Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Mga Salmo 61–86: “Patalinghogi ang akong Pag-ampo, O Dios”

“Salmo 61–86: ‘Patalinghogi ang akong Pag-ampo, O Dios,’” Manwal sa Magtutudlo sa Seminary sa Daang Tugon (2026)

“Salmo 61–86: ‘Patalinghogi ang akong Pag-ampo, O Dios,’” Manwal sa Magtutudlo sa Seminary sa Daang Tugon

Mga Salmo 49–51; 61–66; 69–72; 77–78; 85–86: Leksiyon 105

Mga Salmo 61–86

“Patalinghogi ang akong Pag-ampo, O Dios”

A women with her hands together, she is praying

Makahunahuna tingali ka og panahon sa imong kinabuhi dihang nagtinguha ka nga maduol sa Langitnong Amahan. Daghan sa Mga Salmo mao ang kinasingkasing nga mga pag-ampo nga naghatag og ehemplo sa pagduol sa Langitnong Amahan uban ang mapainubsanong pagtuo. Ang pag-ampo maoy gamhanang himan nga magamit ni bisan kinsa sa pagduol sa Dios bisan unsang orasa alang sa paghupay, kusog, o giya. Sama sa daghang himan, makakat-on kita sa paggamit sa pag-ampo sa mas epektibong paagi. Kini nga leksiyon makatabang sa mga estudyante sa pagpakig-istorya sa Langitnong Amahan sa mas makahuloganong paagi pinaagi sa pag-ampo.

Pagpangandam sa estudyante: Ikonsiderar ang pagdapit sa mga estudyante nga hatagan og pagtagad sa karon ug sa sunod nga klase kon unsay ilang gibati bahin sa ilang koneksiyon sa Langitnong Amahan diha sa ilang mga pag-ampo.

Posibleng mga Kalihokan sa Pagkat-on

Mabinantayon batok sa dili kaayo magtagad

Sa dili pa magklase, isulat sa pisara ang “mabinantayon” ug “dili kaayo magtagad.” Seguroa nga nasabtan sa mga estudyante ang kahulogan niining mga pulonga. Mabinantayon: gihimo uban ang paghunahuna o pagtagad. Dili kaayo magtagad: relaks o walay pakabana.

Ikonsiderar ang pagparespares sa mga estudyante o sa gagmayng grupo aron ipakigbahin ang ilang hunahuna kon unsay ipasabot sa pagkahimong mabinantayon o dili kaayo magtagad sa mosunod nga mga kalihokan. Ingon nga alternatibo, pwede nimong dapiton ang mga magkauban o ang mga grupo nga maghunahuna og mga butang diin mabinantayon sila ug mga butang nga dili kaayo sila magtagad.

Pagdula og sport

Pagkat-on og usa ka instrumento

Trabahoon sa eskwelahan

Human ang mga estudyante adunay kahigayonan sa pagpakigbahin, isulat sa pisara ang “pag-ampo.”

Unsa kaha ang pagkasusama sa pagkahimong mabinantayon o dili kaayo magtagad sa pag-ampo?

Dapita ang mga estudyante nga hunahunaon ang ilang kasamtangang paagi sa pag-ampo karon. Ang mosunod maoy usa ka paagi sa pagbuhat niini. Pasaligi ang mga estudyante nga dili nila ipakigbahin ang ilang mga tubag ngadto sa uban.

Hilom nga ikonsiderar ang imong mga tubag sa mosunod nga mga pangutana:

Makonsiderar ba nimo ang imong mga pag-ampo ingon nga mabinantayon o dili kaayo magtagad? Ngano man?
Sa unsang paagi ka mapanalanginan kon ang imong mga pag-ampo mas mabinantayon ug makahuloganon?

Daghan sa mga salmo mao ang kinasingkasing nga mga pag-ampo nga naghatag og ehemplo sa pagduol sa Langitnong Amahan uban ang mapainubsanong pagtuo. Samtang imong tun-an kini nga mga salmo, mahimong sensitibo sa mga hunahuna ug pagbati gikan sa Espiritu Santo bahin sa kon sa unsang paagi mas makahuloganon nga makig-istorya sa Langitnong Amahan pinaagi sa pag-ampo.

Ang mga salmo makatudlo nato bahin sa pag-ampo

Aron matabangan ang mga estudyante nga masabtan ang mga paagi nga mas makahuloganon nga makig-istorya sa Langitnong Amahan diha sa pag-ampo, ikonsiderar ang pagpakita sa mosunod nga mga tudling sa kasulatan ug mga pangutana diha sa pisara. Pwedeng basahon sa mga estudyante ang usa ka tudling, dayon hunahunaon kon sa unsang paagi matubag niini ang usa o sobra pa sa mga pangutana.

Makatabang pod tingali ang hilom nga magpatukar og instrumental nga musika samtang nagtuon ang mga estudyante.

Basaha ang dili mominos sa tulo sa mosunod nga mga tudling sa kasulatan, nga pangitaon ang mga tubag sa usa o sobra pa sa mosunod nga mga pangutana.

Salmo 55:16–17

Salmo 61:1–3

Salmo 63:1–7

Salmo 69:13–18

Salmo 86:3–12

Kanus-a ako kinahanglang mag-ampo ngadto sa Langitnong Amahan?
Sa unsang paagi ko mahimong mas mabinantayon sa akong mga pag-ampo?
Unsay angay nakong kinaiya dihang moduol ko sa Langitnong Amahan diha sa pag-ampo?

Dapita ang mga estudyante sa pagpakigbahin unsay ilang nadiskobrihan. Ingon nga bahin sa panaghisgot, isulat ang mosunod nga dili kompletong pamahayag diha sa pisara: Mahimong mas makahuloganon ang atong mga pag-ampo sa Langitnong Amahan kon kita …

Hangyoa ang mga estudyante nga kompletohon ang pamahayag gamit ang ilang nakat-onan bahin sa pag-ampo gikan sa mga salmo nga ilang nabasa. Pipila sa mga ehemplo nga isulti tingali sa mga estudyante maglakip sa:

pag-ampo bisan unsang orasa sa tibuok adlaw (tan-awa sa Salmo 55:16–17).

pag-ampo dihang mobati nga nabug-atan (tan-awa sa Salmo 61:2).

pag-ampo alang sa kaluwasan (tan-awa sa Salmo 69:13–18).

pag-ampo alang sa kaluoy (tan-awa sa Salmo 86:3–5).

pag-ampo uban ang gugma, pagtahod, ug pagdayeg (tan-awa sa Salmo 63:4–6; 86:8–13).

Pag-ampo uban ang gugma ug pagtahod sa Langitnong Amahan

Kini nga bahin sa leksiyon nagpunting niini nga kamatuoran: Mahimong mas makahuloganon ang atong mga pag-ampo sa Langitnong Amahan kon mag-ampo kita uban ang gugma, pagtahod, ug pagdayeg.

Usa ka paagi sa pag-ampo sa Langitnong Amahan uban ang kinaiya sa mas dakong gugma ug pagtahod pinaagi sa atong tono ug mga pulong sa atong pag-ampo.

Si Presidente Dallin H. Oaks sa Unang Kapangulohan mitudlo:

Ang espesyal nga pinulongan sa pag-ampo nagsunod og lainlain nga mga matang sa nagkalainlain nga pinulongan, apan ang baroganan susama ra kanunay. Kita kinahanglan nga mag-ampo sa atong Langitnong Amahan gamit ang mga pulong diin ang mga nagsulti niana nga pinulongan moduyog sa gugma ug respeto ug balaang pagtahod ug kasuod. …

… Gusto namong sundon ang pagtulun-an sa Manluluwas, “Apan kon kamo mag-ampo, ayaw paggamit sa kawang nga pagbalik-balik, sama sa pagano, kay sila naghunahuna nga sila dunggon tungod sa ilang daghan nga pulong.” [Mateo 6:7; tan-awa usab sa 3 Nephi 13:7.] Ang atong mga pag-ampo kinahanglan nga yano, direkta ug kinasingkasing. (“The Language of Prayer,” Ensign, Mayo 1993, 16)

Pwede nimong ipasabot nga makapakita kitag gugma ug pagtahod sa Langitnong Amahan pinaagi sa pagsangpit Niya gamit ang mga pulong nga may pagtahod. Tan-awa sa “The Language of Prayer,” Ensign, Mayo 1993, para sa dugang impormasyon.

Hunahunaa ang mga pinulongan nga imong gigamit sa imong pag-ampo ug kon sa unsang paagi kini nagpakita sa imong pagbati para sa Langitnong Amahan.

Nganong dili sayang ang paningkamot nga mogamit og matinahoron nga mga pulong sa imong mga pag-ampo?

Basaha sa Mateo 6:5–13 nga pangitaon kon sa unsang paagi gipakita ni Jesukristo ang gugma ug pagtahod ngadto sa Langitnong Amahan diha sa pag-ampo.

Unsay imong nakat-onan gikan sa mga pagtulun-an ug ehemplo sa Manluluwas nga makaimpluwensiya sa paagi sa imong pag-ampo?
Sa unsang paagi napanalanginan ang imong kinabuhi tungod sa kinasingkasing nga pag-ampo?

Aplikasyon

Ang mosunod nga diagram makatabang sa mga estudyante nga maghunahuna og mga paagi sa paggamit sa ilang nakat-onan bahin sa pag-ampo. Dapita ang mga estudyante sa pagdrowing sa diagram diha sa ilang mga journal. Dayon dapita sila sa pagsulat sa mga tubag sa mga pangutana diha sa graphic sa kada seksiyon.

Tabangi ang mga estudyante nga mailhan nga ang ilang mga gisulat mao ang mga butang nga pwede nilang sugdan sa paggamit karon. Dapita sila nga himoon ang usa o duha sa mga butang nga ilang gisulat. Kon mahimo sa mga estudyante, pwede nimo silang dapiton nga litratohan ang ilang graphic aron mahinumdoman nila ang ilang gisulat.

Ikonsiderar ang pagpakigbahin sa imong pamatuod kon sa unsang paagi ta makig-istorya sa Langitnong Amahan sa makahuloganong mga paagi pinaagi sa pag-ampo.

Dugang nga mga Kapanguhaan

Sa unsang paagi makatabang ang pag-ampo sa lisod nga mga panahon?

Si Presidente M. Russell Ballard (1928–2023) mitudlo:

Atol sa milabayng pipila ka bulan adunay miabut kanako nga impresyon nga ang labing maayong paagi sa pagtabang sa kasamtangang kahimtang sa kalibutan mao nga ang tanang katawhan mosalig nga mas hingpit sa Dios ug mobati sa ilang kasingkasing ngadto Kaniya pinaagi sa tinuoray nga pag-ampo. Ang pagpaubos sa atong kaugalingon ug pagtinguha sa inspirasyon sa langit aron makalahutay o makabuntog unsay naa sa atong atubangan maoy pinakaluwas ug pinakasiguradong paagi aron makapadayon uban sa pagsalig latas niining makalibug nga mga panahon. …

Katalagsaon sa gahum sa pag-ampo, ug kadako sa panginahanglan sa atong mga pag-ampo uban sa hugot nga pagtuo diha sa Dios ug sa Iyang Hinigugmang Anak sa kalibutan karon! Hinumduman nato ug pasalamatan ang gahum sa pag-ampo. (“Panagtukaw Kamo sa Tanang Panahon, ug Manag-ampo,” Liahona, Nob. 2020, 78, 79)

Sa unsang paagi nato mahimong mas makahuloganon ang atong mga pag-ampo?

Si Elder David A. Bednar sa Korum sa Napulog Duha ka Apostoles miingon:

Ako mopamatuod nga ang pag-ampo mahimong labaw ka makahuluganon samtang kita magpakitambag uban sa Ginoo sa tanan nato nga buhaton, samtang kita nagpahayag og kinasingkasing nga pagpasalamat, ug samtang kita nag-ampo alang sa uban nga may tinuod nga katuyoan ug usa ka matinud-anon nga kasingkasing.

Ako mosaksi nga ang Langitnong Amahan buhi ug nga Siya nakadungog ug motubag sa matag matinguhaon nga pag-ampo. (“Pag-ampo sa Kanunay,” Liahona, Nob. 2008, 44)

Unsay makatabang nato samtang atong gitinguha ang mga tubag sa atong mga pag-ampo?

Si Presidente Russell M. Nelson mitudlo:

Pag-ampo sa ngalan ni Jesukristo bahin sa inyong mga kabalaka, inyong mga kahadlok, inyong mga kahuyang—o, ang mga tinguha sa inyong kasingkasing. Ug dayon maminaw! Isulat ang mga ideya nga imong mahunahunaan. Isulat ang inyong mga gibati ug sundi kini sa paglihok sa unsay giaghat nga angay ninyong buhaton. Kon inyong balikbalikon kini nga proseso matag adlaw, matag bulan, matag tuig, kamo “molambo ngadto sa baruganan sa pagpadayag” [Mga Pagtulun-an sa mga Presidente sa Simbahan: Joseph Smith (2007), 155]. (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 95)

Si Presidente Dieter F. Uchtdorf, kanhi sa Unang Kapangulohan, mipakigbahin:

Ang Dios nagpakabana kaninyo. Siya maminaw, ug Siya motubag sa inyong personal nga mga pangutana. Ang mga tubag sa inyong mga pag-ampo moabut sa kaugalingon Niyang paagi ug panahon, ug busa, kinahanglang makakat-on kamo sa pagpaminaw sa Iyang tingog. Gusto sa Dios nga makabalik kamo Kaniya, ug ang Manluluwas mao ang dalan. (“Pagdawat og Usa ka Pagpamatuod sa Kahayag ug Kamatuoran,” Liahona, Nob. 2014, 21)

Dugang nga mga Kalihokan sa Pagkat-on

Kon unsay nahibaloan sa salmista bahin sa Langitnong Amahan

Ang pagkahibalo bahin sa Langitnong Amahan makatabang sa mga estudyante sa pagduol Kaniya pinaagi sa pag-ampo. Kon aduna kay dugang oras sa imong leksiyon, sa dili pa mopadayon sa seksiyon sa aplikasyon, ikonsiderar ang pagdapit sa mga estudyante sa pagbasa sa mosunod nga mga pakisayran sa kasulatan. Makatabang tingali sa mga estudyante kon parespareson sila ug ipabasa sa usa ka magkauban ang unang duha ka hut-ong sa mga bersikulo ug ang laing pares ang mobasa sa ikatulong hut-ong sa mga bersikulo. Dapita ang mga estudyante sa pagbasa sa mga bersikulo nga pangitaon kon unsay nasabtan sa salmista bahin sa Dios nga makaimpluwensiya sa ilang pag-ampo.

Salmo 62:5–8

Salmo 63:7

Salmo 86:8–10, 13, 15–16

Human mabasa ug mapakigbahin sa mga estudyante ang ilang mga nakaplagan, pwede nimong hisgotan ang mosunod nga mga pangutana ngadto sa klase:

Sa unsang paagi ang pagkahibalo niining mga butanga bahin sa Langitnong Amahan makatabang sa usa ka tawo nga mas sinsero nga mag-ampo?
Unsay imong nahibaloan bahin sa Langitnong Amahan nga makatabang nimo sa imong mga pag-ampo?

Paggahin og panahon sa pag-ampo

Aron tabangan ang mga estudyante sa paggahin og panahon sa pagpakig-istorya sa Langitnong Amahan pinaagi sa pag-ampo, ikonsiderar ang pagpasalida sa bidyo nga “Face to Face with President Eyring and Elder Holland” gikan sa time code 44:35 hangtod 46:09. Gipakigbahin ni Presidente Jeffrey R. Holland ang mga paagi nga siya ug ang iyang asawa nga si Patricia migahin og panahon sa pag-ampo.

96:16

Human sa bidyo, pwede nimong dapiton ang mga estudyante sa pagpakigbahin sa ilang nakat-onan o nahunahunaan. Pwedeng dapiton ang mga estudyante sa paggahin og piho nga panahon kada adlaw alang sa pag-ampo.

Paglaom ug pagsalig sa atong kabatan-onan

Pwedeng gamiton ang Salmo 71:5 aron tabangan ang mga estudyante nga molaom sa Dios ug mosalig Kaniya diha sa ilang pagkabatan-on.

Usahay mabalewala sa kabatan-onan ang kaimportante sa mosunod nga ebanghelyo diha sa ilang pagkabantan-on, maghunahuna nga mas masunod kini nila kon sila hamtong na. Importanteng mahunahunaan sa mga estudyante ang gahom sa Dios diha sa ilang mga kinabuhi samtang mosalig sila Kaniya. Dapita ang mga estudyante sa pagbasa sa Salmo 71:5 ug Alma 38:2 nga maghunahuna sa kaimportante sa pagsalig sa Dios diha sa ilang pagkabatan-on. Pwede nimong pahisgotan sa mga estudyante ang mosunod:

Sa imong hunahuna nganong importante nga makakat-on sa paglaom ug pagsalig sa Dios samtang batan-on pa?
Sa unsang paagi ang Dios nahimong tuboran sa kusog ug paglaom kanimo sa imong pagkabatan-on?

“Ang pagkamaunongon sa tawo mobuswak paitaas gikan sa yuta” (Salmo 85:11)

Aron tabangan ang mga estudyante nga tun-an ang paggawas sa Basahon ni Mormon, pwede nimong parespareson ang mga estudyante ug dapiton sila nga basahon ang usa sa mosunod, nga pangitaon ang mga panagna sa Basahon ni Mormon: Salmo 85:11, Isaias 29:4, ug Moises 7:62. Kon kinahanglan, tabangi silang makita nga ang kada teksto nagtumong sa paggawas sa pulong Dios gikan sa yuta, nga nagtumong sa mga bulawan nga palid nga natago sa yuta nga angayng pangitaon ug hubaron ni Joseph Smith.

Sa unsang paagi nakatabang nimo ang Basahon ni Mormon nga mas mapaduol sa Langitnong Amahan ug ni Jesukristo?

“Mag-ampo Ko Dihang”

Pwede nimong ipasalida ang bidyo nga “I Pray When” (1:56) ingon nga bahin sa panaghisgot kon kanus-a kita angayng moampo sa Langitnong Amahan. Dayon pwedeng pangutan-on ang mga estudyante kon hain sa mga ideya ang ilang nakita nga nagbalikbalik sa mga kasulatan nga ila nang natun-an sa Mga Salmo, o pwede silang hangyoon nga makigbahin og dugang mga panahon kon kanus-a sila mag-ampo.

1:56

“Naa ba gyod ka?”

Ang music video nga “Are You Really There?” (3:46) nagpakita sa mga indibidwal nga midangop sa Langitnong Amahan diha sa pag-ampo ug nakadawat og tubag sa ilang mga pag-ampo. Pwede nimong ipasalida kini nga bidyo aron tabangan ang mga estudyante nga hunahunaon ang kaugalingon nilang mga pag-ampo ug molaom nga tubagon sa Langitnong Amahan ang ilang mga pag-ampo.

3:45