Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Salamo 23: “O Le Alii o Lo’u Leoleo Mamoe”

“Salamo 23: ‘O le Alii o Lo’u Leoleo Mamoe,’” Tusi Lesona a le Faiaoga Seminare o le Feagaiga Tuai (2026)

“Salamo 23: ‘O le Alii o Lo’u Leoleo Mamoe,’” Tusi Lesona a le Faiaoga Seminare o le Feagaiga Tuai

Salamo 1–2; 8; 19–33; 40; 46: Lesona 102

Salamo 23

“O Le Ali’i o Lo’u Leoleo Mamoe”

A lamb drinking water from the cupped hands of Jesus Christ.

O le malōlō e taufa’aata fa’amatalaga ma fa’atusatusaga o fuaitau faaletusi pa’ia, e mafai ona aumaia ai le matagofie ma le mana i upu tatou te faitauina.I le Salamo 23, na faamatalaina ai e le Tupu o Tavita lona sootaga ma Iesu Keriso e ala i se faasologa o ata o loo faaalia ai le alofa ma le tausiga a le Faaola.E mafai e lenei lesona ona fesoasoani i tagata a’oga ia lagona le le uiga alofa ma le agalelei o Keriso e ala i le taufa’aataina o ata mai tusitusiga pa’ia.

Sauniuniga a tagata aoga: Valaaulia tagata aoga e mafaufau loloto pe faapefea e mea latou te vaaia i aso uma ona faamanatu atu ai ia i latou e uiga i le Faaola.Mo se fa’ata’ita’iga, “O le timu e fa’amanatu mai ai iā te a’u le Fa’aola ona …”.Ona vala’aulia lea o i latou e faitau le Salamo 23 ma filifili se fa’atusaga e sili ona fiafia iai na faia e Tavita i le Fa’aola, po o se mea ua faia e le Fa’aola mo i tatou.

Gaoioiga e Ono Mafai Ona Aoaoina Ai

Fa’aataina o ata i tusitusiga pa’ia

Ina ia fesoasoani i tagata a’oga e fa’ata’ita’i ona a’oa’o mai i ata faaletusi pa’ia, mafaufau e amata le vasega i le fa’aali atu o se ata o se tasi o lo’o fa’anoanoa po se tasi o lo’o siva.Ona, fesili atu lea i au tagata aoga po o a ni manatu po o ni lagona e oo mai i le mafaufau pe a latou mafaufau i le faavauvau.Atonu e faasoa mai e tagata aoga mea e pei o loimata, toesea o se tasi, tiga, po o le faanoanoa.Toe fai atu le fesili lava lea e uiga i le sisiva.

Faitau le Salamo 30:11, vaava’ai pe na fa’apefea ona fa’aaogā e Tavita ata o le fa’anoanoa ma le siva e fa’amatala ai le mana o Iesu Keriso ma Lana Togiola.

E faapefea ona fesoasoani nei ata e te malamalama ai i le mea na aoaoina ai Tavita e uiga ia Iesu Keriso ina ua ia faapea mai, “Ua e liua lo’u tagitu’i i le siva”?

Fa’amatala atu i tagata a’oga le fa’aaogaina o nei ata ia malamalama lelei atili ai fuaiupu 11 o se fa’ata’ita’iga o se tomai faalesu’esu’ega o le fa’aata fa’alemafaufau.Mafaufau e vala’aulia se tagata a’oga e faitau le faamatalaga o lenei tomai faalesu’esu’ega.

O le fa’aata fa’alemafaufau o se tomai e fatu ai se ata i le mafaufau mai faaupuga auiliili i tusitusiga pa’ia.E mafai ona tatou fa’aata lo tatou auai ai i mea na tutupu ua fa’amatalaina i tusitusiga pa’ia.E mafai ona tatou taofi ma faaata fasifuaitau e pei o le “Ua e liua lo’u tagitu’i i le siva” (Salamo 30:11).O le isi la’asaga o le manatunatu loloto i mea tatou te a’oa’oina mai i ata.O le faia ai fa’apea, e mafai ai ona vala’aulia le Agaga Pa’ia a o tatou faalēmū ma saili ia malamalama i o tatou mafaufau ma agaga.

Ia tomanatu i fesili nei.

E fa’afia taimi e te faifai lemū ai ma fa’aata mea ua e a’oa’oina mai i tusitusiga pa’ia?
E fa’apefea ona e manatu o le faifai lemū ina ia fa’aata mea ua e faitauina e mafai ona fesoasoani ia te oe ia iloa lelei atili ai le Fa’aola?

Uai atu i uunaiga a le Agaga Paia e fesoasoani ia te oe e aoao ai e uiga ia Iesu Keriso a o e fa’aata faalemafaufau faamatalaga i le Salamo 23 i le asō.

“O Le Ali’i o Lo’u Leoleo Mamoe”

O lenei vaega o le lesona e tuuina atu ai i tagata a’oga le avanoa e fa’ata’ita’i ai le fa’aata faalemafaufau fa’atasi o se vasega, a’o le’i taumafai e faia ta’ito’atasi.

Faitau le Salamo 23:1 ma fa’ailoga ata e fa’aaoga e fa’amatala ai Iesu Keriso.

Ina ia fesoasoani i tagata a’oga ia iloa atili e uiga i le Fa’aola, atonu e te vala’aulia i latou e fa’aata faalemafaufau o Ia o le tatou Leoleo Mamoe a’o faitauina le Esekielu 34:11–16 po’o le Ioane 10:11–15, pe a’o lagiina e le vasega le “Pele i le Leoleo Mamoe” (Vi’iga, nu. 135).Atonu latou te mananao foi e fefaasinoa’i pe faafesootai na fuaitau i le Salamo 23:1.

Faaaoga se minute e taumafai ai e fa’aata faalemafaufau le leoleo mamoe o lo’o leoleo ma puipui ana mamoe.

Ona tusi lea i lalo se fa’aupuga e uiga iā Iesu Keriso sa e a’oa’oina mai le fa’aataina faalemafaufau o Ia o se Leoleo Mamoe.

Mafaufau e fa’aali atu i luga o le laupapa se ata o Iesu Keriso e fa’aali mai o ia o se leoleo mamoe fa’apei o le ata sa fa’aaoga i le amataga o lenei lesona.Vala’aulia ni nai tagata a’oga e tusi i lalo a latou fa’aupuga i mea moni e uiga iā te Ia i luga o le laupapa, i tafatafa ane o lona ata.E ono fa’asoa mai e tagata a’oga ni fa’amatalaga e pei o le: E popole le Ali’i i o’u mana’oga.

Ua fa’apefea ona avea Iesu Keriso ma leoleo mamoe i lou olaga po’o olaga o isi e latalata iā te oe?

O le aga’i atu i le iloaina o Iesu Keriso.

Mafaufau e tu’u atu se avanoa i tagata a’oga ia iloa lelei atili ai le Fa’aola e ala i le fa’ata’ita’i ona fa’aata faalemafaufau e i latou lava [taitoatasi] po o i vaega toalaiti.O le gaoioiga lenei o se tasi lea o auala e faia ai lenei mea.A o lei amataina e tagata aoga, tuu atu i tagata aoga taitasi e tofu ma se pepa avanoa.E te ono mana’o foi e avatu peni vali ma peni maka i tagata a’oga e tusi ai ata.

Suesue le Salamo 23:2–6.Ona filifili lea o se fuaiupu e tasi e tulaga ese mai ai iā te oe, e taula’i iai mo le vaega o totoe o lenei gaoioiga.
Fa’aata faalemafaufau le ata o le Tupu o Tavita o lo’o fa’aaoga i lau fuaiupu e fa’amatala mai ai se uiga o Iesu Keriso po o se mea na Ia faia mo i tatou.Tusi se ata o le mea ua e fa’aataina faalemafaufau pe saili se ata mai le komepiuta e mafai ona fa’aata mai le ata o loo i lou mafaufau.
Tusi sina fa’aupuga moni se tasi i lau pepa e uiga i le Fa’aola, lea ua e a’oa’oina mai le fa’aataina faalemafaufau o le fa’amatalaga a Tavita.
Faapatino mea na e aoaoina e ala i le mafaufau loloto (po o le talanoaina ma lau vaega) pe aisea e taua ai ia te oe pe mafai faapefea ona faamalosia lau sootaga ma le Tama Faalelagi ma Iesu Keriso.

Ao fa’atino galuega a tagata a’oga, mafaufau e savalivali ta’amilo i le potu ma a’oa’o mai iā i latou ma fesoasoani iā i latou o mana’omia se fesoasoani.Afai o lo’o faafaigata i tagata a’oga ona fa’aata i o latou mafaufau ni ata, e mafai ona e fesili atu i fesili e pei “O le ā se fa’alogona pe a o e iai i tafatafa o se vai to’afilemū?” po o le “O le ā sou manatu o le ā se mea e avea ma faailoga o lana la’au ma le to’oto’o?”E le gata i lea, o le faamalo atu i ata po o malamalamaaga a tagata aoga e mafai ona avea ma se auala sili e faamalosiau ai i latou ma faamalosia ai au sootaga ma i latou.

E ono tusi e tagata a’oga fa’aupuga o mea moni e uiga i le Fa’aola e pei o le: E toe fa’afo’isia e le Atua loto ua vaivai ma nuti momoia (fuaiupu 3) po’o le O le a fafagaina e le Atua i tatou, e o’o lava i taimi faigatā (fuaiupu 5).

A uma ona fa’amae’a e tagata a’oga le gaoioiga, vala’aulia i latou e fa’asoa mai ni mea ua latou a’oa’oina e uiga iā Iesu Keriso.Ina ia faia lenei mea, e mafai ona latou faaali atu a latou ata faataamilo i le potu, faasoa mea sa latou aoaoina i isi tagata aoga po o isi vaega, pe faaopoopo atu mea sa latou aoaoina i le laupapa.Mafaufau e fai fesili e pei o nei pe a uma ona faasoa mai tagata aoga.

E iai se mea ua e a’oa’oina e uiga iā Iesu Keriso, atonu na ono misi pe ana e lē faifai lemū ma fa’aata fa’alemafaufau le ata o le Salamo 23?Afai e i ai, o le ā?
O fea o ata nei e sili ona fesoasoani iā te oe e iloa ai le uiga alofa ma le agalelei o Iesu Keriso.Aiseā?

E te ono fa’ai’u i le uunaia lea o tagata a’oga e fa’aaoga ata fa’alemafaufau i a latou su’esu’ega fa’aletusi pa’ia ia faaauau ai pea le iloa lelei atili ai o le Fa’aola.Mafaufau e fa’asoa atu sau molimau i mea moni e uiga iā Iesu Keriso e pei ona a’oa’o mai i le Salamo 23.

O Puna’oa Fa’aopoopo

E fa’apefea ona aoao mai e le va’aia o Iesu Keriso o se leoleo mamoe le auala ou te auauna atu ai i isi (Salamo 23:1)?

Na a’oa’o mai Peresitene Russell M. Nelson:

E tausia ma le alofa e le Leoleo Mamoe alofa mamoe uma o lana lafu mamoe, ma o i tatou o Ana leoleo mamoe lagolago moni.O se avanoa taua mo i tatou le tauave o Lona alofa ma fa’aopoopo i lo tatou alofa mo a tatou uō ma tua’oi—fafagaina, tausiaina, ma fa’afailele i latou—fa’apei ona finagalo le Fa’aola ia tatou faia ai. (“Leoleo Mamoe, Tamai Mamoe, ma Faia’oga i Aiga,” Ensign, Aok. 1994, 19)

Na fa’amatala mai e Elder Gerrit W. Gong, o le Korama a le Au Aposetolo e To’asefululua e fa’apea:

15:19

Uso e ma tuafafine, e valaau mai lo tatou Leoleo Mamoe Lelei ia i tatou i Lona siufofoga ma i Lona suafa.Na te saili, faapotopoto, ma afio mai i Ona tagata.E ala mai i Lana perofeta soifua ma i tatou taitoatasi, Na te valaaulia ai tagata uma ia saili le filemu, faamoemoega, faamalologa, ma le olioli i le atoatoaga o Lana talalelei toefuataiina ma i luga o Lana ala o feagaiga.E ala i faataitaiga, Na te aoao mai ai i leoleo mamoe o Isaraelu ia auauna atu i Lona alofa.(“O le Leoleo Mamoe Lelei, Tamai Mamoe a le Atua,” Liahona, Me 2019, 100)

Faamata po o le a le uiga mo le Faaola e fuatai mai lo’u agaga (Salamo 23:3)?

Na fa’apea mai Sister Cristina B. Franco, fesoasoani lua i le Au Peresitene Aoao o le Peraimeri:

9:36

[A]o tatou o atu iā Iesu Keriso e ala i le faaalia o le faatuatua iā te Ia, salamō, ma le osia ma tausia o feagaiga, o le tatou nutimomoiaaiaga—po o le ā lava le mafuaaga—e mafai ona faamaloloina.O lenei fa’agasologa, lea e vala’aulia ai le mana fa’amalolo a le Fa’aola i o tatou olaga, e lē na o le toefuata’i o i tatou i mea sa tatou iai muamua, ae ua faia ia tatou sili atu nai lō le mea sa tatou i ai muamua.Ou te iloa e ala i lo tatou Fa’aola, Iesu Keriso, e mafai ona toe fonofonoina i tatou, faia ia ato’atoa, ma faataunuu lo tatou faamoemoega.(“O Le Mana Faamalolo o Iesu Keriso,” Liahona, Nov. 2020, 61)

O le ā se mea e mafai ona tatou a’oa’o mai i le fa’aaogaina e le leoleo mamoe o le la’au ma le to’oto’o (Salamo 23:4)?

Na a’oa’o mai e Peresitene Jeffrey R. Holland, o le Korama a le Au Aposetolo e To’asefululua:

I aso anamua, pau lea o le meafaigaluega a le leoleo mamoe e tauave, o le la’au ma le to’oto’o.O le laau e pu’upu’u, malosi, e pei o se auupega e fa’aaoga e se tasi e puipui mai ai o ia po o le lafu mai se tasi e sopovale.Sa fuafuaina ina ia avea—ma faailoa atu ai—le malosi ma le mana i le lima o se leoleo mamoe malosi o lē na te iloa lona faaaogāina. …

O le to’oto’o e umi atu, māmā, e masani lava ona iai sona lave (po o le faamātau) i lona tausi’usi’uga e fa’aaoga e lavea’i ai mamoe ua lavelavea.O le to’oto’o, e sili atu nai lo o le laau, o le sootaga i le faatufugaga ma talatu’u i le leoleo mamoe ma lana leoleoga mataala.O mea uma e uiga i le to’oto’o o lo’o tautala e fa’atatau i le saogalemu ma le tausiga.O le meafaigaluega sili fa’aletusi pa’ia mo le lavea’iga ma le togiolaina.

I le olaga tatou te manaomia le puipuiga ma tatou te manaomia le laveaiga.I se tasi itu po o le isi foi, e lamatia i tatou.A lē i ni tulaga fefinaua’i taufaamata’u, po’o feoa’iga masani, o lo’o fa’amanuiaina i tatou ma puipuia i le tausiga matala a le Atua.O lau laau ma lou to’oto’o e faamafanafanaina ai a’u.(For Times of Trouble: Spiritual Solace from the Psalms [2012], 217–18)

Gaoioiga Fa’aopoopo e A’oa’o Ai

Se isi amataga

Afai e te manatu e sili atu ona feso’ota’i au tagata a’oga i le fa’aata fa’alemafaufau o ni ata ese’ese, nai lo o i latou ua fa’anoanoa ma sisiva mai le Salamo 30:11, e mafai ona e toe faia le gaoioiga lava lea e fa’aaoga ai ni fuaitau eseese fa’aletusi pa’ia ma ni ata o le Fa’aola.Filifili se ata e te manatu e sili ona fesootai ma tagata aoga.O ni nai manatu nei mai fuaiupu i le Salamo:

“O le Atua o lo’u Malamalama” (Salamo 27:1)
“O oe o loʻu lafitaga” (Salamo 32:7)
“E na o ia lava lo‘u papa” (Salamo 62:2)
“Auā o le Alii le Atua o le la ia ma le talita” (Salamo 84:11)

Suesueina o mau ma le mafaufau i se isi tagata

Nai lo le faaaogaina o faaataataga faalemafaufau, e mafai ona e valaaulia tagata aoga e suesue le Salamo 23:1–6 a‘o mafaufau ai i se tasi latou te iloa o loo aafia i se tulaga faigatā i o latou olaga.A uma ona suesue, e mafai e tagata aoga ona faasoa atu se mea sa latou aoaoina e uiga i le Faaola e ala i le tusi atu o se tesi faamalosiau po o se faamatalaga i lenei tagata.

O se isi auala, e mafai ona e tu’u atu i tagata a’oga ni vaaiga faataitai talafeagai se tolu pe fa, pei o se tasi e lagona e lē alofa le Atua iā te ia po o le fefe fo’i i tulaga le mautonu i le lumana’i.Valaaulia tagata aoga e suesue le Salamo 23:1–6 ma le tagata o loo i le vaaiga faataitai o loo mafaufauina.E mafai ona fefa’asoaai tagata a’oga e fa’atatau i mea ua latou maua e mafai ona fesoasoani ai i se tasi i lenā va’aiga faataitai.

Fa’aaogaina o musika

Ina ia vala’aulia le Agaga e ala i musika pa’ia, mafaufau e vala’aulia tagata a’oga e faitau upu o le vi’iga “O le Ali’i o Lo’u Leoleo Mamoe.”E te ono talanoaina pe fa’apefea ona fesoasoani le viiga iā i latou ia malamalama lelei atili i le Salamo 23:1–6.Ona, mafaufau lea e faaali atu le faatulagaga lenei o le “O le Alii o Lo’u Leoleo Mamoe” (4:54) mai le Faaaliga Musika a le Ekalesia i le 2021.I le mae’a ai, tu’u se avanoa i tagata a’oga e fa’asoa mai ai o latou lagona ma ni molimau e uiga i le Fa’aola.

4:54