“1 Samuel 17–18; 24–26; 2 Samuel 5–7: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“1 Samuel 17–18; 24–26; 2 Samuel 5–7: Kinatibuk-ang Pagpasabot,” Manwal sa Magtutudlo sa Seminary sa Daang Tugon
1 Samuel 17–18; 24–26; 2 Samuel 5–7
1 Samuel 17–18; 24–26; 2 Samuel 5–7
Kinatibuk-ang Pagpasabot
Ang mga Israelinhon nakiggubat sa mga Filistihanon, ug gihagit sila sa higanteng si Goliat. Nahadlok si Hari Saul ug ang iyang kasundalohan sa pagsukol kang Goliat. Dihang miadto si David sa panggubatan aron maghatod og mga suplay sa iyang mga sundalo nga igsoon, iyang nadungog ang hagit ni Goliat. Miboluntaryo si David sa pagpakig-away kang Goliat. Nasangkapan sa iyang hugot nga pagtuo sa Dios, usa ka lambuyog, ug lima ka bato, gipildi ni David si Goliat. Mga tuig ang milabay kinahanglang mokagiw sa kamingawan si David palayo ni Hari Saul. Samtang naa sa kamingawan, si David ug ang iyang mga sundalo buotan ngadto sa usa ka tawo nga ginganlan og Nabal. Dihang midumili si Nabal nga tabangan sila, gustong manimalos si David. Ang asawa ni Nabal, si Abigail, nagpataliwala alang sa iyang bana ug gipakalma si David.
Pagpunting sa mga kamatuoran nga mosangpot ngadto sa pagkakabig ug paglig-on sa hugot nga pagtuo diha ni Jesukristo. Sa dihang ang Manluluwas mitudlo, nakatutok Siya sa mga kamatuoran nga nagpunting sa Iyang mga tigpaminaw ngadto Kaniya ug sa Iyang Amahan. Ang mga ehemplo sa makakabig nga mga kamatuoran naglakip sa pagpunting ngadto sa plano sa Langitnong Amahan, sa Pag-ula ni Jesukristo, ug sa mga sugo nga higugmaon ang Dios ug ang atong mga silingan. Dihang atong itudlo kining simple nga mga kamatuoran sa ebanghelyo, gitabangan nato ang uban sa pagtukod sa ilang hugot nga pagtuo kang Jesukristo ug makabig ngadto Kaniya. Aron makat-on pa og dugang, tan-awa sa “ Gitudlo sa Manluluwas ang mga Kamatuoran Nga Naggiya ngadto sa Pagkakabig ug Paglig-on sa Hugot nga Pagtuo” (Pagtudlo sumala sa Pamaagi sa Manluluwas [2022], 22). Usa ka pananglitan kon unsaon sa paghimo niini makita sa Leksiyon 74: “1 Samuel 17.”
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
1 Samuel 17
Katuyoan sa leksiyon: Aron tabangan ang mga estudyante nga mosalig sa Ginoo samtang nag-atubang sa ilang mga hagit.
-
Pagpangandam sa estudyante: Dapita ang mga estudyante nga maghunahuna og mga sitwasyon diin gikinahanglan tingaling magpakita og kaisog ang usa ka batan-on. Pwedeng pangutan-on sa mga estudyante ang usa ka sakop sa pamilya o higala bahin sa ilang mga kasinatian diin nagkinahanglan sila og kaisog.
-
Mga materyal: Tape o laing klase sa marker aron mailhan ang gitas-on ni Goliat
-
Imahe: Si David ug Goliat
-
Mga bidyo: “Si David ug Goliat” (2:36) gikan sa time code 0:00 hangtod 1:20 ug gikan sa time code 1:20 hangtod 2:36; “Ang Ginoo Moluwas Kanako” (3:23) gikan sa time code 0:47 hangtod 1:59 ug gikan sa time code 1:59 hangtod 3:23; “Si Jesukristo Mao ang Kalig-on sa Kabatan-onan” (14:11) gikan sa time code 13:00 hangtod 13:24
-
Mga aytem nga ipakita: Lima ka bato
-
Sulod nga ipakita: Mga instruksiyon sa kataposan sa leksiyon
1 Samuel 25
Katuyoan sa leksiyon: Aron tabangan ang mga estudyante nga masabtan kon sa unsang paagi makatabang si Jesukristo kanila nga pasayloon ang uban.
-
Pagpangandam sa estudyante: Dapita ang mga estudyante nga basahon, tan-awon, o paminawon ang “Nagdala Akog Kalipay Inay Kagul-anan: Ang Makaayo nga Dalan sa Pagpasaylo” ni Sister Kristin M. Yee (Liahona, Nob. 2022, 36–38). Pwede nilang tun-an ang tibuok pakigpulong o mga bahin niini nga imo nang gipili. Dapita ang mga estudyante nga mosulod sa klase nga andam sa pagpakigbahin sa mga panghunahuna nga ilang nakuha bahin sa pagkadawat sa tabang sa Manluluwas nga pasayloon ang uban.
-
Imahe: Usa ka imahe ni Jesukristo
-
Sulod nga ipakita: Pamahayag gikan ni Presidente Russell M. Nelson
-
Bidyo: “Upat ka Gasa Nga Gitanyag ni Jesukristo Kaninyo” (15:03) gikan sa time code 6:42 hangtod 7:18
Pagbansay 5 sa Doktrinal nga Kahanas
Katuyoan sa leksiyon: Aron tabangan ang mga estudyante nga masag-ulo ang mahinungdanong hugpong sa mga pulong sa kasulatan sa mga tudling sa doktrinal nga kahanas ug sa paggamit sa balaanong mga baroganan sa pag-angkon og espirituhanong kahibalo.
-
Pagpangandam sa estudyante: Ikonsiderar ang pagdapit sa mga estudyante sa pagpili ug pagsugod sa pagsag-ulo sa usa ka tudling sa kasulatan sa doktrinal nga kahanas. Makatabang tingali ang app sa Doktrinal nga Kahanas ingon nga kapanguhaan. Ang lista sa mga tudling makita diha sa Mahinungdanon nga Dokumento sa Doktrinal nga Kahanas (2023).
-
Sulod nga ipakita: Lista sa mga tudling sa doktrinal nga kahanas nga natun-an na
-
Bidyo: “Pagdaogdaog—Hunonga Kini” (10:23) gikan sa time code 0:00 hangtod 6:50 ug gikan sa time code 6:51 hangtod 10:23