Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faamasino 2–4: Liliu atu i le Alii mo le Laveaiga

“Faamasino 2–4: Liliu atu i le Alii mo le Laveaiga,” Tusi Lesona a le Faiaoga Seminare o le Feagaiga Tuai (2026)

“Faamasino 2–4: Liliu atu i le Alii mo le Laveaiga ,” Tusi Lesona a le Faiaoga Seminare o le Feagaiga Tuai

Faamasino 2–4; 6–8; 13–16: Lesona 65

Faamasino 2–4

Liliu Atu i le Alii mo le Laveaiga

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

Ina ua ulufale atu le fanauga a Isaraelu i le nuu folafolaina, sa latou filifili e le usiusitai i le poloaiga a le Alii e tutuli ese tagata amioleaga uma o loo nonofo ai. O le taunuuga, o le toatele o tagata Isaraelu na talia faiga amioleaga a nei tagata ma le maua ai le puipuiga a le Alii. Ae peitai, o taimi uma lava e tagi atu ai tagata Isaraelu i le Alii mo se laveaiga, na Ia “faatuina mai se laveai” mo i latou (Faamasino 3:9). E mafai ona fesoasoani lenei lesona i tagata aoga ia malamalama i le matafaioi a le Faaola i le avea ai ma o tatou Laveai.

Sauniuniga a tagata aoga: Valaaulia tagata aoga e mafaufau i se taimi na laveaiina ai e le Faaola (laveaiina pe faasaolotoina) se tasi i tusitusiga paia, se tasi latou te iloa, po o i latou lava. E mafai e tagata aoga ona faailoa mai mea na faia e le tagata po o tagata taitoatasi e aapa atu ai i le Faaola mo le laveaiina.

Gaoioiga e ono Mafai Ona Aoao Ai

O Mamanu

Ina ia saunia tagata aoga e aoao e uiga i se mamanu faaleagaga o loo maua i le tusi o Faamasino, mafaufau e faaali atu mamanu faafuainumera nei. Valaaulia ni vaega toalaiti o tagata aoga e faatumu numera o loo misi.

Saili numera e lua o loo sosoo ai i faasologa taitasi nei:

A. 2, 4, 6, 8, 10, 12, ,

E. 1, 3, 7, 13, 21, 31, ,

I. 1, 4, 3, 6, 5, 8, 7, ,

O. 10, 11, 6, 8, 4, 7, 4, ,

Afai e manaomia e tagata aoga se fesoasoani, e mafai ona e faasoa atu mamanu nei:

A: +2

E: +2, +4, +6, ma isi mea faapena

I: +3, −1, +3, −1

O: +1, −5, +2, −4, +3, −3, ma isi mea faapena

O a ni tulaga i o tatou olaga e ono fesoasoani ai le faailoaina o mamanu?
Aisea e taua ai le iloa o mamanu faaleagaga i o tatou olaga?

I le asō a o e suesueina se mamanu faaleagaga na iloa e tagata Isaraelu i le tusi o Faamasino, mafaufau pe faapefea ona faatatau i lou olaga. Valaaulia le Agaga Paia e aoao atili oe e uiga i le Tama Faalelagi ma Iesu Keriso a o e suesueina lenei mamanu.

O le taamilosaga o le agasala ma le laveaiga

Ina ua ulufale atu le fanauga a Isaraelu i le nuu folafolaina, sa poloaiina i latou e le Alii e tutuli ese tagata amioleaga na nonofo ai (tagai Teuteronome 7:1–4). E toatele tagata Isaraelu na filifili e le usiusitai atoatoa i lenei poloaiga. Sa latou faatagaina nisi o tagata amioleaga e nonofo ai pea (tagai Faamasino 1:21, 27–28). I le Faamasino 2–4, ua tatou aoao ai e uiga i se mamanu faaleagaga, po o se taamilosaga, na oo i tagata Isaraelu ona sa latou le mulimuli soo i le Tama Faalelagi ma Iesu Keriso.

Mafaufau e faaali atu le taamiloga lenei i luga o le laupapa. Valaaulia tagata aoga e kopi i a latou api talaaga mo suesuega.

A diagram depicting the cycle of sin and deliverance in the book of Judges with four sections connected by blue arrows.

Valaaulia tagata aoga e suesue fuaiupu nei ma se paga po o se vaega toalaiti, ma vaavaai mo le mamanu o amioga na tupu i tagata Isaraelu. E mafai e tagata aoga ona aotele seti taitasi o fuaiupu i se upu po o se fasifuaitau. Ona mafai lea ona latou tusia lena upu po o le fasifuaitau i le pusa talafeagai i luga o a latou ata.

1. Faamasino 3:5–7 (Faamatalaga: Baalim o le perulale (numera tele) o Paala, o se atua pepelo sa tapuaia i Kanana. O le upu togavao e faasino i “se laau ola po o se pou e pei o se laau, ua faatuina o se mea faitino e tapuai i ai” [Lomifefiloi o le Tusi Paia,“Grove”].)

2. Faamasino 3:8

3. Faamasino 3:9 (fasifuaitau muamua o le fuaiupu)

4. Faamasino 3:9–11

A uma ona suesue e tagata aoga ia fuaiupu, valaaulia i latou e faasoa mai upu po o fasifuaitau na latou faaaofia i a latou ata. Afai e manaomia, e mafai ona e ofoina atu fautuaga nei mo pusa taitasi: 1. Agasala; 2. Taunuuga; 3. Tagi atu i le Alii; 4. Laveaiga e ala i le Alii. Ina ia fesoasoani i tagata aoga e faamaumau lenei taamiloga i a latou tusitusiga paia, e mafai ona e valaaulia i latou e tusi le upu po o le fasifuaitau mai pusa taitasi i tafatafa o seti fuaiupu taitasi.

Ona faaali atu lea o faatonuga nei: Tuu atu i tagata aoga ni nai minute e suesue ai nisi po o mau faasino uma.

Ina ia vaai i isi faataitaiga o lenei taamilosaga i le Faamasino 2–4, suesue nisi o mau faasino nei. A o e maitauina elemene eseese o le taamilosaga, e mafai ona e faaigoaina i latou i au tusitusiga paia. (Manatua: E le o elemene uma o le taamilosaga o le a faaalia mai i seti uma o fuaiupu.)

Faamasino 2:10–18

Faamasino 3:12–15, 26–30

Faamasino 4:1–4, 14–16

O le a se mea e mafai ona tatou aoaoina e uiga i le Tama Faalelagi ma Iesu Keriso mai lenei taamilosaga i le Faamasino 2–4?

A o faasoa mai e tagata aoga tali i le fesili na muamua atu, mafaufau e faasino atu o latou malamalamaaga e faaalia ai le alofa ma uiga o le Atua. O se tasi o auala e faia ai lenei mea o le faia lea o ni faamatalaga faigofie pe a uma ona faasoa mai e tagata aoga. E mafai ona e faapea atu, “Faafetai mo lou malamalamaaga loloto e uiga i le natura alofa mutimutivale o Iesu Keriso” po o le “Ou te faafetai mo lau faamanatu i le mana o le Faaola e laveai ai i tatou” po o le “Aisea e taua ai le iloa o loo i ai foi i le Tama Faalelagi lena uiga na e matauina i le Faaola?” (Mo aoaoga faaopoopo i le fesoasoani ai i tagata aoga e o mai ia Iesu Keriso, tagai i le “Fesoasoani i Tagata Aoao e Faamalosia La Latou Sootaga ma le Tama Faalelagi ma Iesu Keriso” i le Tomai mo le Atinaega o Faiaoga [2022], 9.)

O nisi o upumoni e ono maua e tagata aoga e uiga i le Alii i nei fuaitau o:

Afai tatou te filifili e teena le Alii, o le a tatou le maua Lana taitaiga ma le puipuiga i o tatou olaga.

A o tatou filifili e liliu atu i le Alii ma valaau atu i Lona suafa, o le a Ia laveai i tatou.
E faapefea i lou manatu ona aafia lou olaga i le malamalama ai i nei upumoni?

O le Laveai

Faamalamalama atu o se tasi o faalagiga o le Faaola o le Tagata Laveai (tagai 2 Samuelu 22:2). E mafai e tagata aoga ona faitau ma faatusatusa le Mosaea 7:33 i le Faamasino 3:9. Fai atu ia i latou e faasoa mai pe na faapefea e tagata na fesoasoani e laveai tagata Isaraelu i le tusi o Faamasino ona avea ma faatusa o Iesu Keriso.

Ina ia fesoasoani i tagata aoga e taofi ma faapatino mea sa latou aoaoina, e mafai ona e tusia le “o au” i luga o le laupapa i le ogatotonu o le taamilosaga. Valaaulia tagata aoga e mafaufau loloto po o fea atonu o latou i ai i le taimi nei i le taamilosaga. Fai atu ia i latou e mafaufau i tulaga i o latou olaga latou te manaomia ai le laveaiga a le Faaola.

Na molimau mai Elder Kyle S. McKay o le Fitugafulu i le auala ua avea ai Iesu Keriso o le Laveai Sili:

11:40

Ou te molimau atu o Iesu Keriso o le Laveai Sili, ma i Lona suafa, ou te folafola atu ai afai e te liliu atu ia te Ia ma le manatu moni ma le faamoemoega atoatoa o le loto, o le a Ia laveaia outou mai mea uma o loo taufaamata’u e faaitiitia pe faatamaia lou olaga po o le olioli. (“O le Agalelei Faavave o le Atua,” Liahona, Me 2019, 107)

O a ni ou manatu po o lagona o i ai pe a e tomanatu i lenei faamatalaga?

Mafaufau e tuu atu i tagata aoga se taimi e lisi ai i a latou api talaaga po o luga o le laupapa soo se taufaamatau e mafai ona “faaitiitia pe faaumatia ai [o latou] olaga po o le olioli.” Afai e aoga, e mafai e tagata aoga ona suesue i le tusiga “E Mafai e le Faaola Ona Laveai i Tatou” (Jessica Z. Strong, Mo Le Malosi o le Autalavou, Dec. 2022, 2–4),ma vaavaai ai mo ni faataitaiga.

I autafa o le lisi na latou fatuina, e mafai e tagata aoga ona tusi tali i le fesili lenei.
O a nisi o auala e mafai ai e le Faaola ona laveai i tatou pe a tatou liliu atu ia te Ia?

Fesoasoani i tagata aoga ia iloa ni auala faaopoopo e mafai ai e le Faaola ona laveai i tatou a o tatou liliu atu ia te Ia. E mafai ona latou mafaufau i faataitaiga o le laveaiga a le Faaola i tusitusiga paia, i o latou lava olaga, po o olaga o tagata latou te iloa. E mafai ona e valaaulia tagata aoga e sue mau o loo aoao mai e uiga i le mana o le Alii e laveai ai, e pei o le Alema 36:27–29; 38:5. E mafai foi ona latou faitau “7 Auala e Mafai ai e le Alii ona Laveai Oe” (David A. Edwards, Mo Le Malosi o le Autalavou, Ape. 2022, 18–20).

Valaaulia volenitia e faasoa mai o latou malamalamaaga. E mafai foi ona e valaaulia i latou e faamatala mai pe faapefea e le manatuaina o nei faataitaiga ona fesoasoani ia i latou e faamalosia ai lo latou faatuatua ma le faatuatuaina o le Faaola.

Faataitai le malamalama i ai

Ina ia fesoasoani i tagata aoga e faaalia lo latou malamalama i le matafaioi a le Faaola i le avea ai ma Laveai, faaali atu faatonuga nei. E mafai ona latou faamae’a le gaoioiga ma se paga po o se vaega toalaiti.

Fatu se vaaiga faataitai e uiga i se tagata talavou o loo manaomia le laveaiga a le Faaola mai se tulaga patino.
Tusi se parakalafa e aotele ai mea ua e aoaoina e uiga i le auala e mafai ai e le Faaola ona laveai lenei tagata.

Mafaufau e tuu atu i tagata aoga e faamaea le laasaga 1 ona faasoa atu lea o a latou tulaga faataitai i se isi paga po o se vaega. Ona mafai lea ona latou faamaea le laasaga 2 e tali atu ai i le tulaga faataitai a le isi vaega.

E mafai ona e faaiuina lenei lesona i le faasoa atu o se aafiaga po o se molimau i le mana o le Faaola e laveai ai.

O Punaoa Faaopoopo

O le ā le matafaioi a faamasino Isaraelu i le tusi o Faamasino?

O le tusi o Faamasino ua faaigoaina i taitai eseese, e ta’u o “faamasino” (Faamasino 2:16–19), o tagata autu o le tusi. O nei faamasino i se ta’u faalauaitele o ni taitai o vaega’au ma o ni tagata tau nai lo o ni faifeau o le amiotonu (tagai Lomifefiloi o le Tusi Paia, “Faamasino, o”).

Aisea e taua ai le liliu atu e le aunoa i le Alii?

Na faamalamalama mai e Elder Dieter F. Uchtdorf o le Korama a Aposetolo e Toasefululua:

13:44

O loo tusia i le tusi o Faamasino e faapea ina ua maliu Iosua, “ua tupu mai le isi tupulaga … e latou te lē iloa le Alii, po o ana galuega na ia faia mo Isaraelu” [Faamasino 2:10].

E ui i puipuiga ofoofogia faalelagi, o asiasiga, o lavea’iga, ma manumalo faavavega na molimauina e le fanauga a Isaraelu i le taimi o soifua Mose ma Iosua, ae i totonu o se augatupulaga e tasi, sa lafoai ai e tagata le Ala ae amata ona savavali e tusa ma o latou lava manao. Ma, ioe, e le’i leva ae latou totogiina loa le tau o na amioga.

O nisi taimi o lenei pa’ū’ū ese e alu ai le fia o augatupulaga. O nisi taimi e tupu i ni nai tausaga po o ni masina foi. Ae tatou te lilifa uma lava i ai. Tusa lava po o le a le malolosi o o tatou aafiaga faaleagaga na i ai i taimi ua alu, ae ona o i tatou o ni tagata ola tatou te agaigai ai lava ina taase. (“Toefuataiga i Aso Taitasi,” Liahona, Nov. 2021, 78)

E mafai faapefea ona ou maua le lavea’iga a le Alii?

Na aoao mai Peresitene Henry B. Eyring o le Au Peresitene Sili:

E finagalo pea le Alii e taitai i tatou i le laveaiga e ala i le avea atili o i tatou ma e amiotonu. E manaomia e lena mea le salamo. Ma e manaomia e lena mea le lotomaualalo. O le mea lea, o le ala i le laveaiga e manaomia ai pea le lotomaualalo ina ia mafai ai e le Alii ona limataitai i tatou i le mea e finagalo o Ia e ave tatou i ai e ui atu i o tatou faafitauli ma oo atu ai i le faapaiaina. (“O Le Mana o le Laveaiga” [Brigham Young University faigalotu, Jan. 15, 2008], 4, speeches.byu.edu)

Faamasino 4:4. O le a le perofeta fafine?

O se tamaitai ua mauaina se molimau ia Iesu ma olioli i le agaga o faaaliga. E le umia e se perofeta fafine le perisitua po o ona ki. E ui e na o ni nai tamaitai i tusitusiga paia ua ta’ua o perofeta fafine, ae o le toatele o i latou na vavalo, e pei o Repeka, Hana, Elisapeta, ma Maria. (Taiala i Tusitusiga Paia, “Perofeta Fafine,” Potutusi o le Talalelei)

Gaoioiga Faaopoopo e Aoao Ai

Filifiliga ma taunuuga

Atonu e aoga i tagata aoga le faasoa atu o mea na latou aoaoina e uiga i filifiliga ma taunuuga mai le taamilosaga o le agasala ma le laveaiga i le Tusi a Faamasino. E mafai ona latou faaaogaina mea na latou aoaoina i tulaga moni o le olaga. Ina ia fesoasoani i lenei mea, e mafai ona e tuuina atu i tagata aoga ni tulaga faataitai pupuu e faatusa i tagata i “pusa” eseese o le taamilosaga. O nisi nei o faataitaiga:

Ua tetee atu se talavou i le Atua.
O loo tauivi se talavou ma vaisu ma lagona o le maualalo o le taua o le tagata lava ia ona o filifiliga sa latou faia.
Ua filifili se talavou e liliu atu ma le lotomaualalo i le Alii ma salamo i mea sese ua tuanai.
O loo sologa lelei le olaga o se talavou. E le atoatoa o latou olaga, ae latou te lagonaina le faamanuiaina e le Alii i le tele o auala.

E mafai e tagata aoga ona tali atu i le tulaga faataitai i se fautuaga e mafai ona latou tuuina atu i se tasi i lena tulaga. Atonu e te fai atu ni fesili faapenei:

O a fautuaga po o lapataiga e mafai ona e tuuina atu i lenei talavou?
O le a se mea e mafai ona e valaaulia i latou e latou te faia?
O le a se mea e te manao e faamanatu atu ia i latou e uiga i le Alii?

Faamasino 4–5. Tepora

Ina ia fesoasoani i tagata aoga ia iloa pe faapefea e le faatuatua o se tagata e toatasi ia Iesu Keriso ona fesoasoani i isi e filifili e faatino i le faatuatua, mafaufau e matamata “Tepora le Perofeta Fafine” (2:10). O Tepora o se tasi o faamasino sa faaaoga e le Alii e laveai ia Isaraelu.

2:9

Ona mafai lea e tagata aoga ona faasoa mai isi faataitaiga o mau, po o faataitaiga mai o latou lava olaga, o ni tagata o e na uunaia e lo latou faatuatua ia tagata aoga ia faalagolago i le Alii.

Auauna atu iisi atua

Atonu e manaomia e tagata aoga le fesoasoani e faafesootai ai filifiliga na faia e le fanauga a Isaraelu i o latou lava olaga. Mafaufau e tuu atu ia i latou e faitau le Faamasino 2:11–13, 17, 19; 3:7. Fesoasoani ia i latou e faailoa mai na lafoaia e le fanauga a Isaraelu le Alii ae tapuai i isi atua. Atonu e te mana’o e faailoa atu e faapea, i le tele o aganuu i aso nei, atonu e foliga mai e fou i le mafaufau le uiga o le tapua’i i meafaitino. Ae peitai, e tupu le ifo i tupua pe a tatou tuu o tatou loto ma faalagolago i soo se mea e sili atu nai lo le Alii (tagai Aoaoga a Peresitene o le Ekalesia: Spencer W. Kimball, 146). E mafai ona e tuu tagata aoga i ni paga. O le tasi o paga e mafai ona lisi mai “atua pepelo o ona po nei” e ono mulimuli i ai tagata ma auala e mafua ai ona lafoaia e tagata le Alii ona o le mulimuli i nei atua pepelo. O faataitaiga e ono aofia ai tagata ta’uta’ua, tupe, po o aganuu lauiloa. E mafai e le isi paga ona lisi mai ni auala e mafai ona tatou mulimuli ai i le Tama Faalelagi ma faamanuiaga e mafai ona oo mai a’o tatou mulimuli ai [ia te Ia]. Ona mafai lea e paga ona fefaasoaai a latou lisi i le tasi ma le isi.