Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

1 Samuel 8: Nagtinguha ang Israel og Hari

“1 Samuel 8: Nagtinguha ang Israel og Hari,’” Manwal sa Magtutudlo sa Seminary sa Daang Tugon (2026)

“1 Samuel 8: Nagtinguha ang Israel og Hari,’” Manwal sa Magtutudlo sa Seminary sa Daang Tugon

1 Samuel 8–10; 13; 15–16: Leksiyon 71

1 Samuel 8

Nagtinguha ang Israel og Hari

Jesus Christ in white robes riding on a white donkey. He is passing through a brick arch into Jerusalem. Numerous people are following Him. Some of which are waving palm leaves and laying cloth on the ground in front of Him.

Sama sa daghang tawo karon, ang karaang Israelinhon nanlimbasog sa tentasyon nga mahimong sama sa uban imbes sundon ang Ginoo. Sulod sa daghang tuig didto sa gisaad nga yuta, gigiyahan sa Ginoo ang Israel pinaagi sa mga maghuhukom nga sama ni Samuel. Sa ulahing bahin sa kinabuhi ni Samuel, ang mga Israelinhon nagtinguha nga makabaton og hari “sama sa ubang mga nasod” (1 Samuel 8:5) imbes ang Ginoo ray magmando nila. Kini nga leksiyon makatabang sa mga estudyante nga masabtan ang kaimportante sa pagpili nga sundon si Jesukristo imbes ang mga impluwensiya sa kalibotan.

Pagpangandam sa estudyante: Dapita ang mga estudyante sa paghimo og listahan sa bisan unsa nga pagpamugos sa ilang kaedad nga giatubang nila, sa pagsupak sa mga sumbanan ug mga sugo sa Ginoo. Dapita ang mga estudyante nga pamalandongan ang kalainan nga mahimo diha sa ilang kinabuhi sa pagsunod ni Jesukristo imbes motugyan niadto nga mga pagpamugos.

Posibleng mga Kalihokan sa Pagkat-on

Paghimo og desisyon

Aron tabangan ang mga estudyante nga hunahunaon kon unsay nakaimpluwensiya sa ilang mga desisyon, ikonsiderar ang pagsulat sa mosunod nga pahayag diha sa pisara. Pwedeng kompletohon sa mga estudyante ang pahayag ug tubagon ang kauban nga mga pangutana isip usa ka klase o sa gagmayng grupo.

Ang pipila ka tin-edyer gusto nga kay “mao nay gihimo sa kadaghanan.”

Unsang mga hagit ang masinati tingali sa usa ka tin-edyer kon mao nay ilang rason sa paghimo sa mga butang?
Sa unsang paagi ang maong rason sa paghimo sa mga butang makaapektar sa ilang relasyon sa Langitnong Amahan ug kang Jesukristo?

Hatagi og kahigayonan ang mga estudyante nga pamalandaongan kon sa unsang paagi ang pagpamugos sa kauban tingali makaimpluwensiya sa ilang kinabuhi. Usa ka paagi sa paghimo niini mao ang paghatag sa mga estudyante sa mosunod nga instruksiyon ug sa pagpakita sa sukdanan.

Hunahuna kon unsay nakaimpluwensiya sa imong mga desisyon sa kinabuhi. Drowinga ang mosunod nga sukdanan diha sa imong journal sa pagtuon. Pagdrowing og gamay nga stick figure sa imong kaugalingon nga nagrepresentar kon asa nimo ibutang ang imong kaugalingon diha sa sukdanan.

Aron tabangan ang mga estudyante nga mailhan kon unsay nakaimpluwensiya sa piho nga mga desisyon sa ilang kinabuhi, pwede ka o silang maghatag og mga pananglitan sa giatubang nilang mga desisyon. Ang posibleng mga pananglitan naglakip sa paagi sa ilang sininaan, gipili nga mga kalingawan o salida, ug kon giunsa nila paggamit ang ilang panahon. Pwede nimong ipakigbahin kini nga mga pananglitan nga tagsa-tagsaon ug dapita ang mga estudyante sa pagdrowing og dugang nga stick nga porma og tawo [stick figure] diha sa sukdanan para sa kada pananglitan.

Dapita ang mga estudyante nga tinguhaon ang impluwensiya sa Espiritu Santo samtang ilang pamalandongan ang kaugalingon nilang mga desisyon dihang magtuon sa 1 Samuel 8.

Usa ka hari “sama sa ubang mga nasod”

Sulod sa daghang tuig didto sa gisaad nga yuta, gigiyahan sa Ginoo ang mga Israelinhon pinaagi sa mga maghuhukom nga sama ni Samuel. Samtang nagdako si Samuel, miduol niya ang mga anciano [elder] sa Israel uban ang usa ka hangyo.

Basaha ang 1 Samuel 8:4–7, nga pangitaon kon sa unsang paagi gitapos sa mga anak sa Israel ang pahayag gikan sa sinugdanan sa leksiyon.

Unsay gusto sa mga anak sa Israel?
Sa imong hunahuna, nganong wala malipay si Samuel sa ilang mga rason nga gusto og usa ka hari?

Makapakurat tingali nga giingnan sa Ginoo si Samuel nga paminawon ang dili maayong pagpili sa iyang katawhan (tan-awa sa bersikulo 7). Gitahod sa Langitnong Amahan ang kabubut-on ug dili kita Niya pugson sa pagpili kon unsay husto. Pero, sa wala pa ang kataposang desisyon sa mga Israelinhon, ang Ginoo igo nga nahigugma kanila aron sa pagpasidaan kanila pinaagi ni Samuel sa mga sangpotanan sa ilang gipili (tan-awa sa 1 Samuel 8:9).

Usa ka paagi nga matabangan nimo ang mga estudyante kon sa unsang paagi ang mga kasulatan naghulagway sa mga kamatuoran sa ebanghelyo pinaagi sa pagsulat og usa ka kamatuoran diha sa pisara. Dayon, ipapangita sa mga estudyante ang usa ka tudling sa kasulatan, nga pangitaon ang ebidensiya sa maong kamatuoran.

Ikonsiderar ang pagpakita sa mosunod nga kamatuoran diha sa pisara. Pwedeng basahon sa mga estudyante ang kauban nga mga bersikulo uban sa usa ka pares, nga mohunong kadiyot human sa pipila ka bersikulo aron hisgotan kon unsay ilang nakaplagan.

Ang pagpili sa pagsunod sa kalibotan imbes sa mahigugmaong tambag sa Ginoo moresulta sa pag-antos ug pagmahay.

Samtang imong tun-an ang 1 Samuel 8:10–18, pangitaa ang mga pulong o hugpong sa mga pulong nga motabang sa pagtudlo niini nga kamatuoran.

Samtang tubagon sa mga estudyante ang mosunod nga mga pangutana, pahinumdomi sila nga dili magpakigbahin og mga ngalan o piho nga mga detalye bahin sa mga indibidwal nga personal nilang nailhan. Ang mga pananglitan pwedeng maggikan sa ilang kinabuhi, sa kinabuhi sa uban, o sa mga asoy sa mga kasulatan o kasaysayan sa Simbahan.

Unsang mga pananglitan ang imong nakita dihang ang pagpili nga sundon ang kalibotan miresulta sa pag-antos o pagmahay?
Sa unsang paagi imong nakita nga ang pagpili nga sundon ang Langitnong Amahan ug si Jesukristo moresulta og kalipay ug mas lig-on nga relasyon uban Kanila?

Pagpili sa Ginoo imbes sa mga pagpamugos sa kalibotan

Ang mosunod nga kalihokan makatabang sa mga estudyante nga madiskobrehan ang gihatag nga tambag sa Ginoo aron maprotektahan sila gikan sa pagtugyan ngadto sa mga tentasyon nga tingali mibati sila nga napugos sa paghimo o sa pagtuo. Pwede nimong bahinon sa gagmayng grupo ang mga estudyante aron kompletohon ang mga lakang 1 ug 2. Dayon, pwede nilang kompletohon ang lakang 3 nga sila-sila ra.

Ipakita ang mosunod nga mga instruksiyon.

Pagpili og usa ka butang diin ang usa ka tin-edyer nga miyembro sa Simbahan sa imong palibot tingali mobati nga napugos sa paghimo o sa pagtuo.
Gamita ang mga kasulatan, mga tabang sa pagtuon sa kasulatan, Alang sa Kalig-on sa mga Kabatan-onan: Usa ka Giya sa Paghimo og mga Pagpili, o ang Librarya sa Ebanghelyo nga app aron tubagon ang mosunod nga mga pangutana bahin sa presyur nga imong gipili:
1. Unsang tambag bahin niini ang gihatag kanato sa Ginoo?
2. Unsang mga panalangin ang gisaad sa Ginoo sa mga tawo nga mopili Kaniya imbes sa kalibotanon nga mga impluwensiya?
Hunahunaa ang imong gituohan bahin sa Langitnong Amahan ug ni Jesukristo. Pagsulat og duha ka kapahayag bahin kon sa unsang paagi kini nga kahibalo makatabang nimo aron sundon Sila imbes ang mga presyur sa kalibotan.

Human ang igong panahon, hatagi og kahigayonan ang mga estudyante sa pagpakigbahin ngadto sa uban sa ilang nakat-onan gikan sa ilang pagtuon.

Ipakita ang pagsabot

Kini nga seksiyon gidesinyo aron hatagan og kahigayonan ang mga estudyante nga ipakita nga nasabtan nila ang ilang nakat-onan karon.

Basaha ang 1 Samuel 8:19–22, nga pangitaon kon giunsa pagtubag sa Israel ang mga pasidaan sa Ginoo bahin sa ilang tinguha nga makabaton og hari.

Sa imong nakat-onan karon, unsay gusto nimong isulti sa mga Israelinhon ayha sila mohimo og kataposan nga pagpili?

Makatabang kini alang sa umaabot nga mga leksiyon nga mahibalo ang mga estudyante nga gitahod sa Ginoo ang kabubut-on sa mga Israelinhon ug gisugo si Samuel nga tawgon si Saul ingon nga Hari sa Israel (tan-awa ang 1 Samuel 9–10).

Dugang nga mga Kapanguhaan

Sa unsang paagi nato mabuntog ang mga presyur ug mga tingog sa kalibotan?

Si Presidente Russell M. Nelson mipasabot:

5:49

Ang kalibotanon nga mga impluwensiya ug mga pag-aghat miasdang ug daghan kaayo. Apan daghan kaayo sa mga impluwensiya ang malinglahon, matintalon, ug makapalayo kanato sa dalan sa pakigsaad. Aron malikayan ang dili kapugngan nga kasakit nga mosunod, ako mohangyo kaninyo karon nga suklan ang kalibotanong pagtintal pinaagi sa paggahin og panahon alang sa Ginoo diha sa inyong kinabuhi—matag adlaw. (“Paggahin og Panahon alang sa Ginoo,” Liahona, Nob. 2021, 120)

Ang Alang sa Kalig-on sa mga Kabatan-onan: Usa ka Giya sa Paghimo og mga Pagpili nagtudlo:

[Ang Langitnong Amahan] nasayod nga kamo makahimo og kalainan sa kalibotan, ug kana nagkinahanglan, sa daghang kahimtang, nga molahi gikan sa kalibotan. Tinguhaa ang giya sa inyong Langitnong Amahan samtang kamo mohimo og mga pagpili. Siya mopanalangin kaninyo uban sa inspirasyon pinaagi sa Espiritu Santo. (“Alang sa Kalig-on sa mga Kabatan-onan: Usa ka Giya sa Paghimo og mga Pagpili” [2022], 4)

Unsay mga sangpotanan sa pagbalewala sa tambag sa Ginoo?

Si Elder Dieter F. Uchtdorf sa Korum sa Napulog Duha ka Apostoles mitudlo:

Ang Basahon ni Mormon kanunayng nagpahinumdom kanato sa mga sangpotanan sa pagnunot sa atong kalibotanon nga kinaiyanhon imbis mosunod sa Manluluwas. Kon kita mobuhat sa ingon, ang atong mga lihok dili malikayan nga mosangpot sa kawalay paglaom, pagka-ulipon, pag-antos, ug pagmahay.

Ang Dios mihatag kanato og bililhon nga gasa sa pagka gawasnon sa pagpili kon sa unsang paagi kita maghunahuna ug sa unsang paagi kita molihok. Mahimo natong isalikway ang mga pulong sa Dios o ang Iyang mga propeta. Tingali kita maghunahuna pa gani nga ang atong pamaagi mas maayo. Kini tingali ingon og maayo ngari kanato—maayo lang sa sinugdanan. Tingali og nindot gani kining pamation sa usa ka higayon. Apan kita dili gayod makalingkawas sa mga sangpotanan sa atong mga desisyon. (“Paglikay sa mga Parola ug Pagpangita sa Kahayag,” Alang sa Kalig-on sa Kabatan-onan, Hunyo 2022, 5)

Nganong gisultian sa Ginoo si Samuel nga paminawon ang katawhan ug hatagan sila og hari?

Si Presidente Ezra Taft Benson (1899–1994) mipasabot:

Usahay ang [Dios] temporaryo nga motugot sa mga tawo sa ilang dili maalamon nga mga hangyo nga aron unta sila makat-on gikan sa ilang kaugalingong masulub-on nga mga kasinatian. Ang pipila mopasabot niini isip ang “baroganan ni Samuel.” …

Usahay sa atong mga pagsulay sa pagsundog sa kalibotan, ug sukwahi sa tambag sa propeta, nag-apas kita subay sa dili husto nga edukasyon, politikal, musikal, ug mga ideya sa sinina sa kalibotan. Ang bag-ong kalibotanon nga mga sumbanan mobanos, usa ka hinay-hinay nga pagkabungkag ang mahitabo, ug sa kataposan, human sa hilabihang pag-antos, usa ka mapainubsanon nga katawhan ang andam nga matudloan sa makausa pa og usa ka mas taas nga balaod. (“Jesus Christ—Gifts and Expectations,” New Era, Mayo 1975, 17–18)

Dugang nga mga Kalihokan sa Pagkat-on

1 Samuel 8:20: Unsay gihimo ni Jesukristo para nato

Makatabang tingali sa mga estudyante nga ilhon kon sa unsang paagi gihimo na sa Ginoo kanato ang gilaoman sa mga Israelinhon nga himoon kanila sa ilang bag-ong hari diha sa 1 Samuel 8:20. Pwede kang magsulat og tulo ka ulohan diha sa pisara: Si Jesukristo ang atong Maghuhukom, Si Jesukristo nangulo kanato, ug Si Jesukristo nakig-away sa atong mga gubat. Dayon, pwedeng mopili ang mga estudyante og usa sa mga ulohan ug ilhon ang mga kasulatan o ipakigbahin ang personal nga mga kasinatian nga nagsuporta niini.

Kon nagkinahanglan og tabang ang mga estudyante, pwede nimong ihatag ang pipila sa mosunod nga mga kasulatan:

Si Jesukristo ang atong Maghuhukom: Isaias 33:22; Doktrina ug mga Pakigsaad 64:10–11

Si Jesukristo nangulo kanato: Exodo 13:18; Isaias 48:17; Alma 36:28

Si Jesukristo nakig-away sa atong mga gubat: Josue 23:10; 2 Cronicas 20:15; Doktrina ug mga Pakigsaad 105:14

1 Samuel 9: Ang atong balaang pagkatawo

Mabati sa mga estudyante ang kaimportante sa ilang pagkatawo isip mga anak sa Dios pinaagi sa pagtandi sa pagbati ni Saul sa iyang kaugalingon ngadto sa panglantaw sa Ginoo kaniya. Aron mahimo kini, pwedeng basahon sa mga estudyante ang 1 Samuel 9:21 aron makita kon unsay gibati ni Saul bahin sa iyang kaugalingon dihang gitawag siya ni Samuel nga mahimong hari sa Israel. Dapita ang mga estudyante nga basahon ang 1 Samuel 9:2 ug ilhon ang hugpong sa mga pulong nga posibleng magpakita kon unsay panglantaw sa Ginoo kang Saul.

Ikonsiderar ang paghatag og pipila ka minuto sa mga estudyante sa pagpamalandong kon sa unsang paagi ang panglantaw nila sa ilang kaugalingon lahi kay sa pamaagi sa panglantaw sa Langitnong Amahan ug sa Manluluwas ngadto kanila. Aron mahimo kini, pwedeng isulat sa mga estudyante ang ilang tubag sa mosunod:

Sa unsang paagi ang paglantaw sa akong kaugalingon gamit ang mahangtorong panglantaw makatabang aron makita nako ang akong pagkabalaan isip anak sa Dios?

Dugang pa, pwede nimong tan-awon ang “Nakabenepisyo Kaayo Kini” gikan sa time code 12:25 hangtod 14:48. Dapita ang mga estudyante nga irekord ang bisan unsang impresyon nga moabot kanila samtang maminaw sila ni Presidente Dieter F. Uchtdorf, kanhi sa Unang Kapangulohan.

17:56

1 Samuel 9: Ang pagkamanalagna ni Samuel

Makabenepisyo tingali ang mga estudyante sa pagkat-on og dugang bahin sa pagkamanalagna pinaagi sa pagkahibalo kon giunsa paggamit sa Ginoo ang Iyang manalagna, si Samuel, sa pagtawag kang Saul nga mahimong hari sa Israel. Ipasabot nga ang amahan ni Saul, si Kish, mipadala ni Saul ug usa ka ulipon aron pangitaon ang nawala niyang mga hayop. Human sa walay kalamposan sa pagpangita niini, misugyot ang ulipon nga mobisita sila ni Samuel, nga “usa ka manalagna” ug “tawo sa Dios” (1 Samuel 9:8–11), alang sa tabang. Pwede nimong pahinumdoman ang mga estudyante nga ang mga sakop sa Unang Kapangulohan ug sa Korum sa Napulog Duha ka Apostoles gipaluyohan isip mga propeta, mga manalagna, ug mga tigpadayag.

Pwedeng basahon sa mga estudyante ang 1 Samuel 9:14–24, nga pangitaon ang ebidensiya sa papel ni Samuel isip manalagna sa Ginoo. Dayon, pwedeng hisgotan sa mga estudyante kon sa unsang paagi ang mga propeta ug mga apostoles nagserbisyo isip mga manalagna sa atong panahon.

Mga sangpotanan sa atong mga pagpili

Ikonsiderar ang pagpasalida sa usa sa mosunod nga mga bidyo aron tabangan ang mga estudyante nga masabtan ang mga sangpotanan sa resulta sa pagsunod sa mga presyur sa kalibotan o sa pagsunod sa Ginoo. Pwede kining gamiton inig kahuman sa mga estudyante sa kalihokan sa seksiyon nga “Pagpili sa Ginoo imbes sa mga presyur sa kalibotan” diha sa leksiyon.

“Biyai ang Party!” (6:26). Pwedeng ilhon sa mga estudyante ang kalainan sa mga sangpotanan nga nadawat niini nga mga kabatan-onan base sa kon kinsay gipili nilang sundon.

6:26

“Nakakat-on sa mga Leksiyon sa Kinabuhi,” gikan sa time code 6:15 hangtod 8:00. Gipakigbahin ni Elder Joseph B. Wirthlin (1917–2008) sa Korum sa Napulog Duha ka Apostoles ang bahin sa pagpili nga iyang gihimo ug ang mga sangpotanan nga iyang nalikayan tungod niini.

13:1

Pwedeng hisgotan sa mga estudyante ang posibleng mga sangpotanan nga posibleng naatubang ni Elder Wirthlin kon lahi pa ang iyang nahimong desisyon.