Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Սաղմոսներ 23. «Տերն իմ Հովիվն է»

«Սաղմոսներ 23․ «Տերն իմ Հովիվն է»», Հին Կտակարան․ Սեմինարիայի ուսուցչի ձեռնարկ (2026)

«Սաղմոսներ 23․ «Տերն իմ Հովիվն է»», Հին Կտակարան․ Սեմինարիայի ուսուցչի ձեռնարկ

Սաղմոսներ 1–2, 8, 19–33, 40, 46․ Դաս 102

Սաղմոսներ 23

«Տերն իմ Հովիվն է»

A lamb drinking water from the cupped hands of Jesus Christ.

Սուրբ գրությունների հատվածներում նկարագրություններն ու համեմատությունները պատկերավորելու համար դադարներով կարդալը գեղեցկություն և զորություն կհաղորդի մեր կարդացած բառերին: Սաղմոսներ 23-ում Դավիթ թագավորը նկարագրել է իր հարաբերությունները Հիսուս Քրիստոսի հետ մի շարք պատմությունների միջոցով, որոնք պատկերում են Փրկչի սերն ու հոգատարությունը: Այս դասը կօգնի ուսանողներին զգալ Քրիստոսի սիրող էությունը՝ սուրբ գրությունների պատմությունները պատկերավորելու միջոցով:

Ուսանողի նախապատրաստում. ուսանողներին առաջարկեք խորհել, թե ինչպես է այն, ինչ իրենք տեսնում են ամեն օր, հիշեցնում իրենց Փրկչի մասին: Օրինակ՝ «Անձրևն ինձ հիշեցնում է Փրկչի մասին, քանի որ …»: Ապա առաջարկեք նրանց կարդալ Սաղմոս 23-ը և ընտրել Դավթի սիրելի համեմատությունը Փրկչի հետ կամ այն ամենի, ինչ Փրկիչն անում է մեզ համար:

Հնարավոր ուսումնական վարժություններ

Պատկերավորեք սուրբ գրությունների պատմությունները

Որպեսզի օգնեք ուսանողներին սովորել սուրբ գրությունների պատմությունների օգնությամբ, կարող եք դասի սկզբում ցուցադրել նկարներ, որտեղ պատկերված են վշտացած մարդիկ և պարող մարդիկ: Ապա հարցրեք ձեր ուսանողներին, թե իրենք ինչ մտքեր կամ զգացմունքներ են ունենում՝ վշտի մասին մտածելիս։ Ուսանողները կարող են կիսվել հետևյալով․ արցունքներ, մարդու կորուստ, ցավ կամ տխրություն: Կրկնեք նույն հարցը՝ պարելու վերաբերյալ:

Կարդացեք Սաղմոսներ 30․11-ը՝ փնտրելով, թե Դավիթն ինչպես օգտագործեց վշտի և պարի պատմությունները՝ նկարագրելու Հիսուս Քրիստոսի զորությունը և Նրա Քավությունը:

Ինչպե՞ս են այդ պատկերներն օգնում ձեզ հասկանալ, թե ինչ ուսուցանվեց Դավթին Հիսուս Քրիստոսի մասին, երբ նա ասաց. «Դու իմ սուգը ցնծության փոխեցիր»:

Ուսանողներին բացատրեք, որ այս պատկերների օգտագործումը ուսումնասիրության հմտության՝ պատկերավորման լավ օրինակ է հատված 11-ն ավելի լավ հասկանալու համար։ Ուսանողներից մեկին առաջարկեք կարդալ այս ուսումնասիրության հմտության հետևյալ նկարագրությունը:

Պատկերացումն ուսումնասիրության հմտություն է, որը մտավոր պատկեր է ստեղծում սուրբ գրությունների նկարագրական մանրամասներից: Մենք կարող ենք պատկերացնել, որ ներկա ենք սուրբ գրության մեջ նկարագրվող իրադարձություններին: Կարդալիս մենք կարող ենք դադար առնել և պատկերացնել հետևյալ արտահայտությունը՝ «Դու իմ սուգը ցնծության փոխեցիր» (Սաղմոսներ 30․11)։ Հաջորդ քայլը՝ խորհելն է այն բանի շուրջ, թե ինչ կարող ենք սովորել այդ պատմություններից: Դա անելը կարող է հրավիրել Սուրբ Հոգուն, եթե մենք չշտապենք և ձգտենք հասկանալ մեր մտքով և սրտով:

Խորհեք հետևյալ հարցերի շուրջ.

Որքա՞ն հաճախ դուք չեք շտապում, որպեսզի պատկերացնեք այն, ինչ ուսումնասիրում եք սուրբ գրություններում:
Ըստ ձեզ, ինչպե՞ս կարող է ձեր կարդացածն անշտապ պատկերացնելն օգնել ձեզ ավելի լավ ճանաչել Փրկչին:

Այսօր Սաղմոսներ 23-ում նկարագրված պատմությունները պատկերացնելիս ուշադրություն դարձրեք Սուրբ Հոգու հուշումներին, որոնք կօգնեն ձեզ սովորել Հիսուս Քրիստոսի մասին։

«Տերն իմ Հովիվն է»

Դասի այս հատվածն ուսանողներին հնարավորություն է տալիս սովորել պատկերավորել պատմություններն ամբողջ դասարանով՝ նախքան նրանք կփորձեն անել դա ինքնուրույն:

Կարդացեք Սաղմոսներ 23․1-ը և նշեք այն պատմությունը, որն օգտագործվում է Հիսուս Քրիստոսին նկարագրելու համար:

Որպեսզի օգնեք ուսանողներին ավելին իմանալ Փրկչի մասին, կարող եք առաջարկել նրանց Եզեկիել 34․11–16 կամ Հովհաննես 10․11–15 հատվածները կարդալիս կամ դասարանով «Dear to the Heart of the Shepherd» օրհներգը երգելիս (Hymns, հ. 221) պատկերացնել Նրան որպես մեր Հովիվ։ Նրանք կարող են նաև ցանկանալ խաչաձև հղում կատարել կամ կապել այդ հատվածները Սաղմոսներ 23․1-ի հետ։

Մեկ րոպե տրամադրեք՝ փորձելու պատկերացնել, թե ինչպես է հովիվը հոգ տանում իր ոչխարների մասին կամ պաշտպանում նրանց:

Ապա գրեք Հիսուս Քրիստոսի մասին մի արտահայտություն, որը սովորեցիք՝ Նրան որպես ձեր Հովիվ պատկերացնելիս:

Կարող եք գրատախտակին ցուցադրել Հիսուս Քրիստոսի նկարը, որտեղ Նա պատկերված է որպես հովիվ, օրինակ՝ այս դասի սկզբում ցուցադրված նկարը: Ուսանողներներից մի քանիսին առաջարկեք գրատախտակին նկարի շուրջը գրել Նրա մասին ճշմարտության իրենց պնդումները: Ուսանողները կարող են կիսվել հետևյալ պնդումով․ Տերը հոգ է տանում իմ կարիքների մասին։

Ինչպիսի՞ հովիվ է եղել Հիսուս Քրիստոսը ձեր կամ ձեզ շրջապատող մարդկանց կյանքում։

Ճանաչեք Հիսուս Քրիստոսին

Ուսանողներին հնարավորություն տվեք ավելի լավ ճանաչել Փրկչին՝ սովորելով պատկերավորել ինքնուրույն կամ փոքր խմբերով: Հետևյալ վարժությունը կօգնի նրանց: Նախքան ուսանողները կսկսեն վարժությունը, յուրաքանչյուր ուսանողի տվեք դատարկ թերթիկ: Կարող եք նաև տրամադրել գունավոր մատիտներ կամ մարկերներ, որոնք ուսանողները կարող են օգտագործել նկարներ նկարելու համար:

Ուսումնասիրեք Սաղմոսներ 23․2–6-ը։ Ապա ընտրեք մի հատված, որն առավել տպավորիչ է ձեզ համար և կենտրոնացեք դրա վրա մինչև այս վարժության վերջը:
Ձեր ընտրած հատվածից պատկերավորեք այն պատմությունը, որն օգտագործել է Դավիթ թագավորը՝ նկարագրելու Հիսուս Քրիստոսի հատկանիշը կամ որևէ բան, որը Նա անում է մեզ համար: Նկարեք այն, ինչ պատկերացնում եք կամ գտեք թվային պատկեր, որը կարող է ներկայացնել այն, ինչ պատկերացնում եք ձեր մտքում:
Ձեր թղթի վրա գրեք Փրկչի մասին ճշմարտության առնվազն մեկ պնդում, որը սովորեցիք Դավթի նկարագրությունը պատկերավորելուց:
Անհատականացրեք ձեր սովորածը՝ խորհելով (կամ քննարկելով ձեր խմբի հետ) այն բանի շուրջ, թե ինչու է դա կարևոր ձեզ համար կամ ինչպես կարող է դա ամրապնդել ձեր հարաբերությունները Երկնային Հոր և Հիսուս Քրիստոսի հետ:

Երբ ուսանողներն աշխատում են, կարող եք շրջել դասասենյակով՝ սովորելու նրանցից և օգնելու նրանց, ովքեր օգնության կարիք ունեն: Եթե ուսանողները դժվարանան պատկերավորել պատմությունը, կարող եք տալ հետևյալ հարցերը․ «Ինչպիսի՞ զգացողություն կարող եք ունենալ՝ գտնվելով հանդարտ ջրի կողքին» կամ «Ըստ ձեզ, ի՞նչ կարող են խորհրդանշել Նրա գավազանն ու ցուպը»: Բացի այդ, ուսանողների նկարները կամ գաղափարները գովելը հիանալի միջոց կլինի նրանց խրախուսելու և նրանց հետ ձեր հարաբերություններն ամրապնդելու համար:

Ուսանողները կարող են գրել Փրկչի մասին հետևյալ ճշմարտության պնդումները. Տերը վերականգնում է մաշված և կոտրված հոգիները (հատված 3) կամ Տերը կսնուցի մեզ, նույնիսկ դժվար իրավիճակներում (հատված 5)։

Երբ ուսանողներն ավարտեն վարժությունը, առաջարկեք նրանց կիսվել Հիսուս Քրիստոսի մասին իրենց սովորածով: Դա անելու համար նրանք կարող են ցուցադրել իրենց նկարներն ամբողջ դասարանին, կիսվել իրենց սովորածով այլ ուսանողների կամ այլ խմբերի հետ կամ ավելացնել իրենց սովորածը գրատախտակին: Երբ ուսանողները կիսվեն, կարող եք տալ հետևյալ հարցերը:

Հիսուս Քրիստոսի մասին ձեր սովորածից որևէ բան բաց կթողնեիք, եթե դադար չտայիք պատկերավորելու Սաղմոսներ 23-ի պատմությունները: Եթե այո, ապա ի՞նչ։
Այս պատմություններից ո՞րն է ամենից շատ օգնում ձեզ տեսնել Հիսուս Քրիստոսի սիրող էությունը: Ինչո՞ւ։

Վերջում կարող եք խրախուսել ուսանողներին օգտագործել սուրբ գրություններից իրենց ուսումնասիրած պատմությունների պատկերավորումը՝ Փրկչին ավելի լավ ճանաչելու համար: Կարող եք կիսվել Սաղմոսներ 23-ում նկարագրված Հիսուս Քրիստոսի մասին ձեր վկայությամբ։

Օժանդակ նյութեր

Հիսուս Քրիստոսին որպես հովիվ տեսնելն ի՞նչ է ինձ ուսուցանում այն մասին, թե ինչպես ծառայել ուրիշներին (Սաղմոսներ 23․1)։

Նախագահ Ռասսել Մ. Նելսոնն ուսուցանել է․

Բարի Հովիվը սիրով հոգ է տանում Իր հոտի բոլոր ոչխարների մասին, իսկ մենք ճշմարիտ հովվի օգնականներն ենք: Մեզ արտոնություն է տրված կրելու Նրա սերը և ավելացնելու մեր իսկ սերն ընկերների և հարևանների հանդեպ՝ խնամելով և սնուցելով նրանց այնպես, ինչպես Փրկիչը կկամենար, որ մենք անեինք: («Shepherds, Lambs, and Home Teachers», Ensign, օգստ․ 1994, 19)

Տասներկու Առաքյալների Քվորումից երեց Գերիթ Վ. Գոնգը բացատրել է.

15:19

Եղբայրներ և քույրեր, մեր Բարի Հովիվը կանչում է մեզ Իր ձայնով և Իր անունով: Նա որոնում, հավաքում և գալիս է Իր ժողովրդի մոտ: Իր ապրող մարգարեի և մեզանից յուրաքանչյուրի միջոցով Նա հրավիրում է բոլորին գտնել խաղաղություն, նպատակ, բժշկություն և ուրախություն Իր վերականգնված ավետարանի և Իր ուխտի արահետում: Իր օրինակով Նա ուսուցանում է Իսրայելի հովիվներին՝ ծառայել Իր սիրով: («Բարի Հովիվ, Աստծո Գառ», Լիահոնա, մայիս 2019, 100)

Ի՞նչ կարող է նշանակել Փրկչի համար վերականգնել իմ հոգին (Սաղմոսներ 23․3)։

Նախկինում Երեխաների միության գերագույն նախագահության երկրորդ խորհրդական քույր Քրիստինա Բ. Ֆրանկոն ասել է․

9:36

[Ե]րբ մենք գալիս ենք Հիսուս Քրիստոսի մոտ՝ հավատք գործադրելով Նրա հանդեպ, ապաշխարելով, կապելով և պահելով ուխտեր, մեր կոտրված հոգին, անկախ պատճառից, կարող է բժկվել: Այս գործընթացը, որը մեր կյանք է հրավիրում Փրկիչի բժշկող զորությունը, ոչ միայն վերականգնում է մեզ մեր նախկին վիճակին, այլև ավելի լավն է դարձնում, քան երբևէ եղել ենք: Ես գիտեմ, որ մեր Փրկիչի՝ Հիսուս Քրիստոսի միջոցով մենք բոլորս կարող ենք նորոգվել, ամբողջանալ և իրականացնել մեր նպատակը։ («Հիսուս Քրիստոսի բժշկող զորությունը», Լիահոնա, նոյ․ 2020, 61)

Ի՞նչ կարող ենք սովորել հովվի կողմից Իր գավազանն ու ցուպն օգտագործելուց (Սաղմոսներ 23․4)։

Տասներկու Առաքյալների Քվորումից նախագահ Ջեֆրի Ռ. Հոլլանդն ուսուցանել է.

Հին ժամանակներում հովիվվի ձեռքերում կար միայն գավազան ու ցուպ։ Ցուպը՝ կարճ, ամուր, մահակի նման զենք էր, որն օգտագործվում էր ներխուժողներից և զավթիչներից պաշտպանվելու համար։ Այն պետք է լիներ(և փոխանցեր) ուժ և զորություն, զորեղ հովվի ձեռքում, ով գիտեր, թե ինչպես օգտագործել այն: …

Գավազանն ավելի երկար և թեթև առարկա էր, որի ծայրին սովորաբար կար կեռիկ (կամ կեռչան), և այն օգտագործվում էր ոչխարին ծանծաղուտից հանելու համար: Ավելի շատ, քան ցուպը, այն արվեստում և առասպելներում առնչվում է հովվի և նրա զգոն հոգատարության հետ: … Գավազանի վերաբերյալ ամեն ինչ խոսում է ապահովության և հոգատարության մասին։ Այն փրկության և փրկագնման սուրբ գրությունների զորեղ առարկա է:

Կյանքում մենք պաշտպանության և փրկության կարիք ունենք: Այսպես թե այնպես մենք խոցելի ենք։ Սպառնալից բախումների կամ առօրյա մոլորվածության ժամանակ, մենք օրհնված և պաշտպանված ենք Աստծո զգոն հոգատարությամբ: Քո գավազանն ու ցուպը մխիթարում են ինձ։ (For Times of Trouble: Spiritual Solace from the Psalms [2012], 217–18)

Օժանդակ ուսումնական վարժություններ

Դասը սկսելու այլընտրանքային տարբերակ

Եթե կարծում եք, որ ձեր ուսանողներին ավելի հեշտ կլինի պատկերավորել այլ պատմություններ, քան Սաղմոսներ 30․11-ում ներկայացված վշտի և պարի պատմությունները, կարող եք կատարել նույն վարժությունը՝ օգտագործելով սուրբ գրությունների այլ հատվածներ և Փրկչի նկարներ: Ընտրեք պատմություն, որն, ըստ ձեզ, լավագույնս կհամապատասխանի ձեր ուսանողներին: Ահա մի քանի գաղափար Սաղմոսներից.

«Տերն իմ հովիվն է» (Սաղմոսներ 23․1)
«Դու ես իմ ապաստանը» (Սաղմոսներ 32․7)
«Հիրավի, Նա է իմ վեմը» (Սաղմոսներ 62․2)
«Որովհետև Տեր Աստված արև է և վահան» (Սաղմոսներ 84․11)

Ուսումնասիրեք սուրբ գրությունները, մտածելով մեկ այլ մարդու մասին

Պատկերավորում օգտագործելու փոխարեն ուսանողներին առաջարկեք ուսումնասիրել Սաղմոսներ 23․1–6-ը՝ միաժամանակ մտածելով իրենց ծանոթ մարդու մասին, որն իր կյանքում դժվարություն ունի։ Ուսումնասիրելուց հետո ուսանողները կարող են կիսվել Փրկչի մասին իրենց սովորածով՝ գրելով խրախուսական նամակ կամ գրառում իրենց ծանոթ մարդուն:

Որպես այլընտրանք, կարող եք ուսանողներին տրամադրել երեք կամ չորս համապատասխան սցենար, օրինակ՝ նրան, ով չի կարծում, որ Աստված սիրում է իրեն կամ վախենում է իր ապագայի անորոշությունից: Ուսանողներին առաջարկեք ուսումնասիրել Սաղմոսներ 23․1–6-ը՝ մտածելով սցենարում ներկայացված մարդու մասին: Ուսանողները կարող են կիսվել միմյանց հետ իրենց գտածով, որը կարող է օգնել տվյալ սցենարում ներկայացված մարդուն:

Օգտագործեք երաժշտություն

Որպեսզի հոգևոր երաժշտության միջոցով հրավիրեք Հոգուն, ուսանողներին առաջարկեք կարդալ «The Lord Is My Shepherd» օրհներգի բառերը։ Կարող եք քննարկել, թե ինչպես է օրհներգն օգնում նրանց ավելի լավ հասկանալ Սաղմոսներ 23․1–6-ը։ Ապա ցուցադրեք «The Lord Is My Shepherd» (4:54) օրհներգի մշակված տարբերակը 2021 թվականի եկեղեցու երաժշտության փառատոնից: Այնուհետև ժամանակ տրամադրեք ուսանողներին՝ կիսվելու Փրկչի մասին իրենց զգացմունքներով և վկայություններով:

4:54