2 Mbretërve 5

Vaditja me pikim është një teknikë që përdoret për të ujitur bimët. Ndryshe nga format e tjera të vaditjes që përdorin sasi të mëdha uji jo shpesh, vaditja me pikim përfshin pikimin e ngadaltë të sasive të vogla të ujit mbi tokë. Pikat e vazhdueshme të ujit e mbajnë të njomë tokën aty ku është më e dobishme për bimët.

• Në ç’mënyra mund të gjejnë zbatim parimet e vaditjes me pikim në ecurinë tonë shpirtërore në planin e Atit Qiellor?

Ndalu një çast për të reflektuar mbi përpjekjet e vogla që po bën si një dishepull i Jezu Krishtit dhe rezultatet që po përjeton. Më pas përsiat për vërtetësinë e këtij pohimi për ty:

• E dalloj se si gjërat e vogla dhe të thjeshta që bëj, ose nuk i bëj, ndikojnë në jetën time dhe në marrëdhënien time me Atin Qiellor dhe Jezu Krishtin.

2 Mbretërve 5 përmban tregimin rreth Naamanit, një kapiten sirian, që mori një mësim të fuqishëm rreth bërjes së gjërave të vogla dhe të thjeshta që urdhëron Zoti.

Lexo te 2 Mbretërve 5:1, duke kërkuar gjithçka që mund të mësosh rreth Naamanit.

• Çfarë gjete?

Lexo te 2 Mbretërve 5:2–4, 9–14, duke kërkuar atë që Eliseu, si një profet i Perëndisë, i tha Naamanit të bënte për t’u shëruar nga lebra e tij.

• Cilat janë disa mësime të rëndësishme që mund të mësojë një adoleshent sot nga përvoja e Naamanit?

1. Bëj një listë të gjërave të vogla dhe të thjeshta që Zoti na ka kërkuar të bëjmë, që mund të çojnë në bekime të mëdha.

   Nëse është e nevojshme, thënia vijuese mund t’i ndihmojë grupet të përcaktojnë gjërat e vogla dhe të thjeshta që Zoti na ka kërkuar të bëjmë, si edhe mënyrat se si ne bekohemi duke i bërë ato.

   Presidenti Dallin H. Ouks, i Presidencës së Parë, tregoi disa shembuj të gjërave të vogla dhe të thjeshta që Zoti na ka ftuar të bëjmë.

   

   17:35

   

   “Merreni parasysh studimin e shkrimit të shenjtë që na është mësuar ta përfshijmë në jetën tonë të përditshme. Ose merrini parasysh lutjet vetjake dhe lutjet e gjunjëzuara familjare që janë praktika të rregullta për shenjtorët besnikë të ditëve të mëvonshme. Merreni parasysh pjesëmarrjen në seminar për rininë ose klasat e institutit për të rinjtë në moshë madhore. Edhe pse secila prej këtyre praktikave mund të duket e vogël dhe e thjeshtë, me kalimin e kohës ato rezultojnë në një lartësim dhe rritje të fuqishme shpirtërore. Kjo ndodh ngaqë secila prej këtyre gjërave të vogla dhe të thjeshta e fton shoqërimin e Frymës së Shenjtë, të Dëshmitarit, i cili na ndriçon dhe na udhërrëfen drejt së vërtetës.” (“Gjëra të Vogla dhe të Thjeshta”, Liahona, maj 2018, f. 90)

   Para se të plotësoni hapin vijues, ftojeni secilin grup të përzgjedhë një pikë që një grup i ndryshëm vendosi në tabelë.

2. Kërko në shkrimet e shenjta dhe fjalët e profetëve bekimet e mëdha që ofron Zoti nëse e bëjmë këtë gjë të vogël e të thjeshtë.

   Ftojini shumë grupe që ta tregojnë atë që mësuan.

   Si pjesë e këtij diskutimi, mund t’i ftoni nxënësit të reflektojnë mbi përvojat që kanë pasur duke bërë gjëra të vogla dhe të thjeshta. Mund t’i ftoni më pas vullnetarët të tregojnë se si i ka bekuar Zoti dhe se si marrëdhënia e tyre me Atin Qiellor dhe Jezu Krishtin u forcua si rezultat i kësaj.

   Nxitja e mëparshme mund t’i ndihmojnë nxënësit t’i shprehin me fjalë ndjenjat, përvojat dhe dëshmitë e tyre. Mund të jepni gjithashtu dëshminë ose përvojat tuaja me bërjen e gjërave të vogla dhe të thjeshta që Zoti i kërkon nga ne. Për trajnim shtesë, shihni te “Jepni dëshmi shpesh dhe ftojini nxënësit t’i shprehin ndjenjat, t’i tregojnë përvojat dhe të japin dëshmitë e tyre” te Zotësitë për Përmirësimin e Mësuesve.

   Mund të shihni gjithashtu materialin filmik “Qëndrojini Ditës në Krisht” (ChurchofJesusChrist.org) nga kodi kohor 2:30 deri në 4:23. Nxënësit mund të përcaktojnë mënyrën se si Motra Emi A. Rajt, Këshilltare e Parë në Presidencën e Përgjithshme të Fillores, dhe familja e saj u forcuan nëpërmjet gjërave të vogla dhe të thjeshta që kishin bërë.

   

   10:33

   Gjithashtu, mund t’i vini nxënësit të lexojnë te 2 Mbretërve 5:15 për të parë bekimin e dëshmisë që mori Naamani nëpërmjet bindjes së tij ndaj gjësë së vogël dhe të thjeshtë që e ftoi profeti të bënte.

Përgjigju për sa vijon në ditarin tënd të studimit:

1. Mendo për një gjë të vogël dhe të thjeshtë që të ka kërkuar Zoti të bësh, që ti e ndien se tashmë po e bën mirë. Si e ka forcuar bindja ndaj udhëzimit të Zotit marrëdhënien tënde me Atin Qiellor dhe Jezu Krishtin?

2. Përzgjidh një gjë të vogël dhe të thjeshtë që të ka kërkuar Zoti të bësh, që ti ndihesh i frymëzuar ta bësh më mirë. Çfarë do të bësh për ta përmirësuar bindjen tënde ndaj ftesës së Zotit? Si mund ta forcojë ajo besimin tënd tek Ati Qiellor dhe Jezu Krishti?