« អែសរ៉ា ១; ៣–៧; នេហេមា ២; ៤–៦; ៨ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អែសរ៉ា ១; ៣–៧; នេហេមា ២; ៤–៦; ៨ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អែសរ៉ា ១; ៣–៧; នេហេមា ២; ៤–៦; ៨
អែសរ៉ា ១; ៣–៧; នេហេមា ២; ៤–៦; ៨
ទិដ្ឋភាពទូទៅ
ប្រមាណជាឆ្នាំ ៥៨៧ ម.គ.ស. ពួកបាប៊ីឡូនបានដណ្ដើមយកក្រុងយេរូសាឡិម បំផ្លាញព្រះវិហារបរិសុទ្ធ ហើយចាប់ពួកសាសន៍យូដាជាច្រើននាក់ធ្វើជាឈ្លើយទៅក្រុងបាប៊ីឡូន ។ ប៉ុន្មានទសវត្សរ៍ក្រោយមក ពួកសាសន៍យូដាជាច្រើននាក់បានត្រឡប់ទៅក្រុងយេរូសាឡិមវិញ ហើយបានយកឈ្នះការលំបាកក្នុងការកសាងព្រះវិហារឡើងវិញ និងកំផែងជុំវិញក្រុងយេរូសាឡិម ។
អធិស្ឋានសម្រាប់ពួកគេតាមឈ្មោះពួកគេ ។ ការអធិស្ឋានសម្រាប់សិស្សរបស់អ្នកតាមឈ្មោះអាចជួយរៀបចំអ្នកឲ្យទទួលបានការបំផុសគំនិតដើម្បីជួយសិស្សទាំងឡាយក្នុងថ្នាក់របស់អ្នកឲ្យកាន់តែខិតទៅជិតព្រះវរបិតាសួគ៌ និងព្រះយេស៊ូវគ្រីស្ទ ។ ដើម្បីស្វែងយល់បន្ថែម សូមមើល « ព្រះអង្គសង្គ្រោះបានអធិស្ឋានសម្រាប់អស់អ្នកដែលទ្រង់បានបង្រៀន » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ សម្រាប់ការបំពាក់បំប៉នបន្ថែម សូមមើល « អធិស្ឋានសម្រាប់ពួកគេតាមឈ្មោះពួកគេ » នៅក្នុង ជំនាញអភិវឌ្ឍន៍គ្រូបង្រៀន ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
អែសរ៉ា
គោលបំណងមេរៀន ៖ ដើម្បីជួយសិស្សឲ្យមានអារម្មណ៍ចង់រៀបចំខ្លួនថ្វាយបង្គំព្រះអម្ចាស់នៅក្នុងព្រះវិហារបរិសុទ្ធរបស់ទ្រង់កាន់តែខ្លាំងឡើង ។
-
ការរៀបចំសិស្ស ៖ សូមអញ្ជើញសិស្សឲ្យធ្វើបញ្ជីនៃកិច្ចការទាំងរយៈពេលខ្លី និងរយៈពេលវែងដែលពួកគេអាចធ្វើដើម្បីរៀបចំខ្លួនថ្វាយបង្គំព្រះអម្ចាស់នៅក្នុងព្រះវិហារបរិសុទ្ធ ។ បន្ទាប់មក ពួកគេអាចពិចារណាពីរបៀបដែលការរៀបចំខ្លួនរបស់ពួកគេអាចមានឥទ្ធិពលដល់បទពិសោធន៍របស់ពួកគេនៅក្នុងព្រះវិហារបរិសុទ្ធ ។
-
រូបភាព ៖ ព្រះវិហារបរិសុទ្ធ សលត៍ លេក នៅជិតពេលដែលបានឧទ្ទិសជាលើកដំបូង
-
វីដេអូ ៖ « Hearts, Love, and the Temple » ( ២៤:៣៣ ) ចាប់នាទីទី ២១:៤៦ ដល់ ២៤:០៥
-
សំណៅមេរៀន ៖ « ការរៀបចំខ្លួនថ្វាយបង្គំព្រះអម្ចាស់នៅក្នុងព្រះវិហារបរិសុទ្ធ »
-
មាតិកាដែលត្រូវបង្ហាញ ៖ សំណួរឆ្ពោះទៅចុងបញ្ចប់នៃមេរៀននេះ
នេហេមា
គោលបំណងមេរៀន ៖ ដើម្បីជួយសិស្សឲ្យនៅតែផ្តោតទៅលើកិច្ចការដែលព្រះវរបិតាសួគ៌បានប្រទានឲ្យពួកគេធ្វើ ។
-
ការរៀបចំរបស់សិស្ស ៖ អញ្ជើញសិស្សមករៀនដោយមាននូវបញ្ជីកិច្ចការបីយ៉ាងដែលពួកគេមានអារម្មណ៍ថាព្រះវរបិតាសួគ៌នឹងឲ្យពួកគេផ្ដោតទៅលើ ៖ កិច្ចការមួយសម្រាប់សប្តាហ៍នេះ មួយសម្រាប់ពីរបីឆ្នាំខាងមុខនេះ និងកិច្ចការមួយសម្រាប់ពេលក្រោយក្នុងជីវិត ។ អ្នកអាចស្នើឲ្យសិស្សដែលមានពររបស់លោកអយ្យកោរួចហើយអានកិច្ចការនោះម្ដងទៀតមុននឹងបង្កើតបញ្ជីរបស់ពួកគេ ។
-
វីដេអូ ៖ « ធ្វើអ្វីដែលសំខាន់បំផុត » ( ១:៤២ ); « The Soul’s Sincere Desire » ( ៣:២៨ )
-
មាតិកាដែលត្រូវបង្ហាញ ៖ សេចក្តីថ្លែងការណ៍ចំនួនពីរមកពីអែលឌើ ឌៀថើរ អេហ្វ អុជដូហ្វ សេចក្តីណែនាំដើម្បីធ្វើសកម្មភាពសិក្សា
-
សម្ភារសម្រាប់សិស្ស ៖ បរិមាណក្រដាសសគ្រប់គ្រាន់សម្រាប់សិស្សជាក្រុមតូចៗ ក្រុមនីមួយៗមានក្រដាសមួយសន្លឹក