Seminary
Mga Salmo 49–51; 61–66; 69–72; 77–78; 85–86: Kinatibuk-ang Pagpasabot

“Mga Salmo 49–51; 61–66; 69–72; 77–78; 85–86: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“Mga Salmo 49–51; 61–66; 69–72; 77–78; 85–86: Kinatibuk-ang Pagpasabot,” Manwal sa Magtutudlo sa Seminary sa Daang Tugon

Mga Salmo 49–51; 61–66; 69–72; 77–78; 85–86

Mga Salmo 49–51; 61–66; 69–72; 77–78; 85–86

Kinatibuk-ang Pagpasabot

Human makahimog seryosong mga sala, gipahayag ni David diha sa usa ka salmo ang iyang tinguha nga maghinulsol ug mahimong limpyo (tan-awa sa Salmo 51). Sagad sa mga kasulatan ang Dios ang nakig-istorya sa mga tawo, pero kadaghanan sa mga salmo mao ang mga ekspresyon sa tawo nga nakigsulti sa Dios. Sa tibuok Mga Salmo, gipahayag sa mga salmista ang ilang mga paglaom ug pagbati gamit ang mga pulong nga sama og pag-ampo. Samtang atong tun-an ang mga pag-ampo sa mga salmista, makakat-on tag mga paagi sa pagpalawom sa kaugalingon natong relasyon sa Langitnong Amahan pinaagi sa pag-ampo.

icon sa seminaryItudlo ang Doktrina. Dihang ang Manluluwas nagtudlo gamit ang mga sambingay, Iyang gitugotan ang tigkat-on nga masabtan ang lainlaing bahin sa istorya. Nakatabang kini sa mga tigkat-on nga makita ang personal nga kaimportante sa Iyang mga pagtulun-an. Dihang atong itudlo ang doktrina sa Manluluwas, matabangan nato ang mga estudyante nga makita ang personal nga kaimportante sa ilang nakat-onan. Ang usa ka paagi nga mahimo nato kini mao ang pagtabang sa mga estudyante nga ikonsiderar ang ilang personal nga mga kahimtang samtang ilang tun-an ang mga kasulatan. Aron makakat-on og dugang, tan-awa sa “Gitabangan sa Manluluwas ang mga Tawo sa Pagpangita og Personal nga Kalabotan diha sa Iyang Doktrina” (Pagtudlo Sumala sa Pamaagi sa Manluluwas, 23). Ang usa ka ehemplo kon unsaon kini paghimo anaa sa Leksiyon 105: “Mga Salmo 61–86.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.

Salmo 51

Katuyoan sa leksiyon: Aron tabangan ang mga estudyante nga masabtan nga samtang maghinulsolsol sila, malimpyohan sila sa Manluluwas.

  • Pagpangandam sa estudyante: Dapita ang mga estudyante nga handurawon nga naa sila sa mosunod nga sitwasyon: Handurawa nga gipakigbahin sa imong higala nga kinahanglan siyang maghinulsol pero wala siya mahibalo kon unsaon. Unsay gusto nimong masabtan niya bahin sa paghinulsol ug sa tahas sa Manluluwas sa pagbuntog sa sala?

  • Sulod nga ipakita: Ang mga instruksiyon sa pagtubag sa pangutana nga nakabase sa sitwasyon gikan sa magasin nga Alang sa Kalig-on sa Kabatan-onan; mga instruksiyon samtang tun-an sa mga estudyante ang Salmo 51:1–19

Salmo 61–86

Katuyoan sa leksiyon: Aron tabangan ang mga estudyante sa pagpakig-istorya sa Langitnong Amahan sa mas makahuloganong paagi pinaagi sa pag-ampo.

  • Pagpangandam sa estudyante: Ikonsiderar ang pagdapit sa mga estudyante nga hatagan og pagtagad sa karon ug sa sunod nga klase kon unsay ilang gibati bahin sa ilang koneksiyon sa Langitnong Amahan diha sa ilang mga pag-ampo.

  • Sulod nga ipakita: Ang mga pakisayran sa kasulatan sa salmo ug kauban nga mga pangutana; ang diagram aron tabangan ang mga estudyante sa paggamit sa ilang nakat-onan bahin sa pag-ampo

Pagbansay 7 sa Doktrinal nga Kahanas

Katuyoan sa leksiyon: Aron tabangan ang mga estudyante sa pagsag-ulo sa mahinungdanong hugpong sa mga pulong diha sa mga tudling sa doktrinal nga kahanas ug sa paggamit sa balaanong mga baroganan sa pag-angkon og espirituhanong kahibalo.

  • Pagpangandam sa estudyante: Dapita ang mga estudyante nga irebyo ang listahan sa Mga tudling sa Doktrinal nga Kahanas sa Daang Tugon ug ang mahinungdanong mga hugpong sa mga pulong sa kasulatan nga anaa diha sa Librarya sa Ebanghelyo. Pwedeng mamili ang mga estudyante og usa ka tudling ug mahinungdanong hugpong sa mga pulong sa kasulatan gikan sa listahan. Dapita ang mga estudyante sa paggahin og pipila ka minuto sa pagsag-ulo sa ilang napiling tudling ug mahinungdanong hugpong sa mga pulong sa kasulatan. Pwede nilang gamiton ang mobile app sa doktrinal nga kahanas isip usa ka himan aron motabang nila sa pagsag-ulo.

  • Mga aytem nga andamon: Upat ka gagmayng piraso sa papel nga naka-stapler para sa matag estudyante

  • Sulod nga ipakita: Mga instruksiyon para sa Pagsag-ulo nga kalihokan; hulagway sa duha ka kwadro.

  • Bidyo: “Pagsusi sa mga Pangutana nga inubanan sa Mahangturong Panglantaw” (2:56)