Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Lute: “Ke Totongi ʻe [he ʻEikí] ʻa Hoʻo Ngāué”

“Lute: ‘Ke Totongi ʻe [he ʻEikí] ʻa Hoʻo Ngāué,’” Fuakava Motuʻá – Tohi Lēsoni ʻa e Faiako Seminelí (2026)

“Lute: ‘Ke Totongi ʻe [he ʻEikí] ʻa Hoʻo Ngāué,’” Fuakava Motuʻá – Tohi Lēsoni ʻa e Faiako Seminelí

Lute; 1 Samuela 1–7: Lēsoni 68

Lute

“Ke Totongi ʻe [he ʻEikí] ʻa Hoʻo Ngāué”

Ruth (Old Testament figure) gleaning wheat in the fields of Boaz. Naomi, the mother-in-law of Ruth and kinswoman of Boaz, is bringing a cup of water or refreshment to Ruth as she works. There are other men and women working in the fields. These people are depicted in the background. The painting depicts Ruth gleaning in the fields in hopes of gaining the favor of Boaz. Boaz is not depicted in the painting.

Koeʻuhí ʻoku fuʻu māʻolunga ʻa e totongi ʻo e fakamoʻuí kiate kitautolu fakataautaha ke totongí, ʻoku tau takitaha fiemaʻu ai ke huhuʻi kitautolu. Ko e talanoa ʻo Lute, Naomi, mo Poasi ʻi he Fuakava Motuʻá ko ha talanoa ia ʻo e fakahaofi fakatuʻasino ʻokú ne fakataipe ʻa e fatongia ʻo Sīsū Kalaisi ko hotau Huhuʻi fakatāutahá. ʻOku fakataumuʻa ʻa e lēsoni ko ʻení ke tokoniʻi e kau akó ke nau ongoʻi ha holi lahi ange ke falala kia Sīsū Kalaisi mo Hono mālohi huhuʻí.

Teuteu ʻa e tokotaha akó: Fakaafeʻi e kau akó ke nau fakakaukau ki he ʻuhinga ʻoku hoko ai e taha ʻo e ngaahi huafa ʻo Sīsū Kalaisí ko e Huhuʻí. Poupouʻi kinautolu ke nau fakalaulauloto ki he founga ʻoku huhuʻi ai kitautolu ʻe Sīsū Kalaisi mei he mate fakatuʻasino mo fakalaumālié. (Mahalo te nau ʻuhinga ki he “Huhuʻí” ʻi he Fakahinohino ki he Ngaahi Folofolá ki ha tokoni.) Poupouʻi kinautolu ke nau omi mateuteu ke vahevahe ʻenau ngaahi fakakaukaú mo e kalasí.

Ngaahi ʻEkitivitī Ako ʻOku Ala Fakahokó

ʻOku ʻuhinga ki he hā ʻa e pehē ko Sīsū Kalaisi hotau Huhuʻí?

Te ke lava ʻo kamata e kalasí ʻaki hano fakaʻaliʻali ʻa e fakatātā ko ʻeni ʻo Sīsū Kalaisí pe fakatātā kehe naʻá ke fili pea hiki ʻa e foʻi lea Huhuʻi ʻi he palakipoé.

Fakaʻaliʻali e lea meia ʻEletā Kulisitofasoní pea fakaafeʻi e kau akó ke tali e ongo fehuʻí ʻi heʻenau tohinoa akó.

Jesus Christ depicted teaching a Samaritan woman at a well. Christ is portrayed sitting on the edge of the well. The woman is seated on the ground before Him.

Naʻe fakamatala ʻa ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Ko e taha ʻo e huafa mahuʻinga taha ʻokú ne fakamatalaʻi ʻa Sīsū Kalaisí ko e Huhuʻí. … ʻOku ʻuhinga e foʻi lea huhuʻí ke totongi ha haʻisia pe moʻua. ʻE toe lava foki ke ʻuhinga ʻa e huhuʻí ke fakahaofi pe fakatauʻatāinaʻi. (“Huhuʻí,” Liahona, Mē 2013, 109)

Ko e hā ha ngaahi founga ʻe ala fiemaʻu ai ke huhuʻi koe mo e niʻihi kehé ʻe Sīsū Kalaisi?
Ko e hā e lahi hoʻo fie falala ki he mālohi huhuʻi ʻo Sīsū Kalaisí ʻi hoʻo moʻuí? Ko e hā hono ʻuhingá?

Fakaafeʻi e kau akó ke fakakaukau ki heʻenau tuʻunga loto-falala ki heʻenau ngaahi talí pea mo e meʻa te nau fiemaʻu ke mahino lelei ange pe ongoʻi fekauʻaki mo e Fakamoʻuí mo Hono mālohi huhuʻí.

Mahalo te ke fie fakamatalaʻi fakanounou ʻa e palakalafi hokó ʻi he ngaahi lea pē ʻaʻaú. Mahalo te ke fie hiki foki ʻa e foʻi moʻoni ʻoku tohi mataʻāʻā ʻi he palakipoé ʻo ofi ki he foʻi lea Huhuʻí.

Ko e fakahaofí ko e taha ia ʻo e ngaahi kaveinga mahuʻinga ʻi he talanoa ʻo Luté. ʻI hoʻo ako e talanoa ʻo Luté, fakakaukau ki he founga ʻe lava ke tokoniʻi ai kitautolu ʻi hono fakatatau ʻa e fakamatala ko ʻení kiate kitautolú ke tau ʻilo kapau te tau haʻu kia Sīsū Kalaisi, te Ne huhuʻi kitautolu. Fekumi ki he tokoni ʻa e Laumālie Māʻoniʻoní ke ʻiloʻi e ngaahi founga ʻoku tau hangē ai ko Luté ʻo fiemaʻu ʻa e huhuʻí pea mo e founga ʻoku tatau ai ʻa Poasi mo e Fakamoʻui ko Sīsū Kalaisí ʻo huhuʻi kitautolú.

Ko e talanoa ʻo Luté

Te ke lava ʻo lau pe fakamatalaʻi ʻa e fakamatala fakanounou ko ʻení.

ʻI ha taimi ʻo e hongé, naʻe hiki ha fefine ʻIsileli ko Naomi mo hono husepānití, mo hono ongo fohá mei Pētelihema ki Moape, ko ha fonua kaungāʻapi ʻoku kehe honau anga-fakafonuá mo e tui fakalotú. Lolotonga ʻenau ʻi aí, naʻe takitaha mali ʻa e ongo fohá mo ha ongo fefine Moape, ko Lute mo ʻOʻopa.

Ko e meʻa fakamamahí, naʻe mate ʻa e husepāniti ʻo Naomí mo hono ongo fohá, ʻo uitou ai ʻa e kau fefine ʻe toko tolú. Naʻe fili ʻa Naomi ke foki ki Pētelihema. ʻI he ʻikai ke lava ʻa Naomi ʻo tauhi hono ongo ʻofefine ʻi he fonó, naʻá ne poupouʻi kinaua ke na foki ki hona ongo fāmili ʻi Moapé. Naʻe foki ʻa ʻOʻopa ki hono fāmilí.

Lau ʻa e Lute 1:8–9, 14–17, ʻo kumi e tali ʻa Lute kia Naomí.

Ko e hā ha niʻihi ʻo e ngaahi meʻa taʻepau mo faingataʻa ʻe ala fehangahangai mo Lute ʻi heʻene ʻalu ki Pētelihema mo Naomí?
Hili hoʻo fanongo ki he vahevahe ʻa e kau akó, te ke lava ʻo fakamatalaʻi ha niʻihi ʻo e ngaahi meʻá ni:
- ʻI he ʻalu ʻa Lute mo Naomí, ʻe mavahe ʻa Lute mei hono fāmili ʻi Moapé.
- ʻE hoko ʻa Lute ko ha muli ʻi ha fonua foʻou mo ha anga fakafonua kehe.
- ʻI he ʻikai ha husepāniti ʻo Lute mo Naomí, te na fehangahangai mo ha masivesiva lahi ʻaupito.
- Naʻe fakahaaʻi ʻe he fili ʻa Luté ʻa ʻene loto-fiemālie ke moihū mo falala kia Sihova (Sīsū Kalaisi), kae ʻikai ko e ngaahi ʻotua loi ʻo e kau Moapé. (Te ke lava ʻo fakaafeʻi e kau akó ke fakaʻilongaʻi ʻa e kupuʻi lea “pea ko ho ʻOtuá ko hoku ʻOtua” ʻi he veesi 16.)
ʻI hoʻo ʻiloʻi e ngaahi tūkunga ʻo Luté, ko e hā e meʻa ʻoku makehe kiate koe fekauʻaki mo ʻene talí?

Fakahaofi ʻe Poasi ʻa Luté

Hili hono fakakakato ʻe he kau akó ʻa e laʻipepa tufá, te ke lava ʻo fakamatalaʻi ha taha ʻo e ngaahi meʻá ni ʻokú ke ongoʻi ʻe ʻaonga:

Ko e konga ʻo e Fono ʻa Mōsesé, naʻe fiemaʻu ke tuku ʻe he kau ʻIsilelí ha kēleni taʻeʻaonga ʻi he ngoueʻangá ke tokangaʻi ʻa e masivá (vakai, Levitiko 19:9–10).
Naʻe talaange ʻe Naomi kia Lute ko ha taha ʻa Poasi ʻo hona “kāinga ofí” (vakai, Lute 2:20). Ko e foʻi lea “kāinga ofí” ʻoku maʻu ia mei he foʻi lea faka-Hepelū ko e go-el, ʻa ia ko hono ʻuhingá ko e “huhuʻi.” Naʻe fiemaʻu ʻa e “kāinga ofí” ke nau tokangaʻi (pe aʻu ʻo mali) mo ha kau uitou ʻi honau fāmilí ke fakafoki kinautolu ki he tuʻunga malú.
Koeʻuhí naʻe ʻi ai mo ha tangata kāinga ofi ʻe taha naʻá ne maʻu ʻa e totonu ke mali mo Luté, naʻe fakatau ʻe Poasi ʻa e totonú meiate ia (vakai, Lute 3:12–13) kimuʻa peá ne mali mo Luté (vakai, Lute 4:9–10, 13).

ʻE ala tokoni ke faʻu ha saati kōlomu ʻe ua ʻi he palakipoé. Fakahingoa ʻa e kōlomu ʻuluakí ko Lute/Kitautolu mo e kōlomu hono uá ko e Poasi/Sīsū Kalaisi. ʻE lava ke hiki ʻe he kau akó ʻi he palakipoé ʻa e meʻa ʻoku nau maʻú.

Ko e hā ha ngaahi founga ʻe lava ke tau hangē ai ko Luté?

Kapau ʻoku faingataʻa ke tali e kau akó, ʻe lava ke ke kole ange ke nau fakakaukau ki he founga he ʻikai ke nau maʻu ai ha meʻa feʻunga pe ongoʻi feʻunga ʻiate kinautolu peé. (ʻE lava ke kau heni ʻa e ʻikai feʻunga ʻa e māʻoniʻoní pe talangofuá, ʻikai ha mālohi feʻunga ke ikunaʻi ʻa e angahalá pe vaivaí, ʻikai ha poupou feʻunga ke hokohoko atu hono fai ʻo e meʻa ʻoku totonú, mo e ngaahi meʻa peheé.) Te ke lava foki ʻo fehuʻi ange pe ko e hā naʻe fai ʻe Lute ke fekumi ki he huhuʻí mo e founga ʻe lava ke tau faitatau aí.
Ko e hā ha ngaahi founga ʻoku hangē ai ʻa Poasi ko Sīsū Kalaisí?

Kapau ʻoku faingataʻa ki he kau akó ke fai ha tali, fakakaukau ke fakaafeʻi kinautolu ke toe vakaiʻi ʻa e Lute 2:12, 15–16. Te ke lava foki ʻo fakamahinoʻi ange naʻe fakahoko ʻe Poasi ha mali fuakava pe faʻu ha vā fetuʻutaki mo Lute ke ʻofaʻi mo tokangaʻi maʻu pē ia.

Kapau ʻe fiemaʻu, fakamatalaʻi ange ʻoku huhuʻi kitautolu ʻe he Fakamoʻuí ʻi he founga kotoa pē ʻoku tau fiemaʻú. Fakakaukau ke fakaafeʻi e kau akó ke lau ʻa e Mōsaia 15:7–9 pe Hilamani 5:9–11 ke ʻiloʻi ʻa e founga ʻoku huhuʻi ai kitautolu ʻe he Fakamoʻuí. Te ke lava foki ʻo tānaki atu ʻoku kau ʻi he ngāue huhuʻi ʻa e Fakamoʻuí ʻa hono tokoniʻi kitautolu ʻi heʻetau ngaahi palopalema ʻi he māmaní (vakai, D. Todd Christofferson, “Huhuʻí,” Liahona, Mē 2013, 109–110).
Te ke fakamatalaʻi fēfē ʻa e faikehekehe ʻi he tūkunga ʻo Lute kimuʻá mo e hili e tokoni ʻa Poasi pea mali mo iá?
Ko e hā ha ngaahi lēsoni te tau lava ʻo ako fekauʻaki mo hotau vā fetuʻutaki mo Sīsū Kalaisí ʻo fakafou ʻi he talanoa ʻo Lute mo Poasí?

Ko Sīsū Kalaisi hotau Huhuʻí

Ko e fē ha taimi kuó ke ongoʻi ai pe ko ha taha ʻokú ke ʻilo ʻa e mālohi huhuʻi ʻo Sīsū Kalaisí?
Ko e hā e ʻuhinga ka ke ka hangē ai ko Luté ʻo fiemaʻu ke falala kia Sīsū Kalaisi mo Hono mālohi huhuʻí ʻi he kahaʻú?
ʻOkú ke pehē ko e hā ha meʻa ʻe lava ke fai ʻe ha taha ke fakatupulaki ai ʻene holi ke falala ki he mālohi huhuʻi ʻo e Fakamoʻuí?

Ke fakaʻosí, fakaafeʻi e kau akó ke nau fakakaukau ki he ngaahi fakakaukau pe ongo ne nau maʻu mei he Laumālie Māʻoniʻoní fekauʻaki mo e falala ki he ʻEikí mo Hono mālohi huhuʻí. Mahalo te nau fie tānaki ha ngaahi fakakaukau ki he ngaahi fehuʻi ne nau tali ʻi he kamataʻanga ʻo e lēsoní ʻi heʻenau tohinoa akó.

Ngaahi Maʻuʻanga Tokoni Kehé

Ko e hā ha ngaahi tukufakaholo fakafonua ʻo e malí naʻá ne tākiekina e talanoa ʻo Luté?

Naʻe pehē ʻe he fono faka-Līvai ʻo e malí, ʻi he taimi ʻoku mali ai ha tangata pea pekia kimuʻa pea maʻu haʻane tama tangatá, ko hono kāinga ofi tahá ke mali mo e uitoú (vakai, Bible Dictionary, “Levirate marriage”). Naʻe maʻu foki ʻe he “kāinga ofí ʻa e totonu ke fakatau (fakahaofi) ʻa e kelekele ʻo [hono] kāinga kuo pekiá.” (Ellis T. Rasmussen, A Latter-day Saint Commentary on the Old Testament [1993], 227)

ʻOku kaunga nai kiate au ʻa e mālohi huhuʻi ʻo e Fakamoʻuí?

Naʻe vahevahe ʻe ʻEletā Teili G. Lenilani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

14:40

ʻOku finangalo ʻa e Fakamoʻuí ke fakafoki ʻa ia ʻoku ʻikai te ke lava ʻo fakafokí; ʻokú Ne finangalo ke fakamoʻui ʻa e ngaahi kafo he ʻikai te ke lava ʻo fakamoʻuí; ʻokú Ne finangalo ke fakaleleiʻi ʻa ia kuo maumaú; ʻokú Ne totongi ha ngaahi ngāue taʻetotonu kuo hoko kiate koe; pea ʻokú Ne finangalo ke fakaleleiʻi ʻa e ngaahi loto kuo kafó. (“Fakakaukau ki he Angalelei mo e Māfimafi ʻo e ʻOtuá,” Liahona, Mē 2020, 44)

Te u maʻu fēfē nai ʻa e mālohi huhuʻi ʻo Sīsū Kalaisí?

Naʻe akoʻi ʻe ʻEletā Kimi B. Kalake ʻo e Kau Fitungofulú ʻo pehē:

10:55

Ko e taimi ʻoku tau moʻui ʻaki ai ʻetau ngaahi fuakavá, ʻoku nau tākiekina e meʻa kotoa pē ʻoku tau lea ʻaki mo fakahokó. ʻOku tau moʻui ʻi ha kuonga ʻo e fuakavá, fonu ʻi he fanga kiʻi tōʻonga faingofua fakaʻaho ʻo e tuí ʻokú ne ʻai ke tukutaha ʻetau tokangá kia Sīsū Kalaisi: lotu fakamātoato ʻi Hono huafá, keinanga ʻi Heʻene folofolá, tafoki kiate Ia ke fakatomalaʻi ʻetau ngaahi angahalá, tauhi ʻEne ngaahi fekaú, maʻu ʻa e sākalamēnití, pea tauhi Hono Sāpaté ke māʻoniʻoni, moihū ʻi Hono temipalé ʻi he tuʻo lahi taha te tau lavá, mo fakaʻaongaʻi Hono lakanga fakataulaʻeiki māʻoniʻoní ke tokoniʻi e fānau ʻa e ʻOtuá.

ʻOku hanga ʻe he ngaahi ngāue mateaki ko ʻeni ʻo e fuakavá ʻo fakaava hotau lotó mo e fakakaukaú ki he mālohi huhuʻi ʻo e Fakamoʻuí pea mo e ivi tākiekina fakamāʻoniʻoniʻi ʻo e Laumālie Māʻoniʻoní. ʻOku liliu ʻe he Fakamoʻuí hotau angá ʻi he ʻotu lea ki he ʻotu lea, pea ʻoku tau ului lahi ange leva kiate Ia mo moʻui ʻetau ngaahi fuakavá ʻi hotau lotó. (“Hanga kia Sīsū Kalaisi,” Liahona, Mē 2019, 55)

Ngaahi ʻEkitivitī Fakalahi ki he Akó

Ko e talanoa ʻo Luté

Ke tokoni ke fakakaukauloto e kau akó ki he talanoa ʻo Luté, te ke lava ʻo fakakaukau ke huluʻi e vitiō “Ruth and Naomi” (2:00).

2:0

Ko e fakatātaá ʻi he Lute 2:12

Ke tokoni ke ʻiloʻi ʻe he kau akó ʻa e ngaahi fakamoʻoni fakafolofola ki he mālohi huhuʻi ʻo Sīsū Kalaisí ʻi he Lute 2:12, te ke lava ʻo fehuʻi ange pe ʻoku fekauʻaki fēfē ʻa e “totongi fakafokí” mo e foʻi lea huhuʻí mo e fatongia ʻo Sīsū Kalaisi ko e Huhuʻí.

Naʻe akoʻi foki ʻe ʻEletā Petuliki Kealoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Neongo ʻe hangē ʻoku taʻemalavá, ka ʻe malava ʻa e fakamoʻuí ʻo fakafou ʻi he mana ʻo e mālohi huhuʻi ʻo e Fakalelei ʻa Sīsū Kalaisí, ʻa ia kuo toe tuʻu “mo e fakamoʻui ʻi hono kapakaú.” (“Kuó Ne Toe Tuʻu mo e Fakamoʻui ʻi Hono Kapakaú,” Liahona, Mē 2022, 39)

Ngaahi vitiō kehe fekauʻaki mo e huhuʻi ʻa e Fakamoʻuí

3:29

3:27

3:35

ʻOku mahuʻinga ange e founga ʻo ʻetau moʻuí ʻi he feituʻu ʻoku tau haʻu mei aí

Te ke lava ʻo fakamatalaʻi ʻa e ngaahi fakaikiiki ko ʻeni fekauʻaki mo e puipuituʻa ʻo Luté kimuʻa peá ne mali mo Poasí: Ko Luté ko ha Moape (Lute 1:4), ko ha uitou (Lute 1:5), mo ha tokotaha ului ki he lotu kia Sihová (Lute 1:16).

Fakamahinoʻi ange neongo naʻe ʻikai fāʻeleʻi ʻa Lute ko ha fefine ʻIsileli pe ko ha taha koloaʻia, ka naʻá ne fili ke falala ki he ʻOtua ʻo ʻIsilelí pea muimui kiate Ia. Koeʻuhí ko ʻene tuí, naʻe huhuʻi ia.

Fakaafeʻi e kau akó ke nau lau ʻa e ʻAlamā 11:40 mo e 2 Nīfai 30:2, pea ʻeke ange ʻa e fehuʻi ko ʻení:

Ko e hā ha meʻa te tau lava ʻo ako mei he talanoa ʻo Luté mo e ngaahi veesi ko ʻení fekauʻaki mo e fakatomalá mo e tauhi ʻo e ngaahi fuakavá?

ʻOku ʻaloʻi ʻa e Fakamoʻuí ʻi he hako ʻo Luté

Te ke lava ʻo fakaafeʻi e kau akó ke nau lau ʻa e Lute 4:13–22, ʻo kumi pe ko hai ʻe fāʻeleʻi ki he fāmili ʻo Lute mo Poasí. ʻOku pehē ʻi he ngaahi vēsí ʻe hoko ʻa Lute mo Poasi ko ha ongo kui fakahangatonu ʻo e Huhuʻi ʻo e māmaní, Sīsū Kalaisi.

Fakakaukau ke fakaafeʻi e kau akó ke lekooti ʻenau fakamoʻoni kia Sīsū Kalaisí ʻi heʻenau tohinoa akó. Te ke lava ʻo poupouʻi kinautolu ke kumi ha faingamālie ʻi he ngaahi ʻaho siʻi ka hokó ke vahevahe ʻenau fakamoʻoní mo ha taha kehe.