Psalmeve 23

Për t’i ndihmuar nxënësit të ushtrojnë të mësuarit nga shëmbëlltyrat e shkrimeve të shenjta, merreni parasysh ta filloni orën mësimore duke paraqitur një figurë të dikujt duke vajtuar dhe të dikujt duke vallëzuar. Më pas, pyetini nxënësit tuaj se çfarë mendimesh ose ndjenjash iu vijnë në mendje kur mendojnë për vajtimin. Nxënësit mund të përmendin gjëra si lotët, humbja e dikujt, dhembja ose trishtimi. Përsëriteni të njëjtën pyetje për vallëzimin.

Shpjegojuni nxënësve se përdorimi i këtyre figurave për ta kuptuar më mirë vargun 11 është një shembull i përfytyrimit si zotësi studimi. Merreni parasysh ta ftoni një nxënës të lexojë përshkrimin vijues të kësaj zotësie të studimit.

Kjo pjesë e mësimit u jep nxënësve një mundësi për ta ushtruar përfytyrimin së bashku si klasë para se ta provojnë vetë atë.

Për t’i ndihmuar nxënësit të mësojnë më shumë rreth Shpëtimtarit, mund t’i ftoni ata ta përfytyrojnë Atë si Bariun tonë ndërkohë që lexojnë tek Ezekiel 34:11–16 ose Gjoni 10:11–15, ose ndërsa klasa këndon “Pranë Zemrës së Bariut” (Himne, nr. 138). Ata mund të duan gjithashtu t’i bëjnë referencë-kryq ose t’i lidhin ato fragmente me Psalmeve 23:1.

Merreni parasysh të paraqitni në tabelë një figurë të Jezu Krishtit të paraqitur si një bari, si ajo në fillim të këtij mësimi. Ftojini disa nxënës që t’i shkruajnë pohimet e tyre të të vërtetave për Të në tabelë përreth figurës. Nxënësit mund të japin pohime si: Zoti kujdeset për nevojat e mia.

Merreni parasysh t’u jepni nxënësve një mundësi që të arrijnë ta njohin Shpëtimtarin më mirë duke ushtruar përfytyrimin vetë ose në grupe të vogla. Veprimtaria vijuese është një mënyrë për ta bërë këtë. Para se të fillojnë, jepini secilit nxënës një fletë letre bosh. Nëse doni, gjithashtu mund të siguroni lapsa ose bojëra uji me ngjyra që nxënësit mund t’i përdorin për të vizatuar figura.

Ndërsa nxënësit punojnë, merreni parasysh të ecni nëpër dhomë për të mësuar prej tyre dhe për t’i ndihmuar ata që mund të kenë nevojë. Nëse nxënësit e kanë të vështirë ta përfytyrojnë figurën, mund të bëni pyetje si: “Çfarë ndjesie të jep kur je pranë ujërave të qeta?” ose “Çfarë mendon se mund të përfaqësojnë shkopi dhe thupra e Tij?” Gjithashtu, përgëzimi i nxënësve për vizatimet ose idetë mund të jetë një mënyrë e shkëlqyer për t’i inkurajuar ata dhe për të forcuar marrëdhënien tuaj me ta.

Nxënësit mund të shkruajnë pohime të vërtete rreth Shpëtimtarit të tilla si: Zoti përtërin shpirtrat e lodhur dhe të thyer (vargu 3) ose Zoti do të na ushqejë edhe gjatë situatave të vështira (vargu 5).

Pasi nxënësit ta përfundojnë veprimtarinë, ftojini ata ta tregojnë atë që mësuan rreth Jezu Krishtit. Për ta bërë këtë, ata mund t’i paraqitin figurat e tyre nëpër klasë, t’ua tregojnë atë që mësuan nxënësve të tjerë ose grupeve të tjera, ose të shtojnë në tabelë tek ajo që mësuan. Merreni parasysh të bëni pyetje si vijueset pasi nxënësit të kenë folur.

Mund të përfundoni duke i inkurajuar nxënësit të përdorin përfytyrimin në studimin e tyre të shkrimeve të shenjta që të vazhdojnë të arrijnë ta njohin më mirë Shpëtimtarin. Merreni parasysh të jepni dëshminë tuaj për të vërtetat rreth Jezu Krishtit që na mësohen te Psalmeve 23.