Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Samuelu 16: “E Silasila le Alii i le Loto”

“1 Samuelu 16: ‘E Silasila le Alii i le Loto,’” Tusi Lesona a le Faiaoga Seminare o le Feagaiga Tuai (2026)

“1 Samuelu 16: ‘E Silasila le Alii i le Loto ,’” Tusi Lesona a le Faiaoga Seminare o le Feagaiga Tuai

1 Samuelu 8–10; 13; 15–16: Lesona 73

1 Samuelu 16

“E Silasila le Alii i le Loto”

Christ healing a man at the Pool of Bethesda

Na faaali atu e le Alii ia Samuelu na Ia filifilia Tavita e suitulaga ia Saulo e avea ma tupu o Isaraelu. E ala mai i lenei aafiaga, na aoao ai Samuelu e ese le silafia e le Alii o i tatou nai lo le mea e masani ona vaai i ai tagata. E mafai ona fesoasoani lenei lesona i tagata aoga e lagona ai le taua o le vaai atu ia i latou lava ma isi e pei ona faia e le Tama Faalelagi ma Iesu Keriso.

Sauniuniga a le tagata aoga: Valaaulia tagata aoga e faitau le 1 Samuelu 16:7. Fai atu ia i latou e lisi i autafa o fuaiupu ni eseesega i le va o mea e faataua e isi i nisi taimi i tagata ma mea e faataua e le Tama Faalelagi ia i tatou.

Gaoioiga e ono Mafai Ona Aoao Ai

Taua o loo natia

Mafaufau e amata le vasega i le fesoasoani i tagata aoga ia iloa e le mafai ona tatou iloa i taimi uma le taua o se mea i le pepa o loo afifi ai. Ina ia faia lenei mea, e mafai ona e faaali atu ni aitema tutusa se lua i ni afifi eseese se lua, pe e mafai foi ona e faaali atu ni aitema e eseese le taua i ni afifi tutusa se lua. A o lei faailoaina atu ia anomea, valaaulia se tagata aoga e filifili po o le fea o afifi latou te mananao i ai. Fesili atu ia i latou pe aisea na latou filifilia ai lena afifi. Ona faaali atu lea o anomea o afifi uma e lua.

O a faafitauli e mafai ona oo mai i le faamasinoina o isi tagata, po o le faamasinoina foi o i tatou lava, e faavae i tau lava o mea e mafai ona tatou vaaia?
E faapefea ona ese le silafaga a le Atua ia i tatou nai lo le auala tatou te ono vaai ai i le tasi ma le isi?

Mafaufau e faaali atu uunaiga nei mo le manatunatuga faaletagata lava ia.

Mafaufau loloto ma faamae’a ia uunaiga nei i lau api talaaga mo suesuega:

Pe a uluai feiloai se tasi ia te au, ou te manatu atonu o le a latou maitauina .
Ou te talitonu e silafia e le Tama Faalelagi uiga nei ia te au e le o vaaia e le toatele o isi: .
Pe a ou uluai feiloai i isi tagata, ou te maitauina .
Afai e mafai ona ou vaai atu i isi e pei ona silasila i ai le Tama Faalelagi, e mafai ona fesoasoani ia te au e .

A o e suesueina le 1 Samuelu 16 i le aso, valaaulia ma le agaga tatalo le Agaga Paia e fesoasoani ia te oe e lagona le taua o le vaai atu ia te oe lava ma isi e pei ona faia e le Atua.

Ua auina mai e le Alii ia Samuelu e faauu le isi tupu e sosoo ai

Ina ia mafai e tagata aoga uma ona auai ma le mataalia, mafaufau e tuu tagata aoga i ni paga. Valaaulia paga e faitau fuaitau e lua o loo i lalo ma talanoa i fesili o loo mulimuli mai. A o lei faitau tagata aoga, ia mautinoa ua latou iloa ona o le le usiusitai o Saulo, na teena ai o ia e le Alii e avea ma tupu o Isaraelu (tagai 1 Samuelu 13:13–14; 15:26–28).

Faitau le 1 Samuelu 16:1–5 e iloa ai le mafuaaga na auina atu ai e le Alii ia Samuelu i Peteleema.

Ana faapea na tuuina atu e le Alii ia te oe le tiutetauave o Samuelu e faauu se tupu fou, o a uiga semanu e te sailia i atalii o Iese?

Faitau le fuaiupu 6–13, ma vaavaai mo upumoni na aoao mai e le Alii a o taumafai Samuelu e su’e le o le a avea ma tupu i le lumanai.

O le a se mea na e aoaoina mai lenei tala e taua mo tagata i aso nei ona malamalama i ai?

A uma ona faasoa atu e paga mea na latou aoaoina, valaaulia paga taitasie tusi se upumoni se tasi i luga o le laupapa faatasi ai ma le numera o le fuaiupu lea na latou maua ai.

E mafai ona tusia e tagata aoga ni upumoni eseese i a latou lava upu, e pei o le E silafia e le Atua lo tatou gafatia moni e ala i le silasila i o tatou loto nai lo o tatou foliga vaaia i fafo.
O le a se mea ua e aoaoina mai tusitusiga paia ma taitai o le Ekalesia e faatatau i uiga e faatauaina e le Alii?
E te manatu o le a faapefea ona ese a tatou sootaga ma isi pe afai tatou te vaai ia i tatou lava ma le tasi ma le isi e pei ona silasila mai le Alii ia i tatou?

Fesoasoani i tagata aoga e faaloloto lo latou malamalama

O filifiliga nei o ni metotia eseese mo tagata aoga e faaloloto ai lo latou malamalama i mea na aoao mai e le Alii i le 1 Samuelu 16:7. Filifili metotia e te lagona e sili ona lelei mo au tagata aoga.

A o lei tuuina atu le filifiliga po o filifiliga e te filifilia, mafaufau e fesoasoani i tagata aoga e faafesootai mea o le a latou suesueina i mea moni o le olaga. E mafai ona e faia lenei mea e ala i le tuuina atu o se tulaga puupuu e mafai ona fesoasoani i ai tagata aoga. Mo se faataitaiga, e mafai ona e fai atu ia i latou e vaavaai mo mea latou te ono faasoa atu i se tasi o lagona le le amanaiaina pe faamasinoina sese e tagata o loo siomia i latou. Pe mafai foi ona e valaaulia tagata aoga e vaavaai mo mea latou te ono faasoa atu i se tasi o lagona e le malamalama moni le Alii ia i latou.

Filifiliga 1

Mafaufau e faatulaga tagata aoga i ni paga. Tuu atu i tagata aoga taitasi e suesue se faamatalaga ese. Ona mafai lea e tagata aoga ona faasoa mai mea na latou aoaoina i a latou paga. Atonu e te manao e faaali atu pe tuuina atu ni kopi o faamatalaga.

Sa saunoa mai Peresitene Dieter F. Uchtdorf, a o i ai i le Au Peresitene Sili:

O le naunau o le Tama Faalelagi ia te oe e le faalagolago i lou mauoa po o lou aulelei po o le ola maloloina po o lou atamai. E le silasila mai o Ia ia te outou e pei ona vaai i ai le lalolagi ia te outou; Na te silafia ia lou tagata moni lava. E silasila mai o Ia i lou loto. Ma e alofa o Ia ia te oe aua o oe o Lona atalii/afafine. (“O Lau Malaga Matagofie i le Aiga,” Liahona, Me 2013, 128)

Na faamalamalama mai e Sister Michelle D. Craig o lē sa i le au Peresitene Aoao o Tamaitai Talavou:

E loloto le silasila a Iesu Keriso i tagata. Na te silasila i tagata taitoatasi, i o latou manaoga, ma tagata e mafai ona latou avea ai. E ui ina sa vaai isi i faifaiva, tagata agasala, po o telona, ae sa silasila Iesu i so’o; e ui ina sa vaai isi i se tagata na ulufia e temoni, ae sa lē silasila Iesu i le mafatiaga i fafo, ae sa ia aloaia le tagata, ma sa faamalolo ia te ia.

E oo foi i o tatou olaga pisi, e mafai ona tatou mulimuli i le faataitaiga a Iesu ma vaai atu i tagata taitoatasi—i o latou manaoga, lo latou faatuatua, o latou tauiviga, ma tagata e mafai ona avea ai i latou. (“Mata e Vaai,” Liahona, Nov. 2020, 16)

Filifiliga 2

E mafai e tagata aoga ona suesue i le lisi o fuaitau o le atamai i aoaoga faavae i le Pepa o Faamatalaga Autu o le Atamai i Aoaoga Faavae (2023) mo fuaitau e fesoasoani ia i latou ia malamalama ai pe faapei lagona o le Atua e uiga ia i tatou ma le atoatoa o Lona silafia o i tatou. E mafai ona galulue tagata aoga i ni vaega taitoafa, ma saili ai e tagata aoga taitasi ni fuaitau talafeagai mai se tasi o tusitusiga faavae e fa. (O faataitaiga e mafai ona latou faasoa mai e aofia ai le Aperaamo 3:22–23; Ieremia 1:4–5; Eperu 12:9; Alema 7:11–13; Mataupu Faavae ma Feagaiga 18:10–11.)

Filifiliga 3

Faaali atu i tagata aoga se vitio e fesoasoani ia i latou ia malamalama ai i le auala e silasila mai ai le Atua ia i tatou pe faaalia ai se isi tagata o vaai atu i isi e pei ona Ia vaai i ai. Valaaulia tagata aoga e mafaufau i ai ma ia saunia e faasoa mai ni tulaga moni o le olaga pe a mafai ona latou faaaogaina mea ua latou aoaoina mai le vitio. O le vitio “Our True Identity” (3:39), o loo maua i le ChurchofJesusChrist.org, o se tasi lea o faataitaiga e mafai ona e faaaogaina.

3:39

Aafiaga faaletagata lava ia

O le vaega lenei o le lesona e mafai ona fesoasoani i tagata aoga e lagona ai le taua o le vaai atu ia i latou lava ma isi e pei ona faia e le Tama Faalelagi ma Iesu Keriso. O le manatuaina ma le faasoaina atu o aafiaga e mafai ona valaaulia ai le Agaga Paia e molimau atu i upumoni o loo aoaoina e tagata aoga.

E mafai foi ona fesoasoani le faaali atu o filfiliga nei:

Filifili se tasi o filifiliga nei ma tusifaamau ou manatu i lau api talaaga mo suesuega. Ia mautinoa e faaaofia ai mea ua e aoaoina e uiga i le Atua i le asō mai tusitusiga paia po o taitai o le Ekalesia.

Tusi e uiga i se tasi e foliga mai e vaai i le lelei o ia te oe, e tusa lava pe na te iloaina nisi o ou vaivaiga ma mea sese. E faapefea ona avea lo latou faatosinaga e aafia ai ou lagona e uiga ia te oe lava ia? E faapefea ona faamanatu atu e o latou faatosinaga ia te oe le auala e silasila ai le Tama Faalelagi ma Iesu Keriso ia te oe?
Tusi e uiga i se tasi ua amata ona e alofa i ai ma faamemelo i ai a o agai atu ina e iloaina lelei i latou. O le a se mea ua e vaaia nei i totonu o i latou atonu e le o vaai i ai isi pe e te lei vaai i ai i le taimi muamua na e feiloai ai ia i latou? Pe e te lagonaina ni uunaiga mai le Agaga Paia i le auala e mafai ona e fesoasoani ai ia i latou ia vaai ia i latou lava i le ala e te vaai ai ia i latou po o le ala e silasila ai lo latou Tama Faalelagi ma Iesu Keriso ia i latou?

Valaaulia volenitia e faasoa mai ni vaega o mea na latou faamaumauina i a latou api talaaga mo suesuega.

O Punaoa Faaopoopo

E mafai faapefea e le vaai atu i isi e pei ona faia e le Atua ona aafia ai le auala ou te taulimaina ai i latou?

Na saunoa mai Peresitene Henry B. Eyring o le Au Peresitene Sili:

[O le Faaola] na te aoao atu outou e vaai atu [i isi] e ala atu i Ona fofoga, o lona uiga o le vaai atu i tua atu o foliga mai o fafo ae oo atu i totonu o le loto (tagai 1 Samuelu 16:7). … Afai ua lava le umi o lua savavali ma le Faaola, o le a e aoao ai e vaai atu i tagata uma o se atalii/afafine o le Atua ma le gafatia le mafaatusalia, e tusa lava pe o le a le tulaga na iai lona [tagata] ua tuanai. Ma afai e faaauau pea ona lua savavali faatasi ma le Faaola, o le a e atiinaeina se isi meaalofa o ia te Ia—o le tomai e fesoasoani atu i tagata ia iloa lena gafatia i totonu o i latou lava ma ia salamo. (“Savali Faatasi ma A’u,” Liahona, Me 2017, 85)

Na aoao mai Elder S. Mark Palmer o le Fitugafulu:

10:43

A o tatou aoao e vaai atu i isi e pei ona silasila le Alii ia i latou nai lo ō tatou lava mata, o le a tuputupu ae lo tatou alolofa mo i latou ma faapena lo tatou mananao e fesoasoani ia i latou. O le a tatou vaaia gafatiaga i totonu o isi masalo latou te le vaaia ia i latou lava. Faatasi ai ma le alofa Faa-Keriso, o le a tatou lē fefe e tautatala atu ma le totoa, “ o le alofa atoatoa e faate’aeseina ai le fefe” [1 Ioane 4:18]. Ma o le a tatou le fiu lava, i le manatuaina o i latou e sili ona faigata le alolofa i ai e sili atu ona manaomiaina le alofa. (“Ua Silasila Atu Iesu ia te Ia, ua Alofa Atu ia te Ia,” Liahona, Me 2017, 116)

E mafai faapefea ona tatou avea atili e faapei o le Tama Faalelagi i le ala tatou te vaai ma taulimaina ai isi?

Na faamalamalama mai e Sister Michelle D. Craig o lē sa i le au Peresitene Aoao o Tamaitai Talavou:

9:44

Fai atu e vaai i isi e pei ona Ia vaai i ai—i le avea ai o Ona atalii ma afafine moni e i ai gafatiaga e lē faatuaoia ma paia. Ona faatino lea e ala i le alofa, auauna atu, ma faamautinoa lo latou taua ma gafatia e pei ona uunaia ai. A o avea ai lenei [faatinoga] ma mamanu o o tatou olaga, o le a tatou iloa ai o i tatou o “so’o moni o … Iesu Keriso” [Moronae 7:48]. O le a mafai e isi ona faatuatuaina o tatou loto i o latou foi loto. Ma i lenei mamanu, o le a tatou iloaina foi lo tatou lava faasinomaga ma le faamoemoega moni. (“Mata e Vaai,” Liahona, Nov. 2020, 17)

Gaoioiga Faaopoopo e Aoao Ai

Se isi amataga

Ina ia fesoasoani i tagata aoga ia iloa le faafitauli i le faamasinoina o isi e faavae i foliga vaaia i fafo po o le tulaga o loo latou i ai, mafaufau e faaali atu se ata o se tasi e pei o lenei. Fai atu i tagata o le vasega e mate mai po o a manatu taumatemate o tagata e uiga i lenei tagata (uiga, uiga faaalia, le auala latou te taulimaina ai isi, pe afai latou te faatuatuaina, o latou lagona e uiga i le Atua, ma isi mea faapena).

Ona faaali atu lea ia i latou o se ata o se tasi e foliga fiafia ma faamanuiaina, e pei o lenei. Fai atu i tagata aoga e mate mai po o a manatu taumatemate o tagata e uiga i lenei tagata.

Valaaulia tagata aoga e faasoa mai pe faapefea ona avea ma faafitauli le faamasinoina o isi e tusa ai ma o latou foliga vaaia i fafo po o tulaga o loo iai. (Atonu e te manao e faamanatu atu i tagata aoga o nisi o tagata sili ona agalelei, ma sili ona amiotonu o e na soifua, sa faamasinoina sese, e aofia ai Apinati, Iosefa Samita, ma e oo lava ia Iesu Keriso.)

Fai atu i tagata aoga e talanoa pe aisea e mafai ai e le Tama Faalelagi ona silafia i tatou mo le ituaiga tagata ua tatou i ai.

Ona faaauau lea o le lesona e ala i le faaaogaina o uunaiga e toe mafaufau ai i le tagata lava ia o loo maua i le amataga o le lesona.

Isi vitio mo le “Filifiliga 3“

E mafai ona e faaali atu se tasi o vitio nei mo le “Filifiliga 3“ o le lesona:

“Looking through Windows” (2:19) e mafai ona fesoasoani i tagata aoga e iloa ai le taua o le suesueina o o tatou lava olaga nai lo le faamasinoina o isi.

2:19

“Pray for Eyes to See as He Sees” (6:26) e mafai ona fesoasoani i tagata aoga ia mananao ia avea atili e faapei o Iesu Keriso i le auala latou te vaai ai i isi.

6:27

1 Samuelu 16:14–23. O faatosinaga o musika

Ina ia fesoasoani i tagata aoga ia iloa le faatosinaga e mafai ona i ai i musika i o latou olaga, mafaufau e fai atu i ni tagata aoga se toalua pe toatolu e faasoa mai se fuaiupu e sili ona fiafia i ai o se viiga po o se pese mai le uepisaite o Musika a le Autalavou . Mafaufau e valaaulia le vasega e usu pe faalogologo i le fuaiupu. Fai atu i le autalavou e faasoa mai pe aisea e taua ai nei upu ia i latou. Fai atu i tagata aoga e faasoa mai pe faapefea ona fesoasoani musika faagaeetia i o latou lagona. Atonu e te manao e faasoa atu pe na faapefea ona fesoasoani musika faagaeetia ia te oe e lagona ai le Agaga Paia pe saunia ai foi mo le faamanatuga.

Ona valaaulia lea o tagata aoga e faitau le 1 Samuelu 16:14–23, ma vaavaai mo le faatosinaga o musika ia Saulo. (Ia mautinoa ua iloa e tagata aoga o le Faaliliuga a Iosefa Samita o fuaiupu e 14, 15, 16, ma le 23 ua faamanino mai ai o le agaga leaga sa faa’ono’ono ia Saulo e le mai le Atua.)

Fai atu i tagata aoga e faasoa mai pe na faapefea ona latou faaaogaina musika faagaeetia e fesoasoani ai ia i latou lava i o latou olaga.

Vaaiga Faataitai

Ina ia fesoasoani i tagata aoga e faaaoga mea ua latou aoaoina, mafaufau e tuuina atu ia i latou ni vaaiga faataitai se lua i le faaiuga o le lesona. Fesili atu i tagata aoga pe faapefea e upumoni na latou aoaoina i le 1 Samuelu 16 ona fesoasoani i na tulaga. O faataitaiga e aofia ai:

Sa lagolagoina talu ai nei e lau uarota se epikopo fou po o se peresitene o Tamaitai Talavou. Na foliga mai na faateia le toatele o tagata i lo la’ua valaauga. Ua e faalogo i se tasi o fai mai e le fetaui lelei le taitai fou mo lena tofiga.
Faatoa e tuua lava se faatalanoaga ma se tasi o le au epikopo. Na Ia tuuina atu se valaauga ia te oe e te le o lagonaina le agavaa e talia. Na e talosaga atu ia te ia mo se taimi e mafaufau ai ma tatalo ai a o lei faia se faaiuga mulimuli.
A o e auauna atu o se faifeautalai, ua alu atu se tamaitai e foliga mai e faavevesi ia te oe i luga o le auala. Sa ia fesili leotele mai po o le a se mea e mafai ona e ta‘u atu ia te ia e uiga ia Iesu.