Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faamasino 6–8: “Ta Te Faatasi Lava ma Oe”

Faamasino 6–8: ‘Ta Te Faatasi Lava ma Oe,’” Tusi Lesona a le Faiaoga Seminare o le Feagaiga Tuai (2026)

Faamasino 6–8: ‘Ta Te Faatasi Lava ma Oe,’” Tusi Lesona a le Faiaoga Seminare o le Feagaiga Tuai

Faamasino 2–4; 6–8; 13–16: Lesona 66

Faamasino 6–8

“Ta Te Faatasi Lava ma Oe”

Gideon's band of 300 men feign an attack on their enemy.

Ina ua uma ona tatalo le fanauga a Isaraelu mo se laveaiga, sa valaauina e le Alii ia Kitiona e laveai i latou mai o latou fili. Na faaalia e le Alii Lona malosi e ala i le fesoasoani i tagata Isaraelu e faatoilalo se autau e silia ma le 135,000 fitafita ae na o le 300 tagata a Kitiona. E mafai ona fesoasoani lenei lesona i tagata aoga e lagona ai se manao sili atu e faalagolago ia Iesu Keriso mo le malosi.

Sauniuniga a tagata aoga: Valaaulia tagata aoga e sue se mau o loo faaalia ai le malosi e mafai ona tatou maua mai le Alii. Sau saunia i le vasega e faasoa mai [le mau].

Gaoioiga e ono Mafai Ona Aoao Ai

Ituaiga eseese o malosi

O ai nisi o tagata e te manatu e “malosi”?
O a ni auala eseese e mafai ai e se tagata ona foliga mai e malosi?

Faamalamalama atu o se tasi ituaiga o malosi o le gafatia lea o se tagata e faalagolago ai i le Alii.

Mafaufau e tuu atu i tagata aoga le avanoa e iloilo ai le tele o lo latou faalagolago i le Alii i tulaga faigata latou te ono feagai. E mafai ona e faaaoga tulaga nei pe mafaufau foi i isi e sili atu ona talafeagai mo au tagata aoga.

Mafaufau pe mata o le a faapefea ona e faalagolago i le malosi o le Atua i tulaga eseese. Mo tulaga taitasi o loo lisiina i lalo, fuafua po o fea e te tuuina ai oe lava i le ata lenei.

Faia o filifiliga taua
Feagai ai ma se manu’a po o se ma’i
Faaleleia atili o lou lava tagata
Galulue i luitau faatasi ma aiga po o uo

A o e suesue e uiga ia Kitiona i le asō, tatalo i le Tama Faalelagi e fesoasoani ia te oe e lagona le taua o le faalagolago i le Alii mo le malosi i lou olaga. Ia gauai atu i manatu po o lagona e mafai ona auina mai e le Atua ia te oe e ala i le Agaga Paia.

Kitiona ma tagata Isaraelu

Ina ia fesoasoani i tagata aoga ia malamalama i le faatatauga o le Faamasino 6, e mafai ona e iloiloina le ata o le taamilosaga o le faamaualuga mai le Lesona 65: “Faamasino 2–4.” E mafai foi ona e faitaua pe aotele le parakalafa lenei.

O leFaamasino 6 o loo faamatala ai se isi taimi na galo ai i tagata Isaraelu le Alii ma le maua ai Ana faamanuiaga. O se vaega o tagata sa ta’ua o tagata Mitiana na amata ona sauāina tagata Isaraelu. Mo le fitu tausaga sa faoa ai e tagata Mitiana saito ma manu a tagata Isaraelu i vaitau o le seleselega. O le i’uga, na mafatia ai tagata Isaraelu i le mativa. I le i ai i le tulaga faaletonu, na latou liliu atu ai loa i le Alii mo se fesoasoani. Ina ua uma ona manatua e le fanauga a Isaraelu le Alii ma tagi atu ia te Ia, sa Ia faatuina se tagata amiotonu e igoa ia Kitiona e laveai i latou mai o latou fili.

Faalagolago i le Alii

A maea ona galulue tagata aoga i le pepa na tufa atu, valaaulia i latou e faasoa mai se aotelega o mea na latou aoaoina mai le tala ia Kitiona.

Fai atu i ni nai tagata aoga e faasoa mai le upumoni na latou tusia mo le gaoioiga suesue 3. O se tasi lenei o faataitaiga: Afai tatou te faalagolago i le Alii, o le a Ia faamanuia i tatou i Lona malosi.

O a ni auala eseese e mafai ai e le Alii ona faamalosia i tatou?
E mafai faapefea ona tatou faalagolago i le Alii i aso nei?

Ina ia malamalama atili i lenei upumoni, valaaulia tagata aoga e vaai faalemafaufau ua avatu e se latou uō se feau tusitusia (tesi). Ua i ai le uo i se tulaga latou te lagona ai e le lava lo latou malosi. Tuu atu i tagata aoga e faasoa mai ni nai faataitaiga po o le a lea tulaga. Fai atu i le vasega e filifili se tulaga latou te lagona e sili ona anoa e talanoaina i le asō.

Saunia se tali e mafai ona e toe tesi atu i ai. Tusi nei mea i lau api talaaga mo suesuega. Afai e te manao ai, tusi se telefoni e i ai ni putaputa mo tusiga, ma tusi ai lau tali i totonu. O lau tali e tatau ona aofia ai ia le itiiti ifo ma le lua o mea nei:

1. E mafai faapefea ona fesoasoani le faataitaiga a Kitiona.

2. E faapefea ona ono fesoasoani isi mau i lau uo ia faalagolago i le Alii. (O nisi o faataitaiga o le Faataoto 3:5–6; Filipi 4:13; Alema 26:12; Eteru 12:27. E mafai foi ona e sailia le “Malosi” i le Taiala o Autu po o le “Faatuatuaina” i le Taiala i Tusitusiga Paia.)

3. O mea ua e iloa e uiga i le Alii e fesoasoani ia te oe e faalagolago ai ia te Ia.

4. O aafiaga na e oo i ai ina ua e lagonaina le faamalosia o oe e le Alii e sili atu nai lo ou lava tomai.

Faaiuga

Valaaulia tagata aoga e saili le taitaiga a le Tama Faalelagi a o latou taliina fesili nei i a latou api talaaga mo suesuega.

O le a se vaega o lou olaga e te lagona ai e le lava lou lava malosi?
O le a se mea ua e iloa po o mea ua e aoaoina e uiga i le Alii o le a fesoasoani ia te oe e faalagolago ai ia te Ia?
O a ni ou lagona e uiga i le Alii ma Lana fesoasoani?

O Punaoa Faaopoopo

E mafai faapefea ona ou faalagolago i le Alii?

Na folafola mai e Elder David A. Bednar o le Korama a Aposetolo e Toasefululua e faapea:

I le tele o le le mautonu ma luitau tatou te fetaiai i o tatou olaga ma i lenei galuega tele o aso e gata ai, e manaomia ai e le Atua i tatou e faia le mea sili tatou te mafaia, ia faalagolago ia te Ia, ia auai ma le naunautai ma galulue ae le na ona faatalitali ina ia tau faatonuina. Atonu tatou te lē vaai i ni agelu, faalogo i ni leo mai le lagi, pe maua foi ni uunaiga lofituina faaleagaga. Tatou te ono fetaomi soo foi i luma ma le faamoemoe ma le tatalo—ae e aunoa ma se faamautinoa a’ia’i—e faapea o loo tatou faia e tusa ma le finagalo o le Atua. Ae a o tatou faamamalu a tatou feagaiga ma tausia poloaiga, e mafai ona tatou savavali ma le mautinoa o le a taiala e le Atua a tatou laa. (“Ua Faasoa Atu e Elder Bednar ni Lesona se Lima e uiga i le Agaga o Faaaliga i Taitai Fou o misiona,” Talafou a le Ekalesia, 10 Iulai, 2018)

O le a le mea e manaomia ona ou faia ia ou vaaia ai vavega i lo’u olaga?

Na aoao mai Peresitene Russell M. Nelson:

17:18

Na faamautinoa mai ia i tatou e Moronae e faapea “e lei taofia lava le avea o le Atua ma se Atua o vavega” [Mamona 9:15]. O tusi paiauma o loo faaalia ai le naunautaiga o le Alii e fesoasoani i olaga o i latou o e talitonu ia te Ia. Sa Ia vaeluaina le Sami Ulaula mo Mose, fesoasoani ia Nifae e toe maua mai papatusi apamemea, ma toefuatai mai Lana Ekalesia e ala i le Perofeta o Iosefa Samita. O nei vavega taitasi sa alu ai le taimi ma atonu e le o mea tonu ia sa uluai talosagaina e na tagata taitoatasi mai le Alii.

I le ala lava e tasi, o le a faamanuia ai e le Alii oe faatasi ma vavega pe afai e te talitonu ia te Ia, “ma lē masalosalo i se mea” [Mamona 9:21]. Fai le galuega faaleagaga e saili ai vavega. Ia ōle atu ma le agaga tatalo i le Atua e fesoasoani mai ia te oe ia faatino lena ituaiga o faatuatua. Ou te folafola atu e mafai ona e iloa mo oe lava, o Iesu Keriso na te “avatua le malosi i e ua vaivai; a o e ua leai se malosi na te faatuputele i ai le malosi” [Isaia 40:29]. E i ai nai mea o le a faatelevaveina lou malosi faaleagaga e sili atu nai lo le iloaina o loo fesoasoani le Alii ia te oe e aveese se mauga i lou olaga. (“O Le Mana o le Malosiaga Faaleagaga,” Liahona, Me 2022, 99–100)

Gaoioiga Faaopoopo e Aoao Ai

Faamasino 6:25–28. Aveeseina o faatosinaga amioletonu mai o tatou olaga

Afai e te manao e faaalu se taimi faaopoopo i le tala ia Kitiona o loo lepetia i lalo le fata faitaulaga a Paala ma fausia se fata faitaulaga o taulaga, mafaufau i mea nei.

I le taimi o Kitiona, sa tapuai tagata Isaraelu ia Paala, o se atua pepelo o sa Kanana. Faitau pe toe faamatala le mea na tupu i le Faamasino 6:25–27.

O le a le mea na finagalo le Alii e aveese e Kitiona, ma o le a le mea na Ia finagalo e sui ai?
O a ni faatusa o Keriso e mafai ona e vaaia i le fuaiupu e 26? (Fesoasoani i tagata aoga ia iloa le faatusa o le taulaga mu o Keriso ma le ofoina atu i luga o se papa, o se faatusa foi o Keriso.)
O le a sou manatu i le mea na finagalo le Alii ia iloa e tagata mai mea na faia e Kitiona?

Valaaulia tagata aoga e mafaufau i nisi o punavai sese o le malosi tatou te sailia i nisi taimi. Fai atu ia i latou e mafaufau loloto pe faapefea ona tatou suia na punavai i se taulaiga ia Keriso mo le malosi. Atonu e te manao e faasoa atu le ata puupuu lenei mai le saunoaga a Peresitene Russell M. Nelson “Faatoilalo le Lalolagi ma Maua le Malologa” (Liahona, Nov. 2022, 97).

18:43

Faamasino 13–16. O Samasoni, o se tagata ua i ai se gafatia tele.

Mafaufau e faatusatusa le tala ia Kitiona ma le tala ia Samasoni e ala i le faaaogaina o nisi po o mea uma nei.

E lei leva ona mavae le manuia o Kitiona, ae toe pauu atu le fanauga a Isaraelu i le agasala ma le amioleaga (tagai Faamasino 8). Na iu lava ina filifilia e le Alii se isi tagata e laveai Isaraelu.

Iloilo ata o loo i lalo o loo faaalia ai Samasoni, o se tasi o faamasino na valaauina e le Alii e laveai le fanauga a Isaraelu mai tagata Filisitia.

O le a se mea ua e iloa e uiga ia Samasoni?

Sa lauiloa Samasoni i lona malosi na tuuina mai e le Atua. Ae peitai, e ui o nisi taimi sa ia faaaogaina lelei ai lana meaalofa o le malosi, ae na iu lava ina faamuta lona ola i se faalavelave pagatia ona sa iu lava ina faalagolago o ia i lona lava malosi ma le mana nai lo le malosi ma le mana o le Alii.

Faitau ni fuaitau se lua pe tolu o loo i lalo, lea e faapupula ai uiga ma mea na faamuamua e Samasoni.

Faamasino 14:2 (faaipoipo i fafo atu o le feagaiga)

Faamasino 14:19 (faaumatia tagata ona o le ita)

Faamasino 15:5–6 (saili le tauimasui)

Faamasino 16:1 (asiasi i se fafine talitane)

Faamasino 16:4–6 (e alofa i se fafine taufaasese, o Talila)

Faamasino 16:28 (na o le popole lava i le tauimasui mo ia lava)

O le ā se mea e mafai ona tatou a’oa’o mai i mea na tutupu iā Samasoni pe a faatusatusa i mea na tutupu iā Kitiona?
O le a se mea ua e aoaoina e uiga i le faalagolago i le Alii a o faaaogaina foi lou lava malosi i le mea sili e te mafaia?