Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Սաղմոսների նախաբան․ Մաս 2. Երկրպագել Տիրոջը և գովաբանել Նրա Սուրբ անունը

«Սաղմոսների նախաբան․ Մաս 2. Երկրպագել Տիրոջը և գովաբանել Նրա Սուրբ անունը», Հին Կտակարան․ Սեմինարիայի ուսուցչի ձեռնարկ (2026)

«Սաղմոսների նախաբան․ Մաս 2. Երկրպագել Տիրոջը և գովաբանել Նրա Սուրբ անունը», Հին Կտակարան․ Սեմինարիայի ուսուցչի ձեռնարկ

Սաղմոսներ 1–2, 8, 19–33, 40, 46․ Դաս 101

Սաղմոսների նախաբան․ Մաս 2

Երկրպագել Տիրոջը և գովաբանել Նրա Սուրբ անունը

Photos taken of David A. Bednar during his visit to Africa South East area in October & November 2013.Youth Devotional held in Durban, South Africa. Some youth singing in the congregation. Similar outtakes, also some exterior shots of the chapel.

Երկնային Հորը և Հիսուս Քրիստոսին երկրպագելու եղանակներից մեկը՝ նրանց հանդեպ ձեր սերն ու նվիրվածությունն արտահայտելն է: Սաղմոսներից շատերը բանաստեղծական օրինակներ են՝ երկրպագելու Հորը և Որդուն գովաբանության, աղերսանքների և աղոթքների մեջ: Այս դասը կօգնի ուսանողներին արտահայտել երկրպագության իրենց զգացմունքները Երկնային Հոր և Հիսուս Քրիստոսի հանդեպ:

Ուսանողի նախապատրաստում. այս դասին իրենց զգացումներով կիսվելուն պատրաստվելիս՝ ասեք ուսանողներին, որ իրենք հնարավորություն կունենան խորհել Երկնային Հոր, Հիսուս Քրիստոսի և սուրբ բաների մասին իրենց մտքերի և զգացմունքների մասին։ Խրախուսեք ուսանողներին լսել հաճելի երաժշտություն և կրկնել սիրելի սուրբ գրությունները, մեջբերումները կամ վերհիշել սուրբ պատկերները՝ փնտրելով որոշակի բաներ, որոնցով կարող են կիսվել: Դա կարող է պատրաստել նրանց սրտերն ու մտքերն այս դասի վարժությունները կատարելուն։

Հնարավոր ուսումնական վարժություններ

Երկրպագեք Աստծուն

Նշում․ Այս դասի վերջում տրամադրված վարժությունը կկատարվի Դաս 112․ «Գնահատեք ձեր գիտելիքները 7» ուսումնասիրելու ժամանակ։ Ուսանողներին բավարար ժամանակ տրամադրեք, որպեսզի դասի ընթացքում նրանք կարողանան աշխատել այդ վարժության վրա:

Դասի սկզբում ուսանողներին մեկ րոպե տրամադրեք՝ խորհելու հետևյալ հարցի շուրջ.

Ի՞նչ է ձեզ համար նշանակում «երկրպագել Աստծուն»:

Նախագահող եպիսկոպոսությունում ծառայելիս երեց Դին Մ. Դեյվիսն ուսուցանել է, թե ինչպես կարող ենք երկրպագել Աստծուն.

Աստծուն երկրպագելիս մենք մոտենում ենք Նրան ակնածալից սիրով, խոնարհությամբ և խոր պաշտամունքով: Մենք ճանաչում և ընդունում ենք Նրան՝ որպես մեր ինքնիշխան Թագավոր, տիեզերքի Արարիչ, մեր սիրելի և անսահման սիրող Հայր:

Մենք հարգում և մեծարում ենք Նրան:

Մենք ենթարկվում ենք Նրան:

Հզոր աղոթքով մենք բարձրացնում ենք մեր սրտերը, փայփայում ենք Նրա խոսքը, ցնծում Նրա շնորհով և պարտավորվում նվիրված հավատարմությամբ հետևել Նրան: («Երկրպագության օրհնությունները», Լիահոնա, նոյ․ 2016, 94)

Ի՞նչ տարբերություն կա եկեղեցի, տաճար կամ սեմինարիա պարզապես հաճախելու և այդ վայրեր հաճախելիս Աստծուն երկրպագելու միջև:

Ուսանողների հետ համառոտ կիսվեք ձեր սիրելի եղանակներից մեկով կամ երկուսով, որոնցով մարդիկ արտահայտել են Երկնային Հոր և Հիսուս Քրիստոսի հանդեպ երկրպագության իրենց զգացմունքները: Օրինակները կարող են ներառել բանաստեղծություն, տեսանյութ, նկար, տեքստ կամ հոգևոր երաժշտություն: Կարող եք ներառել այն, ինչ գրել կամ ստեղծել եք ինքներդ: Ուսանողներին բացատրեք, որ կան բազմաթիվ եղանակներ, որոնցով մարդը կարող է արտահայտել Երկնային Հոր և Հիսուս Քրիստոսի հանդեպ երկրպագության իր զգացմունքները:

Խրախուսեք ուսանողներին խորհել այն մասին, թե ինչպես կարող են արտահայտել երկրպագության իրենց զգացմունքները Երկնային Հոր և Հիսուս Քրիստոսի հանդեպ: Դասի ողջ ընթացքում նրբանկատ և ուշադիր եղեք այն ուսանողների նկատմամբ, որոնք կարող են չզգալ Երկնային Հոր և Հիսուս Քրիստոսի հետ կապն այս պահին:

Ձեր ուսումնասիրության օրագրում ընտրեք հետևյալ հարցերից մեկը կամ մի քանիսը և պատասխանեք դրանց: Կարող եք օգտագործել երեց Դեյվիսի ուղերձներից մի քանիսը կամ ձեր խոսքերը՝ ձեր զգացմունքներն ամփոփ ներկայացնելու համար:

Ի՞նչ եք մտածում Երկնային Հոր, Հիսուս Քրիստոսի և սրբազան բաների մասին:
Ինչպե՞ս կարող եք լավագույնս արտահայտել ձեր սերը, հարգանքը կամ ակնածանքը Երկնային Հոր, Հիսուս Քրիստոսի կամ հոգևոր օրհնությունների հանդեպ:

Այսօրվա դասի վերջում դուք կսկսեք արտահայտել ձեր զգացմունքները: Մտապահեք այս ամենն ուսումնասիրության ժամանակ։ Մտածեք, թե ինչպես կարող եք արտահայտել այն, ինչ սովորում և զգում եք: Հրավիրեք Սուրբ Հոգուն՝ օգնելու ձեզ ձեր ջանքերում:

Երկրպագեք Տիրոջը Սաղմոսներում

Սաղմոսներից շատերը դրանց հեղինակների սրբազան մտքերի, զգացմունքների, հույսերի և ցանկությունների պոետիկ, աղոթքային արտացոլումն են: Թեև շատ սուրբ գրություններ արձանագրում են մեզ ուղղված Տիրոջ խոսքերը, Սաղմոսները հաճախ արտացոլում են Նրան ուղղված հեղինակների խոսքերը: Կարդացեք Սաղմոսներ 18․1–6-ը՝ փնտրելով բառեր և արտահայտություններ, որոնք Դավիթն օգտագործում էր Տիրոջ հանդեպ իր զգացմունքներն արտահայտելու համար:

Ուսանողներին առաջարկեք գրատախտակին գրել իրենց բացահայտած բառերն ու արտահայտությունները: Ուսանողները կարող են բացահայտել մի քանի արտահայտություն, օրինակ՝

Տերն է իմ զորությունը (հատված 1)։
Տերն է իմ վեմը, ամրոցը, ազատարարը, Աստվածը, զորությունը, ապաստանը, փրկության եղջյուրը կամ ապավենը (հատված 2)։
Տերը արժանի է գովաբանության (հատված 3)։
Տերը լսում է Իրեն ուղղված մեր աղաղակները (հատված 6)։

Այն ուսանողները, որոնք գրել են արտահայտություններ, կարող են կիսվել, թե ինչու էր Դավիթը ցանկանում, որ իրեն շրջապատող մարդիկ իմանան Տիրոջ մասին: Կարող եք ուսանողներին հարցնել, թե ինչպես է Տերը կատարել այս դերերն իրենց կյանքում:

Ուսանողներին առաջարկեք ընտրել հետևյալ հատվածներից մեկը՝ զուգընկերոջ հետ ուսումնասիրելու համար: Խրախուսեք նրանց հաճախակի դադար տալ և կիսվել միմյանց հետ իրենց մտքերով և զգացմունքներով:

Սաղմոսները ցուցադրում են բազմաթիվ եղանակներ, որոնցով մենք կարող ենք կիսվել Տիրոջ հանդեպ մեր զգացմունքներով: Դանդաղորեն ուսումնասիրեք հետևյալ հատվածներից մեկը՝ նշելով բառեր և արտահայտություններ, որոնք արտացոլում են ձեր զգացմունքները Տիրոջ հանդեպ:

Սաղմոսներ 8․1–9

Սաղմոսներ 27․1–9

Սաղմոսներ 30․1–12

Սաղմոսներ 46․1–11

Արտահայտեք ձեր երկրպագության զգացմունքները

Ուսանողներին տրամադրեք դասի մնացած ժամանակը, որպեսզի նրանք սկսեն ստեղծել մի բան, որը կարտացոլի այն, թե ինչ են իրենք մտածում Երկնային Հոր և Հիսուս Քրիստոսի մասին: Գնահատեք ձեր ուսանողների կարիքները և ցուցադրեք հետևյալ տարբերակներից մի քանիսը կամ բոլորը:

Այն ուսանողներին, որոնք ցանկանում են պատկերավոր ներկայացնել իրենց զգացմունքները, կարող եք տրամադրել նկարչական պարագաներ, օրինակ՝ թուղթ, գունավոր մատիտներ, մարկերներ և այլն:

Քանի որ սա անհատական նախագիծ է, կարող եք շրջել սենյակով և անհրաժեշտության դեպքում առաջարկել ձեր օգնությունը, առաջնորդությունը և խրախուսել նրանց: Անհրաժեշտության դեպքում վարժությունը կատարելու ընթացքում կարող եք նվագարկել մեղմ, հոգևոր երաժշտություն:

Դա կարող է օգնել արտահայտել ձեր սերն ու վստահությունն այն ուսանողների հանդեպ, որոնք, հնարավոր է, դժվարություններ են ունենում Տիրոջ մասին խորհելու կամ Նրա հանդեպ իրենց զգացմունքները դրսևորելու հարցում։ 6-րդ վարժությունը լավ տարբերակ է այն ուսանողների համար, որոնք դեռ վստահ չեն իրենց հավատքի հարցում:

Բավարար ժամանակ տրամադրեք, որպեսզի արտահայտեք ձեր մտքերն ու զգացմունքները Երկնային Հոր, Հիսուս Քրիստոսի և սրբազան բաների հանդեպ: Օգտագործեք հետևյալ տարբերակներից մեկը կամ առաջարկեք ձերը: Հնարավոր է, որ այսօր ժամանակ չունենաք ավարտելու ձեր աշխատանքը դասարանում, սակայն կարող եք սկսել հորինել երգ կամ բանաստեղծություն, ստեղծել նկար կամ տեսանյութ։ Կարող եք շարունակել աշխատել ձեր պատկերացումների վրա դասարանից դուրս: Կարող եք ընտրել մեկ սուրբ գրություն Սաղմոսներից, որը ձեզ համար հատկապես իմաստալից է։

Հորինեք բանաստեղծություն կամ երգ, որը կարտահայտի ձեր զգացմունքները Երկնային Հոր և Հիսուս Քրիստոսի հանդեպ:
Տեսանյութ կամ աուդիո ձայնագրություն պատրաստեք, որտեղ կարող եք կիսվել Երկնային Հոր և Հիսուս Քրիստոսի հանդեպ ձեր զգացմունքներով: Տեսանյութում կարող եք ներառել ձեր սիրելի սրբազան պատկերները Ավետարանի գրադարան հավելվածից:
Սաղմոսերգուները հաճախ Փրկչին համեմատում էին մեկ այլ բանի հետ, որպեսզի ցուցադրեն, թե Նա ինչ է նշանակում իրենց համար: Օրինակ՝ «Տերն իմ վեմն է և իմ ամրոցը» (Սաղմոսներ 18․2) և «Տերն իմ լույսն է» (Սաղմոսներ 27․1)։ Թվեք ձեր կյանքից այն բաները, որոնք կարող են ներկայացնել, թե ինչ եք զգում Տիրոջ հանդեպ:
Ստեղծեք նկար, մեմ, նկարազարդում կամ նկարչական այլ գործ, որն արտացոլում է ձեր զգացմունքները Երկնային Հոր և Հիսուս Քրիստոսի հանդեպ:
Փնտրեք մի քանի սրբազան պատկերներ և ստեղծեք կոլաժ: Ընտրեք այն պատկերները, որոնք ներկայացնում են ձեզ համար կարևոր բաներ Երկնային Հոր, Հիսուս Քրիստոսի և ավետարանի մասին: Յուրաքանչյուր պատկերի համար նշում կատարեք՝ ամփոփ ներկայացնելով ձեր մտքերն ու զգացմունքները:
Գրեք ձեր մտքերը Երկնային Հոր և Հիսուս Քրիստոսի մասին: Կարող եք կիսվել այն փորձառությամբ, որն ազդել է Նրանց հանդեպ ձեր վերաբերմունքի վրա:

Ուսանողներին հնարավորություն տվեք կիսվելու այն ամենով, ինչ ստեղծել են այսօր: Երբ ուսանողներն ավարտեն իրենց աշխատանքները, նրանց ժամանակ տրամադրեք՝ կիսվելու դրանցով հետագա դասերի ընթացքում: Ուսանողներին առաջարկեք լրացնել իրենց աշխատանքները՝ շարունակելով Հիսուս Քրիստոսի մասին իրենց ուսումնասիրությունը հաջորդ մի քանի դասերի ընթացքում: Տեղեկացրեք ուսանողներին, որ նրանք կանդրադառնան այս ստեղծագործական փորձառությանը Դաս 112․ «Գնահատեք ձեր գիտելիքները 7» ուսումնասիրելու ժամանակ։

Օժանդակ նյութեր

Ի՞նչ է նշանակում երկրպագել Աստծուն։

Աստծուն երկրպագելը նշանակում է Նրան տալ մեր սերը, ակնածանքը, ծառայությունը և նվիրվածությունը: Տերը պատվիրեց Մովսեսին․ «Աստծուն երկրպագիր, քանզի դու միայն նրան պիտի ծառայես» (Մովսես 1․15): Նա նաև պատվիրեց․ «Սիրի՛ր Տիրոջը՝ քո Աստծուն, քո ողջ սրտով, քո ողջ զորությամբ, մտքով և ուժով. և Հիսուս Քրիստոսի անունով ծառայիր նրան:» (Վարդապետություն և Ուխտեր 59.5): Երկրպագությունը ոչ միայն ցույց է տալիս մեր սերը Աստծո հանդեպ և մեր նվիրվածությունը Նրան, այլ նաև ուժ է տալիս մեզ պահելու Նրա պատվիրանները: Երկրպագության միջոցով մենք ավելացնում ենք մեր գիտելիքները և աճում մեր հավատարմության մեջ: (Թեմաներ և հարցեր․ “Worship,” Ավետարանի գրադարան)

Ինչպե՞ս կարող է հագևոր երաժշտությունն օգնել մեզ երկրպագել Տիրոջը:

Տասներկու Առաքյալների Քվորումից երեց Դեյվիդ Ա. Բեդնարը բացատրել է.

Ես սիրում եմ երգել «Աստծո սրբեր» օրհներգը: Մոլորակի վրա ոչ ոք ավելի սարսափելի չի երգում, քան ես: Բայց օրհներգի հուզիչ երաժշտությունը և բառերի համադրությունն օգնում են ինձ խորությամբ ընկալել Փրկչի Քավության շնորհը և զորացնող ուժը։ Օրհներգորը, որոնք ես ամենաշատն եմ սիրում, կենտրոնանում են վերականգնման վրա և ուսուցանում են զորեղ վարդապետական դասեր: Եվ այդ ուղերձներում՝ և՛ երաժշտության, և՛ խոսքերի մեջ, կարող եք «Լսել Նրան»: Ինձ համար երաժշտությունը հաճախ Տիրոջ ձայնը լսելու միջոց է: («‘Hear Him’ in Your Heart and in Your Mind», Ոգեշնչում [բլոգ], ապրիլ 21, 2020, ChurchofJesusChrist.org)

Առաջին Նախագահությունից նախագահ Դալլին Հ. Օուքսն ասել է.

Հոգևոր երաժշտությունը յուրահատուկ կարողություն ունի՝ փոխանցելու Տիրոջ հանդեպ ունեցած մեր սիրո զգացումները: Այս տեսակի հաղորդակցությունը հրաշալի օգնություն է մեր երկրպագությանը: Շատերը դժվարանում են իրենց երկրպագության զգացմունքներն արտահայտել բառերով, բայց բոլորը կարող են միանալ և փոխանցել այդ զգացմունքները՝ մեր օրհներգերի ոգեշնչված բառերի միջոցով։ («Worship through Music», Ensign, նոյ. 1994, 10)

Յոթանասունի անդամ ծառայելու ընթացքում երեց Մերիլ Ջ. Բեյթմանը կիսվել է․

Եկեղեցական օրհներգերը երկրպագության ձև են, դրանք ծառայում են որպես երախտագիտության աղոթք և նվիրվածության արտահայտություն: Շատ օրհներգեր նպաստում են Սրբերի միջև միասնության ձևավորմանը, ինչպես նաև Սրբերի համայնքի ամրացմանը: Նրանք ժողովներ և մեր կյանք են հրավիրում Հոգուն: Նրանք վարդապետություն են ուսուցանում: Օրհներգերը հաճախ վկայություն են արտահայտում և նույնիսկ կարող են պաշտպանության ձև լինել կամ մխիթարության և բժշկության աղբյուր: («The Power of Hymns», Ensign, հուլիս 2001, 15-16)

Լրացուցիչ ուսումնական վարժություններ

Սաղմոսներ 8

Կարող եք դասարանով կրկնել Սաղմոսներ 8-ը որպես Տիրոջը երկրպագելու օրինակ՝ վայելելով Նրա արարչագործությունների գեղեցկությունը: Ուսանողներին առաջարկեք կարդալ Սաղմոսներ 8․1–9-ը։ Ապա կարդացեք կամ երգեք «How Great Thou Art» օրհներգը:

Ուսանողներին առաջարկեք ավարտել հետևյալ ճշմարտությունը՝ հիմնվելով Սաղմոսի և օրհներգի վրա․ Տերն է …

Ուսանողները կարող են կիսվել, թե ինչ սովորեցին և զգացին այս խոսքերն ուսումնասիրելիս: Նրանք կարող են կիսվել իրենց ունեցած փորձառություններով, երբ իրենց բնույթով մոտ են եղել Տիրոջը:

Սրտի արտահայտությունները

Մարդկանց երկրպագությունն արտահայտելու եղանակները քննարկելիս կարող եք ցուցադրել «The Remarkable Power of Music» տեսանյութերի հավաքածուն։ Տաճարային հրապարակի Թաբերնաքլ երգչախմբի տնօրեն ծառայելու ընթացքում Քրեյգ Ջեսոպը կիսվել է հետևյալ օրհներգերի հիմքում ընկած պատմություններով: Ներառված են նաև տարբեր կատարումներ։

«It Is Well with My Soul» (դիտել՝ 2:20-08:25)

41:17
«Amazing Grace» (դիտել՝ 08:52-14:33)

41:17
«O Come, O Come, Emmanuel» (դիտել՝ 14:34-20:38)

41:17
«Savior, Redeemer of My Soul» (դիտել՝ 35:31-41:00)

41:17

Սաղմոսներ սուրբ գրությունների այլ գրքերում

Ուսանողների համար օգտակար կլինի ուսումնասիրել հավատարիմ կանանց և տղամարդկանց կողմից սուրբ գրությունների այլ գրքերում գրված սաղմոսները: Կարող եք կիսվել սուրբ գրությունների հետևյալ հատվածներով։ Ուսանողներին առաջարկեք ուսումնասիրելու համար ընտրել դրանցից մեկը:

Հաննա․ Ա Թագավորների 2․1–10
Մարիամ․ Ղուկաս 1․46–55
Նեփի․ 2 Նեփի 4․16–25
Նեփի․ 2 Նեփի 4․26–35
Ամմոն․ Ալմա 26․8–20

Ուսանողները կարող են ուշադրություն դարձնել այն ցանկություններին, զգացմունքներին և մտքերին, որոնցով կիսվել է հեղինակը: Կարդալուց հետո ուսանողները կարող են կիսվել իրենց բացահայտումներով զուգընկերոջ հետ, ով ուսումնասիրել է մեկ այլ Սաղմոս: