Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Samuelu 8: Ua Mananao Isaraelu i se Tupu

“1 Samuelu 8: Ua Mananao Isaraelu i se Tupu,’” Tusi Lesona a le Faiaoga Seminare o le Feagaiga Tuai (2026)

“1 Samuelu 8: Ua Mananao Isaraelu i se Tupu,’” Tusi Lesona a le Faiaoga Seminare o le Feagaiga Tuai

1 Samuelu 8–10; 13; 15–16: Lesona 71

1 Samuelu 8

Ua Mananao Isaraelu i se Tupu

Jesus Christ in white robes riding on a white donkey. He is passing through a brick arch into Jerusalem. Numerous people are following Him. Some of which are waving palm leaves and laying cloth on the ground in front of Him.

E pei o le toatele o tagata i aso nei, sa tauivi tagata Isaraelu anamua ma le faaosoosoga ina ia faapei o isi nai lo le usiusitai i le Alii. Mo le tele o tausaga i le laueleele folafolaina, sa taialaina ai e le Alii ia Isaraelu e ala i faamasino e pei o Samuelu. Mulimuli ane i le soifuaga o Samuelu, sa mananao tagata Isaraelu ia i ai se tupu “e pei o atunuu uma” (1 Samuelu 8:5) nai lo le Alii e nofotupu i luga o i latou. E mafai ona fesoasoani lenei lesona i tagata aoga ia malamalama i le taua o le filifili e mulimuli ia Iesu Keriso nai lo faatosinaga faalelalolagi.

Sauniuniga a le tagata aoga: Valaaulia tagata aoga e fai se lisi o soo se uunaiga taufaamalosi a tupulaga latou te feagai i le le usitai i tulaga faatonuina ma poloaiga a le Alii. Valaaulia tagata aoga e mafaufau loloto i le eseesega o le a faia i o latou olaga e mulimuli ai ia Iesu Keriso nai lo le gauai atu i na uunaiga.

Gaoioiga e ono Mafai Ona Aoao Ai

Faia o faaiuga

Ina ia fesoasoani i tagata aoga e mafaufau po o a mea e aafia ai a latou faaiuga, mafaufau e tusi le faamatalaga lenei i luga o le laupapa. E mafai e tagata aoga ona faamae’a le faamatalaga ma tali atu i fesili o loo i ai faatasi o se vasega po o ni vaega toalaiti.

O nisi talavou e mananao e fai auā “o loo faia e isi tagata uma.”

O a ni luitau e ono oo i se talavou pe afai o le mafuaaga lena e ala ai ona faia o ni mea?
E mafai faapefea e lena mafuaaga mo le faia o ni mea ona aafia ai la latou sootaga ma le Tama Faalelagi ma Iesu Keriso?

Tuu atu i tagata aoga se avanoa e toe mafaufau ai i le auala e ono aafia ai o latou olaga e uunaiga taufaamalosi a tupulaga. O se tasi o auala e faia ai lenei mea o le tuu atu lea i tagata aoga o faatonuga nei ma faaali atu le fuafaatatau.

Mafaufau po o a ni mea e aafia ai faaiuga e te faia i lou olaga. Tusi le fuafatatau lenei i lau api talaaga mo suesuega. Tusi se tamai ata faafasilaau o oe lava ia e faatusa i le mea o le a e tuuina ai oe lava i luga o le fuafaatatau.

Ina ia fesoasoani i tagata aoga ia iloa mea e ono aafia ai ni faaiuga patino i o latou olaga, e mafai ona latou tuuina mai pe e mafai foi ona e tuuina mai ni faataitaiga o faaiuga o loo latou feagai. O faataitaiga e ono i ai e aofia ai le auala e fai ai o latou lavalava, faafiafiaga ma filifiliga o ala o faasalalauga, ma le auala latou te faaalu ai o latou taimi. E mafai ona e faasoa atu taitasi nei faataitaiga ma valaaulia tagata aoga e tusi nisi ata faafasilaau i luga o le fuafaatatau mo faataitaiga taitasi.

Valaaulia tagata aoga e saili le uunaiga a le Agaga Paia a o latou mafaufau loloto i a latou lava faaiuga a o suesue ai i le 1 Samuelu 8.

O se tupu “e pei o atunuu uma”

Mo le tele o tausaga i le laueleele folafolaina, sa taialaina ai e le Alii ia Isaraelu e ala i faamasino e pei o Samuelu. A o faasolo ina matua Samuelu, na ō atu toeaina o Isaraelu iā te ia ma se talosaga.

Faitau le 1 Samuelu 8:4–7, vaavaai pe na ono faapefea ona faamaeaina e le fanauga a Isaraelu le faamatalaga mai le amataga o le lesona.

O le a le mea na mananao i ai le fanauga a Isaraelu?
Aisea e te manatu ai o a latou mafuaaga o le mananao ai i se tupu o le a le fiafia ai Samuelu?

Atonu e foliga mai e faateia le fetalai atu o le Alii ia Samuelu e faalogo i filifiliga le lelei a lona nuu (tagai fuaiupu 7). E faamamalu e le Tama Faalelagi le faitalia ma o le a le faamalosia i tatou e filifili le mea tonu. Ae, a o lei faia e le fanauga a Isaraelu la latou faaiuga mulimuli, sa lava le alofa o le Alii ia i latou e lapataia ai i latou e ala mai ia Samuelu e uiga i taunuuga o a latou filifiliga (tagai 1 Samuelu 8:9).

O se tasi o auala e mafai ona e fesoasoani ai i tagata aoga ia iloa le auala o loo faapupula ai e tusitusiga paia upumoni o le talalelei o le tusia lea o se upumoni i luga o le laupapa. Ona tuu atu lea i tagata aoga e suesue se fuaitau o mau, ma vaavaai mo faamaoniga o lena upumoni.

Mafaufau e faʻaali atu lenei upumoni i luga o le laupapa. E mafai e tagata aoga ona faitau ma se paga ia fuaiupu o loo tuuina faatasi atu ai , ma taofi pe a uma fuaiupu e lua taitasi e talanoa i mea na latou maua.

O le filifili e mulimuli i le lalolagi nai lo apoapoaiga alofa a le Alii o le a taitai atu ai i mafatiaga ma faanoanoaga.

A o e suesue i le 1 Samuelu 8:10–18, vaavaai mo upu po o fasifuaitau e fesoasoani e aoao atu ai lenei upumoni.

A o tali e tagata aoga fesili nei, faamanatu atu ia i latou e aua nei faasoa atu ni igoa po o ni faamatalaga patino e uiga i tagata taitoatasi latou te iloa patino. E mafai ona maua faataitaiga mai o latou olaga, olaga o isi, po o tala i tusitusiga paia po o le talafaasolopito o le Ekalesia.

O a ni faataitaiga ua e vaaia pe a filifili e mulimuli i le lalolagi e taitai atu ai i mafatiaga po o le faanoanoa?
Na faapefea ona e vaaia le filifili e mulimuli i le Tama Faalelagi ma Iesu Keriso e taitai atu ai i le olioli ma se sootaga malosi atu ma i La’ua?

Filifilia o le Alii nai lo uunaiga faalelalolagi

O le gaoioiga lenei e mafai ona fesoasoani i tagata aoga e iloa ai apoapoaiga ua tuuina mai e le Alii e puipuia ai i latou mai le gauai atu i faaosoosoga atonu latou te lagona le uunaia faifaamalosi e fai pe talitonu i ai. E mafai ona e fai atu i tagata aoga e galulue i ni vaega toalaiti e faamaea laasaga 1 ma le 2. Ona mafai lea ona faamaea le laasaga 3 e i latou lava.

Faaali atu faatonuga nei.

Filifili se mea e ono lagona e tagata talavou o le Ekalesia o loo siomia oe le uunaia faifaamalosi e fai pe talitonu i ai.
Faaaoga tusitusiga paia, fesoasoaniga mo le suesueina o tusitusiga paia, Mo Le Malosi o le Autalavou: O Se Taiala mo le Faia o Filifiliga, po o le polokalama o le Potutusi o le Talalelei e tali ai fesili nei e uiga i le uunaiga faifaamalosi na e filifilia:
1. O le a le apoapoaiga ua tuuina mai e le Alii ia i tatou e uiga i lenei mea?
2. O a faamanuiaga ua folafola mai e le Alii i tagata o e filifilia o Ia nai lo faatosinaga faalelalolagi?
Mafaufau i mea ua e talitonu i ai e uiga i le Tama Faalelagi ma Iesu Keriso. Tusi ni fuaiupu se lua e uiga i le auala e mafai ai e lenei malamalama ona fesoasoani ia te oe e mulimuli ai ia i La’ua nai lo uunaiga faalelalolagi.

A maea ua lava se taimi, tuu atu i tagata aoga se avanoa e faasoa atu ai i isi mea na latou aoaoina mai a latou suesuega.

Faataitai le malamalama ai

Ua mamanuina lenei vaega ina ia tuu atu ai i tagata aoga se avanoa e faaalia ai lo latou malamalama i mea ua latou aoaoina i le aso.

Faitau le 1 Samuelu 8:19–22, vaavaai mo le auala na tali atu ai Isaraelu i lapataiga a le Alii e uiga i lo latou manao ia fai se tupu.

Mai mea ua e aoaoina i le asō, o le a se mea e te manao e ta’u atu i tagata Isaraelu ae latou te lei faia la latou filifiliga mulimuli?

O le a fesoasoani mo lesona i le lumanai mo tagata aoga le iloaina na faamamaluina e le Alii le faitalia a tagata Isaraelu ma faatonuina Samuelu e valaau atu ia Saulo e avea ma Tupu o Isaraelu (tagai 1 Samuelu 9–10).

O Punaoa Faaopoopo

E mafai faapefea ona tatou faatoilaloina uunaiga faifaamalosi ma leo o le lalolagi?

Na faamatala mai e Peresitene Russell M. Nelson:

5:49

O leo ma uunaigafaifaamalosi a le lalolagi ua matua malolosi ma anoanoai. Ae ua tele na’ua leo e taufaasese, faatosina, ma mafai ona tosoesea i tatou mai le ala o feagaiga. Ina ia aloese mai le lotonutimomomo lē maalofia e mulimuli mai ai, ou te aioi atu ia te outou i le asō ia faafetaia’ia mailei a le lalolagi e ala i le faaavanoa o se taimi mo le Alii i lou olaga—i aso taitasi ma aso uma. (“Faaavanoa se Taimi mo le Alii,” Liahona, Nov. 2021, 120)

Ua aoao mai leMo Le Malosi o le Autalavou: O Se Taiala mo le Faia o Filifiliga :

E silafia e le [Tama Faalelagi] e mafai ona e faia se eseesega i le lalolagi, ma e manaomia ai, i le tele o tulaga, le ese mai le lalolagi. Saili le taitaiga a lou Tama Faalelagi a o e faia filifiliga. O le a Ia faamanuia oe i musumusuga e ala mai i le Agaga Paia. (“Mo Le Malosi o le Autalavou: O Se Taiala mo le Faia o Filifiliga” [2022], 4)

O a ni taunuuga o le le amanaiaina o apoapoaiga a le Alii?

Na aoao mai Elder Dieter F. Uchtdorf o le Korama a Aposetolo e Toasefululua:

E faamanatu soo mai e le Tusi a Mamona ia i tatou ia taunuuga o le gauai atu i lo tatou natura faaletino nai lo o le mulimuli i lo tatou Faaola. A tatou faia lea mea, o a tatou amioga e mautinoa lava e taitai atu ai i le lē fiafia, nofopologa, mafatiaga, ma le faanoanoa.

Ua tuuina mai e le Atua ia i tatou le meaalofa taua o le saoloto e filifili pe faapefea ona tatou mafaufau ma le ala tatou te amio ai. E mafai ona tatou teena afioga a le Atua po o Ana perofeta. Atonu foi tatou te manatu o la tatou auala ua sili atu lea. Atonu e foliga logomalie lenei mea ia i tatou—ae maise ai i le amataga. Atonu foi e i ai se lagona lelei mo se taimi. Ae e lē mafai lava ona tatou sao mai taunuuga o a tatou faaiuga. (“Aloese mai Molioleava ma Saili mo le Malamalama,” Mo Le Malosi o le Autalavou, Iuni 2022, 5)

Aisea na fetalai atu ai le Alii ia Samuelu e faalogo i tagata ma tuu atu ia i latou se tupu?

Na faamalamalama mai e Peresitene Ezra Taft Benson (1899–1994):

“O nisi taimi e faamatuu mai ai e [le Atua] mo se taimi le tumau i tagata a latou talosaga lē faautauta ina ia mafai ai ona latou aoao mai o latou lava aafiaga faanoanoa. E ta’u e nisi lea mea o le “mataupu faavae a Samuelu.” …

O nisi taimi ia tatou taumafaiga e faataitai i le lalolagi, ma ese mai i fautuaga a le perofeta, tatou te mulimuli ai i manatu sese faaleaoaoga, faaupufai, musika, ma lavalava o le lalolagi. E pulea e tulaga faatonuina fou faalelalolagi, e faifai malie ona tulai mai se faaletonu, ma iu ai, pe a mavae se mafatiaga tele, ina tulai mai ni tagata lotomaulalo ua saunia e toe aoao i le tulafono maualuga. (“Jesus Christ—Gifts and Expectations,” New Era, May 1975, 17–18)

Gaoioiga Faaopoopo e Aoao Ai

1 Samuelu 8:20: O mea e faia e Iesu Keriso mo i tatou

E mafai ona fesoasoani mo tagata aoga le iloa o le auala ua uma ona faia ai e le Alii mo i tatou le mea sa faamoemoe tagata Isaraelu o le a faia e lo latou tupu fou mo i latou i le 1 Samuelu 8:20. E mafai ona e tusia ni ulutala se tolu i luga o le laupapa: O Iesu Keriso o lo tatou Faamasino, E taitai i tatou e Iesu Keriso, ma E tau e Iesu Keriso a tatou taua. Ona mafai lea e tagata aoga ona filifili se tasi o ulutala ma faailoa mai mau pe faasoa mai ni aafiaga patino e lagolago ai.

Afai e manaomia e tagata aoga se fesoasoani, e mafai ona e tuuina atu nisi o mau o loo i lalo.

O Iesu Keriso o lo tatou Faamasino: Isaia 33:22; Mataupu Faavae ma Feagaiga 64:10–11

E taitai i tatou e Iesu Keriso: Esoto 13:18; Isaia 48:17; Alema 36:28

Ua tau e Iesu Keriso a tatou taua: Iosua 23:10; 2 Nofoaiga a Tupu 20:15; Mataupu Faavae ma Feagaiga 105:14

1 Samuelu 9: O lo tatou faasinomaga paia

E mafai e tagata aoga ona lagona le taua o lo latou faasinomaga o ni fanau a le Atua e ala i le faatusatusa o lagona o Saulo e uiga ia te ia lava ma le auala na silasila ai le Alii ia te ia. Ina ia faia lenei mea, e mafai e tagata aoga ona faitau le 1 Samuelu 9:21 e vaai po o a ni lagona o Saulo e uiga ia te ia lava ina ua valaauina o ia e Samuelu e avea ma tupu o Isaraelu. Valaaulia tagata aoga e faitau le 1 Samuelu 9:2 ma faailoa mai fasifuaitau e ono faailoa mai ai le vaaiga a le Alii ia Saulo.

Mafaufau e tuu atu i tagata aoga ni nai minute e mafaufau loloto ai pe faapefea ona ese a latou vaaiga ia i latou lava nai lo le vaaiga a lo latou Tama Faalelagi ma le Faaola ia i latou. Ina ia faia lenei mea, e mafai e tagata aoga ona tusi a latou tali i mea nei:

E mafai faapefea e le vaai ia te a’u lava ia mai se vaaiga e faavavau ona fesoasoani ou te vaai ai i lo’u paia o se atalii/afafine o le Atua?

E le gata i lea, e mafai ona e matamata i le “It Works Wonderfully” mai le faailo taimi 12:25 i le 14:48. Valaaulia tagata aoga e faamaumau soo se uunaiga e oo mai ia i latou a o latou faalogologo ia Peresitene Dieter F. Uchtdorf, a’o avea o se tasi o le Au Peresitene Sili.

17:56

1 Samuelu 9: O le tagatavaai a Samuelu

Atonu e aoga i tagata aoga le aoao atili e uiga i le tagatavaai faaperofeta e ala i le vaai i le auala na faaaoga ai e le Alii Lana tagatavaai, o Samuelu, i le valaauina o Saulo e avea ma tupu o Isaraelu. Faamalamalama atu na auina atu e le tama o Saulo, o Kiso, ia Saulo ma se auauna e sue ana manu na leiloloa. Ina ua le manuia le sailiga o i latou, sa fautuaina i latou e le auauna e asiasi atu ia Samuelu, “le tagatavaai” ma le “tagata o le Atua” (1 Samuelu 9:8–11), mo se fesoasoani. Atonu e te manao e faamanatu i tagata aoga e faapea, o le Au Peresitene Sili ma le Korama a Aposetolo e Toasefululua e lagolagoina o ni perofeta, tagatavaai ma talifaaaliga.

E mafai e tagata aoga ona faitau le 1 Samuelu 9:14–24, ma vaavaai mo faamaoniga o le matafaioi a Samuelu o le tagatavaai a le Alii. Ona mafai lea e tagata aoga ona talanoa i auala e auauna atu ai perofeta ma aposetolo o ni tagatavaai i o tatou aso.

Taunuuga o a tatou filifiliga

Mafaufau e faaali atu se tasi o vitio nei e fesoasoani ai i tagata aoga ia malamalama i taunuuga e mafua mai i le mulimuli i uunaiga faalelalolagi po o le mulimuli i le Alii. E mafai ona faaaoga pe a maea le gaoioiga a tagata aoga i le vaega “Filifilia o le Alii nai lo uunaiga faalelalolagi” o le lesona.

“Leave the Party” (6:26). E mafai e tagata aoga ona faailoa mai le eseesega i taunuuga na maua e nei tagata talavou e faavae i luga o lē na latou filifili e mulimuli i ai.

“Life’s Lessons Learned,” mai le faailo taimi 6:15 i le 8:00. O Elder Joseph B. Wirthlin (1917–2008) o le Korama a Aposetolo e Toasefululua na faasoa mai e uiga i se filifiliga na ia faia ma taunuuga na ia aloese mai ai ona o lena filifiliga.

13:1

E mafai e tagata aoga ona talanoa i taunuuga na ono feagai ma Elder Wirthlin pe ana faapea na ia faia se faaiuga ese.