Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Tupu 2–4: Ua Tuuina Atu e le Alii ia Elisaia le Mana ma le Pule

“2 Tupu 2–4: Ua Tuuina Atu e le Alii ia Elisaia le Mana ma le Pule,” Tusi Lesona a le Faiaoga Seminare o le Feagaiga Tuai (2026)

“2 Tupu 2–4: Ua Tuuina Atu e le Alii ia Elisaia le Mana ma le Pule,” Tusi Lesona a le Faiaoga Seminare o le Feagaiga Tuai

2 Tupu 2–7: Lesona 83

2 Tupu 2–4

Ua Tuuina Atu e le Alii ia Elisaia le Mana ma le Pule

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Pe a tatou taliaina valaauga i le Ekalesia a le Alii, tatou te maua Lana pule e auauna atu ai.A tatou taumafai e auauna atu ma le filiga ma avea atili e faapei o Ia, o le a Ia faamanuiaina i tatou i Lona mana.O le tala i le faamanuiaina e le Alii o le perofeta o Elisaia i le mana ma le pule ina ua uma ona aveina Elia i le lagi ua faapupula ai lenei upumoni.E mafai ona fesoasoani lenei lesona i tagata aoga ia malamalama ai e faapea e tuuina mai e le Alii le pule i tagata ua Ia valaauina ma le mana ia i latou o e auauna atu ma le amiotonu.

Sauniuniga a le tagata aoga: Valaaulia tagata aoga e mafaufau i se taimi na latou auauna atu ai po o se tasi latou te iloa i se valaauga o le Ekalesia.Valaaulia tagata aoga e mafaufau loloto i le fesili, “O anafea na ou molimauina ai le mana ma le pule a le Alii i le faataunuuina o valaauga o le Ekalesia?”

Gaoioiga e Ono Mafai Ona Aoao Ai

O le faapogai o le mana ma le pule

A doctor meets with her patients and checks blood pressure.

Mafaufau e amataina le vasega i le talanoaina po o fea e aumai ai le pule e faia ai ni mea patino.E ono mafai ona e faia lenei mea e ala i le faaali atu o se ata o se fomai o loo ofuina se ofutele faafomai po o i se nofoaga faafomai (po o se isi tagata atamai e i ai le pule e galue ai i a latou matātā) ma fai atu fesili nei.

O a nisi o tiutetauave o lenei tagata?
O ai na tuuina atu ia i latou le pule e faataunuu ai la latou matafaioi?
O le a se mea na avatua ia te oe le talitonuga mautinoa ia faatuatuaina i latou?

Mafaufau e faaali atu se ata o le perofeta o loo i ai nei ma toe fai atu fesili na muamua atu e uiga ia te ia.

Ina ia fesoasoani i tamaiti aoga e iloilo mea ua latou malamalama ai e uiga i le auauna atu ma le mana ma le pule a le Alii i valaauga, e mafai ona e valaaulia i latou e fai mea nei.

I lau api talaaga mo suesuega po o le vaega o Faamatalaga i le Potutusi o le Talalelei, tali fesili nei.A o e mafaufau i au tali, faalogo mo uunaiga mai le Agaga Paia e uiga i mea e finagalo le Alii ia e malamalama i ai e uiga i le auauna atu ma le mana ma le pule a le Alii i valaauga.

O le a se mea ua ou malamalama ai e uiga i le mauaina o le mana ma le pule a le Alii e auauna atu ai i valaauga?
E mafai faapefea e lenei malamalamaaga ona tosina ai le auala ou te tali atu ai pe a ou mauaina po o se isi tagata se valaauga mai le Alii?

Ua maua e Elisaia le mana ma le pule a le Atua

E ono mafai ona e faamalamalama atu e faapea na faaali atu e le Alii ia Elia o le a avea Elisaia ma perofeta (tagai 1 Tupu 19:16, 19).

O a ni popolega atonu na lagonaina e Elisaia a o ia sauniuni mo lona valaauga mai le Alii?

Na iloa e Elisaia e le o toe mamao ona aveese lea e le Alii o Elia (2 Tupu 2:1–3).I le aso mulimuli o Elia, sa mulimuli atu ai Elisaia ia Elia mai lea aai i lea aai seia oo ina taunuu i la‘ua i le Vaitafe o Ioritana.

Ina ia fesoasoani i tagata aoga ia iloa le mea na tupu i le Vaitafe o Ioritana, e mafai ona e faatulagaina le vasega i ni vaega toalaiti.I luga o le laupapa, e mafai ona e tusia ai ata e fa o loo i lalo pe aotele ata taitasi i ni nai upu i se faasologa e lei fuafuaina.Valaaulia vaega taitasi e faitau 2 Tupu 2:8–15 ma faatulaga ata po o le aotelega o mea na tutupu e fua i le faasologa o le taimi.Atonu e manaomia ona e faamatala atu o se ofu o se ofutalaloa o se ofutele.

Elijah Power and Authority, holding the mantle

Elijah Power and Authority, riding the chariot

Na faapefea ona faaali atu e le Alii ia Elisaia ma isi na Ia tuuina atu ia Elisaia le mana ma le pule i lona valaauga?

E mafai ona e faamatala atu o le ofutalaloa na faaaogaina e Elia ma Elisaia e lei tuuina atu ai ia i laua le mana ma le pule ae e faatusa i ai le mana ma le pule a le Atua.I le Ekalesia i aso nei, o nisi taimi tatou te ta’ua ai le valaauga po o le pule o se tasi o lo latou “ofutalaloa.”Mo se faataitaiga, pe a lagolagoina se perofeta fou o se Peresitene o le Ekalesia, ua maua e ia le ofutalaloa o le pule.

Atonu foi e fesoasoani le faailoa atu o le pule e auauna atu ai i valaauga e sau mai le Alii e ala mai i alii o loo umia ki o le perisitua.
O le a le upumoni e mafai ona tatou aoao mai le aafiaga o Elisaia e uiga i mea e faia e le Alii mo tagata ua Ia valaauina e auauna atu ia te Ia?

Faatasi ai ma upumoni e ono ofoina mai e tagata aoga, faasino atu e faapea e tuuina mai e le Alii le pule ma le mana i tagata o e ua Ia valaauina.

Auauna atu ai ma le mana ma le pule a le Atua

Ina ia fesoasoani i tagata aoga ia malamalama i le uiga o le auauna atu i valaauga faatasi ai ma le mana ma le pule a le Alii, e mafai ona e tusia Pule o le Perisitua ma Mana o le Perisitua i luga o le laupapa.Faasoa atu le faamatalaga lenei mai le Tala’i La’u Talalelei: O Se Taiala i le Faasoaina Atu o le Talalelei a Iesu Keriso.E ui o lenei faamatalaga e faatatau tonu lava i valaauga faafaifeautalai, faamanatu atu i tagata aoga e tuuina mai e le Alii le pule i tagata ua Ia valaauina e auauna atu i soo se valaauga ma le mana ia i latou o e auauna atu ia te Ia ma le amiotonu.

I lalo o le taitaiga a Keriso, na toefuatai mai ai le pule e talai atu ai le talalelei e ala i le perofeta o Iosefa Samita.Pe a ua vaetofiaina oe o se faifeautalai, sa e mauaina lenei pule.Faatasi ai ma lena [pule] ua oo mai ai le aia tatau, avanoa, ma le tiutetauave e fai ma sui o le Alii ma aoao atu Lana talalelei. …

E faaopoopo atu i le pule, e te manaomia le mana faaleagaga e faataunuu ai lou valaauga.E tuuina mai e le Atua le mana faaleagaga a o e galue pea lava pea e faamalosia ai lau molimau ia te Ia, Iesu Keriso, ma upumoni o le talalelei e te aoaoina atu.Na te faaee mai le mana faaleagaga a o e tatalo, suesue i tusitusiga paia, ma saili e faataunuu lou faamoemoega faafaifeautalai.Na te tuuina mai le mana faaleagaga a o e taumafai e tausi Ana poloaiga ma feagaiga na e osia ina ua e mauaina sauniga o le faaolataga (tagai i le Mataupu Faavae ma Feagaiga 35:24).(Tala’i La’u Talalelei: O Se Taiala i le Faasoaina atu o le Talalelei a Iesu Keriso, [2023], 3)

O le a se mea ua e aoaoina e uiga i le mana ma le pule o le Alii mai nei faamatalaga?
Aisea atonu e aoga ai le manatuaina o lenei mea pe a e mauaina se valaauga mai le Tama Faalelagi ma Iesu Keriso?
Aisea e ono fesoasoani ai lenei mea e manatua ai pe a e lagolagoina isi o e mauaina valaauga?

Faataitai le malamalama

Ina ia fesoasoani i tagata aoga e aotele mea na latou aoaoina, mafaufau e faatulaga le vasega i ni paga mo le gaoioiga lenei.

Filifili se tasi pe sili atu o tulaga nei ma talanoaina mea ua e aoaoina i le aso e mafai ona fesoasoani i le tagata ua iai ni popolega e uiga i se valaauga.I tali taitasi, ia faaaofia ai mau, faamatalaga mai taitai o le Ekalesia, po o malamalamaaga na e maua mai le Agaga a o e suesueina le tala i le valaauga o Elisaia e auauna atu.

Ua valaauina ma lagolagoina se epikopo fou.Ua iloa e lona atalii e le atoatoa o ia.
Ua valaauina se peresitene fou o Tamaitai Talavou e auauna atu.Sa i ai se mafutaga mafana a se tamaitai talavou ma le peresitene na muamua atu ma e na te le iloaina lava le peresitene fou.
Ua valaauina se alii po o se tamaitai talavou e avea ma peresitene o le latou korama po o le vasega.Latou te le o lagonaina ua lava lo latou iloa e faataunuu lelei ai lenei valaauga.
Ua valaauina se faifeautalai e auauna atu i se atunuu e ese le gagana e tautatala ai tagata.Latou te popole pe o le a lelei faapefea lo latou faasoaina atu o le talalelei.

Mafaufau i se auala e faasoa atu ai e tagata aoga a latou tali i le tasi ma le isi.O se tasi o auala o le fai atu lea i paga taitasi e faasoa atu i se vaega ese.A uma ona maua e tagata uma se avanoa e faasoa mai ai, e mafai ona e valaaulia tagata aoga e faasoa mai mea sa latou matua fiafia i ai e uiga i le tali a le isi vaega.

Ina ia faaiuina, atonu e te manao e molimau atu i upumoni sa outou talanoaina i le aso.

O Punaoa Faaopoopo

Ae faapefea pe afai ou te lagona le le agavaa e auauna atu i se valaauga mai le Alii?

Sa aoao mai e Peresitene Henry B. Eyring o le Au Peresitene Sili:

15:31

O le a faalauteleina e le Alii mea e te tautala ai ma mea e te faia i le vaai a tagata o loo e auauna atu i ai. …O mea e te tautala ai ma faia o le a tauaveina ai le faamoemoe ma tuuina atu ai le taitaiga i tagata e sili atu nai lo ou tomai faalenatura ma lou lava malamalama.O lena vavega ua avea ma se faailoga o le Ekalesia a le Alii i tisipenisione taitasi uma.(“Tulai i Lou Valaauga,” Liahona, Nov. 2002, 77)

O le a le uiga o le auauna atu faatasi ai ma le pule a le Atua?

Sa faasoa mai e Peresitene Dallin H. Oaks o le Au Peresitene Sili le mea lenei:

Sa aumai e se tagata o le Ekalesia lona tuaoi i lo’u ofisa.O le tane a le tuaoi o se faifeau Porotesano i se ‘aulotu toatele.Mo le tele o tausaga, sa auauna atu ai lenei ulugalii i le Alii ma le filiga tele i le latou tapuaiga faa-Kerisiano.Sa ia papatisoina le toatele o tagata i lena ekalesia.

I le taimi nei, e ala i faatosinaga a ona tuaoi o le Au Paia o Aso e Gata Ai, sa ia faitauina ai le Tusi a Mamona ma sa liliu ai i le Ekalesia a Iesu Keriso o le Au Paia o Aso e Gata Ai.Sa saunia o ia e faamavae mai lana auaunaga ma auai i le Ekalesia toefuataiina.Ae muamua, sa la manaomia ma lona toalua se tali i le la fesili e faatatau i le pule o le perisitua.I le faamanatu mai ai ia te a’u e faapea sa papatisoina e lona toalua le toatele o tagata, sa fesili mai lona toalua, “O e ta’u mai ea ia te a’u e leai se pule a lo’u toalua e papatiso ai tagata uma na ia papatisoina?”

Sa uunaia e le Agaga la’u tali, e pei ona o le a i ai i nei tulaga.

“Leai,” na ou fai atu ai.“Ou te mautinoa na i ai i lou toalua le pule e papatiso ai tagata uma na ia papatisoina.Sa ia te ia le pule uma e mafai e lana ekalesia ona avatu ia te ia.E mafai ona ia faatinoina faaipoipoga.E mafai ona ia faia tagata ma sui auai o le ‘aulotu.Sa mafai ona ia faafaigaluegaina se konekarate e tuu ai se taualuga fou i luga o la outou falelotu.Ae e le o le ituaiga pule lena o loo tatou talanoaina.O le pule i lau fesili o le pule lea na tuu atu e Iesu ia Peteru, o soo se mea na te faia i le lalolagi o le a faamamaluina i le lagi (tagai Mataio 16:19).Ma talu ai o lena pule paia e tatau ona oo ma tau atu i Aposetolo, o lea ua na o Le Ekalesia a Iesu Keriso o le Au Paia o Aso e Gata Ai o loo i ai.” (“O Le Molimau Mautinoa a Perofeta o Ona Po Nei,” Liahona, Oct. 2023, 5)

Pe o i ai i tamaitai le mana ma le pule o le perisitua i o latou valaauga?

Na faamatala mai e Sister Jean B. Bingham, o lē na avea ma Peresitene Aoao o le Aualofa i lena taimi:

Talu ai nei na aoaoina ai i tatou, o tamaitai ua vaetofia i lalo o le taitaiga a se tasi e umia ki o le perisitua e galulue i le pule o le perisituai o latou valaauga. …

E ui e lei faauuina tamaitai i se tofi o le perisitua, … ae ua faamanuiaina tamaitai i le mana o le perisitua a o latou tausia a latou feagaiga, ma e latou te galulue i le pule o le perisitua pe a vaetofiaina i latou i se valaauga.(“Tutufaatasi i le Faataunuuina o le Galuega a le Atua” Liahona, Me 2020, 60–63)

Gaoioiga Faaopoopo e Aoao Ai

Faamaloloina mai i se valaauga

Ina ia fesoasoani i tagata aoga ia malamalama e tuuina mai e le Alii le pule ia i latou ua Ia valaauina ma le mana ia i latou o e tausia a latou feagaiga, e mafai ona e fai atu i tagata aoga e mafaufau i se taimi na faamaloloina ai i latou po o se tasi latou te iloa mai se valaauga.

Ona faasoa atu lea o le vaega o le vitio lenei mai ia Peresitene Henry B. Eyring o le Au Peresitene Sili:

15:31

O le a se mea ua aoao mai e lenei mea ia i tatou e uiga i le pule ma le mana o loo i ai i tagata a o latou auauna atu ai i se valaauga mai le Alii?

Faatuatua i le perofeta a le Alii

Ua tuuina mai e le Alii i Ana perofeta filifilia le mana ma le pule e faataunuu ai Ona faamoemoega.Ina ia fesoasoani i tagata aoga ia malamalama i le taua o le faatinoina o le faatuatua i le perofeta a le Alii, e mafai ona e faasoa atu le tala ia Elisaia i lona faateleina o le suauu a le fafine ua oti lana tane e fesoasoani e laveai ai lona aiga.

Valaaulia tagata aoga e faitau 2 Tupu 4:1–7, saili mo le mea na fai atu ai Elisaia i le fafine e fai.E mafai ona e fesili atu i tagata aoga po o le a le mea na faia e le fafine e faatino ai le faatuatua i le fautuaga a Elisaia ma po o le a se mea e mafai ona tatou aoaoina e uiga i le Alii mai faamanuiaga na maua e le fafine.

E mafai ona e faasoa atu le fautuaga lenei mai ia Peresitene Russell M. Nelson ma fesili atu i tagata aoga po o le a se mea ua latou aoaoina e uiga i le faatinoina o le faatuatua i fautuaga mai le perofeta a le Alii.

Atonu e te le malamalama i taimi uma i folafolaga taitasi a se perofeta soifua.Ae a oo ina e iloaina o se perofeta o se perofeta, e mafai ona e tatalo atu i le Alii i le lotomaualalo ma le faatuatua ma ole atu mo sau lava molimau e uiga i soo se mea ua folafola mai e Lana perofeta.(“Tutu Atu o ni Tagata Moni o le Meleniuma,” Liahona, Oke 2016, 53)