Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Samuelu 15: Taumafai Ai e Tausi Poloaiga Uma a le Atua

“1 Samuelu 15: Taumafai Ai e Tausi Poloaiga Uma a le Atua,” Tusi Lesona a le Faiaoga Seminare o le Feagaiga Tuai (2026)

“1 Samuelu 15: Taumafai Ai e Tausi Poloaiga Uma a le Atua,” Tusi Lesona a le Faiaoga Seminare o le Feagaiga Tuai

1 Samuelu 8–10; 13; 15–16: Lesona 72

1 Samuelu 15

Taumafai Ai e Tausi Poloaiga Uma a le Atua

The Old Testament prophet Samuel talking to Saul. Samuel is declaring to Saul that he will become the king of Israel.

E ui lava e tuuina mai e le Atua poloaiga e taiala ai i tatou ma aumaia ia i tatou le olioli, ae atonu e faaosoosoina i tatou e tali atu i Ana poloaiga i le ala na tali atu ai Saulo. Na tuuina atu e le Atua iā Saulo ma lana ’autau ni faatonuga patino e ala mai i le perofeta o Samuelu e faatatau i la latou taua ma sa Amalekā. Sa mulimuli Saulo ma lana autau i nisi o poloaiga a le Atua ae sa lagona le tauamiotonuina o le le usiusitai ai i isi. E mafai ona fesoasoani lenei lesona i tagata aoga ia malamalama i le taua o le taumafai ai e usiusitai i poloaiga uma a le Atua.

Sauniuniga a le tagata aoga: Valaaulia tagata aoga e mafaufau i mafuaaga e i ai i tagata atonu latou te filifili ai e le usiusitai i poloaiga a le Atua. E mafai e tagata aoga ona faamaumau a latou lisi o se faamatalaga i luga o a latou telefoni pe tusi foi i luga o se tamai fasipepa. Fai atu ia i latou e aumai a latou lisi i le vasega.

Gaoioiga e ono Mafai Ona Aoao Ai

O Fale’ai

Mafaufau e amata le vasega i le faaeseese ai o tulaga pe a talafeagai ona filifili mea tatou te fiafia i ai ma i tulaga e le fiafia iai . E mafai ona e faaali atu ni ituaiga o meaai eseese po o ni ata o ni ituaiga o meaai. Valaaulia tagata aoga e vaai faalemafaufau i nei meaai uma o loo avanoa mo i latou e aai ai.

O a meaai e te filifili e ai? O le fea meaai e te filifili e le aia? Aisea?

Faitau le saunoaga lenei mai ia Peresitene Russell M. Nelson, ma vaavaai pe faapefea ona ese la tatou auala e usiusitai ai i poloaiga a le Atua mai le auala tatou te filifilia ai a tatou meaai:

14:33

[Ia] faatuatua e tausia uma poloaiga a le Atua, i le iloaina ua tuuina mai e faamanuia ai Ana fanau ma aumaia ai ia i latou le olioli. O le a [e] fetaui i ni tagata o le a latou filifili po o le fea poloaiga latou te tausia ae le ano i isi poloaiga latou te filifili e soli. Ou te ta’ua lenei mea o le faiga faafale‘ai ia usiusitai. O lenei faiga o le ilo ma filifili o le a le manuia. O le a oo atu ai i le faanoanoa. Ina ia saunia e fetaia’i ma le Atua, o lea e tausi ai e se tagata Ana poloaiga uma . E manaomia le faatuatua e usiusitai ai, ma o le tausia o Ana poloaiga o le a faamalosia ai lena faatuatua. (“Opogi le Lumanai i le Faatuatua,” Liahona, Me 2011, 34)

Valaaulia tagata aoga e aotele mea na aoao mai e Peresitene Nelson e uiga i le tausia o poloaiga uma a le Atua i se faamatalaga o le upumoni. I le faaaogaina ai o upu a tagata aoga lava ia, fesoasoani ia i latou e faailoa mai se upumoni e pei o le, o le taumafai e tausi poloaiga uma a le Atua e taitai atu ai i le olioli po o le filifili po o fea o poloaiga a le Atua e tausia e taitai atu ai i le faanoanoa.

Aisea e ono filifili ai se tasi e le tausia ni poloaiga faapitoa mai le Atua?

Mafaufau i lau lava auala e usiusitai ai i poloaiga a le Atua e ala i le mafaufau loloto le leoa i fesili nei:

E faapefea ona e tali atu pe a e faalogo i se poloaiga po o se tulaga faatonuina atonu e te le o mautinoa e te manao e tausia?
O le a le taua ia te oe o le taumafai ai e usiusitai i poloaiga uma a le Atua?

A o e suesue i le aso, saili le fesoasoani a le Agaga i le malamalama ai i le taua o le taumafai e usiusitai i poloaiga uma a le Atua.

Filifiliga a le Tupu o Saulo

Mafaufau e aotele pe faitau le parakalafa lenei e fesoasoani ai i tagata aoga ia malamalama i mea na tutupu e tau atu i le 1 Samuelu 15.

Ina ua uma ona fetalai atu le Alii ia Samuelu e tuu atu i tagata Isaraelu e fai se tupu, sa faatonuina e le Alii ia Samuelu e faauu se alii talavou e igoa ia Saulo e avea ma tupu (tagai 1 Samuelu 8–10). Ina ua faamata’uina o ia e se osofaiga mai Filisitia, sa le usiusitai Saulo i le Alii e ala i le ofoina atu o se taulaga lea sa le’i faatagaina o ia e fai (tagai 1 Samuelu 13:8–9). Ona aoao atu lea e Samuelu ia Saulo i taunuuga o lona le usiusitai (tagai 1 Samuelu 13:10–14). I le Mataupu 15, tatou te vaaia ai se mamanu faapena ina ua le mulimuli sa’o Saulo i faatonuga a le Alii.

Faitau le 1 Samuelu 15:1–3, 7–9, lea na tuuina atu ai e le Alii ia Saulo ma lana autau ni poloaiga patino. A o e faitau, vaavaai po o fea o poloaiga a le Alii na filifili Saulo ma lana autau e usiusitai i ai ma po o fea na latou filifili e le usiusitai i ai.

Atonu e te manao e faamanatu atu i tagata aoga tatou te le iloa mafuaaga uma na poloaiina ai e le Atua ia Saulo ma lana autau e faaumatia sa Amalekā ma a latou manu. Ae ua tatou iloa e atoatoa le Atua ma e alofa i Ana fanau uma, ma e mafai lava ona tatou aoaoina ni lesona taua mai le tali atu a Saulo i le poloaiga a le Atua.

Na ono faapefea ona fesoasoani le upumoni na aoaoina mai e Peresitene Nelson ia Saulo ma lana autau?

Uiga faaalia ma tauamiotonuga

O le gaoioiga suesue lenei e mafai ona fesoasoani i tagata aoga e iloa ai uiga ma ’alofaga e mafai ona taitai atu ai i le le usiusitai i le Atua. E mafai e tagata aoga ona faia le gaoioiga i vaega toalaiti, pe taitoatasi.

Ina ua maea le taua ma sa Amalekā, sa talanoa atu Samuelu ia Saulo e uiga i lona lē usiusitai ma lana autau.

Faitau le 1 Samuelu 15:13–24, vaavaai mo uiga ma ’alofaga na uunaia ai le filifiliga a Saulo e le usiusitai i poloaiga a le Atua.

E mafai e tagata aoga ona tusi mea sa maua i luga o le laupapa. Atonu latou te faailoa atu e faapea o Saulo:

Na pepelo e uiga i lona usiusitai (fuaiupu 13, 20).
Na taumafai e tauamiotonu lona lē usiusitai (fuaiupu 15, 21).
Na tuua’ia isi mo ana faatinoga (fuaiupu 15, 21).
Na faamaualuga (fuaiupu 17).
E le’i faamuamuaina le mea e sili ona taua (fuaiupu 22).
Na sili atu ona popole i manatu o isi nai lo le usiusitai i le Atua (fuaiupu 24).

E mafai ona e valaaulia tagata aoga e faatusatusa uiga ma tauamiotonuga a Saulo ma uiga ma faatinoga a le Faaola i le Mataio 26:36–39. Valaaulia tagata aoga e faasoa mai mea sa latou aoaoina mai le faataitaiga a le Faaola.

Ona mafaufau lea e tuueseese tagata aoga i ni vaega. Fai atu ia i latou e fatu le lisi lenei.

Fai se lisi o nisi o ni poloaiga e ono filifili tagata i aso nei e faasēloa pe le amanaia.

E faapefea ona faaosoosoina se tasi i lenei tulaga e faaaoga uiga po o tauamiotonuga na faaaoga e Saulo?
E mafai faapefea e filifiliga e usitai pe le usitai i lenei poloaiga ona iu ina taitai atu ai i le olioli po o le faanoanoa?
O a aoaoga fesootai o le talalelei e mafai ona fesoasoani ia i tatou e filifili ai e usiusitai i le Atua pe ana faapea tatou te i ai i lenei tulaga?

O le alofa o le Atua

Na fesoasoani Elder D. Todd Christofferson o le Korama a Aposetolo e Toasefululua ia i tatou ia malamalama i le mafuaaga ua tuuina mai ai e le Tama Faalelagi ma Iesu Keriso ia i tatou tulafono ua La’ua faamoemoe tatou te usitai i ai:

13:12

O le alofa o le Tama ma le Alo e foai fua mai ae e aofia ai foi faamoemoega ma talotaloga. … Ou te toe ta’ua Peresitene Nelson, “O tulafono a le Atua e uunaia atoatoa lava e Lona alofa le mafuatia mo i tatou ma Lona finagalo ia tatou avea uma ma tagata e mafai ona tatou avea ai.”

Ona e alolofa i La’ua ia te oe, La te le finagalo ai e tuua oe “i lou tulaga e pei lava ona o loo e i ai.” Ona e alolofa i La’ua ia te oe, La te finagalo ia e maua le olioli ma le manuia. Ona e alolofa i La’ua ia te oe, La te finagalo ai ia e salamo aua o le ala lena e tau atu i le fiafia. Ae o lau lava filifiliga—La te faamamaluina lau faitalia. E tatau ona e filifili e alofa ia i La’ua, ia auauna atu ia i La’ua, e tausi a La’ua poloaiga. Ona mafai lea ona La’ua matua faamanuia tele ia te oe faapea foi ona alolofa ia te oe. (“O Le Alofa o le Atua,” Liahona, Nov. 2021, 18)

O le a se mea e te faasoa mai i lenei faamatalaga i se tasi e lagona e le taua tele poloaiga a le Atua?
Na faapefea ona fesoasoani le tausia o se poloaiga faapitoa a le Atua ia te oe “ia maua le olioli ma le manuia”?

Filifili e usiusitai i poloaiga uma a le Atua

Atonu e te manao e ta’u atu i tagata aoga o filifiliga a Saulo e teena le apoapoaiga a le Atua na taitai atu ai i le faatonuina e le Atua o Samuelu e saili se isi tupu e sui ia Saulo (tagai 1 Samuelu 13:14; 15:28).

Ina ia fesoasoani i tagata aoga e faaalia lo latou malamalama i le taua o le usiusitai i poloaiga a le Atua, mafaufau e faaali atu faatonuga nei.

Filifili se tasi o gaoioiga nei e faamae’a i lau api talaaga mo suesuega.

Vaai faalemafaufau faapea o loo i ai ni au uo o ni Au Paia o Aso e Gata Ai ma o loo tauamiotonuina le solia o ni poloaiga patino. Sa latou uunaia faifaamalosi oe e faia foi faapea. Tusi mea e te manao e manatua mai lenei lesona e fesoasoani ia te oe e mulimuli ai i poloaiga a le Atua.
Faatumu avanoa: Ou te fia usiusitai i poloaiga a le Atua aua . O se mea ou te manao e manatua mai mea na ou lagonaina pe aoaoina i le asō o le .

Mafaufau e faasoa atu lau molimau i faamanuiaga e oo mai i le taumafai ai e usiusitai i poloaiga uma a le Atua.

O Punaoa Faaopoopo

Aisea e tatau ai ona tatou tausia poloaiga a le Atua?

Na aoao mai Elder D. Todd Christofferson o le Korama a Aposetolo e Toasefululua:

14:32

E silasila le Atua i mea i o latou vaaiga moni, ma faasoa mai e Ia lena vaaiga ia i tatou e ala i Ana poloaiga, e taialaina ma le mataalia i tatou i faigata ma faafitauli o le olaga faaletino e agai atu i le olioli e faavavau. …

Ou te le’i feiloai lava i se tasi na mauaina le talalelei i se taimi mulimuli ane i le olaga o lē e lei moomoo maimau pe ana ia vave maua. “Aue, o filifiliga leaga ma mea sese sa ono ou alofia,” latou te fai mai ai. O poloaiga a le Alii o lo tatou taiala lea i filifiliga lelei sili atu ma taunuuga fiafia sili atu. E matua tatau ona tatou olioli ma faafetai atu ia te Ia mo le faaali mai ia i tatou o lenei ala sili atu ona lelei. (“O Le Olioli o le Au Paia,” Liahona, Nov. 2019, 16)

13:12

O Ana poloaiga e le faatiga—ae o le faafeagai. Latou te faasino le ala i le faamalologa, fiafia, filemu, ma le olioli. Ua faamanuiaina i tatou e lo tatou Tama ma lo tatou Togiola i poloaiga, ma o le usitai i a La’ua poloaiga, tatou te lagona atili ai lo La’ua alolofa atoatoa ma le loloto. (“O Le Alofa o le Atua,” Liahona, Nov. 2021, 18)

Sa faapea mai Elder Von G. Keetch o le Fitugafulu:

A tatou faalagolago i le Alii, faatino lo tatou faatuatua, usitai i Ana poloaiga, ma mulimuli i le ala sa Ia faataoto mo i tatou, ona avea atili lea o i tatou ma tagata e finagalo le Alii ia avea ai. …

O le mea lea, o le usiusitai moni, o le tuuina atu o i tatou lava atoa ia te Ia, ma faatagaina o Ia e faataoto lo tatou ala e le gata i le malū o le tai ae faapea foi pe a sou, ma le malamalama e mafai ona Ia faia i tatou ma tagata e sili atu nai lo le mea e mafai ona tatou faia e i tatou lava. (E Manuia ma Fiafia i Latou o E Tausi i Poloaiga a le Atua,” Liahona, Nov. 2015, 117)

Gaoioiga Faaopoopo e Aoao Ai

Puipuiga alofa a le Atua

Ina ia fesoasoani i tagata aoga ia iloa mafuaaga alofa o le Atua mo le tuuina mai o poloaiga, mafaufau e faaali atu “E Manuia ma Fiafia i Latou o E Tausi i Poloaiga a le Atua” (5:41) e sui ai le saunoaga a Elder Christofferson i le lesona. E mafai ona e talanoaina pe faapefea e le malamalama ai i le mafuaaga e tuuina mai ai e le Atua poloaiga ona faafaigofie ai ona mulimuli i ai. E mafai ona e valaaulia tagata aoga e faafesootai pe fefaasinoai le 1 Samuelu 15:13–24 i le Mosaea 2:41. Talanoa i faamanuiaga i le Mosaea 2:41 na semanu e tuuina atu e le Atua ia Saulo pe ana ia tausia poloaiga.

5:41

Ia tumau i le alafua

Atonu e te mafaufau e vaai pe na faapefea ona faaaoga e Peresitene Dieter F. Uchtdorf, o le Au Peresitene Sili, le tala i le Tupu o Saulo i lana savali “O se Mataupu e Na o ni Nai Tikeri” (Liahona, Me 2008). E mafai ona e tusia se ata faigofie i luga o le laupapa o ’aū e lua: o le ’aū e tasi e faatusa i le ala a le Atua ma le tasi ’aū e faatusa i le suiga o le ala a Saulo.

E mafai ona e fesoasoani i tagata aoga ia iloa le ituaiga tagata sa i ai Saulo i le 1 Samuelu 9:2. Ona, a o suesue tagata aoga i le 1 Samuelu 15, valaaulia i latou e vaavaai mo le mea na mafua ai ona se ese Saulo mai le ala. E mafai ona e faafesootai lau talanoaga i le saunoaga a Elder Von G. Keetch o loo maua i le Punaoa Faaopoopo. Fesoasoani i au tagata aoga ia iloa le mea e mafai ona mafua ai ona latou se ese mai le ala ma le mafuaaga ua latou filifili ai e tumau i le alafua. E le gata i lea, fesili atu i tagata aoga pe faapefea ona fesoasoani Iesu Keriso ia i latou e tumau ai i le alafua.

Aoao i lou talavou

Ina ia fesoasoani i tagata aoga e mafaufau i aafiaga mo se taimi umi o a latou filifiliga, mafaufau e valaaulia tagata aoga e faitau le Alema 37:35, saili mo mea na fautuaina e Alema lona atalii o Helamana, e aoao a o talavou o ia.

Aisea e taua ai le aoao e usiusitai i poloaiga uma a le Atua i lou talavou?
E mafai faapefea e se mausa o le usiusitai filifili e faatusa i se mausa o le usiusitai atoatoa i lou talavou ona aafia ai oe i le aluga o taimi?