրեք այն առարկան կամ նկարը, որը համապատասխանում է ձեզ հանձնարարված սուրբգրային հատվածին:

3. Քննարկեք, թե ինչպես կարող է առարկան կամ նկարը օգնել որևէ մեկին հասկանալ Աստծո խոսքի կարևորությունը:

4. Կիսվեք օրինակներով կամ փորձառություններով ձեր կյանքից, ուրիշների կյանքից կամ սուրբ գրություններից, որոնք ցույց են տալիս, թե ինչպես է առարկան կամ նկարը նման Աստծո խոսքին:

• Ինչպե՞ս կարող է ձեր գտած սկզբունքն օգնել որևէ մեկին Աստծո խոսքն ուսումնասիրելու ցանկության զգալ։

• Ինչպե՞ս է Աստված օրհնել ձեզ կամ ձեզ ծանոթ մարդկանց ուրախությամբ, մխիթարությամբ, խորհրդով կամ հասկացողությամբ, երբ դուք կամ ձեր ծանոթներն ուսումնասիրել եք Նրա խոսքը:

Հրավիրեք Հոգուն՝ սուրբ գրությունների ձեր ուսումնասիրության մասին խորհելիս: Եթե ​​դուք արդեն ունեք սուրբ գրությունների ուսումնասիրության սահմանված նպատակ, գրեք ձեր ուսումնասիրության օրագրում, թե ինչն է հաջողվել անել և ինչը կուզենայիք շարունակել կատարել: Կարող եք գրել, թե ինչու եք ընտրել այդ նպատակը և ինչպես է այն օգնում ձեզ ավելի մոտ զգալ Տիրոջը: Աղոթքով հարցրեք Երկնային Հորը, արդյոք Նա կցանկանար, որ դուք որևէ ճշգրտում կատարեիք ձեր նպատակում:

Եթե ​​չունեք սուրբ գրությունների ուսումնասիրության սահմանված նպատակ, խնդրեք Սուրբ Հոգու առաջնորդությունը, երբ սահմանեք այդպիսի նպատակ: Այն կարող է ներառել հետևյալը․

• Ժամանակը, որի ընթացքում պետք է ուսումնասիրեք

• Որքան հաճախ եք ուսումնասիրելու (եթե հնարավոր է, աշխատեք ուսումնասիրել ամեն օր)

• Ի՞նչ պետք է անեք՝ ձեր ուսումնասիրության ընթացքում Տիրոջ օգնությունը հայցելու համար (օրինակ՝ աղոթեք նախքան ուսումնասիրությունը կամ հայտնություն խնդրեք ձեր ուսումնասիրածի մասին)

• Ինչպես կարող եք հիշել ձեր սովորածը, խորհրդածել սովորածի շուրջ կամ կիրառել այն (օրինակ՝ օրագիր վարել այն մասին, թե ինչ եք սովորում սուրբ գրությունների ուսումնասիրության ընթացքում, գրանցել, թե ինչն եք փորձում կիրառել կամ շաբաթը մեկ քննարկել որևէ մեկի հետ ձեր սովորածը)