Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Kau Fakamaau 6–8: “Ko e Moʻoni Te U ʻIate Koe”

“Kau Fakamaau 6–8: ‘Ko e Moʻoni Te U ʻIate Koe,’” Fuakava Motuʻá – Tohi Lēsoni ʻa e Faiako Seminelí (2026)

“Kau Fakamaau 6–8: ‘Ko e Moʻoni Te U ʻIate Koe,’” Fuakava Motuʻá – Tohi Lēsoni ʻa e Faiako Seminelí

Kau Fakamaau 2–4; 6–8; 13–16: Lēsoni 66

Kau Fakamaau 6–8

“Ko e Moʻoni Te U ʻIate Koe”

Gideon's band of 300 men feign an attack on their enemy.

Hili e lotu ʻa e kakai ʻIsilelí ke fakahaofi kinautolú, naʻe ui ʻe he ʻEikí ʻa Kitione ke fakahaofi kinautolu mei honau ngaahi filí. Naʻe fakahaaʻi ʻe he ʻEikí Hono mālohí ʻaki hono tokoniʻi e kakai ʻIsilelí ke nau ikunaʻi ha kau tau ʻe toko 135,000 tupu ʻaki ha toko 300 pē ʻo e kau tangata ʻa Kitioné. ʻE lava ke tokoni ʻa e lēsoni ko ʻení ke ongoʻi ʻe he kau akó ha holi lahi ange ke falala kia Sīsū Kalaisi ke maʻu ha mālohi.

Teuteu ʻa e tokotaha akó: Fakaafeʻi e kau akó ke kumi ha potufolofola ʻokú ne fakahaaʻi ʻa e mālohi te tau lava ʻo maʻu mei he ʻEikí. Haʻu mateuteu ki he kalasí ke vahevahe ia.

Ngaahi ʻEkitivitī Ako ʻOku Ala Fakahokó

Faʻahinga kehekehe ʻo e mālohí

Ko hai ha kakai te ke pehē ʻoku nau “mālohi”?
Ko e hā ha ngaahi founga kehekehe ʻe lava pehē ai ʻoku mālohi ha tokotaha?

Fakamatalaʻi ange ko e faʻahinga mālohi ʻe taha ko e malava ko ia ʻa ha taha ke falala ki he ʻEikí.

Fakakaukau ke ʻoange ki he kau akó ha faingamālie ke vakaiʻi ʻa e lahi ʻo ʻenau falala ki he ʻEikí ʻi he ngaahi tūkunga faingataʻa te nau ala fehangahangai mo iá. Te ke lava ʻo fakaʻaongaʻi ʻa e ngaahi tūkunga ko ʻení pe fakakaukau ki ha niʻihi kehe ʻoku felāveʻi ange mo hoʻo kau akó.

Fakakaukau ki he lahi hoʻo falala ki he mālohi ʻo e ʻOtuá ʻi ha ngaahi tūkunga kehekehe. ʻI he tūkunga takitaha ʻoku hiki atu ʻi laló, fakapapauʻi ʻa e feituʻu te ke fokotuʻu ai koe ʻi he fakatātā ko ʻení.

Fakahoko ha ngaahi fili mahuʻinga
Fekuki mo ha kafo pe puke
Fakalakalaka ko ha tokotaha
Fehangahangai mo ha ngaahi faingataʻa mo e fāmilí pe kaungāmeʻá

ʻI hoʻo ako fekauʻaki mo Kitione ʻi he ʻaho ní, lotua ke tokoniʻi koe ʻe he Tamai Hēvaní ke ke ongoʻi ʻa e mahuʻinga ʻo e falala ki he ʻEikí ke maʻu ha mālohi ʻi hoʻo moʻuí. Tokanga ki he ngaahi fakakaukau pe ngaahi ongo ʻe lava ke ʻoatu ʻe he ʻOtuá ʻo fakafou ʻi he Laumālie Māʻoniʻoní.

Kitione mo e Kakai ʻIsilelí

Ke tokoni ke mahino ki he kau akó ʻa e puipuituʻa ʻo e Kau Fakamaau 6, te ke lava ʻo toe vakaiʻi ʻa e fakatātā ʻo e siakale ʻo e hīkisiá mei he Lēsoni 65: “Kau Fakamaau 2–4.” Te ke lava foki ʻo lau pe fakamatalaʻi fakanounou e palakalafi ko ʻení.

ʻOku fakamatalaʻi ʻe he Kau Fakamaau 6 ha meʻa ʻe taha naʻe hoko ʻi he taimi naʻe ngalo ai ʻi he kakai ʻIsilelí ʻa e ʻEikí pea mole [meiate kinautolu] ʻEne ngaahi tāpuakí. Naʻe kamata ke ngaohikoviʻi ʻe ha falukunga kakai naʻe ui ko e kau Mitiané ʻa e kau ʻIsilelí. ʻI ha taʻu ʻe fitu, naʻe kaihaʻasi ʻe he kau Mitiané e kēleni mo e monumanu ʻa e kakai ʻIsilelí lolotonga e ngaahi faʻahitaʻu ʻo e ututaʻú. Ko hono olá, naʻe tofanga ʻa e kakai ʻIsilelí ʻi he masivesivá. ʻI heʻenau mātuʻaki faingataʻaʻiá, ne nau tafoki ki he ʻEikí ki ha tokoni. Hili hono manatuʻi ʻe he kakai ʻIsilelí ʻa e ʻEikí pea nau tangi kiate Iá, naʻá Ne fokotuʻu hake ha tangata māʻoniʻoni ko Kitione ke fakahaofi kinautolu mei honau ngaahi filí.

Falala ki he ʻEikí

Hili hono fakaʻosi ʻe he kau akó ʻa e laʻipepa tufá, fakaafeʻi kinautolu ke vahevahe ha fakamatala fakanounou ʻo e meʻa ne nau ako mei he talanoa ʻo Kitioné.

Kole ki ha niʻihi ʻo e kau akó ke vahevahe ʻa e moʻoni ne nau tohi ki he ʻekitivitī ako fika 3. Ko ha sīpinga ʻeni ʻe taha: Kapau te tau falala ki he ʻEikí, te Ne tāpuakiʻi kitautolu ʻaki Hono mālohí.

Ko e hā ha ngaahi founga kehekehe ʻe lava ke fakamālohia ai kitautolu ʻe he ʻEikí?
Te tau lava fēfē ʻo falala ki he ʻEikí ʻi he ʻahó ni?

Ke toe mahino ange ʻa e foʻi moʻoni ko ʻení, fakaafeʻi e kau akó ke nau fakakaukauloto naʻe tohi ange honau kaungāmeʻá kiate kinautolu. ʻOku tuʻu ʻa e kaungāmeʻá ʻi ha tūkunga ʻokú ne ongoʻi ʻoku ʻikai feʻunga hono mālohí. Tuku ke vahevahe ʻe he kau akó ha ngaahi sīpinga ʻe niʻihi ʻo e tūkunga ko ʻení. Kole ki he kalasí ke nau fili ha tūkunga ʻoku nau ongoʻi ʻe mahuʻingamālie taha ke nau lea ai ʻi he ʻahó ni.

Teuteuʻi ha tali te ke lava ʻo pōpoaki telefoni ki ai. Hiki ia ʻi hoʻo tohinoa akó. Kapau ʻokú ke fiemaʻu, tā ha telefoni mo ha ngaahi foʻi siakale ke fai ai ha tohi, pea tohiʻi hoʻo talí ʻi loto. ʻOku totonu ke kau ʻi hoʻo talí ha meʻa ʻe ua pe lahi ange mei heni:

1. Founga ʻe lava ke tokoni ai e sīpinga ʻa Kitioné.

2. Founga ʻe ala tokoniʻi ai ʻe he ngaahi folofola kehé ho kaungāmeʻá ke falala ki he ʻEikí. (ʻOku kau ʻi he ngaahi sīpingá ʻa e Lea Fakatata 3:5–6; Filipai 4:13; ʻAlamā 26:12; ʻEta 12:27. Te ke toe lava foki ʻo kumi ʻa e “Falalá” ʻi he Fakahinohino ki he Ngaahi Folofolá.)

3. Ko e meʻa ʻokú ke ʻilo fekauʻaki mo e ʻEikí ʻoku tokoni ke ke falala ai kiate Iá.

4. Ngaahi meʻa kuó ke aʻusia ʻi ha taimi naʻá ke ongoʻi ai hono fakamālohia koe ʻe he ʻEikí ʻo lahi ange ʻi he meʻa ʻokú ke malavá.

Fakaʻosí

Fakaafeʻi e kau akó ke nau fekumi ki he fakahinohino ʻa e Tamai Hēvaní ʻi heʻenau tali e ngaahi fehuʻi ko ʻení ʻi heʻenau tohinoa akó.

Ko e hā ha tafaʻaki ʻi hoʻo moʻuí ʻokú ke ongoʻi ʻoku ʻikai feʻunga ai ho mālohí?
Ko e hā ha meʻa ʻokú ke ʻilo pe ko e hā ha meʻa kuó ke ako fekauʻaki mo e ʻEikí te ne tokoniʻi koe ke ke falala kiate Iá?
Ko e hā hoʻo ongo fekauʻaki mo e ʻEikí mo ʻEne tokoní?

Ngaahi Maʻuʻanga Tokoni Kehé

Te u lava fēfē nai ʻo falala ki he ʻEikí?

Naʻe pehē ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá:

ʻI he ngaahi meʻa taʻepau mo faingataʻa lahi ʻoku tau fehangahangai mo ia ʻi heʻetau moʻuí pea ʻi he ngāue maʻongoʻonga ko ʻeni ʻo e ngaahi ʻaho kimui ní, ʻoku fiemaʻu ʻe he ʻOtuá ke tau fai hotau lelei tahá, ke falala kiate Ia, ke femoʻuekina ʻi he ngāué pea ʻoua ʻe tatali pē ke toki fakangāueʻi. Mahalo he ʻikai ke tau sio ki ha kau ʻāngelo, fanongo ki ha ngaahi leʻo fakalangi, pe maʻu ha ngaahi ongo fakalaumālie mālohi. Mahalo te tau toutou vilitaki atu pē ʻi he lotu mo e ʻamanaki lelei—kae ʻikai ha fakapapauʻi moʻoni mai—ʻoku tau ngāue ʻo fakatatau ki he finangalo ʻo e ʻOtuá. Ka ʻi heʻetau tauhi ʻetau ngaahi fuakavá mo tauhi e ngaahi fekaú, te tau lava ʻo ʻaʻeva ʻi he loto-falala ʻe tataki kitautolu ʻe he ʻOtuá. (“Elder Bednar Shares Five Lessons about the Spirit of Revelation with New Mission Leaders,” Church News, July 10, 2018)

Ko e hā ha meʻa ʻoku fiemaʻu ke u fai ke u mātā ai ha ngaahi mana ʻi heʻeku moʻuí?

Naʻe akonaki ʻa Palesiteni Lāsolo M. Nalesoni ʻo pehē:

17:18

Naʻe fakapapauʻi ʻe he aʻusia kotoa ko ʻení “kuo teʻeki ai ke tuku ʻe he ʻOtuá ʻa ʻene hoko ko e ʻOtua ʻo e ngaahi maná” [Molomona 9:15]. ʻOku fakahaaʻi ʻe he tohi folofola kotoa pē ʻa e loto-hōifua ʻa e ʻEikí ke kau ʻi he moʻui ʻa kinautolu ʻoku tui kiate Iá. Naʻá Ne fakamavaeuaʻi ʻa e Tahi Kulokulá maʻa Mōsese, tokoniʻi ʻa Nīfai ke maʻu ʻa e ʻū lauʻipeleti palasá, mo fakafoki mai Hono Siasí ʻo fakafou ʻi he Palōfita ko Siosefa Sāmitá. Naʻe fiemaʻu ha taimi ki he ngaahi mana takitaha ko ʻení pea mahalo ne ʻikai ko e meʻa tonu ia naʻe kole ʻe he niʻihi fakafoʻituitui ko iá mei he ʻEikí.

ʻI he founga tatau, ʻe tāpuekina koe ʻe he ʻEikí ʻaki ʻa e ngaahi mana ʻokú ke fiemaʻú kapau ʻokú ke tui kiate Ia, “ʻo ʻikai fakataʻetaʻetui ʻi ha meʻa ʻe taha” [Molomona 9:21]. Fai ʻa e ngāue fakalaumālié ke maʻu ai ʻa e ngaahi maná. Kole ʻi he faʻa lotu ki he ʻOtuá ke tokoniʻi koe ke ke fakaʻaongaʻi ʻa e faʻahinga tui ko iá. ʻOku ou palōmesi atu te ke lava ʻo aʻusia ʻiate koe pē hono hanga ʻe Sīsū Kalaisi ʻo “foaki ʻa e mālohi ki he vaivaí; pea kiate kinautolu ʻoku ʻikai haʻanau mālohí ʻokú ne [fakalahi] ʻa e mālohí” [ʻĪsaia 40:29]. ʻE fakavaveʻi ʻe he ngaahi meʻa ʻe niʻihi ho ivi fakalaumālié ʻo lahi ange ʻi hono ʻiloʻi ʻoku tokoniʻi koe ʻe he ʻEikí ke ke fai ʻa ia ʻoku ngali taʻemalavá. (“Ko e Mālohi ʻo e Ivi Fakalaumālié,” Liahona, Mē 2022, 99–100)

Ngaahi ʻEkitivitī Fakalahi ki he Akó

Kau Fakamaau 6:25–28. Ko hono toʻo ʻo e ngaahi ivi tākiekina taʻemāʻoniʻoní mei heʻetau moʻuí

Kapau ʻokú ke fie fakaʻaongaʻi ha taimi lahi ange ʻi he talanoa ki hono holoki hifo ʻe Kitione ʻa e ʻōlita ʻo Pealí mo hono langa ha ʻōlita ʻo e feilaulaú, fakakaukau ki he ngaahi meʻa ko ʻení.

Lolotonga e kuonga ʻo Kitioné, naʻe lotu ʻa e kakai ʻIsilelí kia Peali, ko ha ʻotua loi ʻo e kau Kēnaní. Lau pe fakamanatu e meʻa naʻe hoko ʻi he Kau Fakamaau 6:25–27.

Ko e hā e meʻa naʻe finangalo ʻa e ʻEikí ke toʻo ʻe Kitioné, pea ko e hā e meʻa naʻá Ne finangalo ke fetongi ʻakí?
Ko e hā ha ngaahi fakataipe ʻo Kalaisi ʻokú ke vakai ki ai ʻi he veesi 26? (Tokoni ke ʻilo ʻe he kau akó ʻa e fakataipe ʻo e feilaulau tutú kia Kalaisí pea mo ʻene hoko foki ko ha fakataipe ʻo Kalaisi ʻi hono fakahoko ʻi ha maká.)
ʻOkú ke pehē ko e hā e meʻa naʻe finangalo ʻa e ʻEikí ke ʻiloʻi ʻe he kakaí mei he meʻa naʻe fai ʻe Kitioné?

Fakaafeʻi e kau akó ke nau fakakaukau ki ha niʻihi ʻo e ngaahi maʻuʻanga ivi hala ʻoku tau faʻa fekumi ki aí. Kole ange ke nau fakalaulauloto ki he founga te tau lava ai ʻo fetongi e ngaahi maʻuʻanga tokoni ko iá ʻaki ha tokanga taha kia Kalaisi ke maʻu ha mālohi. Mahalo te ke fie vahevahe ʻa e konga ko ʻení mei he lea ʻa Palesiteni Lāsolo M. Nalesoni “Ikuʻi ʻa Māmani mo Maʻu ha Fiemālié” (Liahona, Nōvema 2022, 97).

18:43

Kau Fakamaau 13–16. Samisoni, ko ha tangata naʻe lahi hono ivi malavá

Fakakaukau ke fakafehoanaki e talanoa ʻo Kitioné mo e talanoa ʻo Samisoní ʻaki hano fakaʻaongaʻi ha niʻihi pe kotoa ʻo e ngaahi meʻa ko ʻení.

Hili ha taimi nounou mei he lavameʻa ʻa Kitioné, naʻe toe tō ʻa e kakai ʻIsilelí ki he angahalá mo e faiangahalá (vakai, Kau Fakamaau 8). Naʻe faifai pea fili ʻe he ʻEikí ha tangata ʻe taha ke fakahaofi ʻa ʻIsileli.

Vakaiʻi ʻa e ngaahi fakatātā ʻi lalo ʻokú ne fakatātaaʻi ʻa Samisoni, ko ha taha ʻo e kau fakamaau naʻe ui ʻe he ʻEikí ke fakahaofi ʻa e kau ʻIsilelí mei he kau Filisitiá.

Ko e hā ha meʻa ʻokú ke ʻilo fekauʻaki mo Samisoní?

Naʻe ʻiloa ʻa Samisoni ʻi hono mālohi mei he ʻOtuá. Neongo ia, neongo naʻá ne faʻa fakaʻaongaʻi totonu hono meʻafoaki ʻo e mālohí, ka naʻe iku ʻene moʻuí ki ha meʻa fakamamahi koeʻuhí he naʻá ne fakafalala ki hono iví mo e mālohí kae ʻikai ko e mālohi ʻo e ʻEikí.

Lau ha potufolofola ʻe ua pe tolu ʻi lalo, ʻa ia ʻokú ne fakatātaaʻi ʻa e ʻulungaanga mo e ngaahi meʻa ʻoku fakamuʻomuʻa ʻe Samisoní.

Kau Fakamaau 14:2 (mali ʻi tuʻa ʻi he fuakavá)

Kau Fakamaau 14:19 (fakaʻauha ʻa e kakaí tupu ʻi he ʻita)

Kau Fakamaau 15:5–6 (feinga sāuni)

Kau Fakamaau 16:1 (ʻeva ki ha fefine feʻauaki)

Kau Fakamaau 16:4–6 (ʻofa ʻi ha fefine kākā, ko Tilila)

Kau Fakamaau 16:28 (tokanga taha pē ki he sāuniʻi ʻo ia peé)

Ko e hā ha meʻa te tau lava ʻo ako mei he aʻusia ʻa Samisoní ʻi hono fakahoa ki he aʻusia ʻa Kitioné?
Ko e hā ha meʻa kuó ke ako fekauʻaki mo e falala ki he ʻEikí lolotonga hono fakaʻaongaʻi foki ho iví ki he lelei taha te ke malavá?