Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Psalmeve 24: “Kush do t’i Ngjitet Malit të Zotit?”

“Psalmeve 24: ‘Kush do t’i Ngjitet Malit të Zotit’”, Manuali i Mësuesit të Seminarit për Dhiatën e Vjetër (2026)

“Psalmeve 24: ‘Kush do t’i Ngjitet Malit të Zotit’”, Manuali i Mësuesit të Seminarit për Dhiatën e Vjetër

Psalmeve 1–2; 8; 19–33; 40; 46: Mësimi 103

Psalmeve 24

“Kush do t’i Ngjitet Malit të Zotit?”

Tempujt janë vende të shenjta që janë të pastra dhe të dëlira. Ata mund të na ndihmojnë të imagjinojmë se si do të jetë kur të jemi në praninë e Zotit. Te Psalmeve 24, mbreti David na fton të përpiqemi fort të jemi shpirtërisht të pastër dhe të dëlirë në mënyrë që të mund të hyjmë në tempullin e Zotit dhe në praninë e Tij një ditë. Ky mësim mund t’i ndihmojë nxënësit të përgatiten për të hyrë denjësisht në tempull dhe për të banuar përfundimisht në praninë e Atit Qiellor dhe të Jezu Krishtit.

Përgatitja e nxënësve: Ftojini nxënësit të shqyrtojnë pyetjet e rekomandimit të tempullit, duke menduar rreth përgatitjes së tyre shpirtërore për të frekuentuar tempullin. Këto pyetje mund të gjenden në shtojcën e materialit Për Forcën e Rinisë: Një Udhëzues për Bërjen e Zgjedhjeve [2022].

Veprimtari të Mundshme të të Mësuarit

I ndotur apo i pastër?

Për t’i përgatitur nxënësit të studiojnë Psalmeve 24, merreni parasysh të paraqitni një figurë të një adoleshenti të ndotur me baltë.

Ju mund të sillni edhe baltë në një tas dhe t’i ftoni disa nxënës t’i futin duart e tyre në të. Më pas, përshtateni pyetjen më poshtë duke i pyetur nxënësit se si ndihen.

Kur ishte hera e fundit që ke qenë shumë i ndotur ose me baltë? Si u ndjeve?

Merreni parasysh të paraqitni një figurë të pjesës së brendshme të një tempulli.

Nëse nxënësit nuk kanë qenë brenda një tempulli, merreni parasysh ta përshtatni pyetjen vijuese për t’i pyetur për mënyrën se si e përfytyrojnë se do të ndiheshin brenda tempullit.

Belem Brazil Temple interiors. An interior image of the temple featuring the Celestial Room. There are chairs and a chandelier hanging.

Si ndihesh kur hyn në tempull?

Merreni parasysh të paraqitni figurën e adoleshentit me baltë në krah të figurës nga tempulli.
Si do të ndiheshe po të futeshe me shumë baltë brenda tempullit? Përse?
Çfarë mësimesh shpirtërore mund të mësojmë nga kjo?

Përsiat se si mund të ndiheshe po të qëndroje në praninë e Atit Qiellor dhe të Jezu Krishtit ndërkohë që je shpirtërisht i ndotur ose me baltë. Më pas, përsiat se si mund të ndihesh duke qëndruar në praninë e Tyre pasi të jesh bërë i panjollë nëpërmjet Shlyerjes së Jezu Krishtit.

Në ditarin tënd të studimit, përgjigju për pyetjet vijuese:

Sa e rëndësishme është për ty të jesh i denjë për tempullin? Përse?
Sa e rëndësishme është për ty që një ditë të banosh me Atin Qiellor dhe Jezu Krishtin? Përse?

Kërko udhërrëfim nga Fryma e Shenjtë për të të ndihmuar të dish atë që do të donte Zoti që të bëje për ta adhuruar Atë denjësisht në tempull dhe për të hyrë një ditë në praninë e Tij dhe të Atit Qiellor.

“Mali i Zotit”

Për të filluar studimin e kapitullit te Psalmeve 24, merreni parasysh të krijoni një vizatim të thjeshtë të një kodre në tabelë. Nxënësit mund të vizatojnë të njëjtën gjë në ditarët e studimit. Lexojeni ose përmblidheni paragrafin më poshtë.

2026 Old Testament Seminary Teacher Materials

Te Psalmeve 24, mbreti David përdori përfytyrimin e një kodre. Disa fragmente të shkrimit të shenjtë përdorin malet ose kodrat si simbole të tempujve (shih tek Isaia 2:2–3). Ka mundësi që Davidi po i referohej tempullit, ose pranisë së Perëndisë, ose të dyja gjërave.

Nëse doni, mund të përfshini në majë të kodrës suaj një vizatim të thjeshtë të një tempulli dhe fjalët Ati Qiellor dhe Jezu Krishti. Mund të vizatoni në fund të kodrës një figurë njeriu që na përfaqëson ne.

Lexo te Psalmeve 24:3–6, duke kërkuar atë që duhet të bëjmë për t’u përgatitur për të hyrë në tempull dhe për t’u kthyer në praninë e Zotit një ditë.

Psalmeve 24:3–4 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Pasi nxënësit t’i lexojnë vargjet, ata mund të kenë pyetje rreth disa prej fjalëve ose frazave. Ftojini nxënësit të bëjnë çdo pyetje që ata ose dikush në përgjithësi mund të kenë ndërsa e lexojnë këtë fragment. Nëse është e dobishme, shpjegoni se “për t’u dukur” i referohet krenarisë ose arrogancës. Fraza “nuk betohet në mënyrë të rreme” mund t’i referohet të qenit i ndershëm me veten, të tjerët dhe Perëndinë.

Merreni parasysh t’i shkruani përgjigjet e nxënësve për pyetjen vijuese në tabelë bashkë, përgjatë skajit të kodrës. Vizatimi juaj i fundit mund të jetë diçka e ngjashme me figurën më poshtë.

Çfarë mësove nga këto vargje rreth përgatitjes për të hyrë në tempull dhe për t’u kthyer në praninë e Zotit një ditë?

Ndërsa nxënësit e tregojnë atë që gjetën në vargjet 3–6, ndihmojini ata të përcaktojnë të vërtetën vijuese: Ne duhet të përgatitemi shpirtërisht për ta adhuruar Zotin në tempullin e Tij dhe për të banuar në praninë e Tij.

Përse mendon se është e nevojshme të jemi shpirtërisht të përgatitur për të hyrë në tempujt e Zotit dhe përfundimisht në praninë e Tij?
Si mund të jenë kërkesat e Zotit për të qenë shpirtërisht të përgatitur provë e dashurisë së Tij për ne?

Përgatitja shpirtërore

Merreni parasysh t’i paraqitni udhëzimet vijuese dhe t’i ftoni nxënësit t’i kryejnë ato individualisht në ditarin e studimit ose me një partner.

Zgjidh një nga frazat vijuese nga Psalmeve 24:4 rreth së cilës do të doje të mësoje më shumë.

duar të pastra
i pastër nga zemra
nuk e ngre shpirtin për t’u dukur (përulësia)
nuk betohet në mënyrë të rreme (ndershmëria)

Gjej shkrime të shenjta ose thënie nga udhëheqësit e Kishës që të ndihmojnë ta kuptosh më mirë frazën. Pastaj përgjigju për pyetjet vijuese:

Pse mendon se ky aspekt i përgatitjes është i rëndësishëm për adhurimin në tempull dhe për banimin me Atin Qiellor dhe Jezu Krishtin një ditë?
Cilat janë mënyrat specifike se si një adoleshent shenjtor i ditëve të mëvonshme mund të punojë për atë aspekt të përgatitjes?
Çfarë do të doje t’i tregoje rreth Shpëtimtarit një shoku që ka vështirësi me atë aspekt të përgatitjes?

Nëse nxënësit kanë nevojë për ndihmë, mund të sugjeroni fragmente të shkrimit të shenjtë si vijuesit:

duar të pastra (Doktrina e Besëlidhje 88:86)
i pastër nga zemra (Mosia 5:2)
nuk e ngre shpirtin për t’u dukur (Doktrina e Besëlidhje 112:10)
nuk betohet në mënyrë të rreme (Alma 27:27)

Nëse doni, mund t’i drejtoni ata tek Udhëzuesi për Shkrimet e Shenjta ose Gospel Library [Biblioteka e Ungjillit].

Mund të jepni gjithashtu citimin e Plakut Bednar nga Burime Shtesë në këtë mësim.

Ftojini nxënësit t’ia tregojnë atë që mësuan një nxënësi ose dysheje tjetër që studioi një frazë të ndryshme. Mund t’u kërkoni më pas disa nxënësve që t’ia tregojnë klasës.

Përgatitja ime vetjake

Reflekto mbi mënyrën se si po ecën me përgatitjen tënde shpirtërore. Përsiat për atë që ti ndien se e kënaq Atin Qiellor dhe aspektet ku mund të përmirësohesh.

Jepu përgjigje pyetjeve vijuese në ditarin e studimit.

Çfarë ndien se dëshiron Ati Qiellor që të bësh për t’u përgatitur për tempullin dhe për të jetuarit me Të një ditë?
Si mund të mbështetesh te Shpëtimtari për ndihmë?

Merreni parasysh të jepni dëshminë tuaj për të vërtetat që studiuan nxënësit. Sigurojini nxënësit për aftësinë e Shpëtimtarit për t’i pastruar dhe ndihmuar ata. Nëse doni, mund të dëshironi të jepni thënien vijuese për ta përmbyllur mësimin.

Presidenti Henri B. Ajring, i Presidencës së Parë, tha sa vijon:

“Shpresa ime për ju dhe për të gjithë familjen tuaj të dashur është që t’ju shtohet dëshira dhe vendosmëria për të qenë të denjë që të hyni në shtëpinë e Zotit aq shpesh sa jua lejojnë rrethanat.

Ai do që t’ju mirëpresë atje.” (“Tempullin Shum’ Dua t’Shoh”, Liahona, maj 2021, f. 31)

Mësoni Përmendsh

Nëse dëshironi, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për Psalmeve 24:3–4 është “Kush do të qëndrojë në vendin e tij të shenjtë? Njeriu i pafajshëm nga duart dhe i pastër nga zemra.” Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Çfarë do të thotë të kesh “duar [të pafajshme] dhe [zemër të] pastër” (Psalmeve 24:4)?

Dejvid A. Bednar, i Kuorumit të Dymbëdhjetë Apostujve, shpjegoi:

14:33

“Më lejoni të sugjeroj se duart bëhen të pafajshme përmes procesit të zhveshjes së njeriut të natyrshëm dhe nëpërmjet mposhtjes së mëkatit dhe ndikimeve të liga në jetën tonë me anë të Shlyerjes së Shpëtimtarit. Zemra pastrohet kur marrim fuqinë e tij forcuese për të bërë të mirën dhe për t’u bërë më të mirë. Të gjitha dëshirat e denja dhe veprat tona të mira, sido që janë të nevojshme, nuk mund të prodhojnë duar të pafajshme dhe zemër të pastër. Është Shlyerja e Jezu Krishtit ajo që siguron qoftë pastrimin dhe fuqinë shëlbuese që na ndihmon të kapërcejmë mëkatin, qoftë shenjtërimin dhe fuqinë forcuese që na ndihmon të bëhemi më të mirë nga sa mund të ishim duke u mbështetur vetëm tek forca jonë. Shlyerja e pafundme është si për mëkatarin, ashtu dhe për shenjtorin tek secili prej nesh.” (“Duar të Pafajshme dhe Zemër të Pastër”, Liahona, nëntor 2007, f. 82)

Çfarë bekimesh mund të marr duke frekuentuar tempullin denjësisht?

Presidenti Henri B. Ajring, i Presidencës së Parë, dha mësim:

16:22

“Nëse ju apo unë do të shkonim në tempull jo mjaftueshëm të pastër, ne nuk do të ishim në gjendje të shihnim, me anë të fuqisë së Frymës së Shenjtë, mësimin shpirtëror rreth Shpëtimtarit që mund ta marrim në tempull.

Kur jemi të denjë për të marrë një mësim të tillë, aftësia për të ndier shpresë, gëzim dhe optimizëm gjatë gjithë jetës sonë, mund të rritet nëpërmjet përvojës sonë në tempull. Kjo shpresë, ky gëzim dhe optimizëm janë në dispozicion vetëm nëpërmjet pranimit të ordinancave që kryhen në tempujt e shenjtë. Tempulli është vendi ku ne mund të marrim sigurinë për lidhjet e dashura familjare që do të vazhdojnë pas vdekjes dhe do të zgjatin në përjetësi.” (“Tempullin Shum’ Dua t’Shoh”, Liahona, maj 2021, f. 30)

Po sikur të ndiej se kam pak shpresë për të qenë i denjë për shkak se vazhdoj të bëj të njëjtat gabime?

Vëllai Bredli R. Uilkoks, i Presidencës së Përgjithshme të Të Rinjve, tha:

10:52

“Plaku Diter F. Uhtdorf ka thënë: ‘Perëndia nuk ka nevojë për njerëz që janë pa të meta. Ai kërkon ata që do të ofrojnë ‘zemrën dhe një mendje të gatshme’ [Doktrina e Besëlidhje 64:34] dhe Ai do t’i bëjë ata ‘të përsosur në Krisht’ [Moroni 10:32–33].’ … Hiri i Tij nuk është një çmim vetëm për të denjët. Është ‘ndihma hyjnore’ që jep Ai, e cila na ndihmon të bëhemi të denjë. Nuk është një shpërblim vetëm për të drejtët. Është ‘dhurimi i forcës’ që jep Ai, e cila na ndihmon të bëhemi të drejtë. Ne nuk po ecim thjesht drejt Perëndisë dhe Krishtit. Ne po ecim me Ta.” (“Denjësia Nuk Është të Jesh i Patëmetë”, Liahona, nëntor 2021, f. 67)

Veprimtari Plotësuese të të Mësuarit

Fillim i ndryshëm

Për një mënyrë të ndryshme për ta filluar mësimin, merreni parasysh të jepni dy skenarët vijues.

Saimiri është i ashpër me veten. Ai ndien se është e nevojshme të jetë i përsosur për të hyrë në tempull ose për të qenë i pranueshëm për Atin Qiellor dhe Jezu Krishtin.
Jori nuk mendon se është ndonjë gjë me rëndësi të jesh i denjë për tempullin ose të përgatitesh për të takuar Perëndinë. Ai ndien se, për shkak se Perëndia e do atë, Ai do ta pranojë atë për gjithçka që bën, pavarësisht a pendohet ose jo.

Nxënësit mund të zgjedhin një skenar. Ndërsa studiojnë te Psalmeve 24, ata mund të kërkojnë të vërtetat dhe këshillat që mund t’ia tregojnë të riut nga skenari që zgjodhën.

Pyetjet për rekomandimin e tempullit

Për t’i ndihmuar nxënësit tuaj të reflektojnë mbi përgatitjen shpirtërore vetjake, jepni këtë paragraf lidhur me pyetjet për rekomandimin e tempullit nga materiali Për Forcën e Rinisë: Një Udhëzues për Bërjen e Zgjedhjeve [2022]:

“Një mënyrë për të vlerësuar përparimin tuaj në shtegun e besëlidhjeve është që të përsiatni pyetjet e mëposhtme. Ato janë pyetje që ju bëhen kur intervistoheni për të marrë një rekomandim tempulli, por mos prisni për një intervistë. Bëni kontrollin tuaj shpirtëror.” (Për Forcën e Rinisë: Një Udhëzues për Bërjen e Zgjedhjeve [2022], f. 36)

Mund t’i ftoni më pas nxënësit të bëjnë kontrollin e tyre shpirtëror duke shqyrtuar pyetjet për rekomandimin e tempullit që gjenden në “Pyetjet për rekomandim tempulli për rininë”.

Shpresa që është në Krisht (Psalmeve 24:7–10)

Nëse nxënësit mund të kenë dobi nga një diskutim rreth shpresës, mund të studioni te Psalmeve 24:7–10 në Përkthimin e Biblës prej Joseph Smith-it. Nxënësit mund të renditin në fillim aspektet shkurajuese të botës sot, të tilla si dhuna në rritje ose shpërbërja e familjes. Më pas shpjegoni se PJS, Psalmet 24:7–10 mund të ofrojnë shpresë në ditët e fundit.

Ftojini nxënësit të lexojnë te PJS, Psalmet 24:7–10, duke kërkuar se sa herë e shohin frazën ngrini kokat. Kërkojuni atyre ta tregojnë atë që ndiejnë se do të thotë kjo frazë.

Më pas ftojini nxënësit të lexojnë te PJS, Psalmet 24:7–10 sërish, duke kërkuar arsyet përse ne mund të kemi shpresë në këto ditë të fundit.

Në ç’mënyrë ju ndihmojnë këto fraza të “ngrini kokat” (PJS, Psalmet 24:7–10) me shpresë, pavarësisht problemeve të ditëve të sotme?