Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iloilo Lou Aoaoina 4: Numera–Faamasino

“Iloilo Lou Aoaoina 4: Numera–Faamasino,” Tusi Lesona a le Faiaoga Seminare o le Feagaiga Tuai (2026)

“Iloilo Lou Aoaoina 4: Numera–Faamasino,” Tusi Lesona a le Faiaoga Seminare o le Feagaiga Tuai

Faamasino 2–4; 6–8; 13–16: Lesona 67

Iloilo Lou Aoaoina 4

Numera–Faamasino

Series of images of young men and adult males playing sports basketball and soccer in Congo

O le manatunatu ma iloiloina o lo tatou aoaoina faaleagaga e mafai ona fesoasoani ia tatou faalatalata atili atu ai i lo tatou Tama Faalelagi ma Iesu Keriso. O lenei lesona ua faamoemoe e fesoasoani i tagata aoga e manatunatu ai i sini na latou faatutuina ma le tuputupu a’e na latou maua i taimi o a latou suesuega talu ai nei o le Feagaiga Tuai.

Sauniuniga a le tagata aoga: Valaaulia tagata aoga e o mai saunia e faasoa mai mea na latou aoaoina po o ni auala na latou tuputupu a’e ai faaleagaga talu mai le amataga o la latou suesuega o le Feagaiga Tuai i lenei tausaga. E mafai ona e fautuaina i latou e toe faamanatu a latou api talaaga mo suesuega po o faamatalaga i totonu o a latou tusitusiga paia e fesoasoani ia i latou e maitau ai lo latou aoaoina ma le tuputupu ae.

Gaoioiga e Ono Mafai Ona Aoao Ai

O le suesuega e lau vasega o le Feagaiga Tuai atonu na taulai atu i taunuuga eseese nai lo na o mea na o loo iloiloina i lenei lesona. Afai o lea, fetuunai gaoioiga e iloilo ai le tuputupu a’e na oo i ai tagata aoga mai taunuuga na taulai atu i ai i lau vasega.

I lenei lesona, o le a maua e tagata aoga, le avanoa e iloilo ai lo latou alualu i luma i le:

Faamatalaina o ituaiga po o faatusa o Iesu Keriso mai le Feagaiga Tuai. (Faamatalaga: O lenei gaoioiga e faatatau i lesona eseese i le Feagaiga Tuai atoa, e aofia ai le Lesona 57: “Numera 21.”)
Lagonaina o se manao faateleina e alofa i le Alii ma o latou loto atoa. (Faamatalaga: O lenei gaoioiga e faatatau i mea na faia e tagata aoga i le Lesona 58: “Teuteronome 6:1–6.”)
Usitaia o poloaiga a le Alii. (Faamatalaga: O lenei gaoioiga e faatatau i mea na faia e tagata aoga i le Lesona 49: “Esoto 20:1–11,” Lesona 58: “Teuteronome 6:1–6,” Lesona 59: “Teuteronome 6:6-25; 7:1-26; 8:1-20,” ma le Lesona 60: “Teuteronome 15.”)

O le taua o lo tatou taitaiga nai lo le faatopelau

Ina ia fesoasoani i tagata aoga e saunia e talanoa i le taua o le tuputupu a’e faaleagaga, valaaulia i latou e talanoa i le fesili lenei a le o se vasega po o ni vaega toalaiti:

O a nisi o faataitaiga i taaloga po o le olaga lea e sili atu ai le taua o le itu o loo e agai i ai nai lo lou saoasaoa?

Faaali atu le faamatalaga lenei ma valaaulia tagata aoga e vaavaai mo le taua o le taitaiga pe a oo i le tuputupu a’e faaleagaga.

O Elder Larry R. Lawrence o le Fitugafulu na aoao mai e uiga i lo tatou tuputupu a’e faaleagaga.

E silafia e le Tama Faalelagi o tatou gafatia paia. E olioli o Ia i taimi uma tatou te faia ai se la’a agai i luma. Ia te Ia, o le itu tatou te agai i ai e sili atu ona tāua nai lo le tatou saoasaoa.

Ia finafinau, uso e ma tuafafine, ae aua lava ne’i faavaivai. (“Se A se Mea O Toe Ou Te Lei Faia?” Liahona, Nov. 2015, 35)

Aisea e te manatu ai o le taitaiga o lo tatou tuputupu a’e faaleagaga e sili atu ona taua i lo tatou Tama Faalelagi nai lo le saoasaoa?

Atonu e faigata i nisi tagata aoga ona maitauina lo latou tuputupu a’e faaleagaga. Faamalamalama atu o le toe manatunatu i le mea o loo tatou iai i le taimi nei e faatusatusa i le mea sa tatou i ai muamua—e tusa lava pe itiiti lo tatou alualu i luma—e mafai ona fesoasoani ia i tatou e iloa ai le tuputupu a’e faaleagaga. E mafai ona manatua e tagata aoga mea ua latou aoaoina e uiga i le Faaola, mausa amiotonu o loo latou atiinaeina, po o auala o loo latou taumafai ai e ola e faapei o Iesu Keriso.

Mafaufau e valaaulia tagata aoga e faaalu ni nai minute e iloilo ai a latou api talaaga mo suesuega po o faamatalaga i a latou tusitusiga paia. E mafai ona latou vaavaai mo mea na latou tusia e uiga i le Faaola, uunaiga faaleagaga po o malamalamaaga, po o soo se fuafuaga latou te mananao e faatino.

Valaaulia tagata aoga e faasoa mai mea na latou maua. Ona valaaulia lea o i latou e tali fesili e pei o nei i a latou api faamaumau mo suesuega:
Na faapefea ona e maitauina le tuputupu a’e po o le alualu i luma talu mai le amataga o le tausaga aoga i au taumafaiga e mulimuli ia Iesu Keriso?
O le a se mea ua e aoaoina pe faaaogaina mai lau suesuega o le Feagaiga Tuai?

Valaaulia ni tagata aoga naunautai e faasoa mai a latou tali i le vasega.

A o e iloiloina lou aoaoina i le aso, ia tatala atu i uunaiga mai le Agaga Paia e fesoasoani ia te oe e iloa ai lou tuputupu a’e faaleagaga i le mulimuli ai ia Iesu Keriso—e tusa lava pe na o le tasi le laa i luma.

Faamatala ituaiga po o faatusa o Iesu Keriso mai le Feagaiga Tuai.

Tuu atu i tagata aoga se avanoa e faataitai ai e faamatala pe faapefea e nisi o ituaiga po o faatusa na latou suesueina talu ai nei i le Feagaiga Tuai ona faasino atu ai i tatou ia Iesu Keriso (tagai Mose 6:63).

O se tasi o auala e faia ai lenei mea o le faaali atu lea o le ata lenei ma fesili atu i tagata aoga po o le a se mea latou te manatua e uiga i lenei tala i tusitusiga paia. Afai e manaomia e tagata aoga se fesoasoani, e mafai ona e faasino atu i latou i le Numera 21:4–9. Ona mafai lea ona faataitai e tagata aoga le faamalamalamaina o le auala e faasino atu ai e lenei faatusa o tatou manatu i le matafaioi ma le misiona a Iesu Keriso e ala i le talanoaina o a latou tali i fesili nei e lua:

The Old Testament prophet Moses pointing to a staff with a brass serpent attached to the top. The painting illustrates the event wherein Moses promised the Israelites that they would be saved from the fiery serpents if they looked at the brass serpent.

O le a le mea o aoao mai e le faatusa o le gata apamemea i luga o se pou e uiga ia Iesu Keriso?
E faapefea ona faataunuu e Keriso lenei matafaioi lava e tasi i o tatou olaga?

Atonu e faailoa mai e tagata aoga e i ai i le Faaola le mana e faamalolo ai i tatou e le gata i ma’i faaletino ae faapea foi luitau faaleagaga e pei o le le talitonu po o le loto maaa. Afai e ono fesoasoani ai, faamanatu i tagata aoga e faapea, i le Lesona 57: “Numera 21” na latou aoaoina ai o le faatusa o le gata apamemea e mafai ona aoao ai i tatou e faapea, a o tatou vaavaai atu i le Faaola i le faatuatua, o le a Ia faamaloloina i tatou.

Atonu e te manao e tuu atu i tagata aoga se isi avanoa e faataitai ai le faamalamalamaina o isi faatusa i le Feagaiga Tuai lea e faasino atu ai o tatou mafaufauga i matafaioi ma le misiona a Iesu Keriso. O le vaega o totoe o lenei vaega o loo talanoaina ai le auala e te ono faia ai lenei mea.
O a isi ituaiga po o faatusa o Iesu Keriso e te manatua mai lau suesuega o le Feagaiga Tuai?

Lisi tali a tagata aoga i luga o le laupapa. E mafai ona ta’ua e tagata aoga taulaga osi i manu (tagai Mose 5:5–7; Levitiko 1), Aperaamo ma Isaako (tagai Kenese 22:1–19), faatusa mai le Paseka (tagai Esoto 12), vai (tagai Esoto 15:23–26; 17:1–6), manai (tagai Esoto 16), faamasino po o e laveai (tagai Faamasino 3:9), po o isi.

Valaaulia tagata aoga e faamatala pe faapefea e le malamalama ai i nei ituaiga ma faatusa o le Faaola ona fesoasoani ia i tatou i aso nei. Ina ia faia lenei mea, faaali atu faatonuga nei ma valaaulia tagata aoga e galulue faatasi ma se paga.

Filifili se tasi o ituaiga po o faatusa o Iesu Keriso mai le Feagaiga Tuai ma faamalamalama mea nei:

O le mea ua aoaoina ai oe e lena ituaiga po o faatusa e uiga ia Iesu Keriso.
O auala ua faataunuu ai e Iesu Keriso le matafaioi lava lea e tasi i o tatou olaga.

A uma ua lava se taimi, valaaulia tagata aoga e faasoa a latou tali ma se isi paga po o le vasega.

Lagona se manao faateleina e alofa i le Alii ma o tatou loto atoa

Ina ia fesoasoani i tagata aoga e toe manatunatu i lo latou manao i le taimi nei e alolofa i le Alii ma o latou loto atoa, mafaufau e tusi se ata o se fatu i luga o le laupapa e pei o lenei. Aua nei tusia le laina pe faatumu se vaega o le fatu. Amata le vaega lenei i le fesoasoani i tagata aoga e mafaufau po o le a le tele o lo latou alofa i mea po o tagata i o latou olaga. O lenei le tasi o auala e mafai ona e talanoaina ai lenei mea:

O a nisi o mea po o ai nisi o tagata e te alofa i ai? O a nisi o auala e mafai ona e faailoa atu ai lou alofa tele ia i latou?

Atonu e te manao e filifili se tagata aoga na faasoa mai se mea latou te alofa i ai. E mafai ona e fai atu ia i latou e o mai i le laupapa ma tusi se laina i luga o le fatu e faailoa mai ai pe o le a le tele o lo latou alofa i lena mea. Aloese mai le fai atu ia i latou e faasoa mai le tele o lo latou alofa mo tagata taitoatasi.

Faitau le Teuteronome 6:4–6, vaavaai mo le auala e tatau ona tatou alolofa ai i le Tama Faalelagi ma Iesu Keriso.

E faapefea ona e faailoa atu lenei mea i luga o le fatu?

E faalagolago i mea e fai mai ai tagata aoga, e mafai ona e faatumuina le vaega o totoe o le fatu.

I le Lesona 58: “Teuteronome 6:1–6,” na valaaulia tagata aoga e talanoaina pe faapefea e tagata taitoatasi i nofoaga eseese ona faailoa atu lo latou alofa mo le Atua. Faamanatu i tagata aoga lenei talanoaga na muamua atu, pe a talafeagai ai.

O le fea o mea nei na aafia talu ai nei lou alofa mo le Tama Faalelagi ma Iesu Keriso:

O aafiaga mai lou olaga po o olaga o isi?
O mau na e suesueina toatasi talu ai nei, faatasi ma lou aiga, i le lotu, po o i le seminare?

E mafai ona e valaaulia ni nai tagata aoga naunautai e faasoa mai. Ina ia fesoasoani i tamaiti aoga e iloilo lo latou manao i le taimi nei e alolofa i le Alii ma o latou loto atoa, e mafai ona e fai atu ia i latou e tusi se ata o se fatu i a latou api talaaga mo suesuega ma faailoa atu i totonu o le [ata o le] fatu le auala o loo latou alolofa ai i le Atua i le taimi nei ma o latou loto. E mafai ona latou mafaufau loloto i fesili nei e fesoasoani ia i latou.

Mafaufau loloto i ou lagona o i ai nei e faatatau i le Tama Faalelagi ma Iesu Keriso e faaaoga ai fesili nei:

I nai vaiaso ua mavae atu, pe e te lagonaina ua faateleina, faaitiitia, pe tumau pea lou alofa mo le Tama Faalelagi ma Iesu Keriso?
O le a se mea ua aafia ai ou lagona i le taimi nei e uiga ia i La’ua?
E ono mafai faapefea ona e taumafai e alofa ia i La’ua ma lou loto, agaga, ma le malosi atoa?

Usitai i poloaiga a le Alii

I le taimi o la latou suesuega talu ai nei o le Feagaiga Tuai, atonu na aoao ai tagata aoga e uiga i nisi o poloaiga a le Atua. Ina ia fesoasoani i tagata aoga e iloilo a latou taumafaiga e usiusitai i poloaiga a le Alii, mafaufau e tusi se poloka tele 1 i luga o le laupapa. O lenei 1 e mafai ona faatusa i lo latou manao e faamuamua le Atua i o latou olaga e ala i le usiusitai i Ana poloaiga.

Atonu na tusia e tagata aoga o se 1 i le Lesona 49: “Esoto 20:1–11” ma tusia se fuafuaga mo le usiusitai ai i se tasi o poloaiga a le Atua i tafatafa o lenei 1 i la latou api talaaga mo suesuega. Afai o lea, valaaulia tagata aoga e toe iloilo la latou fuafuaga.

Afai e lei faia muamua e tagata aoga lenei ata pe fatu se fuafuaga, mafaufau e valaaulia i latou e faia nei.

Toe manatu i lou alualu i luma e ala i le taliina o fesili nei i totonu o lau api talaaga o suesuega:

O faapefea mai au taumafaiga e usitai i lenei poloaiga? O a faamanuiaga, tuputupu ae, faafitauli, po o tauiviga ua e maitauina?
Na faapefea ona e lagonaina lou latalata atili atu i le Atua a o e taumafai e usitai i lenei poloaiga? Pe e faapefea ona e lagona ua e latalata atili atu ia te Ia a o e taumafai e usitai i ai?

Valaaulia tagata aoga e faaauau pea ona taumafai e faamuamua le Atua i o latou olaga. E mafai foi e tagata aoga ona tusi se ata fou o le 1 ma tusi i totonu pe latalata i ai se poloaiga fou latou te mananao e taulai atu i ai.

Faamanatu i tagata aoga o le taitaiga faaleagaga o loo latou agai atu i ai e sili atu ona taua i le Tama Faalelagi nai lo o latou saoasaoa. Molimau atu i Lana fesoasoani ma uunaia i latou e faaauau pea ona fetaomi atu i luma i le ala o le feagaiga, e tusa lava pe foliga mai e telegese lo latou alualu i luma.