Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Tupu 5: O Mea Laiti ma Faigofie

“2 Tupu 5: O Mea Laiti ma Faigofie,” Tusi Lesona a le Faiaoga Seminare o le Feagaiga Tuai (2026)

“2 Tupu 5: O Mea Laiti ma Faigofie,” Tusi Lesona a le Faiaoga Seminare o le Feagaiga Tuai

2 Tupu 2–7: Lesona 84

2 Tupu 5

O Mea Laiti ma Faigofie

O nisi taimi atonu tatou te le iloa ai le taua faaleagaga o le faia o mea laiti ua valaaulia ai i tatou e le Tama Faalelagi ma Iesu Keriso e fai.I le 2 Tupu 5, sa faamalolo e le Alii ia Naamanu, o se taitai‘au Suria, mai lona lepela ona sa ia usita‘i i le fautuaga faigofie a le perofeta e tofu faafitu o ia lava i le Vaitafe o Ioritana.E mafai ona fesoasoani lenei lesona i tagata aoga e usitai i mea laiti ma faigofie ua poloaiina i tatou e le Alii e fai.

Sauniuniga a le tagata aoga: Valaaulia tagata aoga e faitau Alema 37:6–7, vaavaai mo mea e mafai ona latou aoaoina e uiga i mea laiti ma faigofie.Pe mafai foi ona e uunaia tagata aoga e gauai atu i mea laiti latou te faia soo e faia ai se eseesega tele i o latou olaga pe aafia ai foi la latou sootaga ma le Tama Faalelagi ma Iesu Keriso.

Gaoioiga e Ono Mafai Ona Aoao Ai

Fuivai Faatouluulu

Mafaufau e faaali atu se ata e pei o lenei pe aumai se laau i le vasega ma faaali atu le auala e faatino ai le fuivai faatouluulu.O faamatalaga o loo i le parakalafa e sosoo ai e mafai ona fesoasoani ia te oe e faamatala ai.

O le fuivai faatouluulu o se auala e faaaoga e fui ai laau.E lē pei o isi ituaiga o faasūsū e faalausosoo ona faaaogā ai le tele o vai, ae o le fuivai faatouluulu e aofia ai le faatoululu lemu atu o sina vai itiiti i le eleele.O le faatouluulu pea o le vai e faatumauina ai le sūsū o le eleele i le mea e sili ona aoga i laau.

Mafaufau e tuu tagata aoga i ni vaega toalaiti e talanoaina ai tali i le fesili lenei.

O a ni auala e mafai ona faatatau ai mataupu faavae o le fuivai faatouluulu i lo tatou alualu i luma faaleagaga i le fuafuaga a le Tama Faalelagi?

Valaaulia ni nai vaega e faasoa mai mea na latou talanoaina. Ona mafaufau lea e faaali atu le iloiloga faaletagata lava ia o loo i lalo ma valaaulia tagata aoga e mafaufau pe o le a le moni [o lea mataupu] i o latou olaga.

Faaalu sina taimi e tomanatu ai i taumafaiga laiti o loo e faia i le avea ai ma se soo o Iesu Keriso ma taunuuga o loo e oo i ai.Ona mafaufau loloto lea i le moni o lenei faamatalaga mo oe:

Ou te iloa le auala e aafia ai lo’u olaga ma la’u sootaga ma le Tama Faalelagi ma Iesu Keriso i mea laiti ma faigofie ou te faia, pe le faia foi.

Valaaulia tagata aoga ia taliagofie manatu ma lagona latou te maua mai le Agaga Paia e uiga i mea laiti ma faigofie e mafai ona latou faia e faamalosia ai la latou sootaga ma le Tama Faalelagi ma Iesu Keriso.

Ua faamalolo Naamanu mai lona lepela

2 Tupu 5 o loo i ai le tala ia Naamanu, o se taitai‘au Suria o le na aoaoina se lesona mamana e uiga i le faia o mea laiti ma faigofie ua poloaiina e le Alii.

Faitau 2 Tupu 5:1, vaavaai mo mea uma e mafai ona e aoaoina e uiga ia Naamanu.

O le a se mea na e mauaina?

Atonu e te mana’o e faamatala atu o le lepela o se faama’i mata’utia o le pa‘u.Atonu na māfua ai ona oo Naamanu i ni papala ogaoga ma e ono i’u ina oti ai.

I le avea ai ma se isi faiga mo tagata aoga i le na o le faitauina o fuaiupu nei, e mafai ona e faaigoaina vaega e tolu o lou potuaoga o “Suria,” “fale o Elisaia,” ma le “Vaitafe o Ioritana.”Valaaulia ni volenitia se toafa e fai ma sui o tagata nei e ala i le faitauina leotele o fuaiupu o loo tuuina atu faatasi i nofoaga atofaina.O tagata aoga o fai ma sui o Naamanu ma lana auauna e mafai ona feoai mai lea nofoaga i lea nofoaga, ae o loo nonofo pea le auauna teineitiiti ma le avefeau a Elisaia i lo la‘ua nofoaga.

Suria: Faitau le auauna teineitiiti fuaiupu 2–4
Fale o Elisaia: Faitau le avefeau a Elisaia fuaiupu 9–10
Fale o Elisaia: Faitau e Naamanu fuaiupu 11–12
Vaitafe o Ioritana: Faitau le auauna a Naamanu fuaiupu 13–14

Faitau 2 Tupu 5:2–4, 9–14, vaavaai mo le mea na ta’u atu e Elisaia, i le avea ai ma se perofeta a le Atua, ia Naamanu e fai ina ia faamaloloina ai lona lepela.

O a nisi o lesona taua e mafai ona aoaoina e se talavou i aso nei mai le aafiaga o Naamanu?

E mafai e tagata aoga ona tau mai se upumoni e pei o le usiusitai i valaaulia laiti ma faigofie a le Alii e aumaia ai faamanuiaga silisili.E mafai ona e valaaulia i latou e tusi lenei upumoni e fai ma fasifaamatalaga i autafa o le 2 Tupu 5:13–14 i a latou tusitusiga paia ma faailoga fasifuaitau i nei fuaiupu o loo aoao mai ai lenei upumoni.O le faia o fasifaamatalaga i a latou tusitusiga paia e mafai ona fesoasoani i tagata aoga e manatua ai upumoni ua latou aoaoina.E mafai foi ona e valaaulia tagata aoga e faitau Alema 37:6–7, ma faafesootai pe fefaasinoa‘i nei fuaiupu i le 2 Tupu 5:13–14.

O mea laiti ma faigofie

O le gaoioiga lenei ua mamanuina e fesoasoani ai i tagata aoga e faailoa mai mea laiti ma faigofie ua poloaiina i tatou e le Tama Faalelagi ma Iesu Keriso e fai ma talanoaina pe faapefea ona faamanuiaina i tatou e ala i le faia o na mea.

O se tasi o auala e mafai ona faia ai lenei gaoioiga o le tuu lea o tagata aoga i ni vaega toalaiti ma tuu atu i vaega taitasi se fasi pepa ma se seleulu.Valaaulia vaega taitasi e tusi ata o ni mataua lapoo‘a se tolu ona tipi ese lea.Mo le laasaga 1 o loo i lalo, e mafai e vaega ona tusia se mea laitiiti ma faigofie eseese ua valaaulia i tatou e le Alii e fai i luga o mataua taitasi, ona tuu lea i luga o le laupapa.

Fai se lisi o mea laiti ma faigofie ua poloaiina i tatou e le Alii e fai e mafai ona taitai atu ai i faamanuiaga silisili.

Afai e manaomia, o le faamatalaga lenei e mafai ona fesoasoani i vaega e faailoa mai ai mea laiti ma faigofie ua poloaiina i tatou e le Alii e fai faapea foi ma auala ua faamanuiaina ai i tatou e ala i le faia o na mea.

Na faasoa mai e Peresitene Dallin H. Oaks o le Au Peresitene Sili nisi o faataitaiga o mea laiti ma faigofie ua valaaulia i tatou e le Alii e fai.

17:35

Mafaufau i le suesueina o tusitusiga paia ua aoaoina i tatou e faaofi i totonu o o tatou olaga i aso taitasi.Pe mafaufau foi i tatalo faaletagata lava ia ma tatalo tootutuli faaleaiga o ni faiga masani mo le Au Paia faamaoni o Aso e Gata Ai.Mafaufau i le auai i le seminare mo autalavou po o vasega o le inisitituti mo talavou matutua.E ui o nei faiga taitasi atonu e laiti ma faigofie, ae i le āluga o taimi e taunuu ai i le faagaeetia mamana ma le tuputupu a’e faaleagaga.E tupu lenei mea aua o mea laiti ma faigofie nei e valaaulia ai le mafutaga a le Agaga Paia, o le Molimau o le e faamalamalamaina i tatou ma taiala atu i tatou i le upumoni.(“O Mea Laiti ma Faigofie,” Liahona, Me 2018, 90)

A o lei faamaeaina le laasaga lenei, valaaulia vaega taitasi e filifili se mataua se tasi e tuu e se vaega ese i luga o le laupapa.
Suesue i tusitusiga paia ma upu a perofeta, ma vaavaai mo faamanuiaga silisili ua ofoina mai e le Alii pe afai tatou te faia lenei mea laitiiti ma faigofie.

Valaaulia ni vaega se toatele e faasoa mai mea na latou aoaoina.

I le avea ai o se vaega o lenei talanoaga, e mafai ona e valaaulia tagata aoga e toe mafaufau i aafiaga na latou maua i le faia o ni mea laiti ma faigofie.Ona mafai lea ona e valaaulia ni volenitia e faasoa mai pe na faapefea ona faamanuiaina i latou e le Alii ma pe na faapefea ona faamalosia la latou sootaga ma le Tama Faalelagi ma Iesu Keriso o se taunuuga.

O le uunaiga na muamua atu e mafai ona fesoasoani i tagata aoga e faaupu ai o latou lagona, aafiaga, ma molimau.E mafai foi ona e faasoa atu lau molimau po o aafiaga i le faia ai o mea laiti ma faigofie ua poloaiina ai i tatou e le Alii.Mo aoaoga faaopoopo, tagai i le: “Tuu atu soo se molimau ma valaaulia tagata aoao e faasoa mai o latou lagona, aafiaga, ma molimau” i le Tomai mo le Atinaega o Faiaoga.

E mafai foi ona e matamata i le “Ia Tumau i le Aso ia Keriso” (ChurchofJesusChrist.org) mai le numera faailo o le taimi 2:30 i le 4:23.E mafai ona faailoa mai e tagata aoga le auala na faamalosia ai Sister Amy A. Wright, Fesoasoani Muamua i le Au Peresitene Aoao o le Peraimeri, ma lona aiga e ala i mea laiti ma faigofie sa latou faia.

10:33

E mafai foi ona e tuu atu i tagata aoga e faitau 2 Tupu 5:15 ia vaai ai i le faamanuiaga o le molimau na maua e Naamanu e ala i lona usiusitai i le mea laitiiti ma le faigofie na valaaulia ai o ia e le perofeta e fai.

O mea laiti ma faigofie i lo’u olaga

Ina ia fesoasoani i tagata aoga e fai se fuafuaga e usitai ai i mea laiti ma faigofie ua poloaiina i latou e le Alii e fai, faaali atu faatonuga nei.

Tali atu i mea nei i lau api talaaga mo suesuega:

Mafaufau i se mea laitiiti ma faigofie ua poloaiina oe e le Alii e fai e te lagona o loo ua lelei ona e faia.Na faapefea e le usiusitai ai i faatonuga a le Alii ona faamalosia ai lau sootaga ma le Tama Faalelagi ma Iesu Keriso?
Filifili se mea itiiti ma faigofie ua poloaiina oe e le Alii e fai ua e lagona ai le musuia ia sili atu ona lelei lona faatinoina.O le a se mea o le a e faia e faaleleia ai lou usiusitai i le valaaulia a le Alii?E mafai faapefea e lena mea ona faamalosia lou faatuatua i le Tama Faalelagi ma Iesu Keriso?

E mafai ona e valaaulia ni nai tagata aoga naunautai e faasoa mai a latou tali i le fesili muamua.Uunaia tagata aoga e mulimuli ma mata‘i la latou fuafuaga e faaleleia atili ai.

O Punaoa Faaopoopo

O le a se mea ou te aoao mai ia Naamanu e uiga i le mulimuli ai i le perofeta?

Na aoao mai Elder Dale G. Renlund o le Korama a Aposetolo e Toasefululua:

12:23

E pei ona tusia i le Feagaiga Tuai, ina ua sailia e Naamanu se fofo mo lona lepela, sa ita o ia ina ua faatonuina e autofutofu o ia lava faafitu i se vaitafe faatauvaa lata ane.Ae sa faatauanauina o ia e mulimuli i le fautuaga a le perofeta o Elisaia, ae aua le faalagolago i ona lava manatu faualuga sa i ai i le ala e tatau ona tupu ai se vavega.O se taunuuga, sa faamaloloina Naamanu.Pe a tatou faatuatuaina le perofeta a le Atua o i le lalolagi i le asō, ma faatino ana fautuaga, o le a tatou maua le fiafia, ma mafai ai foi ona faamaloloina i tatou.E le toe manaomia ona tatou toe sailia atu se isi mea.(“O Iesu Keriso o le Oa,” Liahona, Nov. 2023, 98)

Na faasoa mai Elder Ronald A. Rasband o le Korama a Aposetolo e Toasefululua:

O le tala ia Naamanu ua faamanatu mai ai ia i tatou le tulaga lamatia o le piki ma filifili ia vaega o fautuaga faaperofeta e talafeagai ma o tatou manatu, o tatou faamoemoega, po o aga masani o aso nei.E faasino atu pea i tatou e lo tatou perofeta i o tatou lava Vaitafe o Ioritana ina ia faamalolo ai.(“O Mea a Lo’u Agaga,” Liahona, Nov. 2021, 40)

E mafai faapefea ona faamanuiaina au e ala i le faatino ai i le faatuatua i mea laiti ma faigofie ua valaaulia a‘u e le Alii e fai?

Na faasoa mai e Elder David A. Bednar o le Korama a Aposetolo e Toasefululua e faapea:

O le mamanu faaleagaga o mea laiti ma faigofie i le aumaia ai o mea tetele e fua mai ai le mausali ma le tutumau, tuuto ua loloto, ma le liua atoatoa sili atu i le Alii o Iesu Keriso ma Lana talalelei.(“O Mea Laiti ma Faigofie e Faataunuuina ai Mea Tetele” [Konafesi a Tamaitai o le Iunivesite o Polika Iaga, Ape. 29, 2011], )

Gaoioiga Faaopoopo e Aoao Ai

Filifiliga o Ala o Faasalalauga

Ina ia fesoasoani i tagata aoga e vaai faalemafaufau i mea na tutupu i le 2 Tupu 5:1–14, e mafai ona e faaali atu uma po o ni vaega o le vitio “Naamanu ma Elisaia.”E mafai foi ona e tuu atu i tagata aoga e faitau mai fuaiupu nei.E ono fesoasoani mau faasino ma numera faailo o le taimi nei:

2 Tupu 5:2–4 (numera faailo o le taimi 2:15 i le 5:42)