Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

2 Cronica 14–16: “Kung Inyong Hahanapin Siya, Siya’y Matatagpuan Ninyo”

“2 Cronica 14–16: ‘Kung Inyong Hahanapin Siya, Siya’y Matatagpuan Ninyo,’” Manwal ng Titser ng Seminary para sa Lumang Tipan (2026)

“2 Cronica 14–16: ‘Kung Inyong Hahanapin Siya, Siya’y Matatagpuan Ninyo,’” Manwal ng Titser ng Seminary para sa Lumang Tipan

2 Cronica 14–20; 26; 30: Lesson 90

2 Cronica 14–16

“Kung Inyong Hahanapin Siya, Siya’y Matatagpuan Ninyo”

Maaaring hinahanap lang ng ilang tao ang Ama sa Langit at si Jesucristo kapag maayos ang sitwasyon nila. Ang iba ay maaaring nagsusumamo para tulungan Nila sa mga panahon lamang ng kagipitan. Tulad ni Asa, ang hari ng Juda, maaari nating hanapin ang Panginoon sa mapayapa at maging sa mahirap na panahon. Ang lesson na ito ay makatutulong sa mga estudyante na gumawa ng plano na hanapin ang Panginoon.

Paghahanda ng estudyante: Sabihin sa mga estudyante na gumawa ng listahan ng mga paraan na maaari nilang hanapin ang Panginoon sa kanilang buhay.

Mga Posibleng Aktibidad sa Pag-aaral

Paghahangad na mahanap

Maaari mong simulan ang lesson sa pamamagitan ng pag-anyaya sa mga estudyante na isipin kung paano natin hahanapin ang mga bagay na nawawala. Maaari kang maglista o magpakita ng ilang bagay na magkakaiba ang kahalagahan, tulad ng lapis, mahalagang takdang-aralin, cell phone, regalo mula sa mahal sa buhay, at iba pa. Itanong sa mga estudyante kung anong mga pagsisikap ang gagawin nila sa paghahanap ng bawat item kung mawala ito.

Bakit ang mga pagsisikap ninyong mahanap ang isang bagay ay depende sa kung ano ang hinahanap ninyo?

Maaari mong isulat ang Hanapin ang Panginoon sa itaas ng pisara.
Ano sa palagay ninyo ang ibig sabihin ng hanapin ang Panginoon?

Kung mahihirapan ang mga estudyante na sumagot, maaari mong itanong kung paano nila nakikilala ang isang tao at nagkakaroon ng magandang ugnayan sa kanya. Pagkatapos ay itanong kung paano nila hahangarin na makilala at magkaroon ng ugnayan sa Panginoon. Maaari mong ipaliwanag na ang salitang Hebreo para sa hanapin sa mga talata na pag-aaralan nila ngayon (2 Cronica 14:4; 15:2, 12; 6:12) ay ang darash at ang kahulugan nito ay maghanap, magtanong, bumisita, ipagpatuloy, kumonsulta, o iangkop ang sarili.

Sa inyong study journal, sagutin ang mga sumusunod na tanong:

Ano ang ilang bagay na ginawa mo o ng ibang kakilala mo upang hanapin ang Panginoon?
Gaano katinding pagsisikap ang ibinibigay mo upang hanapin ang Panginoon?

Sa pag-aaral ninyo ngayon, tumuklas ng mga paraan kung paano ninyo hahanapin ang Panginoon. Isulat ang anumang naiisip o nadarama ninyo mula sa Espiritu Santo.

Isang halimbawa ng paghahanap sa Panginoon

Maaari mong ibahagi o ibuod ang sumusunod na talata.

Ang mga aklat ng Cronica at Mga Hari ay sumasaklaw sa halos magkaparehong panahon. Sa 2 Cronica 14–16 at 1 Mga Hari 15, nagbasa tayo ng salaysay tungkol kay Haring Asa, ang ikatlong hari ng Juda.

Maaari mong gawin ang sumusunod na chart sa pisara upang matulungan ang mga estudyante sa susunod na aktibidad. Maaari ding gawin ng mga estudyante ang chart sa kanilang study journal.

Paano hinanap ni Asa at ng kanyang mga tao ang Panginoon	Paano sila pinagpala ng Panginoon
Paano hinanap ni Asa at ng kanyang mga tao ang Panginoon	Paano sila pinagpala ng Panginoon

Maaari mong hatiin ang mga estudyante sa apat na magkakaibang grupo. Sabihin sa bawat grupo na magbasa ng ibang set ng mga sumusunod na talata. Maaaring magsulat sa pisara ang isang estudyante mula sa bawat grupo ng natutuhan nila.

Kung kailangan ng mga estudyante ng tulong sa pag-unawa sa mga “poste” sa 2 Cronica 14:3, ipaliwanag na ang mga ito ay ang mga lugar kung saan sumasamba ang mga tao sa mga diyus-diyusan.

Basahin ang isa sa mga sumusunod na set ng mga talata, at alamin kung ano ang ginawa ni Asa at ng kanyang mga tao at kung paano sila pinagpala ng Diyos:

2 Cronica 14:3–7. Sa panahon ng kapayapaan
2 Cronica 14:9–13. Nang salakayin ang mga taga-Etiopia
2 Cronica 15:1–9. Sa panahon ng kapayapaan
2 Cronica 15:10–12, 15. Sa panahon ng kapayapaan

Itanong ang sumusunod upang matulungan ang mga estudyante na tumukoy ng isang katotohanan mula sa pinag-aralan nila. Habang nagbabahagi ang mga estudyante, idagdag ang kanilang mga sagot sa chart na nasa pisara.
Ano ang natutuhan ninyo mula sa mga karanasan ni Asa at ng kanyang mga tao?

Gamit ang sariling mga salita ng mga estudyante, tulungan sila na matukoy ang mga katotohanang tulad ng sumusunod:

Kapag hinahanap ko ang Panginoon nang aking buong puso, bibigyan Niya ako ng kapahingahan (2 Cronica 14:7; 15:15)
Kung hahanapin ko ang Panginoon, matatagpuan ko Siya (2 Cronica 15:2)

Sa pagbabahagi ng mga estudyante, maaari kang magtanong pa upang matulungan sila na pag-isipan kung ano ang maaaring ibig sabihin ng ilan sa mga salita o parirala. Halimbawa, maaari mong itanong, “Ano sa palagay ninyo ang kahulugan ng mahanap ang Panginoon?” o “Ano kaya ang mangyayari kung bibigyan tayo ng kapahingahan ng Panginoon?”

Para sa mga turo na maaaring makatulong sa mga ito o sa iba pang mga tanong, tingnan sa bahaging Karagdagang Resources.

Paghahanap at pagkakatagpo sa Panginoon

Tulungan ang mga estudyante na gumawa ng mga koneksyon sa buhay ni Asa at sa kanilang sariling buhay. Maaari mong palitan ang label ng kasalukuyang chart sa pisara ng Paano ko hahanapin ang Panginoon sa kaliwang column at Paano ako pagpapalain ng Panginoon sa kanang column. Pagkatapos ay anyayahan ang mga estudyante na gawin ang sumusunod sa mga grupo o nang mag-isa.

Bukod pa sa ginawa ni Asa at ng kanyang mga tao, magdagdag ng mga paraan kung paano mo maaaring hanapin ang Panginoon sa kaliwang column ng iyong listahan. Ang mga paraan na ito ay maaaring magmula sa sarili mong karanasan, sa mga halimbawa sa mga banal na kasulatan o kasaysayan ng Simbahan, o sa mga mensahe mula sa mga lider ng Simbahan.

Ano ang maaaring makagambala sa atin sa paghahanap sa Panginoon?
Ano ang tumutulong sa inyo na mahanap ang Panginoon sa kabila ng mga panggagambala?

Maaari mo silang anyayahan na markahan ang pariralang “siya’y matatagpuan ninyo” sa 2 Cronica 15:2. Upang matulungan ang mga estudyante na mag-isip ng mga paraan na mahahanap natin ang Panginoon, itanong ang sumusunod.
Paano kayo napagpala ng Panginoon o ang isang kakilala ninyo nang hanapin ninyo Siya?

Pagkatapos magbahagi ng mga estudyante, hikayatin sila na isulat ang kanilang mga naiisip sa kanang column ng chart. Maaari mong patotohanan na ang mga pagpapalang ibinahagi ng mga estudyante ay maaaring katibayan na natagpuan nila Siya.

Paggawa ng plano

Tulungan ang mga estudyante na kumilos ayon sa isang bagay na nadama o natutuhan nila sa lesson. Para magawa ito, hikayatin sila na pag-isipan ang mga impresyong maaaring natanggap nila mula sa Espiritu sa buong oras ng klase. Gayundin, sa lesson 87, binalikan ng mga estudyante ang kanilang mga mithiin sa pag-aaral ng banal na kasulatan bilang paraan upang mas mapalapit sa Panginoon. Kung makatutulong, maaari nilang suriin ang progreso ng kanilang mga mithiin at pagpasyahan kung nais din nilang gamitin ang kanilang mga mithiin sa plano na ito.

Pumili ng isang bagay na magagawa ninyo upang hanapin ang Panginoon. Sagutin ang mga sumusunod na tanong sa iyong study journal. Planuhin kung paano mo maisasama ang aksiyong ito sa iyong buhay.

Sa iyong palagay, bakit maaaring makatulong ang aksiyong ito sa iyo na mas mahanap ang Panginoon sa iyong buhay?
Anong mga hamon ang maaari mong kaharapin sa pagsisikap mong magawa ito?
Anong mga partikular na hakbang ang magagawa mo upang magawa ito sa kabila ng mga hamong ito?

Maaari mong tapusin ang klase sa pamamagitan ng pagbibigay ng sarili mong patotoo tungkol sa mga pagpapala ng paghahanap sa Panginoon.

Karagdagang Resources

2 Cronica 14:6–7. Ano ang ibig sabihin ng makasumpong ng kapahingahan sa Panginoon?

Itinuro ni Pangulong Russell M. Nelson:

18:44

Sa kabila ng mga kalituhan at pagbabaluktot ng katotohanan sa ating paligid, makasusumpong kayo ng tunay na kapahingahan—ibig sabihi’y ginhawa at kapayapaan—maging sa gitna ng inyong mga pinakanakayayamot na problema. (“Daigin ang Mundo at Makasumpong ng Kapahingahan,” Liahona, Nob. 2022, 96)

Ano ang kinakailangan sa paghahanap sa Panginoon?

Sinabi ni Elder Ulisses Soares ng Korum ng Labindalawang Apostol:

14:47

Nalalaman ang lahat ng kailangan natin sa buhay na ito, inaanyayahan tayo ng Tagapagligtas na sikaping saliksikin Siya sa bawat pag-iisip at sumunod sa Kanya nang buo nating puso. Ito ay nagbibigay sa atin ng pangako na maaari tayong magsilakad sa Kanyang liwanag at na pipigilan ng Kanyang patnubay na makapasok ang impluwensya ng kadiliman sa ating buhay.

Sa pagsasaliksik kay Cristo sa bawat pag-iisip at pagsunod sa Kanya nang buo nating puso, kailangan nating iayon sa Kanya ang ating isipan at mga hangarin. Ang pag-aayon na ito ay tinutukoy sa mga banal na kasulatan bilang “[pagpapakatibay] sa Panginoon” [Filipos 4:1]. Ang planong ito na kumilos ay nagpapahiwatig na patuloy tayong namumuhay nang naaayon sa ebanghelyo ni Cristo at araw-araw tayong nakatuon sa lahat ng bagay na mabuti. Saka lang natin matatamo “ang kapayapaan ng Diyos, na hindi maabot ng pag-iisip” at na “mag-iingat ng [ating] mga puso at mga pag-iisip kay Cristo Jesus” [Filipos 4:7]. (“Saliksikin si Cristo sa Bawat Pag-iisip,” Liahona, Nob. 2020, 82–83)

Anong mga pagpapala ang nagmumula sa paghahanap sa Panginoon?

Ang isang halimbawa ay ang patotoo ni Moroni sa Eter 12:41. Gayundin, itinuro ni Elder Craig C. Christensen ng Pitumpu ang sumusunod:

7:9

Mga Karagdagang Aktibidad sa Pag-aaral

Alternatibong simula

Maaari mong isulat sa pisara ang salitang Pagsusumikap. Itanong sa mga estudyante ang sumusunod na tanong:

Ano ang pumapasok sa isip ninyo kapag iniisip ninyo ang salitang ito?

Pagkatapos bigyan ng pagkakataon ang mga estudyante para sumagot, ipakita ang sumusunod na pahayag ni Elder José A. Teixeira ng Pitumpu.

9:42

Sabi ng Panginoon, “[Hanapin] ako sa bawat pag-iisip; huwag mag-alinlangan, huwag matakot” [Doktrina at mga Tipan 6:36]. Ang paghahanap sa Panginoon at pagdama sa Kanyang presensya ay pinagsisikapan araw-araw at makabuluhang gawin. (“Paghahanap sa Panginoon,” Liahona, Mayo 2015, 96)

Paano “pagsusumikapan araw-araw” ang paghahanap sa Panginoon at pagdama sa Kanyang presensya?

Pagkatapos ng sapat na oras na pagtatalakayan ng mga estudyante, maaari mo silang anyayahan na sagutin ang mga tanong sa pagninilay sa simula ng lesson.

Pagtitiwala sa ating Kapitan

Para matulungan ang mga estudyante na pag-isipan ang ibig sabihin ng pagtitiwala sa Panginoon, maaari mong pag-aralan ang salaysay sa 2 Cronica 13 tungkol kay Abias, ang ama ni Asa. Ipaliwanag na ang mga Israelita ay nahati sa dalawang kaharian: ang Hilagang Kaharian ng Israel at ang Katimugang Kaharian ng Juda. Nagkaroon ng digmaan sa pagitan ng Israel, na pinamunuan ni Haring Jeroboam, at ng Juda, na pinamunuan ni Haring Abias.

Ipabasa sa mga estudyante ang 2 Cronica 13:4, 10–12, at pamarkahan sa kanila ang mga salita o parirala na nagpapakita kung kanino bumaling si Abias at ang kanyang mga tao. Kung makatutulong, maaari mong ipaliwanag na ang pagsunog ng mga handog at kamangyan, paglalagay ng tinapay na handog sa hapag, at pagsindi ng mga ilawan (talata 11) ay bahagi ng mga tungkulin ng mga saserdote para sa pagsamba sa templo.

Tulungan ang mga estudyante na matukoy ang isang katotohanang tulad ng Ang Diyos ay kasama natin sa ating unahan o ang ating Kapitan. Maaari mong anyayahan ang mga estudyante na i-cross reference ang talata 12 sa Mga Hebreo 2:10: “ang tagapagtatag ng kanilang kaligtasan.”

Sa inyong palagay, ano ang mangyayari kung ang Diyos ang ating Kapitan?
Ano ang alam ninyo tungkol sa Diyos kung bakit Siya isang mabuting Kapitan?

Pagkatapos ay ipabasa sa mga estudyante ang 2 Cronica 13:13–20, at alamin kung ano ang nangyari dahil nagtiwala si Abias at ang kanyang mga tao sa Diyos bilang kanilang Kapitan. Pagkatapos nilang magbasa, maaari mong anyayahan ang mga estudyante na markahan ang pariralang “sapagkat sila’y nagtiwala sa Panginoong Diyos” sa talata 18.

Paano kayo tinulungan ng Diyos nang magtiwala kayo sa Kanya?

Pagpiling hindi magtiwala sa Diyos

Upang matulungan ang mga estudyante na maiwasan ang pagkakamali na hindi magtiwala sa Diyos, maaari mong tapusin ang kuwento tungkol kay Asa sa 2 Cronica 16. Ipaliwanag na tinalikuran Siya ni Asa kalaunan sa kanyang buhay.

Sabihin sa mga estudyante na basahin ang 2 Cronica 16:1–12, at alamin ang dalawang halimbawa kung paano pinili ni Asa na hindi magtiwala sa Diyos. Tulungan ang mga estudyante na maunawaan na kumuha si Asa ng pilak at ginto mula sa templo upang ibayad sa tulong ng Siria sa paglupig sa Israel (tingnan sa 2 Cronica 16:1–6). Hindi rin humingi ng tulong si Asa sa Diyos sa kanyang karamdaman (tingnan sa 2 Cronica 16:12). Kung kinakailangan, maaari mong ipaliwanag na hindi mali si Asa na humingi ng tulong sa mga manggagamot, ngunit hindi rin siya humingi ng tulong sa Diyos. (Para sa iba pang impormasyon tungkol sa konseptong ito, tingnan ang Dallin H. Oaks, “Pagpapagaling ng Maysakit,” Liahona, Mayo 2010, 47.)

Ano kaya ang mga pangamba ni Asa kaya hindi siya nagtiwala sa Diyos?
Ano ang mga sitwasyon kung saan maaaring makaranas ng gayon ding pangamba o takot ang mga tinedyer?
Ano ang alam ninyo tungkol sa Diyos na makatutulong sa isang tao na magtiwala sa Kanya sa mahirap na sitwasyon?