Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Սաղմոսների նախաբան․ Մաս 1. Հիսուս Քրիստոսի մասին մարգարեությունները Սաղմոսներում

«Սաղմոսների նախաբան․ Մաս 1. Հիսուս Քրիստոսի մասին մարգարեությունները Սաղմոսներում», Հին Կտակարան․ Սեմինարիայի ուսուցչի ձեռնարկ (2026)

«Սաղմոսների նախաբան․ Մաս 1. Հիսուս Քրիստոսի մասին մարգարեությունները Սաղմոսներում», Հին Կտակարան․ Սեմինարիայի ուսուցչի ձեռնարկ

Սաղմոսներ 1–2, 8, 19–33, 40, 46․ Դաս 100

Սաղմոսների նախաբան․ Մաս 1

Հիսուս Քրիստոսի մասին մարգարեությունները Սաղմոսներում

An open hymnbook with a violin in the background.

Ձեր սիրելի օրհներգերն ի՞նչ են ուսուցանում ձեզ Հիսուս Քրիստոսի մասին։ Օրհներգերը դարեր շարունակ երաժիշտներին և բանաստեղծներին հնարավորություն են տվել արտահայտել իրենց զգացմունքները Փրկչի հանդեպ: Ինչպես ժամանակակից օրհներգերը, սաղմոսներից մի քանիսը նույնպես ուսուցանում և վկայում են Փրկչի կյանքի և առաքելության մասին: Այս դասը կօգնի ուսանողներին ավելի լավ հասկանալ Հիսուս Քրիստոսի կյանքն ու առաքելությունը, ինչպես մարգարեացվել էր Սաղմոսներում:

Ուսանողի նախապատրաստում. ուսանողներին առաջարկեք խորհել, թե ինչպես են իրենց սիրելի օրհներգերն ուսուցանում և վկայում Հիսուս Քրիստոսի մասին: Առաջարկեք նրանց պատրաստվել՝ դասարանում կիսվելու Հիսուս Քրիստոսի մասին սիրելի օրհներգով: Եթե ուսանողները կարծում են, որ չունեն իրենց սիրելի օրհներգը, առաջարկեք նրանց օրհներգերի գրքում փնտրել երգեր, որոնք ուսուցանում են Հիսուս Քրիստոսի մասին:

Հնարավոր ուսումնական վարժություններ

Օրհներգեր, որոնք ուսուցանում են Հիսուս Քրիստոսի մասին

Ի՞նչ կարող ենք սովորել Փրկչի և Նրա կյանքի մասին այս օրհներգի խոսքերից։
Կա՞ Փրկչի մասին մեկ այլ օրհներգ, որը յուրահատուկ կարևորություն ունի ձեզ համար: Եթե այո, ապա ինչո՞ւ։

Այսօր ուսումնասիրելիս հրավիրեք Սուրբ Հոգուն՝ օգնելու ձեզ զգալ բառերի և երաժշտության զորությունը, որոնք ուսուցանում և վկայում են Հիսուս Քրիստոսի մասին:

Սաղմոսների գիրքը

Սաղմոսների գիրքն աղոթքների, բանաստեղծությունների և օրհներգների հավաքածու է, որը որոշ առումներով նման է մեր ժամանակակից օրհներգերի ժողովածուներին:

Ուսանողներին առաջարկեք բացել Սաղմոսներ գիրքը։ Ուսանողներին երկու-երեք րոպե ժամանակ տրամադրեք, որպեսզի նրանք կարդան սաղմոսներից մի քանիսը և ընդհանուր տպավորություն կազմեն դրանց մասին:

Գիրքը կարդալիս ի՞նչ նկատեցիք Սաղմոսներում, որն այն յուրահատուկ է դարձնում:
Ի՞նչ հարցեր ունեք այս գրքի վերաբերյալ:

Արագորեն կարդացեք Սաղմոսներ 3-ը և ամեն անգամ Սելա բառը հանդիպելիս՝ նշեք այն։ Թեև Սելա բառի իմաստը հստակ չէ, այն կարող է երգողի կամ ընթերցողի համար դադարի և խորհելու ազդանշան լինել (երաժշտական դադարի նման):

Կարդացեք Սաղմոսներ 3-ը և ամեն անգամ դադար առեք՝ Սելա բառը կարդալիս։ Հրավիրեք Սուրբ Հոգուն՝ օգնելու ձեզ խորհել այդ հատվածների շուրջ:

Ինչո՞ւ էր հեղինակը ցանկանում, որ մենք դադար առնենք և խորհենք այդ հատվածների շուրջ:
Ինչպե՞ս կարող է այդ հատվածներից մեկի կամ մի քանիսի շուրջ խորհելն օգնել կամ մխիթարել դեռահասին այսօր:

Կախված ձեր ուսանողների հարցերից և փորձառությունից՝ կարող եք համառոտ նշել հետևյալներից մի քանիսը կամ բոլորը.

Սաղմոսներից շատերը վերագրվում են որոշակի հեղինակների, օրինակ՝ Դավթին (Սաղմոսներ 3)։ Մյուս սաղմոսների հեղինակները հայտնի չեն (տես Սաղմոսներ 1)։
Եբրայերեն բանաստեղծական տարրերն առկա են բոլոր Սաղմոսներում։
- Զուգահեռությունը բանաստեղծություն է, որտեղ երկու կամ ավելի տող կապված են միմյանց հետ նույն գաղափարներով (տես Սաղմոսներ 29․4)։
- Կրկնությունը եբրայերեն բանաստեղծական գործիք է, որն ընդգծում է տողը՝ կրկնելով այն (օրինակ՝ «Գովաբանիր նրան» Սաղմոսներ 150)։
Եբրայերենով Սաղմոսներ 119-ն աքրոստիկոսների օրինակ է։ Աքրոստիկոսներում օգտագործվում է յուրաքանչյուր տողի առաջին տառը՝ բառեր կազմելու կամ եբրայերեն այբուբենը գրելու համար։
Սաղմոսների գիրքը Նոր Կտակարանում մեջբերված է ավելի քան 115 անգամ (տես Սամոսներ 6․8 և Ղուկաս 13․27)։
Վերջին ընթրիքից հետո Հիսուսը և Նրա աշակերտներն օրհներգ երգեցին (տես Մատթեոս 26․30)։ Հավանաբար, դա Սաղմոսներ 113–118-ից «Հալլել» օրհներգն էր, որն ավանդաբար երգվում էր Փեսախի ժամանակ (տես Մերիլ Ջ. Բեյթման, «The Power of Hymns», Ensign, հուլիս 2001, 17)։

Կարդացեք Ղուկաս 24.44 հատվածները՝ փնտրելով, թե ինչ ուսուցանեց Փրկիչը Իր աշակերտներին սաղմոսների մասին Իր Հարությունից կարճ ժամանակ անց:

Խոսելով Սաղմոսների գրքում ներառված ամենակարևոր ուղերձներից մեկի մասին, Տասներկու Առաքյալների Քվորումից նախագահ Ջեֆրի Ռ. Հոլլանդն ուսուցանել է.

Հիսուսն Ինքը Սաղմոսների գրքից ավելի շատ էր մեջբերում, քան Հին Կտակարանի որևէ այլ տեքստից: … Կարելի է պնդել, որ սուրբ գրությունների ոչ մի գրքում այդքան ծավալուն չի պատմվում մեսիական առաքելության կամ Նրա վերադարձի սպասման և կարոտի մասին, որն արտահայտված է Սաղմոսերգուի երգերում: (Դժվարին ժամանակներում․ Հոգևոր մխիթարություն Սաղմոսներից [2012], 7–8)

Ի՞նչ սովորեցիք Ղուկաս 24․44 հատվածից և նախագահ Հոլլանդից: Ինչու՞ արժե ուսումնասիրել Սաղմոսների գիրքը։

Օգնեք ուսանողներին հասկանալ, որ մենք կարող ենք սովորել Հիսուս Քրիստոսի կյանքի և առաքելության մասին՝ ուսումնասիրելով սաղմոսները։ Կարող եք այդ ճշմարտությունը գրել գրատախտակին:

Սաղմոսներ, որոնք մարգարեանում են Հիսուս Քրիստոսի մասին

Որպեսզի օգնեք ուսանողներին հասկանալ Սաղմոսների որոշ մարգարեական արտահայտություններ Հիսուս Քրիստոսի կյանքի և Նրա առաքելության մասին, բերեք ստորև սուրբ գրություններից մի քանիսի կամ բոլորի հղումները։ Ստորև բերված են մի քանի եղանակ, որոնցով կարող եք ուսումնասիրել այդ հատվածները ձեր դասարանում.

Թղթի շերտերի վրա գրեք հատվածները զույգերով և շերտերից յուրաքանչյուրը տեղադրեք դասասենյակում: Ուսանողներին ժամանակ տրամադրեք՝ շրջելու դասասենյակում և կարդալու մի քանի մարգարեություն և դրանց կատարումները:
Խառնեք սուրբ գրությունների զույգերը և առաջարկեք ուսանողներին համապատասխանեցնել Սաղմոսների մարգարեությունները դրանց կատարման հետ:
Ցուցադրեք միայն Սաղմոսների հատվածները: Ուսանողներին առաջարկեք օգտագործել ծանոթագրությունները և սուրբ գրությունների ուսումնասիրության այլ գործիքներ, որպեսզի կարողանան գտնել Փրկչի կյանքի մասին այն հղումները, որոնք ցույց են տալիս յուրաքանչյուր մարգարեության կատարումը:

Սաղմոսներ, որոնք մարգարեանում են Հիսուս Քրիստոսի մասին	Կատարված մարգարեություն
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 22․1	Կատարված մարգարեություն Մատթեոս 27․46
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 22.7–8	Կատարված մարգարեություն Մատթեոս 27․41–43
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 22.16	Կատարված մարգարեություն Վարդապետություն և Ուխտեր 6.36–37
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 22.18	Կատարված մարգարեություն Հովհաննես 19․23–24
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 31․5	Կատարված մարգարեություն Ղուկաս 23.46
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 34․20	Կատարված մարգարեություն Հովհաննես 19․31–36
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 41․9	Կատարված մարգարեություն Ղուկաս 22․47–48, Գործք Առաքելոց 1․16–17
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 69․20–21	Կատարված մարգարեություն Հովհաննես 19․28–29
Սաղմոսներ, որոնք մարգարեանում են Հիսուս Քրիստոսի մասին Սաղմոսներ 118․22	Կատարված մարգարեություն Գործք Առաքելոց 4․10–12

Մտածեք մի իրավիճակի մասին, որում հայտնվել եք դուք կամ ձեր սիրելի մարդը, երբ օգտակար էր իմանալ մի բան, որը սովորեցիք Փրկչի կյանքի կամ առաքելության մասին այս մարգարեություններից: Ձեր մտքերը գրանցեք ձեր օրագրում:

Հիսուս Քրիստոսի կյանքը

Ուսանողներին առաջարկեք ցուցադրել իրենց հասկացողությունը Փրկչի կյանքի և առաքելության մասին, ինչպես մարգարեացված է Սաղմոսներում: Օրինակ՝ առաջարկեք ուսանողներին քննարկել հետևյալ հարցերն իրենց դասընկերոջ, փոքր խմբի կամ ամբողջ դասարանի հետ:

Ընտրեք Սաղմոսների մարգարեություններից մեկը, որը ձեզ համար հատկապես կարևոր է:

Այդ մարգարեությունն ի՞նչ է ուսուցանում ձեզ Հիսուս Քրիստոսի մասին:
Ինչո՞ւ է կարևոր իմանալ այն, ինչ սովորել եք Նրա մասին:

Կարող եք կիսվել Հիսուս Քրիստոսի կյանքի և առաքելության մասին ձեր վկայությամբ: Ուսանողներին առաջարկեք շարունակել փնտրել հղումներ Հիսուս Քրիստոսի մասին՝ հաջորդ մի քանի շաբաթվա ընթացքում Սաղմոսների գիրքն ուսումնասիրելիս: Գուցե տեղին լինի ավարտել դասը՝ երգելով կամ լսելով Փրկչի մասին օրհներգը, որը կընտրեն ուսանողները:

Դաս 101․ «Սաղմոսների նախաբանը, Մաս 2»-ը ուսումնասիրելու ժամանակ ուսանողները կարող են արտահայտել իրենց սերն ու նվիրվածությունը Երկնային Հոր և Հիսուս Քրիստոսի հանդեպ, ինչպես դա արեցին սաղմոսերգուները: Ուսանողներին առաջարկեք սկսել մտածել դրա մասին այս պահից: Խնդրեք նրանց խորհել, թե ինչ են իրենք զգում Երկնային Հոր և Հիսուս Քրիստոսի հանդեպ և ինչպես կարտահայտեին այդ զգացմունքները:

Օժանդակ նյութեր

Ինչու՞ է անհրաժեշտ ուսումնասիրել Սաղմոսների գիրքը։

Տասներկու Առաքյալների Քվորումից նախագահ Ջեֆրի Ռ. Հոլլանդն ուսուցանել է.

Հաստատվում է այն փաստը, որ Սաղմոսների գիրքը, որպես ամբողջություն, ավելի մեծ ազդեցություն է թողել արևմտյան աշխարհի վրա, քան երբևէ գրված բանաստեղծությունների որևէ այլ ժողովածու։ Դա այդպես է, թե ոչ՝ գրական քննարկման հարց է, բայց, անշուշտ, ճշմարիտ է, որ ընդհանուր առմամբ Աստվածաշունչն ընթերցողների համար Սաղմոսներն անհատապես ամենակիրառելի և անձնապես ամենաընդունելի սուրբ գրություններից մեկն են ողջ կանոնի մեջ: Այդ կանոնում այս գիրքը եզակի է ազատագրման, մխիթարության և ապահովության իր մեծ ցանկությամբ: … [Հին Կտակարանի ոչ մի այլ գիրք չի կարող] համեմատվել Սաղմոսների յուրահատուկ հնչերանգի, բովանդակության, քանակի և որակի հետ․ այս խնդրանքներն ուղղված են գթասիրտ Աստծուն՝ կոտրված սրտերը բժշկողին, ճնշվածների և չքավորների Փրկչին: Այսպիսով, Սաղմոսների գիրքը, հնարավոր է, միակ աստվածաշնչյան տեքստն է, որով գրեթե հավասարապես հիանում են և քրիստոնյաները, և հրեաները, ինչպես նաև այլ հավատք ունեցողները կամ ընդհանրապես անհավատները, որոնք մխիթարություն են գտնում Սաղմոսներում և քաջալերություն՝ այն հույսի մեջ, որը դրանք հաղորդում ենք: (Դժվարին ժամանակներում․ Հոգևոր մխիթարություն Սաղմոսներից [2012], 7–8)

Ինչպե՞ս կարող էր Փրկիչը օգտագործել Սաղմոսները:

Յոթանասունից երեց Մերիլ Ջ․ Բեյթմանն ուսուցանել է․

Եթե ձեզ հրավիրեին Վերջին ընթրիքին, մեր օրհներգերի ժողովածուից ո՞ր օրհներգերը կարող էիք երգել: …

Հավանական է, որ այդ երեկո շատ օրհներգեր են հնչել։ Մատթեոսը նշում է, որ Տերը և Նրա Առաքյալները վերջին ընթրիքն ավարտեցին օրհներգով, նախքան Ձիթենյաց սար գնալը (տես Մատթ. 26․30)։ Ի՞նչ երգեցին նրանք։ Թեև մենք չենք կարող իմանալ, թե որն էր եզրափակիչ օրհներգը, մեկ երգ մենք գիտենք: Այն կոչվում է Հալլել, որում ներառված են Սաղմոսներ 113–18-ը։ Մինչև Քրիստոսի ժամանակները և առ այժմ հրեական ընտանիքներում Փեսախի ճաշից առաջ ընդունված է երգել Սաղմոսներ 113–14-ը, իսկ ճաշից հետո՝ Սաղմոսներ 115–18-ը։ …

Պատկերացրեք, որ աշխարհի ՓրկիչնԻր աշակերտների հետ երգում է այդ օրհներգերը, որոնք կանխագուշակում էին այդ երեկո և հաջորդ օրը տեղի ունեցող իրադարձությունները: Այդ իրադարձություններին մասնակցեցին հրեական հավատքի բոլոր անդամները։ Նրանք պարտավորվեցին մտապահել այս Սաղմոսները: Նրանք հասկանում էին դրանց իմաստը։ («The Power of Hymns», Ensign, հուլիս 2001, 17, 18)

Որտեղի՞ց կարող եմ ավելին իմանալ Սաղմոսների եբրայական պոեզիայի մասին:

Գիտելիքի պաշար․ Բաժին Է. Եբրայերեն գրական ոճեր

Կարդալով բանաստեղծությունները Հին Կտակարանում

Հասկանալով Հին Կտակարանի բանաստեղծությունները

Լրացուցիչ ուսումնական վարժություններ

Երաժշտության զորությունը

Ինչպես Սաղմոսները, ժամանակակից օրհներգերի բառերը և երաժշտությունը կարող են արտացոլել ակնածանքի և սիրո զգացմունքներ Երկնային Հոր և Հիսուս Քրիստոսի հանդեպ և կարող են հրավիրել Հոգուն՝ վկայելու Նրանց մասին: Որպեսզի օգնեք ուսանողներին հասկանալ, թե ինչպես կարող է հաճելի երաժշտությունը հզոր գործիք լինել, որը հրավիրում է Սուրբ Հոգուն՝ վկայելու Երկնային Հոր և Հիսուս Քրիստոսի մասին, կարող եք ցուցադրել Փրկչի կյանքի մասին հետևյալ կրճատված տեսանյութը․ «Nearer, My God, to Thee» (3:30)։ Նախ տեսանյութը 30 վայրկյան ցուցադրեք առանց ձայնի: Ապա ցուցադրեք այն միացված ձայնով կամ միևնույն ժամանակ հնչող այլ հոգևոր երաժշտության հետ: Ուսանողներին առաջարկեք կիսվել, թե ինչպես ազդեց երաժշտությունն իրենց վրա:

3:30

Սաղմոսներ, որոնք հիշատակվում են ժամանակակից օրհներգերում

Ուսանողների համար օգտակար կլինի տեսնել, թե ժամանակակից օրհներգերում ինչպես են օգտագործվել հատվածներ Սաղմոսներից: Կարող եք կիսվել հետևյալներից մի քանիսով կամ բոլորով։ Ուսանողներին առաջարկեք համեմատել, թե Սաղմոսների հատվածներն ինչպես կարող են ազդել ուղեկցող օրհներգերի ուղերձների վրա:

Սաղմոսներ 8.3–9, 9.1–2։ «How Great Thou Art»

Սաղմոսներ 26․8: «We Love Thy House, O God»

Սաղմոսներ 27․1: «The Lord Is My Light»

Սաղմոսներ 33.1–6, 95.1–6: «For the Beauty of the Earth»

Սաղմոսներ 37․3–9: «Be Still, My Soul»

Սաղմոսներ 148: «All Creatures of Our God and King»

Սաղմոսներ 150: «Praise to the Lord, the Almighty»

(Նշում․ Դաս 102-ը կկենտրոնանա Սաղմոսներ 23-ի վրա, որով ոգեշնչված է «The Lord Is My Shepherd» օրհներգը։)

Երբ ուսանողները հնարավորություն ունենան համեմատելու Սաղմոսների հատվածներն ու բառերը, մի քանի պատրաստակամ ուսանողի առաջարկեք կիսվել իրենց բացահայտածով:

Ստեղծեք աքրոտիկոսներ

Որպեսզի օգնեք ուսանողներին հասկանալ եբրայական պոեզիայի տեսակներից մեկը, կարող եք նրանց ծանոթացնել աքրոստիկոսների հետ: Ուսանողներին առաջարկեք գրել «Հիսուս» բառն իրենց օրագրերի էջերից մեկում՝ յուրաքանչյուր տողի վրա գրելով մեկ տառ.

Ու

Ապա ուսանողներին առաջարկեք գրել մի նախադասություն, որը սկսվում է յուրաքանչյուր տողում նշված տառով և արտացոլում է մի բան, որը նրանք սովորել են Փրկչի մասին՝ այսօր Սաղմոսներն ուսումնասիրելիս:

«Հաղորդություն» բառն օգտագործող աքրոստիկոսների օրինակ կարող եք գտնել «Fun with Hebrew» բանաստեղծության մեջ։