Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Akoako Fakataukei Fakatokāteline 7: Ako Maʻuloto ʻo e Ngaahi Kupuʻi Lea Mahuʻingá mo Hono Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié

“Akoako Fakataukei Fakatokāteline 7: Ako Maʻuloto ʻo e Ngaahi Kupuʻi Lea Mahuʻingá mo Hono Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí (2026)

Ngaahi Saame 49–51; 61–66; 69–72; 77–78; 85–86: Lēsoni 106

Akoako Fakataukei Fakatokāteline 7

Ako Maʻuloto ʻo e Ngaahi Kupuʻi Lea Mahuʻingá mo Hono Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié

A Korean young man sits on a bench outside and reads the Book of Mormon.

ʻE lava ke tokoni ʻa e fakataukei fakatokāteliné ki he kau akó ke langa ʻa e makatuʻunga ki heʻenau moʻuí ʻia Sīsū Kalaisi mo ʻEne ongoongoleleí. ʻE lava ke tokoni ʻa e lēsoni ko ʻení ke ako maʻuloto ʻe he kau akó ʻa e ngaahi kupuʻi lea fakafolofola mahuʻinga ʻi he ngaahi potufolofola fakataukei fakatokāteliné pea fakaʻaongaʻi e ngaahi tefitoʻi moʻoni fakalangi ki hono maʻu ʻo e ʻilo fakalaumālié.

Teuteu ʻa e tokotaha akó: Fakaafeʻi e kau akó ke toe vakaiʻi e lisi ʻo e Ngaahi potufolofola Fakataukei Fakatokāteline ʻo e Fuakava Motuʻá mo e ngaahi kupuʻi lea fakafolofola mahuʻinga ʻoku maʻu ʻi he Gospel Library. ʻE lava ke fili ʻe he kau akó ha potufolofola mo ha kupuʻi lea fakafolofola mahuʻinga ʻe taha mei he lisí. Fakaafeʻi e kau akó ke fakaʻaongaʻi ha ngaahi miniti siʻi ke ako maʻuloto ʻenau potufolofola mo e kupuʻi lea fakafolofola mahuʻinga kuo filí. Te nau lava ʻo fakaʻaongaʻi ʻa e polokalama fakataukei fakatokāteline ʻi he telefoni toʻotoʻó ko ha meʻangāue ke tokoni ke nau ako maʻuloto.

Ngaahi ʻEkitivitī Ako ʻOku Ala Fakahokó

Toe vakaiʻi ʻo e fakataukei fakatokāteliné: Ako Maʻulotó

Ke tokoni ke ako maʻuloto ʻe he kau akó ʻa e ngaahi potufolofola fakataukei fakatokāteliné mo e ngaahi kupuʻi lea fakafolofola mahuʻinga mei he Fuakava Motuʻá, te ke lava ʻo vahevahe kinautolu ki ha ngaahi kulupu tautau toko fā. ʻOange ki he tokotaha ako takitaha ha fanga kiʻi laʻipepa iiki ʻe fā kuo fakamaʻu fakataha. Fakamatalaʻi ange ʻe vilohi ʻe he kau akó ʻenau fokotuʻunga laʻipepá ʻi heʻenau kulupú. ʻI he ʻekitivitī ko ʻení, ʻe tā ʻe he kau akó ha ʻū fakatātā. Fakamanatu ange ke ʻoua naʻa nau tā ha ʻū fakatātā ʻokú ne fakafofongaʻi ʻa e toluʻi ʻOtuá.

Te ke lava ʻo fakaʻaliʻali taha taha e ngaahi fakahinohino ko ʻení ʻi he taimi ʻe fakakakato ai ʻe he kau akó ʻa e ʻekitivitī takitaha. (Ki he sitepu 1 mo e 3, ʻoange ha miniti ʻe taha ke fakakakato ai ʻe he kau akó. Ki he sitepu 2 mo e 4, ʻoange ha sekoni ʻe 30 ke nau fakakakato.)

ʻOua ʻe vahevahe ia mo hoʻo kulupú, kae fili ha kupuʻi lea fakafolofola mahuʻinga mei ha fakamoʻoni fakataukei fakatokāteline. Tā ʻi hoʻo laʻipepa ʻuluakí ha fakatātā faingofua ʻokú ne fakatātaaʻi ʻa e kupuʻi lea fakafolofola mahuʻingá.
Paasi takai fakatoʻomataʻu ʻa e ʻū laʻipepá ʻi he ngaahi kulupú. Sio ki he fakatātā ʻi he peesi ʻuluakí. ʻI he peesi hono uá, tohiʻi ai ʻa e fakamoʻoni fakataukei fakatokāteline ʻokú ke pehē ʻoku fekauʻaki mo e fakatātaá.
Paasi takai fakatoʻomataʻu ʻa e ʻū laʻipepá. ʻOua ʻe sio ki he fakatātā ʻi he peesi ʻuluakí, kae lau ʻa e fakamoʻoni fakafolofola ki he fakataukei fakatokāteline ʻi he peesi hono uá. Tā ʻi he laʻipepa hono tolú ha fakatātā faingofua ʻokú ne fakatātaaʻi ʻa e kupuʻi lea fakafolofola mahuʻingá.
Paasi takai fakatoʻomataʻu ʻa e ʻū laʻipepá. ʻOua ʻe sio ki he fakamoʻoni fakafolofola ʻi he peesi hono uá, kae sio ki he fakatātā ʻi he peesi hono tolú. ʻI he peesi hono faá, tohiʻi ai ʻa e fakamoʻoni fakafolofola ki he fakataukei fakatokāteline ʻokú ke pehē ʻoku fekauʻaki mo e fakatātaá.

Fakahinohinoʻi e kau akó ke fakafoki ʻa e laʻipepá ki he tokotaha ʻoku aʻaná. Fakaafeʻi e tokotaha takitaha ke vahevahe mo ʻenau ngaahi kulupú ʻa e ‘ū fakatātaá mo e ngaahi talí ʻi heʻenau laʻipepá. ʻE lava ke vahevahe ʻe he tokotaha ako takitaha ʻa e ʻuluaki kupuʻi lea fakafolofola mahuʻinga naʻa nau filí.

Fakaafeʻi e kau akó mo ʻenau kulupú ke lau leʻolahi e ngaahi potufolofola fakataukei fakatokāteliné mo e ngaahi kupuʻi lea mahuʻinga naʻe fakaʻaongaʻi ʻi he ʻekitivitī ko ʻení. Te nau lava ʻo toutou lau kinautolu.

Kapau ʻoku toe lahi e taimí, fakakaukau ke toe fai ʻa e ʻekitivitī tā fakatātaá mo ha ngaahi kupuʻi lea fakafolofola mahuʻinga kehekehe. Fakapapauʻi ʻoku maʻu ʻe he kau akó ha taimi feʻunga (miniti ʻe 25–30) ke fakahoko ʻa e ngaahi ʻekitivitī ʻi he konga “Ako mo fakaʻaongaʻi ʻa e ngaahi tefitoʻi moʻoni ʻo hono maʻu ʻo e ʻilo fakalaumālié” ʻi laló.

Ako mo fakaʻaongaʻi ʻa e ngaahi tefitoʻi moʻoni ʻo hono maʻu ʻo e ʻilo fakalaumālié

Tokoni ki he kau akó ke toe vakaiʻi e ngaahi tefitoʻi moʻoni ki hono maʻu ʻo e ʻilo fakalaumālié. ʻOku fakakau ʻa e ngaahi ʻekitivitī fakamanatu ʻoku fokotuʻu atú ʻi he konga ʻo e fakamatala fakalahi ʻoku ui ko e “Ngaahi ʻEkitivitī Fakamanatu ʻo e Fakataukei Fakatokāteliné.” ʻOku ʻikai fiemaʻu ke fakaʻaongaʻi ha taimi lahi ʻi he fakamanatu ko ʻení, ka ʻoku fiemaʻu ke toutou vakaiʻi maʻu pē ʻe he kau akó ʻa e ngaahi tefitoʻi moʻoni ko ʻení kae lava ke fakaʻaongaʻi kinautolu ʻi heʻenau moʻuí. ʻOku maʻu ʻa e ngaahi fakamatala ʻo e ngaahi tefitoʻi moʻoní ʻi he palakalafi 5–12 ʻo e Fakamatala ki he ʻElito ʻo e Fakataukei Fakatokāteliné (2023). Hili hono toe vakaiʻí, tuku ke akoako fakaʻaongaʻi ʻe he kau akó ʻa e ngaahi tefitoʻi moʻoni ko ʻení mo e tūkunga ko ʻení.

Hili ha lēsoni lautohi faka-Sāpate kimuí ni mai fekauʻaki mo e mahuʻinga ʻo e ʻalu ki he temipalé, ʻoku fakatokangaʻi ʻe Paula kuo fuoloa ʻene taʻe ʻalu ki he temipalé. Koeʻuhí ko ha ngaahi fehalaaki kuó ne fai, ʻoku ʻikai ke ne ongoʻi taau ke hū ki he fale ʻo e ʻEikí. ʻOku fakakaukau ʻa Paula kiate ia pē, “He ʻikai finangalo ʻa e ʻOtuá ke u ʻi Hono temipalé koeʻuhí ko e meʻa kuó u faí.”

ʻOkú ke pehē ʻe tokoni fēfē ʻa e ngaahi tefitoʻi moʻoni ki hono maʻu ʻo e ʻilo fakalaumālié ki ha taha ʻokú ne ongoʻi e meʻa tatau mo Paulá?

Poupouʻi e kau akó ke fakatātaaʻi e founga ʻe lava ke tokoniʻi ai ʻe he ngaahi tefitoʻi moʻoni takitaha ʻa Paulá. ʻOku nofotaha e toenga ʻo e lēsoni ko ʻení ʻi hono tokoniʻi e kau akó ke vakaiʻi e ngaahi fehuʻí mei ha fakakaukau ʻoku taʻengatá. Kapau ʻokú ke ongoʻi ʻe lava ke fakaʻaongaʻi ʻe he kau akó ha akoako lahi ange ʻi he ngaahi tefitoʻi moʻoni kehé, liliu ʻa e lēsoní ke feau lelei ange ʻa e ngaahi fiemaʻu hoʻo kau akó.

Ko e founga ʻe taha te tau lava ai ʻo vakaiʻi e ngaahi fehuʻí mei ha fakakaukau ʻoku taʻengatá ko hono toe fakalea foʻou e ngaahi fehuʻí (pe vakai ki ai ʻi ha founga kehe) ʻo makatuʻunga ʻi he meʻa kuo akoʻi ʻe he ʻEikí (vakai, palakalafi 8–9 ʻo e Fakamatala ki he ʻElito ʻo e Fakataukei Fakatokāteliné [2023]).

Ko e hā ha ngaahi fakakaukau ʻe ala maʻu ʻe Paula fekauʻaki mo e Tamai Hēvaní, ko ʻEne palaní, pea mo e founga ʻEne fakafōtunga ki Heʻene fānaú? Ko e hā ha ngaahi fakakaukau ʻe ala maʻu ʻe Paula fekauʻaki mo ia?

ʻE ala kau ʻi he ngaahi tali ʻe ala maʻu ʻe he kau akó ʻa e “ʻOku ʻikai ʻofa ʻa e ʻOtuá ʻiate au,” “ko e temipalé maʻanautolu pē ʻoku haohaoá,” mo e “ʻoku fakahoʻata ʻe heʻeku ngaahi fehalaākí hoku tūkunga totonú.”
ʻE liliu fēfē ʻe he ngaahi fakakaukau ko ʻení ʻa e vā fetuʻutaki ʻo Paula mo e Tamai Hēvaní mo Sīsū Kalaisí?

Tamateʻi e ngaahi fakakaukaú pea tā ha foʻi puha foʻou ʻi he palakipoé. Hili iá, ʻe lava ke akoako fakalea foʻou ʻe he kau akó ʻa e hohaʻa ʻa Paulá. Fakaafeʻi e kau akó ke hiki ha ngaahi moʻoni mo ha ngaahi fakamoʻoni fakafolofola fakataukei fakatokāteline ʻi he palakipoé ʻo takatakai ʻi he foʻi puha foʻoú.

Ko e hā ha ngaahi moʻoni fekauʻaki mo e palani ʻa e Tamai Hēvaní pe mei he ngaahi akonaki ʻa e Fakamoʻuí ʻe lava ʻo tokoni kia Paula ke liliu ʻene hohaʻá pe vakai ki ai mei he fakakaukau ʻa e ʻOtuá?
Ko e hā ha potufolofola fakataukei fakatokāteline te ke lava ʻo vahevahe mo Paula? Ko e hā hono ʻuhingá?

ʻE lava ke kau ʻi he ngaahi tali ʻa e kau akó ʻa e:

ʻOku fiemaʻu ke tau moʻui taau ke hū ki he temipalé (vakai, Saame 24:3–4).
ʻE lava ke fakamaʻa kitautolu ʻe he ʻEikí mei heʻetau ngaahi angahalá mo ʻai ke tau taau (vakai, ʻĪsaia 1:18; 53:3–5).
ʻOku ʻiloʻi kitautolu ʻaki hotau tuʻunga ko e fānau ʻa e ʻOtuá (vakai, Sēnesi 1:26–27), kae ʻikai ko ʻetau ngaahi angahalá mo e fehalaākí.

Fakakaukau ke vahevahe e lea naʻe fai ʻe ‘Eletā Kuenitini L. Kuki ʻi he Ngaahi Maʻuʻanga Tokoni Kehé.

Ke tokoni ke fakakaukau e kau akó ki he meʻa kuo nau akó, fakaafeʻi kinautolu ke fai ʻeni.

ʻI hono fakaʻaongaʻi e meʻa kuó ke ako mo ongoʻi he ʻaho ní, hiki ha tali kia Paula ʻe ala tokoni kiate ia ke vakai ki heʻene fehuʻí ʻʻi ha fakakaukau taʻengata ki he palani ʻa e Tamai Hēvaní pea mo e ngaahi akonaki ʻa Sīsū Kalaisí.

Fakaafeʻi ha kau ako ʻe loto-fiemālie ke vahevahe ʻenau talí mo e kalasí. ʻI he fanongo ʻa e kau akó mei he niʻihi kehé, fakaafeʻi kinautolu ke fakakaukauloto ki he ongo naʻe mei maʻu ʻe Paula ʻi heʻene fanongo ki he ngaahi tali ko ʻení.

Kapau ʻokú ke fakakaukau ki ha aʻusia, ʻe lava ke ke vahevahe ʻa e founga kuo tokoniʻi ai koe ʻe he tefitoʻi moʻoni ʻo hono vakaiʻi e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá ke ke maʻu ha tali ki ha ngaahi fehuʻi pe hohaʻa.

Ngaahi Maʻuʻanga Tokoni Kehé

Te u lava fēfē ʻo moʻui taau ke maʻu ha lekomeni temipale?

Naʻe fakahā ʻe ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá:

16:23

ʻOku tau fakaʻamu lahi ke moʻui taau ʻa e kāingalotu ʻo e Siasí ke maʻu ha lekomeni temipale. Mou kātaki ʻo ʻoua te mou pehē ko e temipalé ko ha taumuʻa ia ʻoku tāumamaʻo pe taʻemalava. ʻE lava ke aʻusia ʻe he tokolahi taha ʻo e kāingalotú e ngaahi fiemaʻu māʻoniʻoni kotoa pē ʻi ha kiʻi taimi nounou kapau ʻoku nau lotoʻaki ke taau mo fakatomala kakato mei he maumaufonó pea ngāue mo ʻenau pīsopé. ʻOku kau heni ʻa e loto-fiemālie ke fakamolemoleʻi kitautolú kae ʻoua ʻe nofotaha ʻetau tokangá ʻi heʻetau ngaahi tōnounoú pe angahalá ke taʻofi ai haʻatau malava ke hū ki he temipale toputapú. (“Sio Kiate Koe ʻi he Loto Temipalé,” Liahona, Mē 2016, 98)

Ngaahi ʻEkitivitī Fakalahi ki he Akó

Tūkunga ʻe taha

Tokoni ke akoako fakahoko ʻe he kau akó ha tūkunga ʻoku fekauʻaki mo e moʻui taau mo e temipalé pe ko e mahuʻinga ʻo hono ʻai ʻo e temipalé ke hoko ko ha konga ʻo ʻetau moʻuí. Ko e tūkunga ko ʻení ko ha founga ia ʻe taha ke fakahoko ai ʻeni. Faʻu ha ngaahi fakaikiiki ki he tūkunga ʻokú ke ongoʻi ʻoku ʻaonga ki he tūkunga hoʻo kau akó.

ʻE ʻalu atu e kalasi Finemui ʻa ʻAná ki he Fale ʻo e ʻEikí he uiké ni. ʻOku fuʻu femoʻuekina ʻaupito ʻa ʻAna pea kuo teʻeki ai ke ne fakamuʻomuʻa ʻa e ʻalu ki he temipalé. ʻI heʻene ʻilo ki he ʻaho mo e taimi ʻoku fakataha ai ʻene kalasí, ʻokú ne fakakaukau, “Kapau te u ʻalu ki he ʻekitivitī fakatemipale ko ʻení, he ʻikai ke u maʻu ha taimi ke fai kotoa ai e meʻa ʻoku fiemaʻu ke u faí.”

Te ke lava ʻo ʻoange ʻa e tūkunga ko ʻení, pea mo e tūkunga ʻe taha ʻi he lēsoní, ki he kau akó pea fakaafeʻi kinautolu ke fili ha tūkunga ʻe taha ke nau ʻomi ha tali ki ai.