“1 Samuel 8–10; 13; 15–16: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“1 Samuel 8–10; 13; 15–16: Kinatibuk-ang Pagpasabot,” Manwal sa Magtutudlo sa Seminary sa Daang Tugon
1 Samuel 8–10; 13; 15–16
1 Samuel 8–10; 13; 15–16
Kinatibuk-ang Pagpasabot
Gusto sa mga Israelinhon nga makabaton og hari “sama sa gibuhat sa ubang mga nasod” (1 Samuel 8:5) imbes ang Ginoo ray magmando nila. Human ang ilang unang hari, si Saul, misupak sa tambag ni propeta Samuel, ang Ginoo mipili ni David isip ang sunod nga hari sa Israel. Pinaagi niini nga kasinatian, nakat-onan ni Samuel nga sukwahi sa kon sa unsang paagi nato tan-awon ug hukman ang usag usa, ang Ginoo motan-aw sa atong kasingkasing.
Andama ang imong kaugalingon sa espirituhanon nga paagi. Dihang mapaubsanong andamon sa mga magtutudlo ang ilang kaugalingon ug ang mga kalihokan sa pagkat-on para sa ilang mga estudyante, ang Espiritu Santo mahimong mogiya sa ilang pagpangandam. Para sa dugang pa kon sa unsang paagi giandam sa Manluluwas ang Iyang kaugalingon alang sa pagtudlo, tan-awa sa “Giandam sa Manluluwas ang Iyang Kaugalingon sa Pagtudlo sa Espirituhanong Paagi” (Pagtudlo Sumala sa Pamaagi sa Manluluwas [2022], 16–17).
Alang sa pagbansay sa pagdapit sa Espiritu aron motabang sa pagpanindot sa imong mga pagpangandam sa pagtudlo, tan-awa ang kahanas nga “Gamita ang dokumento nga ‘Paglambo isip usa ka Kristohanon nga Magtutudlo—Usa ka Personal nga Pagtimbang-timbang’ aron sa pagdapit sa Espiritu Santo sa pagtabang kanimo sa pagpanindot sa imong mga pagpangandam sa pagtudlo” diha sa Pagpalambo sa mga Kahanas sa Magtutudlo.
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
1 Samuel 8
Katuyoan sa leksiyon: Aron tabangan ang mga estudyante nga masabtan ang kaimportante sa pagpili nga sundon si Jesukristo imbes ang mga impluwensiya sa kalibotan.
-
Pagpangandam sa estudyante: Dapita ang mga estudyante sa paghimo og listahan sa bisan unsa nga pagpamugos sa ilang kaedad nga giatubang nila, sa pagsupak sa mga sumbanan ug mga sugo sa Ginoo. Dapita ang mga estudyante nga pamalandongan ang kalainan nga mahimo diha sa ilang kinabuhi sa pagsunod ni Jesukristo imbes motugyan niadto nga mga pagpamugos.
-
Imahe: Usa ka line chart aron tabangan ang mga estudyante nga pamalandongon kon si Jesukristo o ang kalibotan ba ang labing dako nga impluwensiya sa ilang paghimo og desisyon
-
Bidyo: “Pilia ang Kinabuhing Dayon” (10:09) gikan sa time code 0:00 hangtod 2:08 ug gikan sa time code 5:08 hangtod 6:43
-
Sulod nga ipakita: Mga instruksiyon alang sa kalihokan diha sa seksiyon nga “Pagpili sa Ginoo imbes sa kalibotanong mga pagpamugos”
1 Samuel 15
Katuyoan sa leksiyon: Aron tabangan ang mga estudyante nga masabtan ang kaimportante sa pagtuman sa tanang sugo sa Dios.
-
Pagpangandam sa estudyante: Dapita ang mga estudyante nga maghunahuna og mga rason kon nganong pilion sa mga tawo nga supakon ang mga sugo sa Dios. Pwedeng irekord sa mga estudyante ang ilang lista diha sa note sa ilang selpon o isulat kini sa gamay nga piraso sa papel. Dapita ang mga estudyante nga dad-on sa klase ang ilang lista.
-
Mga aytem nga ipakita: Daghang klase sa pagkaon (o mga litrato sa daghang klase sa pagkaon)
-
Mga bidyo: “Atubanga ang Umaabot uban sa Hugot nga Pagtuo” (14:29) gikan sa time code 5:16 hangtod 6:07; “Pagkamatinud-anon: Tuohi Kini!” (4:46); “Ang Gugma sa Dios” (13:11) gikan sa time code 7:58 hangtod 8:48
-
Sulod nga ipakita: Mga instruksiyon para sa mga kalihokan sa kataposan niini nga leksiyon
1 Samuel 16
Katuyoan sa leksiyon: Aron tabangan ang mga estudyante nga mabati ang kaimportante sa pagtan-aw sa ilang kaugalingon ug sa uban sama sa pagtan-aw sa Langitnong Amahan ug ni Jesukristo.
-
Pagpangandam sa estudyante: Dapita ang mga estudyante sa pagbasa sa 1 Samuel 16:7. Hangyoa sila nga ilista tupad sa bersikulo ang mga kalainan tali sa unsay gihatagan og bili usahay sa mga tawo ug unsay gihatagan og bili sa Langitnong Amahan kanato.
-
Mga aytem nga ipakita: Duha ka pareho nga aytem nga naa sulod sa managlahi nga sudlanan o mga aytem nga managlahi og bili nga naa sulod sa duha ka parehong sudlanan
-
Sulod nga ipakita: Ang pagpamalandong sa kaugalingon nag-aghat sa pagsugod sa leksiyon; mga pamahayag gikan kang Elder Dieter F. Uchtdorf ug Sister Michelle D. Craig; mga instruksiyon sa journal sa kataposan sa leksiyon
-
Bidyo: “Atong Tinuod nga Pagkatawo” (3:39)