Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Salamo 24: “O Ai E Alu A’e i le Mauga o le Alii?”

“Salamo 24: ‘O Ai E Alu A’e i le Mauga o le Alii,’” Tusi Lesona a le Faiaoga Seminare o le Feagaiga Tuai (2026)

“Salamo 24: O Ai E Alu A’e i le Mauga o le Alii,’” Tusi Lesona a le Faiaoga Seminare o le Feagaiga Tuai

Salamo 1–2; 8; 19–33; 40; 46: Lesona 103

Salamo 24

“O Ai E Alu A’e i le Mauga o le Alii?”

O malumalu o nofoaga pa’ia e māmā ma lē ponā.E mafai ona fesoasoani iā i tatou e fa’aata i o tatou mafaufau pe fa’ape’ī lo tatou mau ai fa’atasi ma le Alii.I le Salamo 24, o lo’o vala’aulia ai i tatou e le Tupu o Tavita ia taumafai ia māmā ma lē pona faaleagaga, ina ia mafai ai ona tatou ulu atu i le malumalu o le Alii ma Lona afioaga i se aso.O lenei lesona e fesoasoani e tapena ai tagata a’oga ia ulu atu ma le agava’a i le malumalu ma i’u ai ina mau fa’atasi ma le Tamā Fa’alelagi ma Iesu Keriso.

Sauniuniga a le tagata aoga: Valaaulia tagata aoga e iloilo fesili o pepa faataga o le malumalu, ma mafaufau i a latou lava sauniuniga faaleagaga e auai i le malumalu.O fesili nei e mafai ona maua i le faaopoopoga o le Mo Le Malosi o le Autalavou: O Se Taiala mo le Faia o Filifiliga [2022].

Gaoioiga e Ono Mafai Ona Aoaoina Ai

Palapala pe mama?

Ina ia saunia tagata a’oga e su’esu’e i le Salamo 24, mafaufau e fa’aali atu se ata o se talavou palapalā.

E mafai foi ona e aumaia ni palapala i totonu o se pesini ma valaaulia ni tagata aoga e tuu o latou lima i totonu.Ona fetu’una’i lea o le fesili o i lalo e ala i le fesii atu i tagata a’oga pe o ā ni o latou lagona.

O le ā le taimi mulimuli na e matua palapalā pe eleelea ai?O ā ni ou lagona?

Mafaufau e faaali atu se ata o totonu o se malumalu.

Afai e le’i ulu atu au tagata a’oga i totonu o se malumalu, mafaufau e fetu’una’i le fesili lenei ma fai atu ia fa’aata i o latou mafaufau o latou lagona i totonu o se malumalu.

Belem Brazil Temple interiors. An interior image of the temple featuring the Celestial Room. There are chairs and a chandelier hanging.

O ā ni ou lagona pe a e ulu atu i le malumalu?

Mafaufau e faaali atu le ata o le talavou palapala i autafa o le ata mai le malumalu.
O le a sou lagona pe ana e palapala tele i totonu o le malumalu?Aiseā?
O ā ni lesona fa’aleagaga e mafai ona tatou a’oa’oina mai i lenei mea?

Mafaufau loloto i ni ou lagona pe a e tū i luma o le Tamā Faalelagi ma Iesu Keriso a‘o e palapalā pe eleelea faaleagaga.Ona mafaufau loloto lea i ni ou lagona pe a e tū i luma o i La’ua ina ua uma ona fa’amamāina oe i le Togiola a Iesu Keriso.

I totonu o lau api talaaga o suesuega, tali ai fesili nei:

O le ā le taua iā te oe o le agava’a mo le malumalu?Aiseā?
O le a le taua o lou mau faatasi ma le Tama Faalelagi ma Iesu Keriso i se aso?Aiseā?

Saili le taitaiga mai le Agaga Paia e fesoasoani e te iloa ai le mea e finagalo le Alii e te faia e tapuai atu ai ma le agavaa ia te Ia i le malumalu ma e i ai se aso e ulu atu ai i Lona afioaga ma le Tama Faalelagi.

“O le mauga o le Alii”

Ina ia amata le su’esu’ega o le Salamo 24, mafaufau e tusi se ata faigofie o se mauga i le laupapa.E mafai e tagata a’oga ona tusi lea lava ata e tasi i ā latou api tala’aga o su’esu’ega.Faitau pe aotele le parakalafa o loo i lalo.

2026 Old Testament Seminary Teacher Materials

I le Salamo 24, sa faaaoga ai e le Tupu o Tavita le ata o se mauga.O nisi fuaitau fa’aletusi pa’ia o lo’o fa’aaoga ai mauga po o maupuepue o ni fa’atusa o malumalu (taga’i Isaia 2:2–3).E ono mafai ona faapea o loo faasino atu Tavita i le malumalu po’o le afioaga o le Atua, po’o vaega uma na e lua.

Atonu e te manao e faaaofia i le tumutumu o lau mauga se ata faigofie o se malumalu ma upu Tama Faalelagi ma Iesu Keriso.E mafai ona e tusia se ata faa-fasilaau i le pito i lalo o le mauga e faatusa ia i tatou.

Faitau le Salamo 24:3–6, va’ai po’o ā ni mea e tatau ona tatou faia e tapena ai mo le ulu atu i le malumalu, ma toe fo’i atu i le afioaga o le Alii i se aso.

O leSalamo 24:3–4 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala e tulaga ese ina ia mafai ona latou mauaina gofie.

A mae’a ona faitau e tagata a’oga fuaiupu, atonu o le a iai ni a latou fesili e fa’atatau i nisi o upu ma fasifuaitau.Valaaulia tagata aoga e fai atu soo se latou fesili po o soo se tasi lava a o latou faitauina lenei fuaitau.A fesoasoani, fa’amatala atu o le “mea fa’atauvaa” e fa’asino atu i le faamaualuga ma le faasausili .O le fasifuaitau “e le tauto pepelo” e mafai ona faasino i le faamaoni ia te oe lava, i isi, ma le Atua.

Mafaufau e tusi i lalo tali a tagata a’oga i le fesili lenei i luga o le laupapa i autafa ane o le mauga.O lau atatusi mulimuli e ono foliga talitutusa ma le ata o i lalo.

O le ā se mea ua e a’oa’oina mai nei fuaiupu e fa’atatau i le tapena ai e ulu atu i le malumalu ma le toe fo’i atu i le afioaga o le Alii i se aso?

A o faasoa mai e tagata aoga mea na latou maua i fuaiupu 3–6, fesoasoani ia i latou e faailoa mai le upumoni lenei: E tatau ona tatou saunia faaleagaga e tapuai i le Alii i Lona malumalu ma ia nofo i Lona afioaga.

Aisea e te manatu ai e manaomia ona tatou saunia faaleagaga e ulu atu i malumalu o le Alii ma mulimuli ane ai i Lona afioaga?
E fa’apefea e mea e manaomia e le Alii ina ia saunia ai faaleagaga ona fai ma faamaoniga o Lona alofa mo i tatou?

Saunia faaleagaga

Mafaufau e fa’aali atu fa’atonuga nei ma vala’aulia tagata a’oga e fa’amae’a e i latou ta’ito’atasi, i totonu o a latou api tala’aga o su’esu’ega pe faatasi ma se paga.

Filifili se tasi o fasifuaitau nei mai le Salamo 24:4 e te fia iloa atili.

lima mamā
loto mamā
e le’i faamaualuga lona agaga e tau atu ai i le fa’atauva’a ma le le aoga (loto maualalo)
pe tauto faaoleole (faamaoni)

Sue mau o tusitusiga paia po o faamatalaga mai taitai o le Ekalesia e fesoasoani ia te oe e te malamalama atili ai i le fasifuaitau.Ona tali lea o fesili nei:

Aiseā e te manatu ai o lenei vaega o tapenapenaga e taua i le tapua’iga i le malumalu ma le mau ai ma le Tamā Fa’alelagi ma Iesu Keriso i se aso?
O a ni auala patino e mafai ai e se talavou o le Au Paia o Aso e Gata Ai ona galue i lena vaega o sauniuniga?
O ā ni mea ete ono mana’o e fa’asoa atu e uiga i le Fa’aola ma sau uō o lo’o tauivi ma lena vaega o tapenaga?

Afai e mana’omia e tagata a’oga le fesoasoani, e mafai ona e fautuaina atu ni fuaitau o mau e pei o:

lima mamā (Mataupu Faavae ma Feagaiga 88:86)
loto mama (Mosaea 5:2)
e le’i faamaualuga lona agaga e tau atu i le fa’atauva’a ma le lē aoga (Mataupu Faavae ma Feagaiga 112:10)
pe tautō fa’a’ole’ole (Alema 27:27)

E te ono fa’asino atu i latou i le Ta’iala o Autū, Ta’iala i Tusitusiga Pa’ia, po o le Potutusi o le Talalelei.

E mafai foi ona e tuuina atu le upusii a Elder Bednar mai Punaoa Faaopoopo i lenei lesona.

Vala’aulia tagata a’oga e fa’asoa mea ua latou a’oa’oina ma se isi tagata a’oga po o paga o lē sa suesueina se fasifuaitau ese.Ona mafai lea ona e faiatu i nai nisi o tagata a’oga e fa’asoa ma le vasega.

O la’u tapenapenaga patino

Tomanatu pe o faapefea mai lau lava sauniuniga faaleagaga.Mafaufau loloto i mea e te lagona e fiafia i ai le Tama Faalelagi ma vaega e mafai ona e faaleleia.

Tali fesili nei i totonu o lau api tala’aga o su’esu’ega.

O a mea e te lagona e finagalo le Tamā Fa’alelagi iā i tatou e faia e tapena ai oe lava mo le malumalu ma mau ai fa’atasi ma Ia i se aso?
E fa’apefea ona e fa’alagolago atu i le Fa’aola mo se fesoasoani?

Mafaufau e fa’asoa atu lau molimau i mea moni na a’oa’oina e tagata a’oga.Ia faamautinoa atu i tagata aoga le gafatia o le Faaola ona faamama ma fesoasoani ia i latou.Atonu e te mana’o e fa’asoa atu le fa’amatalaga lenei e fa’ai’u ai le lesona.

Na fa’asoa mai e Peresitene Henry B. Eyring o le Au Peresitene Sili le mea lenei:

O lo’u fa’amoemoe mo oe ma o outou aiga fa’apelepele uma, ia outou tuputupu a’e i le manao ma le filimaoti ia agava’a e alu atu i le fale o le Alii i taimi uma e te mafai ai,.

E finagalo o Ia e fa’afeiloa’i oe i’ina.(“Ou te Fiafia e Va’ai i le Malumalu,” Liahona, Mē 2021, 31)

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasi fuaitau autū o le mau i le taimi o lenei lesona ma iloilo i latou i lesona i le lumana’i.O le fasifuaitau autū mo le Salamo 24:3–4 o le “O ai e tula’i i lona afio’aga pa’ia?O lē ua iai lima mamā, ma le loto mamā.”O manatu mo gaoioiga o le taulotoina o lo’o iai i anomea fa’aopoopo i lalo o le “Gaoioiga Toe Faa’manatu o le Atamai i A’oa’oga Fa’avae.”

O Puna’oa Fa’aopoopo

O le ā le uiga o le “lima mama ma le loto mamā” (Salamo 24:4)?

Na fa’amalamalama mai e David A. Bednar o le Korama o le Au Aposetolo e To’asefululua:

14:33

Sei o’u fautuaina atu, e faapea o lima e faamamaina e ala i le faagasologa o le lafoa’i o le tagata o le lalolagi ma le faatoilaloina o le agasala ma uunaiga leaga i o tatou olaga e ala i le Togiola a le Faaola.E faamamaina loto pe a tatou mauaina Lona mana faamalosi e faia ai le lelei ma avea ma ni e sili lelei atu.O o tatou faanaunauga agavaa uma ma galuega lelei, tusa lava po o le a le tatau ai, e le mafai ona fua mai ai ni lima mama ma se loto mama.O le togiola a Iesu Keriso lea e maua mai ai le mana fa’amamā ma le mana faaola lea e fesoasoani iā i tatou e fa’ato’ilalo ai le agasala, ma se mana fa’apaia ma fa’amalosi lea e fesoasoani tatou te lelei atili ai, nai lō le mea tatou te mafaia e ala lea i le fa’alagolago i lō tatou lava malosi.O le Togiola e lē gata, e mo le tagata agasala ma le tagata pa’ia o lo’o i totonu iā i tatou taitoatasi.(“Lima Mamā ma se Loto Mamā,” Liahona, Nov. 2007, 82)

O ā fa’amanuiaga e mafai ona ou maua i le auai atu i le malumalu ma le agava’a?

Sa a’oa’o mai e Peresitene Henry B. Eyring o le Au Peresitene Sili:

16:22

Afai e te alu pe ou te alu i le malumalu ma le le lava o le mama, o le a le mafai ona tatou vaai, e ala i le mana o le Agaga Paia, i aoaoga faaleagaga e uiga i le Faaola lea e mafai ona tatou mauaina i le malumalu.

Pe a tatou agava’a e maua sea a’oa’oga, e mafai ona tupu a’e e ala atu i o tatou a’afiaga fa’alemalumalu le fa’amoemoe, olioli, ma le manatu o le a lelei mea uma i o tatou olaga atoa.O lena faamoemoe, olioli, ma le manatu o le a lelei mea uma e maua i le tau lava o le taliaina o sauniga e faia i malumalu paia.O totonu o malumalu lea e mafai ona tatou maua ai le fa’amautinoaga o so’otaga alofa fa’aleaiga lea o le a fa’aauau pea pe a mavae le oti ma o’o atu ai i le fa’avavau.(“Ou te Fiafia e Va’ai i le Malumalu,” Liahona, Mē 2021, 30)

Ae faapefea pe afai ou te lagona ua itiiti so’u faamoemoe o le agavaa ona o loo faaauau pea ona ou faia mea sese lava e tasi?

Na fa’apea mai Brother Bradley R. Wilcox o le Au Peresitene Aoao o Alii Talavou:

10:52

Na saunoa Elder Dieter F. Uchtdorf: “E le mana’omia e le Atua ni tagata e atoatoa.E na te sa’ili i latou e ofo mai o latou ‘loto ma le mafaufau naunautai’ [Mataupu Faavae ma Feagaiga 64:34], o le a Ia faia i latou ia ‘lelei atoatoa iā Keriso’ [Moronae 10:32–33].” …O Lona alofa tunoa ua lē na o se taui mo ē agava’a.O le “fesoasoani fa’alelagi” lea e na te Ia tu’uina mai e fesoasoani iā i tatou ia agava’a.Ua lē na o se taui mo ē amiotonu.O le “faaeega o le malosi” na te Ia tuuina mai lea e fesoasoani ia i tatou ia amiotonu.Tatou te lē na ona savavali aga’i atu i le Atua ma Keriso.O loo tatou savavali ma i La’ua.(“O le Agava’a e lē o se Lelei Atoatoa,” Liahona, Nov. 2021, 67)

Gaoioiga Fa’aopoopo e A’oa’o Ai

Se isi amataga

O se isi auala e amata ai le lesona, mafaufau e fa’asoa atu ni tulaga faataitai nei e lua.

O Samu e faafaigataina mea mo ia lava.E na te lagona e mana’omia ona lelei atoatoa ina ia ulu atu i le malumalu pe ia taliaina e le Tamā Fa’alelagi ma Iesu Keriso.
E le’i manatu Iosua o se mea taua tele le agava’a e ulu atu i le malumalu pe saunia e feiloa’i ma le Atua.E lagona e ia ona o le alofa o le Atua ia te ia, o le a Ia talia o ia i soo se mea na te faia, e tusa lava pe salamo pe leai.

E mafai e tagata a’oga ona filifili se tulaga faataitai se tasi.A’o latou su’esu’e i le Salamo 24, e mafai ona latou saili atu mo ni upumoni ma se fautuaga e mafai ona latou fa’asoa ma le tama talavou mai le ata faataitai ua latou filifilia.

Fesili o le pepa fa’ataga o le malumalu

Ina ia fesoasoani i au tagata a’oga e toe manatunatu i a latou sauniuniga fa’aleagaga, fa’asoa atu le parakalafa lenei e fa’atatau i fesili o le pepa fa’ataga o le malumalu mai le Mo le Malosi o le Autalavou: O se Ta’iala mo le Faia o Filifiliga [2022]:

O se tasi auala e iloilo ai lou alualu i luma i luga o le ala o feagaiga o le mafaufau loloto lea i fesili o loo i lalo.O fesili ia e fesiligia ai oe pe a faatalanoaina oe ia maua se pepa faataga o le malumalu, ae aua le faatali mo se faatalanoaga.Fai sau oe lava siaki faaleagaga.(Mo le Malosi o le Autalavou: O se Ta’iala mo le Faia o Filifiliga [2022], 36)

E mafai ona e vala’aulia tagata a’oga e fai a latou lava siaki fa’aleagaga e ala i le toe iloiloina o fesili o le pepa fa’ataga o le malumalu o lo o maua i le “Fesili o pepa fa’ataga o le malumalu mo le autalavou.”

Faamoemoe o loo ia Keriso (Salamo 24:7–10)

Afai e aoga mo au tagata a’oga se talanoaga e fa’atatau i le fa’amoemoe, e mafai ona e su’esu’e i le Salamo 24:7–10 i le Fa’aliliuga a Iosefa Samita o le Tusi Pa’ia.E mafai e tagata aʻoga ona lisi muamua vaega faalotovaivai o le lalolagi i aso nei, e pei o le faateleina o sauaga po o le malepelepe o aiga.Ona fa’amatala atu lea o le FIS Salamo 24:7–10 e mafai ona maua ai le fa’amoemoe i aso e gata ai.

Vala’aulia tagata a’oga e faitau le FIS Salamo 24:7–10, vaava’ai pe fia taimi e latou te va’aia ai le fasifuaitau ea i luga outou ulu.Fai atu ia fa’asoa mai o latou lagona i uiga o lenei fasi fuaitau.

Ona vala’aulia lea o tagata a’oga e toe faitau le FIS Salamo 24:7–10 , ma vaavaai mo mafua’aga e ala ai ona tatou maua le fa’amoemoe i nei aso e gata ai.

E fa’apefea ona fesoasoani nei fasifuaitau iā te oe e “ea i luga outou ulu” (FIS Salamo 24:7–10) ma le fa’amoemoe, tusa lava po o ā ni fa’afitauli o nei aso?