Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

2 Mbretërve 2–4: Zoti i Jep Eliseut Fuqi dhe Autoritet

“2 Mbretërve 2–4: Zoti i Jep Eliseut Fuqi dhe Autoritet”, Manuali i Mësuesit të Seminarit për Dhiatën e Vjetër (2026)

“2 Mbretërve 2–4: Zoti i Jep Eliseut Fuqi dhe Autoritet”, Manuali i Mësuesit të Seminarit për Dhiatën e Vjetër

2 Mbretërve 2–7: Mësimi 83

2 Mbretërve 2–4

Zoti i Jep Eliseut Fuqi dhe Autoritet

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Kur i pranojmë thirrjet në Kishën e Zotit, ne marrim autoritetin e Tij për të shërbyer. Kur përpiqemi të shërbejmë me zell dhe të bëhemi më shumë si Ai, Ai do të na bekojë me fuqinë e Tij. Tregimi i Zotit që bekon profetin Elise me fuqi dhe autoritet pasi e çoi Elijan në qiell, e ilustron këtë të vërtetë. Ky mësim mund t’i ndihmojë nxënësit të kuptojnë se Zoti u jep autoritet njerëzve që Ai i thërret, dhe fuqi atyre që shërbejnë me drejtësi.

Përgatitja e nxënësve: Ftojini nxënësit të mendojnë rreth një rasti kur ata ose dikush që ata njohin, ka shërbyer në një thirrje në Kishë. Ftojini nxënësit të përsiatin pyetjen: “Kur e kam dëshmuar fuqinë dhe autoritetin e Zotit në përmbushjen e thirrjeve në Kishë?”

Veprimtari të Mundshme të të Mësuarit

Burimi i fuqisë dhe autoritetit

A doctor meets with her patients and checks blood pressure.

Merreni parasysh ta filloni orën mësimore duke diskutuar se nga buron autoriteti për të bërë gjëra të caktuara. Mund ta bëni këtë duke treguar një fotografi të një mjeku të veshur me uniformën e punës ose në një mjedis klinik (ose një profesionist tjetër me autoritet për të vepruar në pozicionin e tij) dhe të bëni pyetjet vijuese.

Cilat janë disa nga përgjegjësitë e këtij personi?
Kush ia dha atij autoritetin për të përmbushur rolin e tij?
Çfarë të jep vetëbesimin për t’i mirëbesuar atij?

Merreni parasysh të paraqitni një figurë të profetit të sotëm dhe të bëni sërish pyetjet e mëparshme rreth tij.

Për t’i ndihmuar nxënësit ta vlerësojnë atë që kuptojnë rreth shërbimit me fuqinë dhe autoritetin e Zotit në thirrje, mund t’i ftoni ata të bëjnë sa vijon.

Përgjigju për pyetjet vijuese në ditarin e studimit ose në pjesën Shënime te Gospel Library [Biblioteka e Ungjillit]. Ndërsa i merr parasysh përgjigjet e tua, mbaj vesh për mbresa nga Fryma e Shenjtë rreth asaj që dëshiron Zoti që ti të kuptosh lidhur me shërbimin me fuqinë dhe autoritetin e Zotit në thirrje.

Çfarë kuptoj rreth marrjes së fuqisë dhe autoritetit të Zotit për të shërbyer në thirrje?
Si mund të ndikojë kjo kuptueshmëri në mënyrën se si përgjigjem kur unë ose dikush tjetër merr një thirrje nga Zoti?

Eliseu merr fuqinë dhe autoritetin e Perëndisë

Mund të shpjegoni se Zoti i zbuloi Elijas se Eliseu do të bëhej profet (shihni te 1 Mbretërve 19:16, 19).

Çfarë shqetësimesh mund të ketë ndier Eliseu ndërsa përgatitej për thirrjen e tij nga Zoti?

Eliseu e dinte se Zoti do ta merrte së shpejti Elijan (2 Mbretërve 2:1–3). Në ditën e fundit të Elijas, Eliseu e ndoqi Elijan nga qyteti në qytet derisa të dy arritën te lumi Jordan.

Për t’i ndihmuar nxënësit të zbulojnë se çfarë ndodhi në lumin Jordan, mund ta organizoni klasën në grupe të vogla. Në tabelë, mund të vizatoni katër figurat e mëposhtme ose ta përmblidhni secilën me pak fjalë sipas një rendi rastësor. Ftojeni secilin grup të lexojë te 2 Mbretërve 2:8–15 dhe t’i organizojë figurat ose përmbledhjen e ngjarjeve në rend kronologjik. Mund të nevojitet të shpjegoni se manteli është një pëlhurë.

Elijah Power and Authority, holding the mantle

Elijah Power and Authority, riding the chariot

Si ia tregoi Zoti Eliseut dhe të tjerëve se Ai i kishte dhënë Eliseut fuqi dhe autoritet në thirrjen e tij?

Mund të shpjegoni se manteli i përdorur nga Elija dhe Eliseu nuk u jepte atyre fuqi dhe autoritet, por përfaqësonte fuqinë dhe autoritetin e Perëndisë. Në Kishë sot, ne ndonjëherë i referohemi thirrjes ose autoritetit të dikujt si “manteli” i tij. Për shembull, kur një profet i ri mbështetet si President i Kishës, ai merr mantelin e autoritetit.

Mund të jetë gjithashtu e dobishme të vini në dukje se autoriteti për të shërbyer në thirrje vjen nga Zoti nëpërmjet burrave që mbajnë çelësat e priftërisë.
Çfarë të vërtete mund të mësojmë nga përvoja e Eliseut rreth asaj që bën Zoti për njerëzit që i thërret për t’i shërbyer Atij?

Ndër të vërtetat që mund të japin nxënësit, vini në dukje se Zoti u jep fuqi dhe autoritet njerëzve që Ai i thërret.

Shërbimi me fuqinë dhe autoritetin e Perëndisë

Për t’i ndihmuar nxënësit ta kuptojnë se çfarë do të thotë të shërbesh në thirrje me fuqinë dhe autoritetin e Zotit, mund të shkruani Autoriteti i Priftërisë dhe Fuqia e Priftërisë në tabelë. Jepni thënien vijuese nga materiali Predikoni Ungjillin Tim: Një Udhëzues për Shpërndarjen e Ungjillit të Jezu Krishtit. Ndërkohë që kjo thënie gjen drejtpërdrejt zbatim për thirrjet e misionarëve, kujtojuni nxënësve se Zoti u jep autoritet njerëzve që Ai i thërret të shërbejnë në çdo thirrje, dhe u jep fuqi atyre që i shërbejnë Atij me drejtësi.

“Nën drejtimin e Krishtit, autoriteti për të predikuar ungjillin u rivendos nëpërmjet Profetit Jozef Smith. Kur u veçuat si misionar, ju e morët këtë autoritet. Me këtë autoritet vjen e drejta, privilegji dhe përgjegjësia për të përfaqësuar Zotin dhe për ta dhënë mësim ungjillin e Tij. …

Përveç autoritetit, ju nevojitet fuqi shpirtërore që ta përmbushni thirrjen tuaj. Perëndia jep fuqi shpirtërore ndërkohë që punoni vazhdimisht për ta forcuar dëshminë tuaj për Të, për Jezu Krishtin dhe për të vërtetat e ungjillit që jepni mësim. Ai dhuron fuqi shpirtërore kur ju luteni, i studioni shkrimet e shenjta dhe kërkoni të përmbushni qëllimin tuaj si misionar. Ai jep fuqi shpirtërore ndërkohë që përpiqeni t’i zbatoni urdhërimet e Tij dhe t’i mbani besëlidhjet që bëtë kur morët ordinancat e shpëtimit (shihni te Doktrina e Besëlidhje 35:24).” (Predikoni Ungjillin Tim: Një Udhëzues për Shpërndarjen e Ungjillit të Jezu Krishtit, [2023], f. 3)

Çfarë mëson rreth fuqisë dhe autoritetit të Zotit nga këto thënie?
Përse mund të jetë e dobishme që kjo të kujtohet kur merr një thirrje nga Ati Qiellor dhe Jezu Krishti?
Përse mund të jetë e dobishme që ta kujtosh këtë kur i mbështet të tjerët që marrin thirrje?

Demonstro kuptueshmëri

Për t’i ndihmuar nxënësit ta përmbledhin atë që mësuan, merreni parasysh ta organizoni klasën në dyshe për veprimtarinë vijuese.

Zgjidh një ose më shumë nga situatat vijuese dhe diskutoje atë që ke mësuar sot, që mund ta ndihmojë personin për shqetësimet e tij rreth një thirrjeje. Në çdo përgjigje, përfshi shkrime të shenjta, thënie nga udhëheqës të Kishës, ose idetë që ke marrë nga Shpirti ndërsa e studiove historinë e thirrjes së Eliseut për të shërbyer.

Një peshkop i ri thirret dhe mbështetet. Djali i tij e di se ai nuk është i përsosur.
Një presidente e re e Të Rejave thirret për të shërbyer. Një e re kishte një marrëdhënie të shkëlqyer me presidenten e mëparshme dhe nuk e njeh fare presidenten e re.
Një e ri ose e re thirret për të shërbyer si president i kuorumit ose presidente e klasës. Ai ose ajo nuk mendon se ka njohuri të mjaftueshme për ta përmbushur mirë këtë thirrje.
Një misionar/e thirret për të shërbyer në një vend ku njerëzit flasin një gjuhë tjetër. Ai ose ajo është i/e shqetësuar se sa i/e efektshëm/me do të jetë me të vërtetë në shpërndarjen e ungjillit.

Mendoni për një mënyrë për t’i vënë nxënësit t’ia tregojnë përgjigjet e tyre njëri‑tjetrit. Një mënyrë është ta vini secilën dyshe të flasë me një grup tjetër. Pasi të gjithë të kenë pasur një mundësi për të folur, mund t’i ftoni nxënësit ta tregojnë atë që u pëlqeu me të vërtetë rreth përgjigjes së grupit tjetër.

Për ta përmbyllur, mund të dëshmoni për të vërtetat që keni diskutuar sot.

Burime Shtesë

Po sikur të ndihem i/e papërshtatshëm/me për të shërbyer në një thirrje nga Zoti?

Presidenti Henri B. Ajring, i Presidencës së Parë, dha mësim:

15:31

“Zoti do ta lartësojë atë që thoni dhe atë që bëni në sytë e njerëzve që iu shërbeni. … Ajo që thoni e bëni, do të mbartë shpresë dhe do t’u japë drejtim njerëzve përtej aftësive tuaja natyrore dhe vetë kuptueshmërisë suaj. Ajo mrekulli ka qenë një shenjë e Kishës së Zotit në çdo periudhë ungjillore.” (“Rise to Your Call”, Liahona, nëntor 2002, f. 77)

Çfarë do të thotë të shërbesh me autoritetin e Perëndisë?

Presidenti Dallin H. Ouks, i Presidencës së Parë, tregoi përvojën vijuese:

“Një anëtare e Kishës solli fqinjën e saj në zyrën time. Bashkëshorti i fqinjës ishte një shërbestar protestant me një bashkësi të madhe. Për shumë vite, ky çift i kishte shërbyer Zotit me zell të madh në shërbesën e vet të krishterë. Ai kishte pagëzuar shumë njerëz në atë kishë.

Tani, nëpërmjet ndikimit të fqinjëve të tij shenjtorë të ditëve të mëvonshme, ai e kishte lexuar Librin e Mormonit dhe ishte kthyer në besimin te Kisha e Jezu Krishtit e Shenjtorëve të Ditëve të Mëvonshme. Ai ishte gati të jepte dorëheqjen nga shërbesa e tij dhe t’i bashkohej Kishës së rivendosur. Por së pari, ai dhe bashkëshortja kishin nevojë për një përgjigje për pyetjen e tyre në lidhje me autoritetin e priftërisë. Duke më kujtuar se bashkëshorti i saj kishte pagëzuar shumë njerëz, bashkëshortja e tij bëri pyetjen: ‘A po më thua se bashkëshorti im nuk kishte asnjë autoritet për t’i bekuar të gjithë njerëzit që ai pagëzoi?’

Shpirti nxiti përgjigjen time, siç bën në këto situata.

‘Jo’, – i thashë unë. ‘Jam i sigurt se bashkëshorti juaj kishte autoritetin për t’i pagëzuar të gjithë njerëzit që pagëzoi. Ai kishte të gjithë autoritetin që mund t’i jepte kisha e tij. Ai mund të kryente ceremoni martesore. Ai mund t’i bënte njerëzit anëtarë të bashkësisë. Ai mund të punësonte një ndërtues për t’i vendosur një çati të re kishës suaj. Por nuk është ky lloji i autoritetit që po diskutojmë. Autoriteti në pyetjen tënde është autoriteti që Jezusi ia dha Pjetrit, që çfarëdo gjë që të bënte në tokë do të nderohej në qiell (shihni te Mateu 16:19). Dhe për shkak se ai autoritet hyjnor duhet të jetë i gjurmueshëm tek Apostujt, ai ekziston vetëm në Kishën e Jezu Krishtit të Shenjtorëve të Ditëve të Mëvonshme.” (“The Sure Witness of Modern Prophets”, Liahona, tetor 2023, f. 5)

A e kanë gratë fuqinë dhe autoritetin e priftërisë në thirrjet e tyre?

Motra Xhin B. Bingham, asokohe Presidente e Përgjithshme e Shoqatës së Ndihmës, dha mësim:

“Kohët e fundit na është mësuar se gratë që veçohen nën drejtimin e dikujt i cili mban çelësat e priftërisë, veprojnë me autoritetin e priftërisë në thirrjet e tyre. …

Edhe pse gratë nuk shugurohen në një detyrë të priftërisë, … gratë bekohen me fuqinë e priftërisë kur i mbajnë besëlidhjet e tyre, dhe veprojnë me autoritetin e priftërisë kur veçohen në një thirrje.” (“Të Bashkuar në Përmbushjen e Punës së Perëndisë”, Liahona, maj 2020, f. 61)

Veprimtari Plotësuese të të Mësuarit

Të qenit i liruar nga një thirrje

Për t’i ndihmuar nxënësit të kuptojnë se Zoti u jep autoritet atyre që Ai i thërret, dhe fuqi atyre që i mbajnë besëlidhjet e tyre, mund t’u kërkoni nxënësve të mendojnë për një rast kur ata, ose dikush që ata njohin, është liruar nga një thirrje.

Më pas jepni pjesën filmike vijuese nga Presidenti Henri B. Ajring, i Presidencës së Parë.

15:31

Çfarë na mëson kjo për autoritetin dhe fuqinë që kanë njerëzit ndërkohë që po shërbejnë në një thirrje nga Zoti?

Besim në profetin e Zotit

Zoti u jep profetëve të Tij të zgjedhur fuqinë dhe autoritetin për t’i përmbushur qëllimet e Tij. Për t’i ndihmuar nxënësit të kuptojnë rëndësinë e të ushtruarit të besimit te profeti i Zotit, mund të jepni tregimin e Eliseut që shumëfishon vajin e të vesë për të ndihmuar të shpëtohej familja e saj.

Ftojini nxënësit të lexojnë te 2 Mbretërve 4:1–7, duke kërkuar atë që i tha Eliseu gruas që të bënte. Mund t’i pyesni nxënësit se çfarë bëri gruaja për të ushtruar besimin te këshilla e Eliseut dhe çfarë mund të mësojmë ne rreth Zotit nga bekimi që mori gruaja.

Mund të jepni këshillën vijuese nga Presidenti Rasëll M. Nelson dhe t’i pyesni nxënësit se çfarë mësojnë rreth të vepruarit me besim sipas këshillës nga profeti i Zotit.

“Ju mund të mos e kuptoni gjithnjë çdo deklaratë të një profeti të gjallë. Por, kur e dini se një profet është një profet, ju mund t’i aviteni Zotit me përulësi dhe besim e të kërkoni dëshminë tuaj vetjake për çfarëdo që të ketë shpallur profeti i Tij.” (“Qëndroni si Mijëvjeçaristë të Vërtetë”, Liahona, tetor 2016, f. 53)