Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

2 Ngaahi Tuʻi 18–19: Ko e Falala ki he ʻEiki ko e ʻOtua ʻo ʻIsilelí

“2 Ngaahi Tuʻi 18–19: Ko e Falala ki he ʻEiki ko e ʻOtua ʻo ʻIsilelí,” Fuakava Motuʻá – Tohi Lēsoni ʻa e Faiako Seminelí (2026)

“2 Ngaahi Tuʻi 18–19: Ko e Falala ki he ʻEiki ko e ʻOtua ʻo ʻIsilelí,” Fuakava Motuʻá – Tohi Lēsoni ʻa e Faiako Seminelí

2 Ngaahi Tuʻi 16–25: Lēsoni 86

2 Ngaahi Tuʻi 18–19

Ko e Falala ki he ʻEiki ko e ʻOtua ʻo ʻIsilelí

An African woman kneeling by her bed praying

ʻOku ʻofa ʻa e Tamai Hēvaní mo Sīsū Kalaisi ʻiate kitautolu pea te Ne tokoniʻi kitautolu ʻi heʻetau falala kiate Kinauá. Hili hono ikunaʻi ʻe he kau ʻAsīliá ʻa Samēliá, naʻe kamata ke nau ʻohofi ʻa Siuta. Naʻe tafoki ʻa e Tuʻi ko Hesekaiá mo hono kakaí ki he ʻEikí ke maʻu ha mālohi mo ha maluʻi. Naʻe fakahaofi kinautolu ʻe he ʻEikí mei he kakai ʻAsīliá. ʻE lava ke tokoni ʻa e lēsoni ko ʻení ke fakatupulaki e loto-falala ʻa e kau akó ʻe tokoniʻi kinautolu ʻe he ʻEikí ke nau fehangahangai mo honau ngaahi faingataʻaʻiá.

Teuteu ʻa e tokotaha akó: Fakaafeʻi e kau akó ke nau omi mateuteu ki he kalasí ke vahevahe ha aʻusia ne nau ongoʻi ai e poupou ʻa e ʻOtuá lolotonga ha taimi faingataʻa.

Ngaahi ʻEkitivitī Ako ʻOku Ala Fakahokó

Lolotonga e ngaahi taimi faingataʻá

Fakakaukau ke kamata e kalasí ʻaki hano hiki e ngaahi foʻi lea ko ʻení ʻi lotomālie ʻi he palakipoé: tuenoa, ongoʻi lōmekina, loto-foʻi, manavasiʻi, mo e veiveiua. Hili iá, te ke lava ʻo hiki ha taha ʻo e ngaahi fehuʻi ko ʻení ʻi he tafaʻaki toʻohema ʻo e palakipoé pea hiki e fehuʻi ʻe tahá ʻi he tafaʻaki toʻomataʻu ʻo e palakipoé. ʻE lava ke hiki ʻe he kau akó ʻenau ngaahi tali ki he fehuʻi takitaha ʻi he palakipoé.

Ko e hā ha ngaahi tūkunga ʻe ala ongoʻi ai ʻe ha toʻu tupu ha taha ʻo e ngaahi ongo ko ʻení pe ko ha ngaahi ongo lahi ange?
Ko e fē nai ha feituʻu ʻe tafoki ki ai e toʻu tupú ke maʻu ha tokoni ʻi he taimi ʻoku nau aʻusia ai e ngaahi ongo ko ʻení?

Hili iá, te ke lava ʻo fakaafeʻi e kau akó ke fakakaukau pe hiki ʻi heʻenau tohinoa akó ha tūkunga lolotonga pe ʻi he kahaʻú te nau ala ongoʻi ai ha ngaahi ongo tatau. ʻE maʻu ʻe he kau akó ha faingamālie ke toe vakai ki he ngaahi ongo ko ʻení ʻamui ange ʻi he lēsoní.

Fakakaukau ki he ongo fehuʻi ko ʻení ʻi heʻenau fekauʻaki mo hoʻomou tūkunga fakatāutahá:

ʻI hoʻo aʻusia e ngaahi ongo fakaeloto ko ʻení, ko e fē feituʻu ʻokú ke kumi tokoni ki aí?
ʻOkú ke falala fēfē ʻe tokoniʻi koe ʻe he ʻEikí ʻi hoʻo tafoki kiate Iá?

ʻI he lēsoni ʻo e ʻaho ní, fakakaukau ki he founga ʻe lava ke tokoniʻi ai koe ʻe he ʻEikí ʻi he taimi ʻokú ke aʻusia ai e ngaahi ongo ko ʻení he taimí ni pe ʻi he kahaʻú. Tokanga ki he ngaahi ongo ʻoku haʻu ki ho fakakaukaú mo e lotó mei he Laumālie Māʻoniʻoní.

ʻOku falala ʻa Hesekaia ki he ʻEikí

Fakamatalaʻi ange ki he kau akó ʻe nofotaha ʻa e lēsoni ko ʻení ʻi he founga naʻe fili ai ʻa Hesekaia, ko e tuʻi ʻo Siutá, ke tafoki ki he ʻEikí ke maʻu ha tokoni ʻi he taimi naʻá ne fehangahangai ai mo hono kakaí mo ha ngaahi faingataʻa lahi.

Lau ʻa e 2 Ngaahi Tuʻi 18:1–7, ʻo kumi e meʻa naʻe fai ʻe Hesekaia ʻi heʻene hoko ko e tuʻí.

Ko e hā ʻa e meʻa naʻá ke maʻú?
Ko e hā ha ngaahi tefitoʻi moʻoni te tau lava ʻo ako mei he veesi 5–7?

Tokoni ke ʻiloʻi ʻe he kau akó ha ngaahi tefitoʻi moʻoni hangē ko ʻení: ʻI heʻetau falala ki he ʻEikí mo tauhi ʻEne ngaahi fekaú, te Ne ʻiate kitautolu.

Ko hono fakatatau ʻo e folofolá ki heʻetau moʻuí

Naʻe ikunaʻi ʻa ʻIsileli, ko e puleʻanga ʻi he kauʻāfonua fakatokelau ʻo Siutá, ʻe he kau ʻAsīliá. Naʻe ʻohofi leva ʻe he kau ʻAsīliá ʻa e kakai ʻo Hesekaiá pea puke pōpula ʻa e ngaahi kolo mālohi kotoa ʻi honau puleʻangá (vakai, 2 Ngaahi Tuʻi 18:9–13). Naʻe haʻu leva ha kau talafekau ʻAsīlia ki Selusalema, ko e kolomuʻa ʻo Siutá, ke fai ha fakatokanga kia Hesekaia mo hono kakaí.

Toe vakai ki he ngaahi ongo fakaeloto ʻi he palakipoé. ʻOkú ke pehē ko e ngaahi ongo fē naʻe maʻu ʻe he kakai ʻo Selusalemá?

ʻOku ʻiate kitautolu ʻa e ʻEikí

Lau ʻa e 2 Ngaahi Tuʻi 19:32–35, ʻo kumi e founga naʻe fakahaofi ai ʻe he ʻEikí ʻa Hesekaia mo hono kakaí.

Ko e hā e meʻa naʻá ke maʻú?

Fakakaukau ke fakaafeʻi e kau akó ke fakaʻilongaʻi ʻa e kupuʻi lea “He te u maluʻi ʻa e koló ni, ke fakamoʻui ia” ʻi he 2 Ngaahi Tuʻi 19:34. ʻO ka fiemaʻu, fakamatalaʻi ange ʻe hoko mai ʻa e fakahaofi ʻa e ʻEikí ʻi Hono taimi mo e founga pē ʻAʻana.

Ke tokoni ke fakakaukau e kau akó ki ha ngaahi founga ʻoku tokoniʻi ai kitautolu ʻe he ʻEikí ke tau fehangahangai mo hotau ngaahi faingataʻaʻiá, te ke lava ʻo fakaʻaliʻali ʻa e “Heavenly Father Knows Me” (3:18) pea kole ki he kau akó ke nau kumi e founga naʻe fakahaofi ai ʻe he Tamai Hēvaní ʻa e finemui ko ʻení mei ha faingataʻa naʻá ne fehangahangai mo ia. Hili iá, fakaafeʻi e kau akó ke vahevahe ʻenau ngaahi aʻusiá. Mahalo te ke fakakaukau ke vahevahe ha aʻusia fakataautaha ʻo e falala ki he ʻEikí pe ko e founga kuó Ne tokoniʻi ai koe lolotonga e ngaahi taimi faingataʻá.

3:19

Kuo tokoniʻi fēfē koe ʻe he Tamai Hēvaní mo Sīsū Kalaisi pe ko ha taha ʻokú ke ʻilo, lolotonga ha tūkunga faingataʻa?

Te ke lava foki ʻo tuku ke ongoʻi ʻe he kau akó ʻa e mālohi ʻo ha fakamoʻoni fakaepalōfita ki he Fakamoʻuí ke fakaʻosi ʻaki e kalasí. Ke fai ʻení, te ke lava ʻo fakaafeʻi e kau akó ke nau lau ʻa e ʻAlamā 36:3 pe ko e fakamatala ko ʻení.

Naʻe fakamoʻoni ʻa Palesiteni Tieta F. ʻUkitofa, ʻo e Kau Palesitenisī ʻUluaki mālōloó, ki he mālohi ʻo e falala ki he ʻOtuá.

19:11

ʻIkai nai ʻe lelei ange ke nofotaha ʻi he lelei taʻe-fakangatangatá, angalelei, mo e mālohi lahi ʻo hotau ʻOtuá, falala kiate Ia, mo teuteu ʻaki ha loto-fiefia ki he toe hāʻele mai ʻa Sīsū Kalaisí, pea ʻoua ʻe fakatefito ʻetau tokangá ʻi he fuʻu lahi ʻo e faingataʻá?

ʻI heʻetau hoko ko Hono kakai ʻo e fuakavá, ʻoku fiemaʻu ke ʻoua naʻa lōmekina kitautolu ʻe he ilifiá tokua ʻe hoko ha kovi. Ka ke tau laka atu ki muʻa ʻi he tui, loto-toʻa, loto-ʻaki, mo falala ki he ʻOtuá ʻi heʻetau fehangahangai mo e ngaahi faingataʻa mo e faingamālie ʻoku hanganaki mei muʻá. (“ʻOku Tekeʻi ʻa e Manavaheé ʻe he ʻOfa Haohaoá,” Liahona, Mē 2017, 106)

Poupouʻi e kau akó ke nau falala ki he Tamai Hēvaní mo Sīsū Kalaisi lolotonga e ngaahi taimi faingataʻá.

Ngaahi Maʻuʻanga Tokoni Kehé

2 Ngaahi Tuʻi 18:4. Ko e hā e ʻuhinga naʻe fakaʻauha ai ʻe Hesekaia ʻa e ngata palasá?

Lolotonga e fononga ʻa e kakai ʻIsilelí ʻi he toafá, naʻe huhu kinautolu ʻe he fanga ngata koná. ʻI he fakahinohino ʻa e ʻEikí, naʻe ngaohi ai ʻe Mōsese ha ngata palasa, fakamaʻu ia ki ha pou, pea talaange ki he kakaí ke nau sio ki he ngata palasá ke fakamoʻui kinautolu (vakai, Nōmipa 21:4–9). Ko e ngata palasá mo e fakamoʻui fakatuʻasinó ko ha fakataipe ia ʻo Sīsū Kalaisi pea mo e fakamoʻui fakalaumālie ʻokú Ne foakí (vakai, Sione 3:14–15; 2 Nīfai 25:20; Hilamani 8:13–15).

Naʻe tauhi ʻe he kau ʻIsilelí ʻa e ngata palasá. Naʻe faifai pea kamata ke nau moihū ki ai pea “tutu … ʻa e meʻa namu kakala ki ai” (vakai, 2 Ngaahi Tuʻi 18:4), ʻo ngalo ai ʻa e fakataipe mo e maʻuʻanga moʻoni ʻo e fakamoʻuí, ʻa ia ko e ʻEikí. Ko ia ai, naʻe hoko ʻa e ngata palasá ko ha nehushtan pē ki he kakai ʻIsilelí, ko ha foʻi lea faka-Hepelū ʻoku ʻuhinga ki he “meʻa palasa.” Ko ia, ʻi he feinga ʻa e Tuʻi ko Hesekaiá ke taʻofi ʻa e faʻahinga tauhi ʻotua tamapua kotoa pē ʻi Siutá, naʻá ne fakaʻauha ai ʻa e ngata palasá.

Te u fakatupulaki fēfē nai ʻeku falala ki he ʻOtuá?

Naʻe pehē ʻe Palesiteni Henelī B. ʻAealingi, Tokoni ʻUluaki ʻi he Kau Palesitenisī ʻUluakí:

17:38

ʻOku haʻu e falalá … mei he ʻiloʻi ʻo e ʻOtuá. Makehe mei ha toe faʻahinga kakai ʻi he māmaní, ʻoku tau lava ʻi hono fakafou atu he ngaahi meʻa nāunauʻia ʻo hono toe Fakafoki Mai ʻo e ongoongoleleí, ke ongoʻi ʻa e nonga kuo foaki mai ʻe he ʻEikí maʻa Hono kakaí ʻaki e ngaahi folofolá ni “Mou longo pē, pea ʻilo ko au ko e ʻOtuá” [Saame 46:10]. ʻOku ou houngaʻia ki he meʻa kuo fakahā ʻe he ʻOtuá ʻo fekauʻaki mo Iá he tau falala ai kiate Ia. (“Falala ki he ʻOtuá, Pea ʻAlu Leva ʻo Fakahoko,” Liahona, Nōvema 2010, 72)

Naʻe akoʻi ʻe Sisitā Poni H. Kōtoni, Tokoni Ua ʻi he Kau Palesitenisī Lahi mālōlō ʻo e Palaimelí:

Tuku muʻa ke u fokotuʻu atu ha founga ʻe tolu ke fakatupulaki ai ʻetau ʻilo mo e falala ki he Fakamoʻuí. …

ʻUluakí, te tau lava ʻo ʻiloʻi mo falala ki he ʻEikí ʻi heʻetau “keinanga ʻi he folofola ʻa Kalaisí; he vakai, ʻe fakahā kiate kimoutolu ʻe he ngaahi folofola ʻa Kalaisí ʻa e ngaahi meʻa kotoa pē ʻoku totonu ke mou faí” [2 Nīfai 32:3]. …

Uá, te tau lava ʻo ʻiloʻi mo falala ki he ʻEikí ʻo fakafou ʻi he lotú. Ko ha tāpuaki ia ke lava ʻo lotu ki he ʻOtuá! “Lotu ki he Tamaí ʻaki ʻa e ivi kotoa ʻo e lotó” [Molonai 7:48]. …

Tolú, te tau lava ʻo ʻilo mo falala ki he ʻEikí ʻi heʻetau tokoni ki he niʻihi kehé. (“Falala ki he ʻEikí pea ʻOua Naʻá ke Faʻaki ki ho Potó,” Liahona, Mē 2017, 6–7)

Te u lava fēfē ʻo fakahaaʻi ʻeku falala ki he ʻOtuá?

Naʻe pehē ʻe ʻEletā ʻĀmati S. Kōpiti ʻo e Kau Fitungofulú:

ʻI heʻeku kau ki he Siasí ʻi hoku taʻu hongofulu tupú, naʻá ku fakakaukau ke foaki ʻeku moʻuí, taimí, mo hoku lotó ki he ʻEikí. Neongo naʻe kiʻi ongo fakailifia ʻa e faʻahinga tukupā tuʻuloa ko iá, ka naʻá ku ʻilo naʻe totonu ia. Naʻá ku ongoʻi ko e finangalo ʻeni ʻeku Tamai Hēvaní maʻakú, pea naʻá ku maʻu ha nonga ʻi hono fakahoko iá. ʻOku ou fiefia ʻi heʻeku fili ke falala ki he ʻOtuá pea tuku ke Ne ikuna ʻi heʻeku moʻuí. ʻOku ou ʻilo pau kapau ne u fakafalala pē ki he mahino ne u maʻú, he ʻikai ke mei mohu nēkeneka, fiefia, mo nonga ʻeku moʻuí. (“Falala ki he ʻEikí,” Liahona, Sānuali 2022, 15)

Ngaahi ʻEkitivitī Fakalahi ki he Akó

Ko hono maʻu ʻo e ʻilo fakalaumālié: Ngāue ʻi he Tui

Makehe mei hono fakaʻaongaʻi ʻo e laʻipepa tufa ʻoku ʻoatu ʻi he lēsoní, te ke lava ʻo faʻu ha aʻusia fakaako ke tokoni ke mahino ki he kau akó ʻa e tefitoʻi moʻoni fakataukei fakatokāteline ʻo e ngāue ʻi he tui kia Kalaisí, ʻaki haʻo vakai ki he Tuʻi ko Hesekaiá ko ha akoʻanga. Fakaafeʻi e kau akó ke toe vakaiʻi ʻa e palakalafi 5–7 ʻi he “Ko Hono Maʻu ʻo e ʻIlo Fakalaumālié,” ʻoku maʻu ʻi he Fakamatala ki he ʻElito ʻo e Fakataukei Fakatokāteliné. Fakaafeʻi leva e kau akó ke ako e 2 Ngaahi Tuʻi 19:1–7; 14–20; mo e 2 Fakamatala Meʻa Hokohoko 32:7–8, ʻo kumi e founga naʻe ngāue ai ʻa Hesekaia mo hono kakaí ʻi he tuí. ʻE lava ke vahevahe ʻe he kau akó ha ngaahi kupuʻi lea pau ʻi he Tefitoʻi Fakamatalá ʻokú ne fakatātaaʻi ʻa e meʻa naʻe fai ʻe Hesekaia mo hono kakaí. Tokoni ke fakafehokotaki ʻe he kau akó ʻa e founga naʻe ngāue ai ʻa Hesekaia ʻi he tuí mo e founga te nau lava ai ʻo ngāue ʻi he tui kia Kalaisi ʻi honau ngaahi tūkungá.

Ko hono fakamālohia hotau ngaahi fakavaʻé he ʻahó ni ki he ngaahi matangi ʻo ʻapongipongí

Te ke lava ʻo fakaʻaongaʻi ʻa e talanoa ki he pule ʻa e Tuʻi ko Hesekaiá ʻi he 2 Fakamatala Meʻa Hokohoko 29–31 ke fakatātaaʻi ʻa e founga naʻe teuteuʻi ai ia mo hono kakaí ʻe he ngaahi ngāue māʻoniʻoni ʻa Hesekaiá ke nau falala ki he ʻOtuá ʻi he taimi naʻe ʻohofi ai ʻe he kakai ʻAsīliá ʻa e Puleʻanga ʻo Siutá.

Fakakaukau ke fakaafeʻi e kau akó ke lau ʻa e Hilamani 5:12, ʻo kumi ʻa e ʻuhinga ʻoku totonu ke tau langa ai hotau makatuʻungá ʻia Kalaisí.

Te ke lava ʻo fakaʻaliʻali e ngaahi potufolofola ko ʻení pea fakaafeʻi e kau akó ke nau fili ha potufolofola ʻe ua ke lau, ʻo kumi e ngaahi ngāue māʻoniʻoni naʻe fakaafeʻi ʻe he Tuʻi ko Hesekaiá hono kakaí ke nau fai ke falala ki he ʻOtuá. ʻE lava ke nau hiki e meʻa ne nau maʻú ʻi he palakipoé.

Hili e ʻosi ʻa e kau akó, te ke lava ʻo kole ange ke nau vahevahe ʻa e founga naʻe teuteuʻi ai kinautolu ʻe heʻenau ngaahi ngāue maʻu pē ʻo e tuí ke nau falala ki he ʻOtuá lolotonga ha faingataʻa.