Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

2 Ngaahi Tuʻi 2–4: ʻOku Foaki ʻe he ʻEikí ha Mālohi mo ha Mafai kia ʻIlaisa

“2 Ngaahi Tuʻi 2–4: ʻOku Foaki ʻe he ʻEikí ha Mālohi mo ha Mafai kia ʻIlaisa,” Fuakava Motuʻá – Tohi Lēsoni ʻa e Faiako Seminelí (2026)

“2 Ngaahi Tuʻi 2–4: ʻOku Foaki ʻe he ʻEikí ha Mālohi mo ha Mafai kia ʻIlaisa,” Fuakava Motuʻá – Tohi Lēsoni ʻa e Faiako Seminelí

2 Ngaahi Tuʻi 2–7: Lēsoni 83

2 Ngaahi Tuʻi 2–4

ʻOku Foaki ʻe he ʻEikí ha Mālohi mo ha Mafai kia ʻIlaisa

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

ʻI he taimi ʻoku tau tali ai ha ngaahi uiuiʻi ʻi he Siasi ʻo e ʻEikí, ʻoku tau maʻu ai Hono mafai ke ngāué. ʻI he taimi ʻoku tau feinga ai ke ngāue faivelenga pea hoko ʻo hangē ange ko Iá, te Ne tāpuakiʻi kitautolu ʻaki Hono mālohí. ʻOku fakatātaaʻi ʻa e foʻi moʻoni ko ʻení ʻe he talanoa ki hono tāpuekina ʻe he ʻEikí ʻa e palōfita ko ʻIlaisá ʻaki ha mālohi mo ha mafai hili ʻEne ʻave ʻa ʻIlaisiā ki he langí. ʻE lava ke tokoni ʻa e lēsoni ko ʻení ke mahino ki he kau akó ʻoku foaki ʻe he ʻEikí ha mafai ki he kakai ʻokú Ne uí mo ha mālohi kiate kinautolu ʻoku ngāue ʻi he māʻoniʻoní.

Teuteu ʻa e tokotaha akó: Fakaafeʻi e kau akó ke fakakaukau ki ha taimi ne nau ngāue ai pe ko ha taha ʻoku nau ʻiloʻi, ʻi ha uiuiʻi faka-Siasi. Fakaafeʻi e kau akó ke nau fakalaulauloto ki he fehuʻi, “Ko e fē ha taimi kuó u fakamoʻoniʻi ai e mālohi mo e mafai ʻo e ʻEikí ʻi hono fakahoko e ngaahi uiuiʻi faka-Siasí?”

Ngaahi ʻEkitivitī Ako ʻOku Ala Fakahokó

Ko e maʻuʻanga ʻo e mālohí mo e mafaí

A doctor meets with her patients and checks blood pressure.

Fakakaukau ke kamata e kalasí ʻaki hano aleaʻi e feituʻu ʻoku maʻu mei ai e mafai ke fai ha ngaahi meʻa paú. Te ke lava ʻo fai ʻeni ʻaki haʻo fakaʻaliʻali ha fakatātā ʻo ha toketā ʻokú ne tui ha kote fakafaitoʻo pe ʻi ha ʻātakai fakafaitoʻo (pe ko ha taha ngāue fakapalōfesinale ʻokú ne maʻu ha mafai ke ngāue ʻi hono lakangá) pea fai ʻa e ngaahi fehuʻi ko ʻení.

Ko e hā ha niʻihi ʻo e ngaahi fatongia ʻo e tokotahá ni?
Ko hai naʻá ne foaki kiate ia ʻa e mafai ke fakahoko hono fatongiá?
Ko e hā e meʻa ʻokú ne ʻoatu ha loto-falala ke ke falala kiate iá?

Fakakaukau ke fakaʻaliʻali ha fakatātā ʻo e palōfita lolotongá pea toe fakahoko e ngaahi fehuʻi kimuʻá fekauʻaki mo ia.

Ke tokoni ke vakaiʻi ʻe he kau akó ʻa e meʻa ʻoku mahino kiate kinautolu fekauʻaki mo e ngāue ʻi he mālohi mo e mafai ʻo e ʻEikí ʻi he ngaahi uiuiʻí, te ke lava ʻo fakaafeʻi kinautolu ke nau fai ʻa e ngaahi meʻá ni.

Tali ʻa e ngaahi fehuʻi ko ʻení ʻi hoʻo tohinoa akó pe ko e konga ki he Notes ʻi he Gospel Library. ʻI hoʻo fakakaukau ki hoʻo ngaahi talí, fakafanongo ki ha ngaahi ueʻi mei he Laumālie Māʻoniʻoní fekauʻaki mo e meʻa ʻoku finangalo ʻa e ʻEikí ke mahino kiate koe fekauʻaki mo e ngāue ʻi he mālohi mo e mafai ʻo e ʻEikí ʻi he ngaahi uiuiʻí.

Ko e hā e meʻa ʻoku mahino kiate au fekauʻaki mo hono maʻu e mālohi mo e mafai ʻo e ʻEikí ke ngāue ʻi he ngaahi uiuiʻí?
ʻE tākiekina fēfē ʻe he mahino ko ʻení ʻa e anga ʻo ʻeku talí ʻi he taimi ʻoku ou maʻu ai pe ko ha taha kehe ha uiuiʻi mei he ʻEikí?

Ko e maʻu ʻe ʻIlaisa ʻa e mālohi mo e mafai ʻo e ʻOtuá

Te ke lava ʻo fakamatalaʻi ange naʻe fakahā ʻe he ʻEikí kia ʻIlaisiā ʻe hoko ʻa ʻIlaisa ko ha palōfita (vakai, 1 Ngaahi Tuʻi 19:16, 19).

Ko e hā ha ngaahi hohaʻa naʻe ongoʻi ʻe ʻIlaisa ʻi heʻene teuteu ki hono uiuiʻi mei he ʻEikí?

Naʻe ʻiloʻi ʻe ʻIlaisa ʻe vave pē taimi ke ʻave ai ʻe he ʻEikí ʻa ʻIlaisiaá (2 Ngaahi Tuʻi 2:1–3). ʻI he ʻaho fakaʻosi ʻo ʻIlaisiaá, naʻe muimui ʻa ʻIlaisa ʻia ʻIlaisiā mei he kolo ki he kolo ʻo aʻu ki heʻena aʻu atu ki he Vaitafe Soataní.

Ke tokoni ke ʻiloʻi ʻe he kau akó ʻa e meʻa naʻe hoko ʻi he Vaitafe Soataní, te ke lava ʻo vahevahe ʻa e kalasí ki ha fanga kiʻi kulupu iiki. Te ke lava ʻo tā ʻi he palakipoé ʻa e ʻīmisi ʻe fā ʻi laló pe fakamatalaʻi fakanounou takitaha kinautolu ʻi ha ngaahi lea nounou ʻi ha faʻahinga hokohoko pē. Fakaafeʻi ʻa e kulupu takitaha ke lau ʻa e 2 Ngaahi Tuʻi 2:8–15 pea fokotuʻutuʻu ʻa e ngaahi ʻīmisi pe fakamatala fakanounou ʻo e ngaahi meʻa naʻe hokó ʻo fakatatau ki hono hokohoko totonú.

Elijah Power and Authority, holding the mantle

Elijah Power and Authority, riding the chariot

Naʻe fakahaaʻi fēfē ʻe he ʻEikí kia ʻIlaisa mo e niʻihi kehé kuó Ne foaki kia ʻIlaisa ha mālohi mo ha mafai ʻi hono uiuiʻí?

Te ke lava ʻo fakamatalaʻi ange naʻe ʻikai ʻoange ʻe he pulupulu naʻe fakaʻaongaʻi ʻe ʻIlaisiā mo ʻIlaisá ha mālohi mo ha mafai ka naʻá ne fakafofongaʻi ʻa e mālohi mo e mafai ʻo e ʻOtuá. ʻI he Siasí he ʻahó ni, ʻoku tau faʻa ui he taimi ʻe niʻihi ha uiuiʻi pe mafai ʻo ha taha ko honau “pulupulu.” Hangē ko ʻení, ʻi he taimi ʻoku hikinimaʻi ai ha palōfita foʻou ko e Palesiteni ʻo e Siasí, ʻokú ne maʻu ʻa e pulupulu ʻo e mafaí.

ʻE ala tokoni foki ke fakamahinoʻi ange ʻoku mei he ʻEikí ʻa e mafai ke ngāue ʻi he ngaahi uiuiʻí ʻo fakafou ʻi he kau tangata ʻoku nau maʻu ʻa e ngaahi kī ʻo e lakanga fakataulaʻeikí.
Ko e hā ha moʻoni te tau lava ʻo ako mei he aʻusia ʻa ʻIlaisá fekauʻaki mo e meʻa ʻoku fai ʻe he ʻEikí maʻá e kakai ʻokú Ne ui ke tauhi kiate Iá?

ʻI he ngaahi moʻoni ʻe ala ʻoatu ʻe he kau akó, fakamahinoʻi ange ʻoku foaki ʻe he ʻEikí ha mafai mo ha mālohi ki he kakai ʻokú Ne uí.

Ko e ngāue ʻi he mālohi mo e mafai ʻo e ʻOtuá

Ke tokoni ke mahino ki he kau akó ʻa e ʻuhinga ʻo e ngāue ʻi he ngaahi uiuiʻí ʻi he mālohi mo e mafai ʻo e ʻEikí, te ke lava ʻo hiki ʻa e Mafai ʻo e Lakanga Fakataulaʻeikí mo e Mālohi ʻo e Lakanga Fakataulaʻeikí ʻi he palakipoé. Vahevahe ʻa e fakamatala ko ʻení mei he Malanga ʻAki ʻEku Ongoongoleleí: Ko ha Fakahinohino ki hono Vahevahe ʻo e Ongoongolelei ʻo Sīsū Kalaisí. Neongo ʻoku fakaʻaongaʻi fakahangatonu ʻa e fakamatala ko ʻení ki he ngaahi uiuiʻi fakafaifekaú, fakamanatu ki he kau akó ʻoku foaki ʻe he ʻEikí ha mafai ki he kakai ʻokú Ne ui ke ngāue ʻi ha faʻahinga uiuiʻi pē mo ha mālohi kiate kinautolu ʻoku tauhi māʻoniʻoni kiate Iá.

Naʻe fakafoki mai ʻa e mafai ke malangaʻi ʻa e ongoongoleleí ʻi he Palōfita ko Siosefa Sāmitá, ʻi he fakahinohino ʻe Kalaisí. ʻI he taimi ʻoku vaheʻi ai koe ko e faifekaú, ʻokú ke maʻu ai ʻa e mafai ko ʻení. ʻOku haʻu fakataha mo ia ʻa e totonu, faingamālie, mo e fatongia ke fakafofongaʻi ʻa e ʻEikí mo akoʻi ʻEne ongoongoleleí. …

Makehe mei he mafaí, te ke fiemaʻu ʻa e mālohi fakalaumālie ke fakahoko ho uiuiʻí. ʻOku foaki ʻe he ʻOtuá ʻa e mālohi fakalaumālié ʻi hoʻo ngāue taʻe-tuku ke fakaivia hoʻo fakamoʻoni kiate Ia, ʻa Sīsū Kalaisi, pea mo e ngaahi moʻoni ʻo e ongoongoleleí ʻokú ke akoʻí. ʻOkú Ne foaki ʻa e mālohi fakalaumālié ʻi hoʻo lotu, ako ʻa e folofolá, mo feinga ke fakahoko hoʻo taumuʻa fakafaifekaú. ʻOkú Ne foaki ʻa e mālohi fakalaumālié ʻi hoʻo feinga ke tauhi ʻEne ngaahi fekaú pea mo e ngaahi fuakava naʻá ke fakahoko ʻi he taimi naʻá ke maʻu ai ʻa e ngaahi ouau ʻo e fakamoʻoní (vakai, Tokāteline mo e Ngaahi Fuakava 35:24). (Malanga ʻAki ʻEku Ongoongoleleí: Ko ha Fakahinohino ki hono Vahevahe ʻo e Ongoongolelei ʻo Sīsū Kalaisí, [2023], 3)

Ko e hā ha meʻa ʻokú ke ako fekauʻaki mo e mālohi mo e mafai ʻo e ʻEikí mei he ngaahi fakamatala ko ʻení?
Ko e hā e ʻuhinga ʻe ala tokoni ai ke manatuʻi ʻeni ʻi he taimi ʻokú ke maʻu ai ha uiuiʻi mei he Tamai Hēvaní mo Sīsū Kalaisí?
Ko e hā e ʻuhinga ʻe ala tokoni ai ke manatuʻi ʻeni ʻi he taimi ʻokú ke hikinimaʻi ai ha niʻihi kehe ʻoku nau maʻu ha ngaahi uiuiʻí?

Fakahaaʻi ʻa e mahinó

Ke tokoni ke fakamatalaʻi fakanounou ʻe he kau akó ʻa e meʻa ne nau akó, fakakaukau ke fokotuʻutuʻu tautau toko ua ʻa e kalasí ki he ʻekitivitī ko ʻení.

Fili ha tūkunga ʻe taha pe lahi ange mei heni pea aleaʻi ʻa e meʻa kuó ke ako he ʻaho ní ʻa ia ʻe lava ʻo tokoni ki he tokotaha ʻoku ʻi ai ʻene hohaʻa ki ha uiuiʻí. Fakakau ʻi he tali takitaha ha ngaahi potufolofola, ngaahi fakamatala mei he kau taki ʻo e Siasí, pe ngaahi fakakaukau kuó ke maʻu mei he Laumālié ʻi hoʻo ako ʻa e talanoa ʻo e ui ʻa ʻIlaisa ke ngāué.

ʻOku uiuiʻi mo hikinimaʻi ha pīsope foʻou. ʻOku ʻiloʻi ʻe hono fohá ʻoku ʻikai ke ne haohaoa.
ʻOku uiuiʻi ha palesiteni foʻou ʻo e Kau Finemuí ke ngāue. Naʻe maʻu ʻe ha finemui ha vā fetuʻutaki lelei mo e palesiteni kimuʻá pea ʻoku ʻikai ke ne ʻiloʻi ʻe ia ʻa e tokotaha foʻoú.
ʻOku uiuiʻi ha talavou pe finemui ke hoko ko e palesiteni ʻo ʻenau kōlomú pe kalasí. ʻOku ʻikai ke na ongoʻi ʻoku feʻunga ʻena ʻiló ke fakahoko lelei ʻa e uiuiʻi ko ʻení.
ʻOku uiuiʻi ha faifekau ke ngāue ʻi ha fonua ʻoku lea ʻaki ai ʻe he kakaí ha lea fakafonua kehe. ʻOkú ne hohaʻa fekauʻaki mo e tuʻunga lelei ʻo ʻene vahevahe ʻa e ongoongoleleí.

Fakakaukau ki ha founga ke fevahevaheʻaki ai ʻe he kau akó ʻenau ngaahi talí. Ko e founga ʻe taha ko hono ʻai ke vahevahe ʻa e hoa takitaha mo ha kulupu kehe. Hili hono maʻu ʻe he tokotaha kotoa ha faingamālie ke vahevahé, te ke lava ʻo fakaafeʻi e kau akó ke vahevahe ʻa e meʻa ne nau saiʻia moʻoni ai fekauʻaki mo e tali ʻa e kulupu ʻe tahá.

Ke fakaʻosí, mahalo te ke fie fakamoʻoni ki he ngaahi moʻoni naʻa mou aleaʻi he ʻaho ní.

Ngaahi Maʻuʻanga Tokoni Kehé

Fēfē kapau ʻoku ou ongoʻi taʻefeʻunga ke ngāue ʻi ha uiuiʻi mei he ʻEikí?

Naʻe akoʻi ʻe Palesiteni Henelī B. ʻAealingi ʻo e Kau Palesitenisī ʻUluakí ʻo pehē:

15:31

ʻE fakatupulekina ʻe he ʻEikí ʻa e meʻa te mou lea ʻakí mo e meʻa te mou fai ʻi he ʻao ʻo e kakai ʻoku mou ngāue ki aí. … ʻE ʻoatu ʻe he meʻa ʻoku mou lea ʻaki mo faí ʻa e ʻamanaki lelei pea fakahinohinoʻi ʻa e kakaí ʻo laka hake ʻi homou ngaahi poto fakanatulá mo hoʻomou iló. Kuo hoko ʻa e mana ko iá ko ha fakaʻilonga ʻo e Siasi ʻo e ʻEikí ʻi he kuonga kotoa pē. (“Rise to Your Call,” Liahona, Nōvema 2002, 77)

ʻOku ʻuhinga ki he hā ke ngāue ʻi he mafai ʻo e ʻOtuá?

Naʻe vahevahe ʻe Palesiteni Tāleni H. ʻOakesi ʻo e Kau Palesitenisī ʻUluakí ʻa e aʻusiá ni:

Naʻe ʻomi ʻe ha mēmipa ʻo e Siasí ʻa hono kaungāʻapí ki hoku ʻōfisí. Ko e husepāniti ʻo e kaungāʻapí ko ha faifekau Palotisani ia ki ha kāingalotu tokolahi. Kuo taʻu lahi ʻa e ngāue faivelenga ʻa e ongomeʻá ni ki he ʻEikí ʻi heʻena ngāue faka-Kalisitiané. Kuó ne papitaiso ha kakai tokolahi ki he siasi ko iá.

Ka, ʻi he ivi tākiekina ʻo hono kaungāʻapi ʻoku kau ki he Siasí, kuó ne lau ai ʻa e Tohi ʻa Molomoná pea ului ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻá ne mateuteu ke fakafisi mei heʻene ngāue fakafaifekaú kae kau ki he Siasi kuo fakafoki maí. Ka kimuʻa iá, naʻá ne tomuʻa fiemaʻu mo hono uaifí ha tali ki heʻena fehuʻi fekauʻaki mo e mafai ʻo e lakanga fakataulaʻeikí. Naʻe fakamanatu mai ʻe hono uaifí kiate au kuo papitaiso ʻe hono husepānití ha kakai tokolahi, pea naʻá ne fehuʻi mai ʻo pehē, “Ko hoʻo talamaí naʻe ʻikai ke maʻu ʻe hoku husepānití ha mafai ke papitaiso ʻa e kakai kotoa pē naʻá ne papitaisó?”

Naʻe ueʻi ʻe he Laumālié ʻeku talí, ʻo hangē ko ia ʻe hoko ʻi he ngaahi tūkunga pehení.

Naʻá ku pehē ange, “ʻIkai. ʻOku ou tui naʻe maʻu ʻe hoʻo husepānití ʻa e mafai ke papitaiso ʻa e kakai kotoa pē naʻá ne papitaisó. Naʻá ne maʻu ʻa e mafai kotoa pē naʻe lava ke foaki ange ʻe hono siasí kiate iá. Te ne lava ʻo fakahoko ha ngaahi mali. Te ne lava ʻo ʻai ʻa e kakaí ke nau hoko ko ha kau mēmipa ʻo ha faiʻanga lotu. Te ne lava ʻo fakangāueʻi ha tokotaha ngāue aleapau ke fokotuʻu ha ʻato foʻou ʻi homou falelotú. Ka ʻoku ʻikai ko e faʻahinga mafai ia ʻoku tau talanoa ki aí. Ko e mafai ʻokú ke fehuʻiá ʻa e mafai ko ia naʻe foaki ʻe Sīsū kia Pitá, ko e meʻa kotoa pē te ne fai ʻi he māmaní ʻe fai ia ʻi he langí (vakai, Mātiu 16:19). Pea koeʻuhí kuo pau ke maʻu e mafai ko iá ʻe he kau ʻAposetoló, ʻoku toki maʻu pē ia ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.” (“Ko e Fakamoʻoni Pau ʻa e Kau Palōfita ʻo Onopōní,” Liahona, ʻOkatopa 2023, 5)

ʻOku maʻu nai ʻe he houʻeiki fafiné ʻa e mālohi mo e mafai ʻo e lakanga fakataulaʻeikí ʻi honau ngaahi uiuiʻí?

Naʻe akoʻi ʻe Sisitā Sini B. Pingihami, ko e Palesiteni Lahi mālōlō ʻo e Fineʻofá:

Ne tau toki ako kimuí ni mai ko e houʻeiki fafine ko ia kuo vaheʻi ʻi he malumalu ʻo ha taha ʻokú ne maʻu e ngaahi kī ʻo e lakanga fakataulaʻeikí, ʻoku nau ngāue ʻaki e mafai ʻo e lakanga fakataulaʻeikí ʻi honau uiuiʻí. …

Neongo ʻoku ʻikai ke fakanofo e houʻeiki fafiné ki ha lakanga ʻi he lakanga fakataulaʻeikí, … ʻoku tāpuekina e houʻeiki fafiné ʻaki e mālohi ʻo e lakanga fakataulaʻeikí ʻi heʻenau tauhi ʻenau ngaahi fuakavá, pea nau ngāue ʻaki e mafai ʻo e lakanga fakataulaʻeikí he taimi ʻoku vaheʻi ai kinautolu ki ha fatongiá. (“Faaitaha ʻi Hono Fakahoko e Ngāue ʻa e ʻOtuá” Liahona, Mē 2020, 60–63)

Ngaahi ʻEkitivitī Fakalahi ki he Akó

Ko e tukuange mei ha uiuiʻí

Ke tokoni ke mahino ki he kau akó ʻoku foaki ʻe he ʻEikí ha mafai kiate kinautolu ʻokú Ne uiuiʻí mo ha mālohi kiate kinautolu ʻoku tauhi ʻenau ngaahi fuakavá, te ke lava ʻo kole ki he kau akó ke fakakaukau ki ha taimi naʻe tukuange ai kinautolu pe ko ha taha ʻoku nau ʻilo mei ha uiuiʻi.

Vahevahe leva ʻa e foʻi vitiō ko ʻeni meia Palesiteni Henelī B. ʻAealingi ʻo e Kau Palesitenisī ʻUluakí.

15:31

Ko e hā ʻoku akoʻi mai ʻe he meʻá ni fekauʻaki mo e mafai mo e mālohi ʻoku maʻu ʻe he kakaí lolotonga ʻenau ngāue ʻi ha uiuiʻi mei he ʻEikí?

Tui ki he palōfita ʻa e ʻEikí

ʻOku foaki ʻe he ʻEikí ki Heʻene kau palōfita kuo filí ha mālohi mo ha mafai ke fakahoko ʻEne ngaahi taumuʻá. Ke tokoni ke mahino ki he kau akó ʻa e mahuʻinga ʻo hono fakamālohia e tui ki he palōfita ʻa e ʻEikí, te ke lava ʻo vahevahe e talanoa ki hono fakalahi ʻe ʻIlaisa e lolo ʻa e uitoú ke tokoni ke fakahaofi hono fāmilí.

Fakaafeʻi e kau akó ke lau ʻa e 2 Ngaahi Tuʻi 4:1–7, ʻo kumi e meʻa naʻe talaange ʻe ʻIlaisa ki he fefiné ke faí. Te ke lava ʻo fehuʻi ki he kau akó pe ko e hā e meʻa naʻe fai ʻe he fefiné ke fakamālohia ai ʻene tui ki he faleʻi ʻa ʻIlaisá pea mo e meʻa te tau lava ʻo ako fekauʻaki mo e ʻEikí mei he tāpuaki naʻe maʻu ʻe he fefiné.

Te ke lava ʻo vahevahe ʻa e faleʻi ko ʻeni meia Palesiteni Lāsolo M. Nalesoní pea fehuʻi ki he kau akó pe ko e hā e meʻa ʻoku nau ako fekauʻaki mo e ngāue ʻi he tui ki he faleʻi mei he palōfita ʻa e ʻEikí.

He ʻikai mahino maʻu pē kiate koe ʻa e fakahā kotoa ʻa ha palōfita moʻui. Ka ʻi he taimi ʻokú ke ʻiloʻi ko e palōfitá ko ha palōfita, te ke lava ʻo hū ki he ʻEikí ʻi he loto-fakatōkilalo mo e tui pea kolea haʻo fakamoʻoni fekauʻaki mo ha meʻa pē kuo fakahā ʻe Heʻene palōfitá. (“Tuʻu Ko ha Kau Nofotuʻi Moʻoni,” Liahona, ʻOkatopa 2016, 53)