Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Saame 61–86: “Fakafanongo Ki Heʻeku Lotú, ʻE ʻOtua”

“Saame 61–86: ‘Fakafanongo Ki Heʻeku Lotú, ʻE ʻOtua,’” Fuakava Motuʻá – Tohi Lēsoni ʻa e Faiako Seminelí (2026)

“Saame 61–86: ‘Fakafanongo Ki Heʻeku Lotú, ʻE ʻOtua,’” Fuakava Motuʻá – Tohi Lēsoni ʻa e Faiako Seminelí

Saame 49–51; 61–66; 69–72; 77–78; 85–86: Lēsoni 105

Saame 61–86

“Fakafanongo Ki Heʻeku Lotú, ʻE ʻOtua”

A women with her hands together, she is praying

Mahalo te ke lava ʻo fakakaukau ki ha ngaahi momeniti ʻi hoʻo moʻuí naʻá ke fie ʻunuʻunu ofi ange ai ki he Tamai Hēvaní. Ko e lahi taha ʻo e ngaahi Sāmé ko ha ngaahi lotu ongo moʻoni ia ʻoku nau ʻomi ha sīpinga ʻo e fakataufolofola ki he Tamai Hēvaní ʻi he tui loto-fakatōkilalo. Ko e lotú ko ha meʻangāue mālohi ia ʻokú ne fakaʻatā ha taha ʻi ha faʻahinga taimi pē ke ne kole ki he ʻOtuá ha fakafiemālie, mālohi, pe fakahinohino. Hangē ko ha ʻū meʻangāue lahi, te tau lava ʻo ako ke fakaʻaongaʻi lelei ange ʻa e lotú. ʻE tokoni ʻa e lēsoni ko ʻení ki he kau akó ke nau fetuʻutaki lelei ange mo e Tamai Hēvaní ʻo fakafou ʻi he lotú.

Teuteu ʻa e tokotaha akó: Fakakaukau ke fakaafeʻi e kau akó ke nau tokanga ʻi he taimí ni mo e kalasi hokó ki he ongo ʻoku nau maʻu ʻi heʻenau fetuʻutaki mo e Tamai Hēvaní ʻi heʻenau ngaahi lotú.

Ngaahi ʻEkitivitī Ako ʻOku Ala Fakahokó

Tokangá mo e fakavaʻivaʻingá

Kimuʻa pea kamata e kalasí, tohiʻi ʻa e “tokanga” mo e “fakavaʻivaʻinga” ʻi he palakipoé. Fakapapauʻi ʻoku mahino ki he kau akó ʻa e ʻuhinga ʻo e ongo foʻi lea ko ʻení. Tokanga: fakahoko ia ʻi he faʻa fakakaukau. Fakavaʻivaʻinga: fiemālie pe ʻikai ke tokanga.

Fakakaukau ke vahevahe e kau akó ke tauhoa pe fakakulupu iiki ke vahevahe ʻenau fakakaukau pe ʻe ngali fēfē nai ʻa e tokangá pe fakavaʻivaʻingá ʻi he ngaahi ʻekitivitī ko ʻení. Pe, ko hoʻo fakaafeʻi ha ngaahi hoa pe kulupu ke tala atu ha ngaahi meʻa ʻoku nau tokanga ki ai mo ha ngaahi meʻa ʻoku nau fakavaʻivaʻinga ai.

Vaʻinga ʻi ha sipoti

Ko e ako hono fakaʻaongaʻi ha meʻaleá

Ngāue fakaakó

Hili hono maʻu ʻe he kau akó ha faingamālie ke vahevahé, tohiʻi ʻa e “lotu” ʻi he palakipoé.

ʻE fēfē nai ʻa e tokangá pe fakavaʻivaʻingá ʻi ha lotu?

Fakaafeʻi e kau akó ke fakakaukau ki he founga ʻoku nau lolotonga fakahoko ai ʻenau lotú. Ko ha founga ʻeni ʻe taha ke fakahoko ai ʻení. Fakapapauʻi ange ki he kau akó he ʻikai ke nau vahevahe ʻenau ngaahi talí mo ha taha kehe.

Fakakaukau fakalongolongo ki hoʻo ngaahi tali ki he ngaahi fehuʻi ko ʻení:

Te ke pehē nai ʻoku fakahoko hoʻo ngaahi lotú ʻi he tokanga pe ʻi he fakavaʻivaʻinga? Ko e hā hono ʻuhingá?
ʻE tāpuekina fēfē nai koe kapau naʻe tokanga mo mahuʻingamālie ange hoʻo ngaahi lotú?

Ko e konga lahi ʻo e ngaahi sāmé ko ha ngaahi lotu fakamātoato ia ʻokú ne ʻomi ha sīpinga ʻo e fakataufolofola ki he Tamai Hēvaní ʻi he tui fakatōkilalo. ʻI hoʻo ako e ngaahi saame ko ʻení, ongoʻingofua ʻa e ngaahi fakakaukau mo e ngaahi ongo mei he Laumālie Māʻoniʻoní fekauʻaki mo e founga ke fetuʻutaki lelei ange ai mo e Tamai Hēvaní ʻi he lotú.

ʻE lava ke akoʻi kitautolu ʻe he ngaahi sāmé fekauʻaki mo e lotú

Ke tokoni ke mahino ki he kau akó ha ngaahi founga te nau lava ai ʻo fetuʻutaki lelei ange mo e Tamai Hēvaní ʻi he lotú, fakakaukau ke fakaʻaliʻali ʻa e ngaahi potufolofola mo e ngaahi fehuʻi ko ʻení ʻi he palakipoé. ʻE lava ke lau ʻe he kau akó ha potufolofola, pea fakakaukau ki he founga ʻokú ne tali ai ha fehuʻi ʻe taha pe lahi ange.

ʻE ala tokoni ke tā leʻosiʻi pē ha hiva ʻoku tā-meʻalea ʻataʻatā pē lolotonga e ako ʻa e kau akó.

Lau ha potufolofola ʻe tolu pe lahi ange mei he ngaahi potufolofola ko ʻení, ʻo kumi ha ngaahi tali ki ha fehuʻi ʻe taha pe lahi ange ʻi he ngaahi fehuʻi ko ʻení.

Ko e fē taimi ʻoku totonu ke u lotu ai ki he Tamai Hēvaní?
Te u lava fēfē ʻo tokanga ange ʻi heʻeku ngaahi lotú?
ʻOku totonu nai ke fēfē hoku ʻulungāngá ʻi he taimi ʻoku ou hū ai ki he Tamai Hēvaní ʻi he lotú?

Fakaafeʻi e kau akó ke nau vahevahe e meʻa ne nau maʻú. Hiki ʻa e fakamatala taʻekakato ko ʻení ʻi he palakipoé ko ha konga ʻo e fealēleaʻakí: ʻE lava ke toe mahuʻingamālie ange ʻetau lotu ki he Tamai Hēvaní ʻi heʻetau …

Kole ki he kau akó ke nau fakakakato e fakamatalá ʻaki ʻa e meʻa ne nau ako fekauʻaki mo e lotú mei he ngaahi saame ne nau laú. ʻOku kau ʻi he ngaahi sīpinga ‘o e ngaahi meʻa ‘e lava ke lea ʻaki ʻe he kau akó ʻa e:

lotu ʻi ha faʻahinga taimi pē ʻo e ʻahó (vakai, Saame 55:16–17).

lotu ʻi he taimi ʻoku tau ongoʻi lōmekina aí (vakai, Saame 61:2).

lotua ha fakahaofi (vakai, Saame 69:13–18).

lotua ha ʻaloʻofa (vakai, Saame 86:3–5).

lotu ʻi he ʻulungaanga ʻo e ʻofa, ʻapasia, mo e fakafetaʻi (vakai, Saame 63:4–6; 86:8–13).

Lotu ʻi he ʻofa mo e ʻapasia ki he Tamai Hēvaní

ʻOku nofotaha ʻa e konga ko ʻeni ʻo e lēsoní ʻi he foʻi moʻoni ko ʻení: ʻE lava ke toe mahuʻingamālie ange ʻetau lotu ki he Tamai Hēvaní ʻi heʻetau lotu ʻi he ʻulungaanga ʻo e ʻofa, ʻapasia, mo e fakafetaʻi.

Ko e founga ʻe taha te tau lava ai ʻo lotu ki he Tamai Hēvaní ʻi he ʻulungaanga ʻo e ʻofa mo ha ʻapasia ʻoku lahi angé, ʻoku fakafou ia ʻi he tō mo e fakalea ʻo ʻetau lotú.

Naʻe akoʻi ʻe Palesiteni Tāleni H. ʻOakesi ʻo e Kau Palesitenisī ʻUluakí:

ʻOku muimui mai e ngaahi fakalea makehe ʻo e lotú ʻi ha ngaahi tuʻunga kehekehe ʻi he ngaahi lea fakafonua kehekehe, ka ʻoku tatau maʻu pē ʻa e tefitoʻi moʻoní. ʻOku totonu ke tau lotu ki heʻetau Tamai Hēvaní ʻi he ngaahi lea ʻoku fakaʻaongaʻi ki he ʻofá mo e fakaʻapaʻapá mo e loto-ʻapasiá mo e ongoʻi vāofí. …

… ʻOku tau fakaʻamu ke muimui ʻi he akonaki ʻa e Fakamoʻuí, “ʻO ka mou ka lotu, ʻoua naʻa mou launoa, ʻo hangē ko e hītení: he ʻoku nau mahalo ʻe fanongoa kinautolu ko ʻenau lea lahí.” [Mātiu 6:7; vakai foki ki he 3 Nīfai 13:7.] ʻOku totonu ke mahinongofua, fakahangatonu, pea fakamātoato ʻetau ngaahi lotú. (“The Language of Prayer,” Ensign, May 1993, 16)

Te ke lava ʻo fakamatalaʻi ange te tau lava ʻo fakahaaʻi ʻa e ʻofá, fakaʻapaʻapá, mo e ʻapasiá ki he Tamai Hēvaní ʻaki haʻatau fakataufolofola kiate Ia ʻo fakaʻaongaʻi ʻa e ngaahi lea ko e ʻafiona, ʻafio mo e alā meʻa pehē. Vakai, “The Language of Prayer,” Ensign, May 1993, ki ha fakamatala lahi ange.

Fakakaukau ki he fakalea ʻokú ke fakaʻaongaʻi ʻi hoʻo ngaahi lotú pea mo e founga ʻokú ne fakahaaʻi ai hoʻo ngaahi ongo ki he Tamai Hēvaní.

Ko e hā nai e ʻuhinga ʻe ʻaonga ai ʻa e feinga ke fakaʻaongaʻi ʻa e lea fakaʻapaʻapa mo ʻapasiá ʻi hoʻo ngaahi lotú?

Lau ʻa e Mātiu 6:5–13 ʻo kumi e founga naʻe fakahaaʻi ai ʻe Sīsū Kalaisi ha ʻofa mo ha ʻapasia ki he Tamai Hēvaní ʻi he lotú.

Ko e hā e meʻa ʻokú ke ako mei he ngaahi akonaki mo e sīpinga ʻa e Fakamoʻuí te ne lava ʻo tākiekina e founga hoʻo lotú?
Kuo faitāpuekina fēfē hoʻo moʻuí ʻe he lotu fakamātoató?

Fakaʻaongaʻi

ʻE lava ke tokoni ʻa e fakatātā ko ʻení ki he kau akó ke nau fakakaukau ki ha ngaahi founga ke fakaʻaongaʻi ai e meʻa ne nau ako fekauʻaki mo e lotú. Fakaafeʻi e kau akó ke tā ‘a e fakatātaá ʻi heʻenau tohinoa akó. Fakaafeʻi leva kinautolu ke hiki e ngaahi tali ki he ngaahi fehuʻí ʻi he fakatātā ʻi he konga takitaha.

Tokoni ke fakatokangaʻi ʻe he kau akó ko e meʻa ne nau tohí ko ha ngaahi meʻa ia te nau lava ʻo kamata fakaʻaongaʻi he ʻaho ní. Fakaafeʻi ke nau ngāueʻi ha meʻa ʻe taha pe ua ʻo e ngaahi meʻa ne nau tohí. Kapau ʻe lava ʻe he kau akó, te ke lava ʻo fakaafeʻi ke nau faitaaʻi ʻenau fakatātaá ke nau manatuʻi e meʻa ne nau hikí.

Fakakaukau ke vahevahe hoʻo fakamoʻoni ki he founga te tau lava ai ʻo fetuʻutaki mo e Tamai Hēvaní ʻi ha ngaahi founga mahuʻingamālie ʻo fakafou ʻi he lotú.

Ngaahi Maʻuʻanga Tokoni Kehé

ʻE tokoni fēfē nai ʻa e lotú ʻi he ngaahi taimi faingataʻá?

Naʻe akoʻi ʻe Palesiteni M. Lāsolo Pālati (1928–2023):

ʻI he ngaahi māhina kuo mahili atú, naʻá ku maʻu ʻa e ongo ko e founga lelei taha ke tokoni ai ki he tūkunga lolotonga ʻo e māmaní ko e maʻu ʻe he kakai kotoa pē ha falala kakato ki he ʻOtuá pea fakatafoki honau lotó kiate Ia ʻi he lotu fakamātoato. Ko e founga malu mo pau taha ke tau laka atu ai ki muʻa mei he ngaahi faingataʻa ko ʻení, ko hono fakavaivaiʻi kitautolu mo fekumi ki he tataki ʻa e langí ke kātekina pe ikunaʻi ʻa hotau tūkungá. …

ʻOku maʻongoʻonga ʻa e mālohi ʻo e lotú, pea ʻoku fiemaʻu ʻetau ngaahi lotu ʻi he tui ki he ʻOtuá mo Hono ʻAlo ʻOfaʻangá ʻi he māmaní ʻi he ʻahó ni! Tuku ke tau manatuʻi muʻa pea houngaʻia ʻi he mālohi ʻo e lotú. (“Ko Ia Mou Leʻo, pea Lotu Maʻu Ai Pē,” Liahona, Nōvema 2020, 78, 79)

Te tau lava fēfē ʻo ʻai ʻetau ngaahi lotú ke ʻuhingamālie angé?

Naʻe pehē ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá:

ʻOku ou fakamoʻoni ʻoku ʻuhingamālie ange ʻetau lotú ʻi he taimi ʻoku tau fealeaʻaki ai mo e ʻEikí ʻi he meʻa kotoa pē, ʻi heʻetau fakahaaʻi ha loto-houngaʻiá, pea ʻi heʻetau lotua fakamātoato ʻa e niʻihi kehé ʻi he loto-moʻoní.

ʻOku ou fakamoʻoni ʻoku moʻui ʻa e Tamai Hēvaní pea ʻokú Ne fanongo mo tali ʻetau lotu fakamātoato kotoa pē. (“Lotu Maʻu Ai Pē,” Liahona, Nōvema 2008, 44)

Ko e hā ha meʻa te ne lava ʻo tokoniʻi kitautolu ʻi heʻetau fekumi ki ha ngaahi tali ki heʻetau ngaahi lotú?

Naʻe akonaki ʻa Palesiteni Lāsolo M. Nalesoni ʻo pehē:

Lotu ʻi he huafa ʻo Sīsū Kalaisí fekauʻaki mo hoʻo ngaahi hohaʻá, manavasiʻí, mo ho ngaahi vaivaí—ʻio, ʻa e ngaahi fakaʻānaua ʻo ho lotó. Peá ke fakafanongo leva! Tohi ʻa e ngaahi fakakaukau ʻoku haʻu ki ho ʻatamaí. Hiki ʻa e ngaahi meʻa ʻokú ke ongoʻí pea fakahoko ʻa e meʻa ʻoku ueʻi koe ke ke faí. ʻI hoʻo toutou fai ʻeni ʻi he ʻaho ki he ʻaho, māhina ki he māhina, taʻu ki he taʻú, te ke “lava ʻo tupulaki ʻi he tefitoʻi moʻoni ʻo e fakahaá” [Ngaahi Akonaki ʻa e Kau Palesiteni ʻo e Siasí: Siosefa Sāmita (2007), 151]. (“Fakahā maʻá e Siasí, Fakahā ki Heʻetau Moʻuí,” Liahona, Mē 2018, 95)

Naʻe vahevahe ʻe Palesiteni Tieta F. ʻUkitofa, ʻi heʻene kei ʻi he Kau Palesitenisī ʻUluakí ʻo pehē:

ʻOku tokangaekina koe ʻe he ʻOtuá. Te Ne fakafanongo pea tali mai hoʻo ngaahi fehuʻi fakatāutahá. ʻE fakahoko mai e tali hoʻo lotú ʻi Heʻene founga mo e taimi pē ʻAʻaná, ko ia ai, ʻoku fiemaʻu ke ke ako ke fakafanongo ki Hono leʻó. ʻOku finangalo e ʻOtuá ke ke foki ange kiate Ia, pea ko e Fakamoʻuí pē ʻa e halá. (“Ko Hono Maʻu ha Fakamoʻoni ʻo e Māmá mo e Moʻoní,” Liahona, Nōvema 2014, 21)

Ngaahi ʻEkitivitī Fakalahi ki he Akó

Ko e meʻa naʻe ʻilo ʻe he tangata faʻu sāmé fekauʻaki mo e Tamai Hēvaní

ʻE lava ke tokoni ʻa e ako fekauʻaki mo e Tamai Hēvaní ke hū ʻa e kau akó kiate Ia ʻi he lotu. Kapau ʻoku toe ha taimi ʻi hoʻo lēsoní, kimuʻa peá ke hiki ki he konga ki hono fakaʻaongaʻí, fakakaukau ke fakaafeʻi e kau akó ke lau ʻa e ngaahi fakamoʻoni fakafolofola ko ʻení. ʻE ala tokoni ki he kau akó ke nau tauhoa pea ʻai ke lau ʻe ha hoa ʻe taha ʻa e ʻuluaki seti ʻe ua ʻo e vēsí pea lau ʻe he hoa ʻe tahá ʻa e seti veesi hono tolú. Fakaafeʻi e kau akó ke lau ʻa e ngaahi vēsí ʻo kumi e meʻa naʻe mahino ki he tangata faʻu sāmeé fekauʻaki mo e ʻOtuá te ne lava ʻo tākiekina ʻenau ngaahi lotú.

Saame 62:5–8

Saame 63:7

Saame 86:8–10, 13, 15–16

Hili hono lau mo vahevahe ʻe he kau akó ʻa e ngaahi meʻa ne nau maʻú, te mou lava ʻo aleaʻi e fehuʻi ko ʻení mo e kalasí:

ʻE tokoni fēfē nai hono ʻiloʻi e ngaahi meʻa ko ʻení fekauʻaki mo e Tamai Hēvaní ki ha taha ke lotu fakamātoato ange?
Ko e hā e meʻa ʻokú ke ʻilo fekauʻaki mo e Tamai Hēvaní ʻe lava ʻo tokoni atu ʻi hoʻo ngaahi lotú?

Tuku ha taimi ke fai ai ha lotu

Ke tokoni ki he kau akó ke tuku ha taimi ke fetuʻutaki ai mo e Tamai Hēvaní ʻi he lotú, fakakaukau ke huluʻi ʻa e vitiō “Face to Face with President Eyring and Elder Holland” mei he taimi 44:35 ki he 46:09. Naʻe vahevahe ʻe Palesiteni Sefilī R. Hōlani ha ngaahi founga naʻá ne tuku ai mo hono uaifi ko Petulisá ha taimi ke na lotu ai.

96:16

Hili e vitioó, te ke lava ʻo fakaafeʻi e kau akó ke vahevahe e meʻa ne nau akó pe ko ʻenau fakakaukaú. ʻE lava ke fakaafeʻi e kau akó ke tuku mavahe ha taimi pau ʻi he ʻaho takitaha ki he lotú.

ʻAmanaki lelei mo falala ki hotau toʻu tupú

ʻE lava ke fakaʻaongaʻi ʻa e Saame 71:5 ke tokoniʻi e kau akó ke nau maʻu ha ʻamanaki lelei ʻi he ʻOtuá pea falala kiate Ia lolotonga ʻenau kei toʻu tupú.

Taimi ʻe niʻihi ʻoku fakasiʻia ʻe he toʻu tupú ʻa e mahuʻinga ʻo e muimui ki he ongoongoleleí ʻi heʻenau kei īkí, ʻo fakakaukau te nau muimui pau ange ki ai ʻi heʻenau hoko ko ha kakai lalahí. ʻE lava ke mahuʻinga ke fakakaukau e kau akó ki he mālohi ʻe lava ke maʻu ʻe he ʻOtuá ʻi heʻenau moʻuí ʻi heʻenau falala kiate Iá. Fakaafeʻi e kau akó ke lau ʻa e Saame 71:5 mo e ʻAlamā 38:2 ʻo fakakaukau ki he mahuʻinga ʻo e falala ki he ʻOtuá ʻi heʻenau kei talavoú. Te ke lava ʻo ʻai ke aleaʻi ʻeni ʻe he kau akó:

ʻOkú ke pehē ko e hā ʻoku mahuʻinga ai ke ako ʻi heʻetau kei toʻu tupú ke maʻu ha ʻamanaki lelei pea falala ki he ʻOtuá?
Kuo hoko fēfē ʻa e ʻOtuá ko ha maʻuʻanga ivi pe ʻamanaki lelei kiate koe ʻi hoʻo kei talavoú?

“ʻE tupu hake ʻa e moʻoní mei he kelekelé” (Saame 85:11)

Ke tokoni ki he kau akó ke nau ako fekauʻaki mo hono ʻomi ʻo e Tohi ʻa Molomoná, te ke lava ʻo vahevahe e kau akó ki ha ngaahi hoa pea fakaafeʻi kinautolu ke takitaha lau ha taha ʻo e ngaahi meʻá ni, ʻo kumi e ngaahi kikite ʻo e Tohi ʻa Molomoná: Saame 85:11, ʻĪsaia 29:4, mo e Mōsese 7:62. Kapau ʻe fiemaʻu, tokoni ke nau ʻiloʻi ʻoku ʻuhinga ʻa e foʻi lea takitaha ki he haʻu e folofola ʻa e ʻOtuá mei he kelekelé, ʻo fakamatala ki he ʻū lauʻi peleti koula naʻe fufuuʻi ʻi he kelekelé ke toki maʻu ʻe Siosefa Sāmita ʻo liliú.

Kuo tokoniʻi fēfē nai koe ʻe he Tohi ʻa Molomoná ke ke ofi ange ki he Tamai Hēvaní mo Sīsū Kalaisí?

“ʻOku ou Lotu ʻi he Taimi”

Mahalo te ke fie huluʻi ʻa e foʻi vitiō “I Pray When” (1:56) ko ha konga ʻo e fealēleaʻaki fekauʻaki mo e taimi ʻoku totonu ke tau lotu ai ki he Tamai Hēvaní. Hili iá, ʻe lava ke fehuʻi ki he kau akó pe ko e ngaahi fakakaukau fē naʻa nau sio naʻe toutou ʻasi ʻi he ngaahi folofola naʻa nau ako ʻi he Ngaahi Sāmé, pe kole ange ke nau vahevahe ha ngaahi taimi kehe ʻoku nau lotu ai.

1:56

“ʻOkú Ke ʻI Ai Nai?”

Ko e vitiō hiva “Are You Really There?” (3:46) ʻokú ne fakatātaaʻi ha niʻihi fakafoʻituitui ʻoku nau tafoki ki he Tamai Hēvaní ʻi he lotu mo maʻu e tali ki heʻenau ngaahi lotú. Te ke lava ʻo huluʻi e vitiō ko ʻení ke tokoni ki he kau akó ke fakakaukau ki heʻenau ngaahi lotú mo ongoʻi ha ʻamanaki lelei ʻe tali ʻe he Tamai Hēvaní ʻenau ngaahi lotú.

3:45