Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Tupu 6: “O I Latou o e Faatasi ma i Tatou”

“2 Tupu 6: ’O I Latou o e Faatasi ma i Tatou,’” Tusi Lesona a le Faiaoga Seminare o le Feagaiga Tuai (2026)

“2 Tupu 6: ’O I Latou o e Faatasi ma i Tatou,’” Tusi Lesona a le Faiaoga Seminare o le Feagaiga Tuai

2 Tupu 2–7: Lesona 85

2 Tupu 6

“O I Latou o e Faatasi ma i Tatou”

Ina ua siomia e le autau a Suria, sa alaga atu le auauna a le perofeta o Elisaia i le fefe, “e faapefea se mea tatou te fai a‘i?”(2 Tupu 6:15).Sa faamafanafanaina e Elisaia lana auauna e ala i le fesoasoani ia te ia ia ona iloa le fesoasoani a le Alii.E mafai foi ona faamafanafanaina i tatou a o tatou aoao e iloa le fesoasoani a le Alii.E mafai ona fesoasoani lenei lesona i tamaiti aoga e lagona ai le faateleina o le talitonuga i le tausiga ma le puipuiga faifai pea a le Alii.

Sauniuniga a le tagata aoga: Valaaulia tagata aoga e saunia e faasoa mai se aafiaga na faamanuiaina pe puipuia ai i latou e le Alii po o se tasi latou te iloa.

Gaoioiga e Ono Mafai Ona Aoao Ai

Iloaina ai o le Tausiga a le Faaola

Ina ia amata lau lesona, mafaufau e tusi se ata faafasilaau i le ogatotonu o le laupapa.

Ua faatumulia tusitusiga paia i folafolaga a le Faaola mo Ona tagata o e taumafai e auauna atu ia te Ia.Ina ia vaai faalemafaufau i se tasi o nei folafolaga, tusi se ata faafasilaau i le ogatotonu o se itulau i lau api talaaga mo suesuega ma faaigoa O a’u.

Ona, faitau lea Mataupu Faavae ma Feagaiga 84:88, ma tusi faataamilo i lau ata faafasilaau le auala e te vaai faalemafaufau ai i folafolaga a le Alii.

E mafai ona e valaaulia se tagata aoga e faaopoopo i le ata i luga o le laupapa mea na latou tusia i la latou api talaaga, ma faamatala mai pe aisea na latou tusia ai mea na latou faia.E mafai ona valaaulia isi tagata aoga e faaopoopo i ai se mea e ese mai atonu na latou tusia se ata.A leai, e mafai e tagata aoga ona faasoa ma faamalamalama atu a latou ata i se tuaoi.

E te manatu e faapefea ona aafia ai se tasi pe afai e mafai ona latou iloaina nei folafolaga o loo tutupu i o latou olaga?
O le ā le mafuaʻaga e faigata ai ona vaʻaia pe iloaina faamanuiaga ma puipuiga a le Alii i totonu o ō tatou olaga?

Atonu e fesoasoani le molimau atu o loo aafia malosi le Tama Faalelagi ma le Faaola i olaga o tagata aoga taitasi.

Mafaufau loloto pe o le a le lelei o lou iloaina o le aafia ai o le Tama Faalelagi ma Iesu Keriso i lou olaga.Ona tali lea o fesili nei i lau api talaaga mo suesuega:

E mafai ona e iloaina ia le itiiti ifo ma le tasi se auala o loo faamanuiaina ai pe puipuia ai oe e le Tama Faalelagi ma Iesu Keriso?Afai o lea, o faapefea ona La‘ua faia?
O le a se tulaga o loo e feagai i lou olaga lea e mafai ona fesoasoani ia te oe e iloa atili ai a La‘ua faamanuiaga ma puipuiga?

A o e suesue 2 Tupu 6, valaaulia le Agaga Paia e fesoasoani ia te oe e iloa auala o loo faamanuiaina ai ma puipuia ai oe e le Tama Faalelagi ma Iesu Keriso.

Fesoasoani Faalelagi

Mafaufau e faamalamalama faamatalaga nei e fesoasoani ai i tagata aoga ia malamalama i le matalalaga o le 2 Tupu 6.

I le taimi o taua i le va o Isaraelu ma Suria, na talanoa lē faalauaiteleina ai e le tupu o Suria ana fuafuaga o le taua ma ana auauna.Ae peitai, sa faafia ona faaali mai e le Alii fuafuaga a Suria i le perofeta o Elisaia, o le na ia lapataia ai loa le tupu o Isaraelu.Ina ua iloa e le tupu o Suria lenei mea, sa ia auina atu se autau e pueina Elisaia (tagai 2 Tupu 6:8–13).

Filifili se auala aoga mo tagata aoga e suesue ai fuaiupu nei e fesoasoani ai ia i latou e faailoa mai mataupu faavae o le liua.Mo se faataitaiga, atonu e aoga mo tagata aoga le suesue mai le vaaiga a le auauna a Elisaia.E mafai ona latou taofi i nisi taimi ma mafaufau po o a ni o latou lagona pe ana faapea e i ai i lona tulaga.E mafai foi e tagata aoga ona faitau faatasi o se vasega po o ni vaega toalaiti, faatasi ai ma tagata aoga eseese o loo faitauina vaega mo Elisaia, le auauna a Elisaia, ma le tupu o Isaraelu.

Atonu e aogā le faamatala atu o Samaria o le laumua o le malo o Isaraelu.

Faitau 2 Tupu 6:14–23, vaavaai mo auala na faamanuiaina ma puipuia ai e le Alii Elisaia ma lana auauna.

O le a se mea na faagaeetia ai oe mai lenei tala?
O a upumoni mai lenei tala e mafai ona talafeagai ia i tatou i aso nei?

Mafaufau e faasoa atu le upumoni lenei pe afai e lei faasoaina atu e tagata aoga se upumoni faapena i a latou lava upu: E mafai ona fesoasoani le Alii ia i tatou ia iloa Ana faamanuiaga ma le puipuiga i o tatou olaga.
E faapefea i lou manatu ona aafiaElisaia ma lana auaunaona ua iloa faamanuiaga ma le puipuiga a le Alii? ?

O le iloaina o faamanuiaga ma le puipuiga a le Alii

Ina ia fesoasoani i tagata aoga ia iloa nisi o auala e mafai ai e le Alii ona faamanuia ma puipuia i latou, e mafai ona e faatulagaina i latou i ni paga po o ni vaega toalaiti mo le gaoioiga lenei.

Manatua: O le a tuuina atu i tagata aoga se avanoa e toe manatunatu ai i le lisi latou te fatuina i lenei gaoioiga i le Lesona 96: “Iloilo Lou Aoaoina 6.”

Fai se lisi o auala eseese e ono leoleoina ma tausia ai i tatou e le Alii.Lisi le tele e mafai ona e mafaufau i ai i totonu o le lua minute.

A mavae le lua minute, e mafai ona e valaaulia i latou e vaavaai mo ni manatu faaopoopo e mafai ona latou faaaofia ai mai le Mosaea 24:13–15; Mataupu Faavae ma Feagaiga 8:2–3; 38:7po o isi fuaitau o mau e te ono fautuaina atu.E mafai foi ona e faasoaina atu le faamatalaga lenei mai ia Peresitene Eyring.

Na aoao mai e Peresitene Henry B. Eyring o le Au Peresitene Sili mea nei e uiga i le fesoasoani a le Alii:

E pei foi o lena auauna a Elisaia, e toatele atu o loo faatasi ma oe nai lo i latou e mafai ona e vaaia o loo tetee ia te oe.O nisi o loo faatasi ma oe e le mafai ona vaaia e mata faaletino.O le a apoapo oe i luga e le Alii ma o le a faia faapea i nisi taimi e ala i le valaauina o isi e tutu faatasi ma oe.(“E, Outou e o Atu,” Liahona, Nov. 2008, 58)

Mafaufau e valaaulia ni vaega e feauauai i le faasoaina atu o faataitaiga mai a latou lisi a o e tusiina, po o ni volenitia foi, i luga o le laupapa.E mafai ona e faatagaina vaega e faaauau pea ona faasoa atu seia oo ina faasoaina mai manatu tulaga ese uma.

Valaaulia tagata aoga e faasoa mai ni faataitaiga e mafai ona latou mafaufau i ai mai tusitusiga paia ina ua leoleoina pe tausia e le Alii se tasi i auala o loo lisiina i luga o le laupapa.

A o e talanoaina fesili nei, e mafai ona e filifili e faasoa atu pe a ua e iloaina faamanuiaga po o le fesoasoani a le Atua i lou olaga.

O le a se mea e mafai ona faigata ai ona iloa nisi o nei faamanuiaga mai le Alii nai lo isi?
O anafea na faamanuiaina ai pe puipuia ai oe e le Alii, po o se tasi e te iloa, i se tasi o nei auala?
O le a se mea ua aoao atu e lenei aafiaga ia te oe e uiga i le Alii?

Faapupulaina o o tatou mata

Mafaufau e faaiu le lesona i le faaaliina atu o le upusii ma faatonuga nei.

Sa faamalamalama mai e Sister Michelle D. Craig, o le sa avea ma se tasi o le Au Peresitene Aoao o Tamaitai Talavou, le mea e mafai ona tatou faia pe afai tatou te tauivi e vaai pe faapefea ona galue le Atua i o tatou olaga:

9:44

Atonu e i ai taimi e te, pei ai o le auauna, e te mautinoa ai oe lava o loo tauivi ina ia vaai pe o faapefea ona galue le Atua i lou olaga—o taimi pe a e lagonaina le lofituina—pe a aveina ifo ai oe e tofotofoga i ou tulivae .Faatalitali ma faalagolago i le Atua ma i Lana lava taimi, aua e mafai ona e faatuatuaina ma lou loto atoa Lona finagalo.Ae o loo i ai se lesona lona lua iinei.O’u uso e ma tuagane pele, e te mafai foi, ona tatalo i le Alii ina ia faapupula ou mata ina ia vaai i mea e le masani ona e vaai i ai.(“Mata e Vaai,” Liahona, Nov. 2020, 15)

Mafaufau e tali le fesili lenei i lau api talaaga mo suesuega:

O le a se mea na e aoaoina i le aso e fesoasoani ia te oe e te lagona ai le mautinoa o loo leoleoina ma tausia oe e le Alii?

Molimau atu i le alofa o le Alii ma Lona gafatia e fesoasoani ai i tagata aoga ia iloa Lana fesoasoani i o latou olaga.

O Punaoa Faaopoopo

O le ā se isi mea e mafai ona tatou a’oa’oina mai le tala iā Elisaia ma lana auauna?

Na aoao mai Elder Ronald A. Rasband o le Korama a Aposetolo e Toasefululua:

15:42

Atonu e i ai pe leai foi ni a tatou kariota o afi na auina mai e faate’a lo tatou fefe ma faatoilalo o tatou temoni, ae ua manino le lesona.E faatasi le Alii ma i tatou, manatu mai ia i tatou ma faamanuiaina i tatou i auala e na o Ia e mafaia.O le tatalo e mafai ona toina ifo ai i lalo le malosi ma faaaliga ia tatou te manaomia e taula‘i atu ai o tatou mafaufauga ia Iesu Keriso ma Lana taulaga togiola.Na silafia e le Alii e i ai taimi o le a tatou lagona ai le fefe.Sa ou i ai iina ma e faapea foi outou. …

I lenei Ekalesia atonu e toalaiti i tatou i fuainumera i ala e faitaulia ai e le lalolagi ia tosinaga, ae a pupula o tatou mata faaleagaga, “e toatele atu ua ia te i tatou nai e ua ia te i latou.” (2 Tupu 6:16).(“Aua Le Atuatuvale,” Liahona, Nov. 2018, 18–19)

E mafai faapefea ona ou iloaina le a‘ao o le Atua i loʻu olaga?

Na aoao mai Peresitene Russell M. Nelson:

Tatalo ina ia i ai mata e vaaia ai le aao o le Atua i lou olaga ma i le lalolagi o siomia oe.Ōle atu ia te Ia e ta’u atu ia te oe o loo i ai moni lava o Ia iina—pe afai Na te silafia oe.Ōle atu ia te Ia po o a ni Ona lagona e uiga ia te oe.Ona e faalogo lea.(“Sau, Mulimuli Mai,” Liahona, Me 2019, 90)

Pe o auina mai pea e le Atua agelu e fesoasoani mai ia i tatou i aso nei?

Na aoao mai Peresitene Jeffrey R. Holland o le Korama a Aposetolo e Toasefululua:

Mai lava i le amataga ma faasolo mai i le auga o tisipenisione, sa faaaoga lava e le Atua ia agelu e fai ma Ana avefeau e molimoli mai ai Lona alofa ma popolega mo Ana fanau. …

E masani lava o ia ituaiga tagata e le mavaaia.O nisi taimi e mafai.Ae pe vaaia pe le vaaia, e latalata mai lava i latou i taimi uma.O nisi taimi, e matua malualii ma taua o latou tofiga mo le lalolagi atoa.O nisi taimi o sāvali e sili atu ona patino.I nisi o taimi o le faamoemoega faaagelu o le lapata‘ia.Ae o le tele lava o taimi o le faamafanafana, e tuuina mai sina gauai alofa, ma se taiala i taimi faigata.

Ou te molimau atu o agelu o loofaaauau pea ona auina mai e fesoasoani ia i tatou, e pei lava ona auina mai e fesoasoani ia Atamu ma Eva, e fesoasoani i perofeta, ma e moni lava e fesoasoani i le Faaola lava Ia o le lalolagi.(“O Le Galuega a Agelu,” Liahona, Nov. 2008, 29)

Gaoioiga Faaopoopo e Aoao Ai

O se isi amataga

Mo se isi auala e saunia ai au tagata aoga e suesue 2 Tupu 6, mafaufau e tuu ni ata o Iesu Keriso faataamilo i le potu.Tuu nisi i vaega e iloagofie ae o isi i nofoaga e sili atu ona faigata ona vaai i ai.

I le amataga o le lesona, fesili atu i au tagata aoga pe na latou matauina se ata o le Faaola na e tuuina faataamilo i le potu.Valaaulia i latou e faasino atu ia ata taitasi ia te oe.Afai e i ai ni ata latou te lei maitauina pe mauaina, tuu atu ni faamatalaga faaataata e fesoasoani ai i tagata aoga ina ialatou maua ai.

Valaaulia tagata aoga e faasoa mai ni auala e mafai ona faatatau ai lenei gaoioiga i o latou olaga.O fesili nei e ono mafai ona fesoasoani i le talanoaga.

E mafai faapefea ona pei lenei aafiaga o le taumafai ai e vaai ma iloa faamanuiaga ma le puipuiga a le Alii i o tatou olaga?
O le ā le mafuaʻaga e faigata ai i nisi taimi ona vaʻaia pe iloaina faamanuiaga ma le puipuiga a le Aliʻi i o tatou olaga?

Ona mafai lea e tagata aoga ona mafaufau loloto pe o le a le lelei o lo latou iloaina o le aofia ai o le Alii i o latou olaga.

Fesoasoani i tagata aoga e vaai faalemafaufau i le tala

Ina ia fesoasoani i tagata aoga e vaai faalemafaufau i le tala i le 2 Tupu 2:14–23, e mafai ona e faaali atu le vitio “Elisaia ma le Autau a le Alii” (1:09).Ona mafaufau lea e valaaulia tagata aoga e toe iloilo fuaiupu e sue ai faamatalaga auiliili na misi i le vitio.

1:9

2 Tupu 6:1–7.Na opeopea le ulu o le to‘i i luga o le vai

Afai e te lagona e mafai ona faamanuiaina au tagata aoga mai se talanoaga e uiga i le auala e silafia ai ma popole ai le Atua i mea e taua ia i tatou, mafaufau e tusi luitau po o faaiuga nei i luga o le laupapa:

Faia o se suega faigata i le aoga
Leiloaina o ki po o se telefoni feaveai
Tauivi ai ma se sootaga

Fesili atu i tagata aoga po o fea o nei luitau po o faaiuga latou te manatu e sili ona popole i ai le Atua.

Valaaulia tagata aoga e faitau 2 Tupu 6:1–7, ma vaavaai mo se vavega na faia e le perofeta o Elisaia.Ona mafaufau lea e fai atu i tagata aoga fesili nei:

Aisea na avea ai le leiloa o le ulu o le to‘i ma se popolega mo lenei tagata?
I le faatatauga o le ata o le faaolataga, o le a le taua o se ulu to‘i?
O le a se mea e mafai ona aoao mai e lenei vavega ia i tatou e uiga i le Atua?

E mafai ona faailoa mai e tagata aoga se upumoni e pei o lenei: E silafia e le Atua o tatou popolega ma e alofa mutimutivale mai ia i tatou.

Valaaulia tagata o le vasega e faitau le saunoaga lenei mai ia Peresitene Thomas S. Monson (1927-2018).

E silafia e lo tatou Tama Faalelagi o tatou manaoga ma o le a fesoasoani mai pe a tatou valaau atu ia te Ia mo se fesoasoani.Ou te talitonu, e leai se popolega o i tatou e itiiti tele naua pe faatauvaa.O loo i ai le Alii i tulaga auiliili o o tatou olaga.(“Mafaufau i Faamanuiaga,” Liahona, Nov. 2012, 88)

Valaaulia tagata aoga e faasoa mai ni aafiaga na latou maua ina ua fesoasoani le Alii ia i latou i ni auala laiti.