Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Рут: “Их Эзэнээс ирэх шан хөлс чамд дүүрэн байг”

“Рут: ‘Их Эзэнээс ирэх шан хөлс чамд дүүрэн байг,’” Хуучин Гэрээний семинарын багшийн гарын авлага (2026)

“Рут: ‘Их Эзэнээс ирэх шан хөлс чамд дүүрэн байг,’” Хуучин Гэрээний семинарын багшийн гарын авлага

Рут; 1 Самуел 1–7: 68-р хичээл

Рут

“Их Эзэнээс ирэх шан хөлс чамд дүүрэн байг”

Ruth (Old Testament figure) gleaning wheat in the fields of Boaz. Naomi, the mother-in-law of Ruth and kinswoman of Boaz, is bringing a cup of water or refreshment to Ruth as she works. There are other men and women working in the fields. These people are depicted in the background. The painting depicts Ruth gleaning in the fields in hopes of gaining the favor of Boaz. Boaz is not depicted in the painting.

Авралын үнэ цэн бидний хувьд дангаараа төлөхөд дэндүү өндөр учраас бидний хүн нэг бүр гэтэлгэгдэх шаардлагатай. Хуучин Гэрээнд цэдэглэсэн Рут, Наоми, Боаз нарын шастир бол бидний хувийн Гэтэлгэгчээр Есүс Христийн үүргийг бэлгэдсэн бие махбодын гэтэлгэлийн түүх юм. Энэ хичээл нь Есүс Христэд мөн Түүний гэтэлгэх хүчинд итгэх хүслийг нэмэгдүүлэхэд суралцагчдад туслах зорилготой.

Суралцагчийн бэлтгэл: Есүс Христийг яагаад Гэтэлгэгч хэмээн нэрлэдгийг бодож үзэхэд суралцагчдыг урь. Есүс Христ биднийг бие махбодын хийгээд сүнсний үхлээс хэрхэн гэтэлгэснийг тунгаан бодоход тэднийг урамшуулан дэмж. (Тусламж шаардлагатай бол Судруудын удирдамж дахь “Гэтэлгэгч, Гэтэлгэгдсэн, Гэтэлгэл” гэснийг лавлан харах боломжтой.) Бодол санаагаа ангийнхантайгаа хуваалцахаар бэлдэж ирэхэд тэднийг уриал.

Боломжит суралцах үйл ажиллагаа

Есүс Христ бол бидний Гэтэлгэгч хэмээсэн нь ямар утгатай вэ?

Та Есүс Христийн дараах зургийг эсвэл өөрийн сонгосон өөр нэг зургийг үзүүлж, самбарт Гэтэлгэгч гэдэг үгийг бичин хичээлийг эхлүүлж болно.

Ахлагч Кристоффэрсоны эшлэлийг дэлгэцэд харуулаад, судлах тэмдэглэлдээ энэ хоёр асуултад хариулахад суралцагчдыг урь.

Jesus Christ depicted teaching a Samaritan woman at a well. Christ is portrayed sitting on the edge of the well. The woman is seated on the ground before Him.

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан.

Есүс Христийг дүрсэлсэн нэр цолоос хамгийн чухал нь Гэтэлгэгч хэмээх нэр юм. … Гэтэлгэх гэдэг үг нь өр төлбөр буюу хүлээсэн үүргээ төлж барагдуулах гэсэн утгатай юм. Гэтэлгэх гэдэг нь бас аврах, өр төлбөрийг төлж чөлөөлөх гэсэн утгатай юм. (“Гэтэлгэл,” Ерөнхий чуулган, 2013 оны 4-р сар, 128–132)

Та нарт мөн бусад хүнд Есүс Христээр гэтэлгэгдэх ямар арга зам хэрэгтэй вэ?
Та нар амьдралдаа Есүс Христийн гэтэлгэх хүчинд итгэхийг хэр их хүсэж байна вэ? Яагаад?

Өгсөн хариултдаа хэр итгэлтэй байгаагаа мөн Аврагчийн тухай болон Түүний гэтэлгэгч хүчний талаар илүү сайн ойлгож, мэдрэхэд хэрэгтэй зүйлийнхээ талаар бодож үзэхэд суралцагчдыг урь.

Та дараагийн догол мөрийг өөрийн үгээр нэгтгэн дүгнэж болно. Та мөн самбарт бичсэн Гэтэлгэгч гэдэг үгийн дэргэд үнэнийг тодоор бичиж болно.

Гэтэлгэл бол Рутын шастир дахь чухал сэдвүүдийн нэг юм. Та Рутын түүхийг судалж байхдаа хэрэв бид Есүс Христэд ирэх юм бол Тэр биднийг гэтэлгэх болно гэдгийг ойлгоход энэ түүхийг өөртэйгөө харьцуулах нь бидэнд хэрхэн туслахыг бодож үз. Бид юугаараа Руттай адил бөгөөд гэтэлгэгдэх шаардлагатайг, Боаз хэрхэн Аврагч Есүс Христ биднийг гэтэлгэдэгтэй адил байгааг мэдэхийн тулд Ариун Сүнсний тусламжийг эрэлхийл.

Рутын шастир

Та дараах хураангуйг унших юм уу тайлбарлаж болно.

Өлсгөлөн болох үед Наоми хэмээх израил эмэгтэй нөхөр, хоёр хөвгүүний хамт хөрш зэргэлдээх Бетлехемээс өөр соёл, шашин шүтлэгтэй Моабын нутаг дэвсгэр лүү нүүжээ. Хөвгүүд нь тэнд байхдаа Рут, Орпа хэмээх моаб эмэгтэйчүүдтэй гэрлэв.

Харамсалтай нь Наомигийн нөхөр, хоёр хөвгүүн нас барж, гурван эмэгтэй бэлэвсэрч үлджээ. Наоми Бетлехем рүү буцахыг сонгов. Наоми бэрүүдээ асарч халамжилж чадахгүй тул Моаб дахь гэр бүлдээ буцахыг тэдэнд уриалав. Орпа гэртээ буцжээ.

Наомид хэлсэн Рутын хариултыг олж мэдэхийн тулд Рут 1:8–9, 14–17-г унш.

Наомитай хамт Бетлехемд очсоноор Рутад ямар тодорхой бус үйл явдал, бэрхшээлүүд тулгардаг вэ?
Суралцагчдын хуваалцаж байгаа зүйлийг сонссоны дараа та дараах зүйлсийн заримыг тайлбарлан өгч болно. Тухайлбал:
- Наомитай хамт явснаар Рут Моаб нутаг дахь гэр бүлээ орхих болно.
- Рут өөр соёлтой, таньж мэдэхгүй нутагт харийн хүн байх болно.
- Нөхөргүйн улмаас Рут, Наоми хоёр туйлын ядуу зүдүү амьдралыг туулах болно.
- Рутын сонголт нь моабчуудын хуурамч бурхдад бус, харин Иеховаг (Есүс Христэд) шүтэн биширч, түүнд найдах хүсэлтэй байгааг харуулсан. (Та суралцагчдыг 16-р шүлэгт цэдэглэсэн “таны Бурхан миний Бурхан” гэсэн үгсийг олж тэмдэглэхэд урьж болно.)
Та нар Рутын нөхцөл байдлыг мэдэж байгаа тул түүний хариултаас юу та нарт онцгой санагдаж байна вэ?

Боаз Рутыг гэтэлгэдэг

Суралцагчдыг тараах материалыг гүйцээн бичсэний дараа та хэрэгтэй гэж үзсэн дараах зүйлсийн аль нэгийг тайлбарлаж болно. Үүнд:

Мосегийн хуульд ядуусыг халамжлахын тулд хураагаагүй үр тариаг талбайдаа үлдээхийг израилчуудаас шаарддаг байв (Леви 19:9–10-ыг үзнэ үү).
Наоми Боазыг тэдний өвийг хойчдоо золин авах “эрх бүхий нэгэн” (Рут 2:20-ийг үзнэ үү) буюу ойрын садангийн хүн хэмээн Рутад хэлжээ. “Эрх бүхий нэгэн” гэдэг нь еврей хэлний go-el буюу “гэтэлгэгч” гэсэн утгатай үгээс гаралтай. “Эрх бүхий нэгэн” нь гэр бүлийнхээ бэлэвсэн эхнэрүүдийн аюулгүй, баталгаатай байдлыг нь анхаарахын тулд тэднийг халамжлах (эсвэл бүр гэрлэх) ёстой гэж үздэг байжээ.
Руттай гэрлэх эрх бүхий түүний ойрын хамаатан нь өв золигч өөр нэгэн байсан тул Боаз Руттай гэрлэхээсээ өмнө (Рут 4:9–10, 13-ыг үзнэ үү) эрхийг түүнээс худалдаж авчээ (Рут 3:12–13-ыг үзнэ үү).

Самбарт хоёр багана үүсгэх нь тустай байж магадгүй. Эхний баганад Рут/Бид, хоёр дахь баганад Боаз/Есүс Христ гэсэн гарчиг тавь. Суралцагчид олж мэдсэн зүйлсээ самбарт жагсаан бичиж болно.

Бид ямар байдлаараа Руттай адил байж болох вэ?

Хариулт өгөхөд суралцагчдад хүндрэлтэй байвал тэднээс хэр хангалттай, хангалтгүй байгаагаа эргэцүүлэн бодохыг хүсэх талаар бодож үз. (Үүнд хангалттай зөв шударга эсвэл дуулгавартай байж чадахгүй байх, гэм нүгэл, сул дорой байдлаа даван туулах хангалттай хүчгүй байх, зөв зүйлийг үргэлжлүүлэн хийхэд хангалттай дэмжлэг үгүй байх гэх мэт байж болно.) Та мөн гэтэлгэл эрэлхийлэхийн тулд Рут юу хийсэн талаар, бид хэрхэн адилхан байж болохыг асууж болно.
Боаз ямар байдлаараа Есүс Христтэй адил вэ?

Хариулт өгөхөд суралцагчдад хүндрэлтэй байвал Рут 2:12, 15–16-г эргэн харахад тэднийг урих талаар бодож үз. Рутыг үргэлж хайрлаж, халамжлахын тулд Боаз түүнтэй гэрлэх, харилцаа үүсгэх гэрээ байгуулсан гэдгийг мөн та онцолж болно.

Шаардлагатай гэж үзвэл Аврагч бидэнд хэрэгтэй бүх арга замаар биднийг гэтэлгэдэг гэдгийг тайлбарла. Аврагч биднийг хэрхэн гэтэлгэдгийг олж мэдэхийн тулд Мозая 15:7–9 эсвэл Хиламан 5:9–11-ийг уншихад суралцагчдыг урих талаар бодож үз. Та мөн Аврагчийн гэтэлгэлийн ажилд бидэнд дэлхий дээрх асуудлаа шийдвэрлэхэд туслах багтдаг гэдгийг нэмж хэлж болно (Д.Тодд Кристоффэрсон, “Гэтэлгэл,” Ерөнхий чуулган, 2013 оны 4-р сар, 128–132-ыг үзнэ үү).
Боаз түүнд тусалж, түүнтэй гэрлэхээс өмнөх болон гэрлэсний дараа Рутын нөхцөл байдалд гарсан ялгааг та нар хэрхэн дүрслэх вэ?
Рут, Боаз хоёрын түүхээр дамжуулан Есүс Христтэй харилцах харилцааныхаа талаар бид ямар сургамж авах вэ?

Есүс Христ бол бидний Гэтэлгэгч

Та нар эсвэл та нарын таньдаг хэн нэгэн Есүс Христийн гэтэлгэгч хүчийг хэзээ мэдэрсэн бэ?
Та нар ирээдүйд яагаад Рутын адилаар Есүс Христэд мөн Түүний гэтэлгэгч хүчинд итгэхийг хүсэх вэ?
Та нарын бодлоор хэн нэгэн Аврагчийн гэтэлгэх хүчинд итгэх хүслээ нэмэгдүүлэхийн тулд юу хийж чадах вэ?

Хичээлийн төгсгөлд Их Эзэнд мөн Түүний гэтэлгэгч хүчинд итгэх талаар Ариун Сүнснээс хүлээн авсан бодол санаа, сэтгэгдлээ эргэцүүлэн бодоход суралцагчдыг урь. Тэд хичээлийн эхэнд судлах тэмдэглэлдээ хариулсан асуултууд дээрээ бодол санаагаа нэмж бичихийг хүсэж болно.

Нэмэлт эх сурвалжууд

Гэрлэх ямар ёс заншил Рутын түүхэд нөлөөлсөн бэ?

Эрэгтэй хүн гэрлээд эрэгтэй хүүхэдтэй болж чадалгүй нас барсан тохиолдолд түүний хамгийн ойрын эрэгтэй хамаатан садан нь бэлэвсэн эхнэртэй нь гэрлэх ёстой гэж левират гэрлэлтийн хуульд заасан байдаг (Bible Dictionary, “Levirate marriage” гэснийг үз). “Эрх бүхий нэгэн [мөн] нас барсан хамаатныхаа газрыг худалдаж авах (гэтэлгэх) эрхтэй байжээ.” (Эллис Т.Расмэссэн, A Latter-day Saint Commentary on the Old Testament [1993], 227)

Аврагчийн гэтэлгэх хүч надад хамаатай юу?

Арван хоёр төлөөлөгчийн чуулгын ахлагч Дэйл Г.Рэнланд ийн хуваалцсан.

14:39

Аврагч сэргээж чадахгүйг тань сэргээж, эдгээж чадахгүй шархыг тань эдгээж, засашгүйгээр эвдэрч хэмхэрснийг засаж, танд учирсан ямар нэгэн шударга бус зүйлийн хохирлыг барагдуулж, эмтэрсэн зүрхтэй хүмүүсийг үүрд анагаахдаа баяртай байдаг. (Дэйл Г.Рэнланд, “Бурханы сайн сайхан мөн агуу ихийг эргэцүүл,” Ерөнхий чуулган, 2020 оны 4-р сар, 48–51)

Би Есүс Христийн гэтэлгэгч хүчийг хэрхэн олж чадах вэ?

Далын ахлагч Ким Б.Кларк ийн заасан.

10:55

Биднийг гэрээнүүдийнхээ дагуу амьдрах үед тэдгээр нь бидний хэлж, хийж байгаа бүхэнд нөлөөлдөг. Гэрээний дагуух амьдрал маань Есүс Христ дээр төвлөрсөн энгийн, өдөр тутмын итгэлийн үйлдлүүдээр дүүрэн байдаг ба үүнд зүрх сэтгэлээсээ Түүний нэрээр залбирах, Түүний үгэн дээр найрлах, нүглүүдээ наманчлахын тулд Түүн рүү эргэх, Түүний зарлигуудыг сахих, ариун ёслолоос хүртэж мөн Түүний Хүндэтгэлийн өдрийг ариунаар сахих, Түүний ариун сүмд аль болох олон дахин орж шүтэн бишрэх, Бурханы хүүхдүүдэд үйлчлэхэд Түүний ариун санваарыг ашиглах зэрэг нь багтдаг.

Гэрээндээ үнэнч байх эдгээр үйлдэл нь бидний зүрх сэтгэл, оюун ухааныг Аврагчийн гэтэлгэгч хүчинд болон Ариун Сүнсний ариусгагч нөлөөнд нээж өгдөг. Аврагч бидний мөн чанарыг шат шатаар өөрчилдөг бөгөөд бид Түүнд илүү гүн хөрвүүлэгдэж, гэрээнүүд маань бидний зүрхэнд амь оруулдаг. (“Есүс Христ рүү харагтун,” Ерөнхий чуулган, 2019 оны 4-р сар, 66–69)

Нэмэлт суралцах үйл ажиллагаанууд

Рутын түүх

Рутын түүхийг дүрслэн харахад суралцагчдад туслах үүднээс та “Рут, Наоми хоёр” (2:00) видеог үзүүлэх талаар бодож үз.

2:0

Рут 2:12 шүлэг дэх дүрслэл

Рут 2:12 шүлэгт цэдэглэсэн Есүс Христийн гэтэлгэгч хүчний тухай эшлэлүүдийг олж мэдэхэд суралцагчдад туслахын тулд “буцаан өгөх” гэдэг нь гэтэлгэх гэдэг үгтэй мөн Есүс Христийн Гэтэлгэгчийн үүрэгтэй хэрхэн холбогдож байгааг тэднээс асууж болно.

Түүнчлэн, Арван хоёр төлөөлөгчийн чуулгын ахлагч Патрик Кийрон ийн заасан.

Хэдийгээр эдгэрэх боломжгүй мэт санагдаж, мэдрэгдэж болох ч “эдгээх туяагаар гийгүүлэгдсэн” Есүс Христийн Цагаатгалын гэтэлгэгч хүчин гайхамшгаар эдгэрч болно.” (“Тэр жигүүртээ анагаах чадлыг эзэмдэн … босох болно,” Лиахона, 2022 оны 5-р сар, 37)

Аврагчийн гэтэлгэлийн тухай нэмэлт видеонууд

3:29

3:27

3:35

Бидний хаанаас ирсэн гэхээсээ илүүтэй яаж амьдарч байгаа нь чухал

Боазтай гэрлэхээс өмнөх Рутын гарал үүслийн талаар нарийн ширийн зүйлийг та тайлбарлаж болно. Үүнд: Рут бол моаб гаралтай (Рут 1:4), бэлэвсэрсэн (Рут 1:5), Иеховаг шүтдэг хөрвөгч байсан (Рут 1:16).

Рут хэдийгээр төрөлхийн израил хүн биш, мөн ямар ч эд хөрөнгөгүй ч израилын Бурханд итгэж, Түүнийг дагахаар сонгосон гэдгийг онцлон тэмдэглэ. Итгэлийнхээ ачаар тэр гэтэлгэгдсэн билээ.

Алма 11:40 болон 2 Нифай 30:2-р шүлгийг уншихад суралцагчдыг уриад, дараах асуултыг тавь. Үүнд:

Бид Рутын түүхээс болон эдгээр шүлгээс наманчлал мөн гэрээнүүдийг сахих талаар юу сурч мэдэж чадах вэ?

Аврагч Рутын удмаас төрсөн

Рут, Боаз хоёрын гэр бүлд хэн мэндлэхийг олж мэдэхийн тулд та Рут 4:13–22-ыг уншихад суралцагчдыг урьж болно. Рут, Боаз хоёр дэлхийн Гэтэлгэгч Есүс Христийн шууд өвөг дээдэс болох болно гэдгийг эдгээр шүлэгт цэдэглэсэн байдаг.

Есүс Христийн талаарх гэрчлэлээ судлах тэмдэглэлдээ бичиж авахад суралцагчдыг урих талаар бодож үз. Та тэднийг ойрын өдрүүдэд өөр нэгэнтэй гэрчлэлээ хуваалцах боломжийг олж авахад уриалж болно.