Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

1 Samuela 8: Ko e Fiemaʻu ʻe ʻIsileli ha Tuʻí

“1 Samuela 8: Ko e Fiemaʻu ʻe ʻIsileli ha Tuʻí,’” Fuakava Motuʻá – Tohi Lēsoni ʻa e Faiako Seminelí (2026)

“1 Samuela 8: Ko e Fiemaʻu ʻe ʻIsileli ha Tuʻí,’” Fuakava Motuʻá – Tohi Lēsoni ʻa e Faiako Seminelí

1 Samuela 8–10; 13; 15–16: Lēsoni 71

1 Samuela 8

Ko e Fiemaʻu ʻe ʻIsileli ha Tuʻí

Jesus Christ in white robes riding on a white donkey. He is passing through a brick arch into Jerusalem. Numerous people are following Him. Some of which are waving palm leaves and laying cloth on the ground in front of Him.

Hangē ko e kakai tokolahi ʻi he ʻahó ni, naʻe fefaʻuhi ʻa e kau ʻIsileli ʻo e kuonga muʻá mo e ʻahiʻahi ke kau fakataha mo e niʻihi kehé kae ʻikai ko e talangofua ki he ʻEikí. ʻI ha ngaahi taʻu lahi ʻi he fonua ʻo e talaʻofá, naʻe tataki ʻe he ʻEikí ʻa ʻIsileli ʻo fakafou ʻi ha kau fakamaau hangē ko Samuelá. Kimui ange ʻi he moʻui ʻa Samuelá, naʻe loto ʻa e kakai ʻIsilelí ke maʻu ha tuʻi “ʻo hangē ko e ngaahi puleʻanga kotoa pē” (1 Samuela 8:5) kae ʻikai ko e ʻEikí ke puleʻi kinautolu. ʻE lava ke tokoni ʻa e lēsoni ko ʻení ke mahino ki he kau akó ʻa e mahuʻinga ʻo e fili ke muimui ʻia Sīsū Kalaisí kae ʻikai ko e ngaahi ivi tākiekina fakamāmaní.

Teuteu ʻa e tokotaha akó: Fakaafeʻi e kau akó ke nau hiki ha lisi ʻo ha ngaahi mālohi fakatoʻu ʻoku nau fehangahangai mo ia ʻi he talangataʻa ki he ngaahi tuʻunga moʻui mo e ngaahi fekau ʻa e ʻEikí. Fakaafeʻi e kau akó ke fakalaulauloto ki he faikehekehe ʻe hoko ʻi heʻenau moʻuí ke muimui ʻia Sīsū Kalaisi kae ʻikai tukulolo ki he ngaahi faingataʻa ko iá.

Ngaahi ʻEkitivitī Ako ʻOku Ala Fakahokó

Fai tuʻutuʻuní

Ke tokoni ke fakakaukau ʻa e kau akó ki he meʻa ʻokú ne tākiekina ʻenau ngaahi filí, fakakaukau ke hiki ʻa e fakamatala ko ʻení ʻi he palakipoé. ʻE lava ke fakakakato ʻe he kau akó ʻa e fakamatalá pea tali fakakalasi pe ʻi ha fanga kiʻi kulupu iiki ʻa e ngaahi fehuʻi ʻoku ʻoatu fakataha mo iá.

ʻOku fiemaʻu ʻe ha toʻu tupu ʻe niʻihi ke koeʻuhí “ʻoku fai ia ʻe he taha kotoa.”

Ko e hā ha ngaahi faingataʻa ʻe ala aʻusia ʻe ha taha taʻu hongofulu tupu kapau ko ʻenau ʻuhinga ia ki hono fai ʻo e ngaahi meʻá?
ʻE uesia fēfē ʻe he ʻuhinga ko ia hono fai ʻo e ngaahi meʻá honau vā fetuʻutaki mo e Tamai Hēvaní mo Sīsū Kalaisí?

ʻOange ha faingamālie ki he kau akó ke nau fakakaukau ki he founga ʻe ala tākiekina ai ʻe he mālohi fakatoʻú ʻenau moʻuí. Ko e founga ʻe taha ke fai ai ʻení ko hono ʻoange ki he kau akó ʻa e ngaahi fakahinohino ko ʻení pea fakaʻaliʻali ʻa e meʻafuá.

Fakakaukau ki he meʻa ʻokú ne tākiekina e ngaahi fili ʻokú ke fai ʻi hoʻo moʻuí. Tā ‘a e meʻafua ʻi laló ki hoʻo tohinoa akó. Tā ha kiʻi fakatātā faingofua ʻo koe ʻokú ne fakafofongaʻi ʻa e feituʻu te ke tuʻu ai ʻi he meʻafuá.

Ke tokoni ke ʻiloʻi ʻe he kau akó ʻa e meʻa te ne ala tākiekina ha ngaahi fili pau ʻi heʻenau moʻuí, te nau lava pe ko koe ʻo ʻomi ha ngaahi sīpinga ʻo e ngaahi fili ʻoku nau fehangahangai mo iá. ʻE lava ke kau ʻi he ngaahi sīpingá ʻa e founga ʻo ʻenau teuteú, ngaahi fili ki he fakafiefiá mo e mītiá, mo e anga ʻo ʻenau fakaʻaongaʻi honau taimí. Te ke lava ʻo vahevahe taha taha ʻa e ngaahi sīpinga ko ʻení pea fakaafeʻi e kau akó ke nau tā ha ngaahi fakatātā faingofua kehe ʻi he meʻafuá ki he sīpinga takitaha.

Fakaafeʻi e kau akó ke nau fekumi ki he ivi tākiekina ʻo e Laumālie Māʻoniʻoní ʻi heʻenau fakalaulauloto ki heʻenau ngaahi filí lolotonga ʻenau ako e 1 Samuela 8.

Ko ha tuʻi “hangē ko e ngaahi puleʻanga kotoa pē”

ʻI ha ngaahi taʻu lahi ʻi he fonua ʻo e talaʻofá, naʻe tataki ʻe he ʻEikí ʻa e kau ʻIsilelí ʻo fakafou ʻi ha kau fakamaau hangē ko Samuelá. ʻI he fakaʻau ke matuʻotuʻa ange ʻa Samuelá, naʻe haʻu e kaumātuʻa ʻo ʻIsilelí kiate ia mo ha kole.

Lau ʻa e 1 Samuela 8:4–7, ʻo kumi e founga naʻe mei fakaʻosi ʻaki ʻe he fānau ʻo ʻIsilelí ʻa e fakamatala mei he kamataʻanga ʻo e lēsoní.

Ko e hā e meʻa naʻe fiemaʻu ʻe he fānau ʻo ʻIsilelí?
ʻOkú ke pehē ko e hā e ʻuhinga ʻe fakatupu loto-mamahi kia Samuela ʻenau ngaahi ʻuhinga ki heʻenau fiemaʻu ha tuʻí?

Mahalo ʻe ngali fakaʻohovale e folofola ʻa e ʻEikí kia Samuela ke fanongo ki he fili taʻe fakapotopoto ʻa hono kakaí (vakai, veesi 7). ʻOku fakaʻapaʻapaʻi ʻe he Tamai Hēvaní ʻa e tauʻatāina ke filí pea he ʻikai ke Ne fakamālohiʻi kitautolu ke tau fili ki he totonú. Ka kimuʻa pea fai ʻe he kakai ʻIsilelí ʻenau fili fakaʻosí, naʻe feʻunga e ʻofa ʻa e ʻEikí kiate kinautolú ke fakatokanga kiate kinautolu ʻo fakafou ʻia Samuela ʻa e ngaahi nunuʻa ʻo ʻenau filí (vakai, 1 Samuela 8:9).

Ko e founga ʻe taha te ke lava ai ʻo tokoni ke ʻilo ʻe he kau akó ʻa e founga ʻoku fakatātaaʻi ai ʻe he folofolá ʻa e ngaahi moʻoni ʻo e ongoongoleleí ko hono hiki ha foʻi moʻoni ʻi he palakipoé. Hili iá pea tuku ke kumi ʻe he kau akó ha potufolofola, ko ha fakamoʻoni ʻo e foʻi moʻoni ko iá.

Fakakaukau ke fakaʻaliʻali ʻa e moʻoni ko ʻení ʻi he palakipoé. ʻE lava ke lau ʻe he kau akó ʻa e ngaahi veesi ko ʻení mo haʻanau hoa, pea kiʻi taʻofi ʻi he ʻosi ha ngaahi veesi ʻe niʻihi ke aleaʻi ʻa e meʻa ʻoku nau maʻú.

ʻE iku ʻa e fili ke muimui ki he māmaní kae ʻikai ko e faleʻi ʻofa ʻa e ʻEikí ki he faingataʻaʻiá mo e fakaʻiseʻisá.

ʻI hoʻo ako ʻa e 1 Samuela 8:10–18, kumi ha ngaahi foʻi lea pe kupuʻi lea ʻoku tokoni ke akoʻi ʻa e foʻi moʻoni ko ʻení.

ʻI hono tali ʻe he kau akó ʻa e ngaahi fehuʻi ko ʻení, fakamanatu ange ke ʻoua te nau vahevahe ha ngaahi hingoa pe fakaikiiki pau fekauʻaki mo e niʻihi fakafoʻituitui ʻoku nau ʻiloʻi fakatāutahá. ʻE lava ke maʻu ha ngaahi sīpinga mei heʻenau moʻuí, moʻui ʻa e niʻihi kehé, pe mei he ngaahi fakamatala ʻi he folofolá pe hisitōlia ʻo e Siasí.

Ko e hā ha ngaahi sīpinga kuó ke mamata ai ʻi he taimi kuo iku ai ʻa e fili ke muimui ʻi he māmaní ki he faingataʻaʻiá pe fakaʻiseʻisá?
Kuó ke mamata fēfē ki he iku ʻa e fili ke muimui ki he Tamai Hēvaní mo Sīsū Kalaisí ki he fiefiá mo ha vā fetuʻutaki mālohi ange mo Kinaua?

Ko hono fili ʻo e ʻEikí kae ʻikai ko e ngaahi teke fakamāmaní

ʻE lava ke tokoni ʻa e ʻekitivitī ko ʻení ke ʻiloʻi ʻe he kau akó ʻa e faleʻi kuo fai ʻe he ʻEikí ke maluʻi kinautolu mei he tukulolo ki he ngaahi ʻahiʻahi te nau ongoʻi ʻoku fakamālohiʻi kinautolu ke nau fai pe tui ki aí. Te ke lava ʻo ʻai ke ngāue ʻa e kau akó ʻi ha fanga kiʻi kulupu iiki ke fakakakato ʻa e sitepu 1 mo e 2. Hili iá te nau lava ʻo fakakakato ʻa e sitepu 3 ʻiate kinautolu pē.

Fakaʻaliʻali e ngaahi fakahinohino ko ʻení.

Fili ha meʻa ʻe ala ongoʻi ʻe he kāingalotu taʻu hongofulu tupu ʻo e Siasí ʻoku mou feohí ʻoku teke kinautolu ke nau fai pe tui ki ai.
Fakaʻaongaʻi ʻa e folofolá, ngaahi tokoni ki he ako folofolá, Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí, pe ko e app Gospel Library ke tali e ongo fehuʻi ko ʻení fekauʻaki mo e teke mālohi naʻá ke filí:
1. Ko e hā ha faleʻi kuo fai mai ʻe he ʻEikí fekauʻaki mo e meʻá ni?
2. Ko e hā ha ngaahi tāpuaki kuo talaʻofa ʻe he ʻEikí ki he kakai ʻoku nau fili Ia kae ʻikai ko e ngaahi ivi tākiekina fakamāmani?
Fakakaukau ki he meʻa ʻokú ke tui ki ai fekauʻaki mo e Tamai Hēvaní mo Sīsū Kalaisí. Hiki ha ngaahi sētesi fekauʻaki mo e founga ʻe lava ke tokoniʻi ai koe ʻe he ʻilo ko ʻení ke ke muimui kiate Kinaua kae ʻikai ko e ngaahi teke ʻa e māmaní.

Hili ha taimi feʻunga, ʻoange ki he kau akó ha faingamālie ke vahevahe mo e niʻihi kehé ʻa e meʻa ne nau ako mei heʻenau akó.

Fakahaaʻi ʻa e mahinó

ʻOku fakataumuʻa ʻa e konga ko ʻení ke ʻoange ki he kau akó ha faingamālie ke fakahaaʻi ai ʻenau mahino ki he meʻa kuo nau ako ʻi he ʻaho ní.

Lau ʻa e 1 Samuela 8:19–22, ʻo kumi ki he tali ʻa ʻIsileli ki he ngaahi fakatokanga ʻa e ʻEikí fekauʻaki mo ʻenau holi ke maʻu ha tuʻí.

Mei he meʻa kuó ke ako ʻi he ʻaho ní, ko e hā ha meʻa te ke fie fakahā ki he kakai ʻIsilelí kimuʻa pea nau toki fai ʻenau fili fakaʻosí?

ʻE tokoni ki he ngaahi lēsoni ʻi he kahaʻú ke ʻilo ʻe he kau akó naʻe fakaʻapaʻapaʻi ʻe he ʻEikí ʻa e tauʻatāina ke fili ʻa e kakai ʻIsilelí pea fakahinohinoʻi ʻa Samuela ke ui ʻa Saula ko e Tuʻi ʻo ʻIsilelí (vakai, 1 Samuela 9–10).

Ngaahi Maʻuʻanga Tokoni Kehé

Te tau ikunaʻi fēfē nai ʻa e ngaahi teke mo e leʻo ʻo e māmaní?

Naʻe fakamatalaʻi ʻe Palesiteni Lāsolo M. Nalesoni ʻo pehē:

5:49

ʻOku vivili mo taʻe-faʻalaua ʻa e ngaahi leʻo mo e mālohi ʻo e māmaní. Ka ʻoku lahi fau ha ngaahi leʻo ʻoku kākā, olopoto, mo lava ke fusi kitautolu mei he hala ʻo e fuakavá. Ke hao mei he loto-mamahi mahino ʻoku muiaki maí, ʻoku ou kōlenga atu ʻi he ʻahó ni ke mou fakafepakiʻi ʻa e fakatauele ʻa e māmaní ʻaki hano fokotuʻu ha taimi moʻó e ʻEikí ʻi hoʻomou moʻuí—ʻi he ʻaho kotoa pē. (“Fokotuʻu ha Taimi moʻó e ʻEikí,” Liahona, Nōvema 2021, 120)

ʻOku akoʻi ʻi he Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí:

ʻOku ʻafioʻi [ʻe he Tamai Hēvaní] te mou lava ʻo fai ha liliu ʻi he māmaní, pea ʻoku fiemaʻu ia, ʻi ha ngaahi meʻa lahi, ʻa ia ko e hoko ʻo kehe mei he māmaní. Fekumi ki he fakahinohino hoʻomou Tamai Hēvaní ʻi hoʻomou fakahoko ha ngaahi filí. Te Ne tāpuakiʻi kimoutolu ʻaki ha ueʻi fakalangi ʻo fakafou ʻi he Laumālie Māʻoniʻoní. (“Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí” [2022], 4)

Ko e hā ha ngaahi nunuʻa ʻo e taʻe-tokanga ki he faleʻi ʻa e ʻEikí?

Naʻe akonaki ʻa ʻEletā Tieta F. ʻUkitofa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku toutou fakamanatu mai ʻe he Tohi ʻa Molomoná kiate kitautolu ʻa e ngaahi nunuʻa ʻo e tukulolo ki hotau natula fakakakanó ʻi heʻetau muimui ki hotau Fakamoʻuí. ʻI heʻetau fakahoko iá, ʻoku iku leva ʻetau tōʻongá ki he siva ʻa e ʻamanakí, nofo pōpulá, faingataʻaʻiá, mo e fakaʻiseʻisá.

Kuo foaki mai ʻe he ʻOtuá ʻa e meʻaʻofa mahuʻinga ʻo e tauʻatāina ke fili ʻa e anga ʻo ʻetau fakakaukaú mo e anga ʻetau tōʻongá. Te tau lava ʻo fakafisingaʻi e ngaahi folofola ʻa e ʻOtuá pe ko ʻEne kau palōfitá. Mahalo te tau fakakaukau ʻoku lelei ange ʻetau foungá. Mahalo ʻe ngali fakaʻofoʻofa ʻeni kiate kitautolu—ʻi he kamataʻangá pē. Mahalo ʻe ngali lelei ia ʻi ha kiʻi taimi. Ka he ʻikai ke tau teitei lava ʻo hao mei he ngaahi nunuʻa ʻo ʻetau ngaahi filí. (“Fakaʻehiʻehi mei he Ngaahi Fale Maama-kamó pea Fekumi ki he Māmá,” Ki Hono Fakamālohia ʻo e Toʻu Tupú, Sune 2022, 5)

Ko e hā e ʻuhinga naʻe folofola ai ʻa e ʻEikí kia Samuela ke fakafanongo ki he kakaí pea ʻoange kiate kinautolu ha tuʻí?

Naʻe fakamatala ʻa Palesiteni ʻEselā Tafu Penisoni (1899–1994) ʻo pehē:

ʻOku faʻa foaki fakataimi ʻe he [ʻOtuá] he taimi ʻe niʻihi ki he tangatá ʻenau ngaahi kole taʻe-fakapotopotó kae lava ke nau ako mei heʻenau ngaahi aʻusia fakamamahí. ʻOku ui ʻeni ʻe ha niʻihi ko e “tefitoʻi moʻoni ʻa Samuelá.” …

ʻI he taimi ʻe niʻihi ʻi heʻetau feinga ke fakatōliʻa ʻa e māmaní, pea fehangahangai mo e faleʻi ʻa e palōfitá, ʻoku tau tulifua ai ki he ngaahi fakakaukau loi ʻa e māmaní fekauʻaki mo e akó, politikalé, fakamūsiká, mo e teungá. ʻI he pule ʻa e ngaahi tuʻunga moʻui foʻou ʻo e māmaní, ʻoku hoko leva ha motuhia māmālie, pea fakaʻosí, hili ha ngaahi faingataʻaʻia lahi, ʻoku mateuteu leva ha kakai loto-fakatōkilalo ke toe akoʻi kinautolu ki ha fono māʻolunga ange. (“Jesus Christ—Gifts and Expectations,” New Era, May 1975, 17–18)

Ngaahi ʻEkitivitī Fakalahi ki he Akó

1 Samuela 8:20: Ko e meʻa ʻoku fai ʻe Sīsū Kalaisi maʻatautolú

ʻE ala tokoni ke ʻiloʻi ʻe he kau akó ʻa e founga kuo ʻosi fai ʻe he ʻEikí maʻatautolu ʻa e meʻa naʻe ʻamanaki ʻa e kau ʻIsilelí ʻe fai ʻe honau tuʻi foʻoú maʻanautolu ʻi he 1 Samuela 8:20. Te ke lava ʻo hiki ha ʻuluʻi tohi ʻe tolu ʻi he palakipoé: Ko Sīsū Kalaisi hotau Fakamāú, ʻOku tataki kitautolu ʻe Sīsū Kalaisi, mo e ʻOku tau kau mo Sīsū Kalaisi ʻi hotau ngaahi faingataʻaʻiá. Hili iá ʻe lava ke fili ʻe he kau akó ha taha ʻo e ngaahi ʻuluʻi tohí pea feinga ke ʻiloʻi ha ngaahi potufolofola pe vahevahe ha ngaahi aʻusia fakataautaha ʻokú ne poupouʻi ia.

Kapau ʻoku fiemaʻu tokoni e kau akó, te ke lava ʻo ʻoange ha niʻihi ʻo e ngaahi potufolofola ʻi laló:

Ko Sīsū Kalaisi hotau Fakamāú: ʻĪsaia 33:22; Tokāteline mo e Ngaahi Fuakava 64:10–11

ʻOku tataki kitautolu ʻe Sīsū Kalaisi: ʻEkesōtosi 13:18; ʻĪsaia 48:17; ʻAlamā 36:28

ʻOku tau kau mo Sīsū Kalaisi ʻi hotau ngaahi faingataʻaʻiá: Sosiua 23:10; 2 Fakamatala Meʻa Hokohoko 20:15; Tokāteline mo e Ngaahi Fuakava 105:14

1 Samuela 9: Ko hotau tuʻunga fakalangí

ʻE lava ke ongoʻi ʻe he kau akó ʻa e mahuʻinga honau tuʻunga ko e fānau ʻa e ʻOtuá ʻaki hono fakafehoanaki e ngaahi ongo ʻa Saula fekauʻaki mo iá ki he anga e ʻafio ʻa e ʻEikí kiate iá. Ke fai ʻení, ʻe lava ke lau ʻe he kau akó ʻa e 1 Samuela 9:21 ke ʻiloʻi ʻa e ongo naʻe maʻu ʻe Saula fekauʻaki mo ia ʻi he taimi naʻe ui ai ia ʻe Samuela ke hoko ko e tuʻi ʻo ʻIsilelí. Fakaafeʻi e kau akó ke nau lau ʻa e 1 Samuela 9:2 pea feinga ke ʻiloʻi ʻa e ngaahi kupuʻi lea ʻoku nau fakahaaʻi ʻa e anga e ʻafio ʻa e ʻEikí kia Saulá.

Fakakaukau ke ʻoange ki he kau akó ha ngaahi miniti siʻi ke nau fakalaulauloto ki he founga ʻe kehe ai ʻenau vakai kiate kinautolú mei he anga ʻo e ʻafio ʻa ʻenau Tamai Hēvaní mo e Fakamoʻuí kiate kinautolú. Ke fai ʻení, ʻe lava ke hiki ʻe he kau akó ʻenau tali ki he ngaahi meʻá ni:

ʻE tokoniʻi fēfē nai au ʻe heʻeku vakai kiate au mei ha fakakaukau ʻoku taʻengatá ke u vakai ai ki hoku tuʻunga faka-ʻOtuá ʻi heʻeku hoko ko ha fānau ʻa e ʻOtuá?

ʻIkai ngata aí, te ke lava ʻo mamata ʻi he “ʻOku ʻAonga ʻAupito” mei he taimi 12:25 ki he 14:48. Fakaafeʻi e kau akó ke lekooti ha faʻahinga ongo ʻoku nau maʻu ʻi heʻenau fanongo kia Palesiteni Tieta F. ʻUkitofa, ʻi heʻene kei ʻi he Kau Palesitenisī ʻUluakí.

17:56

1 Samuela 9: Ko e tuʻunga fakakikite ʻo Samuelá

Mahalo ʻe ʻaonga ki he kau akó ʻenau ako lahi ange fekauʻaki mo e tangata kikite fakaepalōfitá ʻaki ʻenau vakai ki he founga naʻe fakaʻaongaʻi ai ʻe he ʻEikí ʻEne tangata kikite ko Samuelá, ʻi hono ui ʻo Saula ke hoko ko e tuʻi ʻo ʻIsilelí. Fakamatalaʻi ange naʻe fekau ʻe he tamai ʻa Saula ko Kisí, ʻa Saula mo ha tamaioʻeiki ke kumi ʻene fanga monumanu naʻe molé. ʻI he ʻikai ke na maʻu e fanga monumanú, naʻe fokotuʻu ange ʻe he tamaioʻeikí ke na ʻaʻahi kia Samuela, “ko e tangata kikite” mo e “tangata ʻa e ʻOtuá” (1 Samuela 9:8–11), ke maʻu mei ai ha tokoni. ʻE lava ke ke fakamanatu ki he kau akó ʻoku fakanofo ʻa e kau mēmipa ʻo e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ko ha kau palōfita, kau tangata kikite, mo ha kau tangata maʻu fakahā.

ʻE lava ke lau ʻe he kau akó ʻa e 1 Samuela 9:14–24, ʻo kumi ha fakamoʻoni ʻo e fatongia ʻo Samuela ko e tangata kikite ʻa e ʻEikí. Hili iá ʻe lava ke aleaʻi ʻe he kau akó ʻa e founga ʻoku hoko ai ʻa e kau palōfitá mo e kau ʻaposetoló ko ha kau tangata kikite ʻi hotau kuongá.

Ngaahi ola ʻo ʻetau ngaahi filí

Fakakaukau ke huluʻi ha taha ʻo e ngaahi vitiō ko ʻení ke tokoni ke mahino ki he kau akó ʻa e ngaahi nunuʻa ʻoku tupu mei he muimui ki he ngaahi teke fakamāmaní pe ola ʻo e muimui ki he ʻEikí. ʻE lava ke fakaʻaongaʻi kinautolu hili hono fakaʻosi ʻe he kau akó ʻa e ʻekitivitī ʻi he konga ʻo e lēsoní ko e “Ko hono fili ʻo e ʻEikí kae ʻikai ko e ngaahi teke fakamāmaní.”

“Mavahe mei he Pātí!” (6:26). ʻE lava ke ʻiloʻi ʻe he kau akó ʻa e ngaahi faikehekehe ʻi he ngaahi nunuʻa naʻe maʻu ʻe he kakai kei talavou ko ʻení ʻo makatuʻunga ʻi he tokotaha naʻa nau fili ke muimui ki aí.

“Life’s Lessons Learned,” mei he taimi 6:15 ki he 8:00. Naʻe vahevahe ʻe ʻEletā Siosefa B. Uefilini (1917–2008) ʻo e Kōlomu ʻo e Kau ʻAposetolo ʻe Toko Hongofulu Mā Uá fekauʻaki mo ha fili naʻá ne fai pea mo e ngaahi nunuʻa naʻá ne fakaʻehiʻehi ai mei aí.

13:1

ʻE lava ke aleaʻi ʻe he kau akó ha ngaahi nunuʻa naʻe mei fehangahangai mo ʻEletā Uefilini kapau naʻá ne fai ha fili kehe.