Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Шүүгчид 6–8: “Би чамтай хамт байх болно”

“Шүүгчид 6–8: ‘Би чамтай хамт байх болно’” Хуучин Гэрээний семинарын багшийн гарын авлага (2026)

“Шүүгчид 6–8: ‘Би чамтай хамт байх болно’” Хуучин Гэрээний семинарын багшийн гарын авлага

Шүүгч 2–4; 6–8; 13–16: 66-р хичээл

Шүүгчид 6–8

“Би чамтай хамт байх болно”

Gideon's band of 300 men feign an attack on their enemy.

Израилчуудыг чөлөөлөгдөхийг гуйн залбирсных нь дараа Их Эзэн тэднийг дайснуудаас нь чөлөөлүүлэхээр Гидеоныг дууджээ. Их Эзэн Гидеоны ердөө 300 хүнээр 135,000 гаруй цэрэгтэй армийг ялуулан израилчуудад тусалснаар Өөрийн хүчийг харуулсан билээ. Энэ хичээл нь хүч чадал олж авахын тулд Есүс Христэд итгэж найдах илүү их хүсэлтэй болоход суралцагчдад тусалж чадна.

Суралцагчийн бэлтгэл: Их Эзэнээс бидний хүлээн авч чадах хүч чадлыг харуулсан судрын хэсгийг хайж олоход суралцагчдыг урь. Ангид туршлагаа хуваалцахад бэлдэж ир.

Боломжит суралцах үйл ажиллагаа

Хүч чадлын төрлүүд

Та ямар хүмүүсийг “хүчтэй” гэж боддог вэ?
Хүнийг хүчтэй гэж үзэх ямар олон янзын арга зам байдаг вэ?

Хүч чадлын нэг хэлбэр бол Их Эзэнд найдах хүний чадвар гэдгийг тайлбарла.

Сорилт бэрхшээлтэй тулгарч болзошгүй нөхцөл байдалд орох үедээ Их Эзэнд хэр их найддагаа дүгнэх боломжийг суралцагчдад олгох талаар бодож үз. Та суралцагчдад аль болох хамаатай дараах нөхцөл байдлыг ашиглаж, эргэцүүлэн бодож болно.

Та өөр өөр нөхцөл байдалд Бурханы хүч чадалд хэр их найдаж болох талаараа бод. Доор жагсаасан нөхцөл байдал тус бүрийг эргэцүүлээд дараах бүдүүвч зурагт өөрийгөө хаана байрлуулахаа тодорхойл.

Чухал шийдвэр гаргах
Гэмтэл бэртэл, өвчин эмгэгийг даван туулах
Хувь хүнийхээ хувьд өөрийгөө хөгжүүлэх
Гэр бүл, найз нөхдийнхөө дэмжлэгтэйгээр сорилт бэрхшээлийг даван туулах

Өнөөдөр Гидеоны тухай судлахын зэрэгцээ амьдралдаа хүч чадалтай болохын тулд Их Эзэнд найдахын чухлыг мэдрэхэд туслахыг Тэнгэрлэг Эцэгээс гуйн залбир. Бурхан та нарт Ариун Сүнсээр дамжуулан илгээж болох бодол, мэдрэмжүүдэд анхаарлаа хандуул.

Гидеон ба израилчууд

Шүүгчид 6-р бүлгийг ойлгоход суралцагчдад туслах үүднээс та 65-р хичээл: “Шүүгчид 2–4”-өөс бардамналын тойргийн зураглалыг эргэн харж болно. Та мөн дараах догол мөрийг уншиж, нэгтгэн дүгнэж болно.

Шүүгчид 6-р бүлэгт израилчууд Их Эзэнийг мартаж, Түүний адислалыг алдсан өөр нэг тохиолдлыг дүрсэлдэг. Мидианчууд гэгдэх хэсэг хүн израилчуудыг дарлаж эхэлжээ. Мидианчууд ургац хураах улирлаар израилчуудын үр тариа, мал амьтныг долоон жилийн турш тонон цөлмөжээ. Үүний гайгаар израилчууд ядуу зүдүү амьдарч байв. Эцэст нь тэд Их Эзэнд хандан тусламж гуйсан билээ. Израилчууд Их Эзэнийг санаж, тусламж гуйн Түүнд хашхирсанд, Тэрээр тэднийг дайснуудаас нь чөлөөлүүлэхээр Гидеон хэмээх зөвт шударга хүнийг өсгөсөн юм.

Их Эзэнд найдах нь

Суралцагчдыг тараах материал дээр ажиллаж дуусмагц Гидеоны түүхээс сурч мэдсэн зүйлээ нэгтгэн дүгнэхэд урь.

3-р судлах үйл ажиллагаан дээр бичсэн үнэнээ хуваалцахыг цөөн хэдэн суралцагчаас хүс. Дараах нь нэг жишээ юм: Хэрэв бид Их Эзэнд найдвал Тэрээр биднийг Өөрийн хүчээр адислах болно.

Их Эзэн биднийг ямар ямар арга замаар хүчирхэгжүүлдэг вэ?
Бид өнөөдөр Их Эзэнд хэрхэн найдаж болох вэ?

Энэ үнэнийг илүү сайн ойлгуулахын тулд суралцагчдыг найзаасаа мессеж хүлээн авч байгаагаар төсөөлөхөд урь. Найз нь хангалттай хүч чадал байхгүй гэж мэдэрсэн нөхцөл байдалд байна. Энэ нөхцөл байдал ямар байж болох талаар цөөн хэдэн жишээг хуваалцахад суралцагчдыг урь. Өнөөдөр шийдвэрлэх нь нэн чухал гэж үзсэн нэг нөхцөл байдлыг сонгохыг ангийн суралцагчдаас хүс.

Хариу мессеж бичихэд бэлд. Хариултаа судлах тэмдэглэлдээ бич. Хүсвэл мессеж бичих хэсэг зайтай утас зураад, хариултаа дотор нь бич. Таны хариулт дараахаас наад зах нь хоёрыг багтаасан байвал зохино. Тухайлбал:

1. Гидеоны жишээ хэрхэн туслах талаар.

2. Эзэнд найдахад нь таны найзад бусад судар хэрхэн туслах талаар. (Жишээлбэл: Сургаалт үгс 3:5–6; Филиппой 4:13; Алма 26:12; Ифер 12:27 гэх зэрэг шүлгүүд байж болно. Мөн та Судруудын удирдамж дахь “Итгэл” гэснийг харж болно.)

3. Их Эзэнд найдахад тань тусалдаг Түүний тухай таны мэддэг зүйл.

4. Их Эзэн өөрийн тань чадвараас илүү таныг хүчирхэгжүүлж байгааг мэдэрсэн туршлагууд.

Дүгнэлт

Судлах тэмдэглэлдээ дараах асуултад хариулж бичихдээ Тэнгэрлэг Эцэгийн удирдамжийг эрэлхийлэхэд суралцагчдыг урь.

Та нарын амьдралд хүч чадал тань хүрэлцэхгүй мэт санагддаг ямар зүйл байдаг вэ?
Та нар Их Эзэнд найдахад тань туслах юуг мэддэг вэ эсвэл юуг мэдэж авсан бэ?
Та нар Их Эзэний талаар мөн Түүний тусламжийн талаар ямар бодолтой байна вэ?

Нэмэлт эх сурвалжууд

Би Их Эзэнд яаж найдах вэ?

Арван хоёр төлөөлөгчийн чуулгын ахлагч Дэвид А.Бэднар ийн тунхагласан.

Бидний амьдралд болон хожмын үеийн энэ агуу ажилд тулгардаг тодорхой бус байдал, сорилт бэрхшээлүүдийн ихэнхэд нь Бурхан биднээс чадах бүхнээ хийж, Түүнд итгэн, санаа сэтгэлээ бүрэн зориулж, үйлдэхийг мөн өөрсөд дээрээ үйлдүүлэхийг зүгээр л хүлээхгүй байхыг шаарддаг. Бид тэнгэр элчүүдийг харж, тэнгэрлэг дуу хоолойнуудыг сонсож, хязгааргүй их сүнслэг илэрхийлэлтүүдийг хүлээн авахгүй байж болно. Олон тохиолдолд бид Бурханы тааллын дагуу үйлдэж байгаа гэсэн бүрэн баталгаагүйгээр итгэн найдаж, залбиран урагш тэмүүлж болно. Гэхдээ бид гэрээнүүдээ хүндэтгэж, зарлигуудыг сахиснаар Бурхан бидний алхмуудыг удирдана гэдэгт итгэлтэй байж чадна. (“Elder Bednar Shares Five Lessons about the Spirit of Revelation with New Mission Leaders,” Church News, 2018 оны 7-р сарын 10)

Би амьдралдаа гайхамшгуудыг олж харахын тулд юу хийх хэрэгтэй вэ?

Ерөнхийлөгч Рассэлл М.Нэлсон ийн заасан.

17:18

Моронай бидэнд “Бурхан гайхамшгийн Бурхан байхаа болиогүй” [Мормон 9:15] гэж баталсан. Их Эзэн Өөрт нь итгэдэг хүмүүсийн амьдралд хөндлөнгөөс оролцох хэр их хүсэлтэй байдгийг судрын ном бүр харуулдаг. Тэрээр Мосегийн төлөө Улаан тэнгисийг хувааж, гуулин ялтаснуудыг авахад нь Нифайд тусалж, бошиглогч Иосеф Смитээр дамжуулан Өөрийн Сүмийг сэргээсэн. Эдгээр гайхамшиг бүр цаг хугацаа шаардсан бөгөөд энэ хүмүүсийн Их Эзэнээс гуйсан зүйл нь биш ч байсан байж магадгүй.

Үүнтэй адилаар, хэрэв та нар Түүнд “эргэлзээгүйгээр” [Мормон 9:21] итгэх аваас Их Эзэн та нарыг гайхамшгуудаар адислах болно. Гайхамшгийг эрэлхийлэхийн тулд сүнслэг ажил хий. Та Бурханаас ийм итгэлийг хэрэгжүүлэхэд туслахыг залбиран гуй. Есүс Христ “эцэж ядарсанд тэнхээ өгч, чадал барагдсанд нь хүч нэмдэг” [Исаиа 40:29] гэдгийг та бүхэн хувьдаа мэдрэх боломжтойг би амлаж байна. Их Эзэн танд амьдрал дахь уулаа нүүлгэхэд тусалж байгааг ухаарахаас илүү цөөн хэдэн зүйл таны сүнслэг инерцийг хурдасгах болно. (“Сүнслэг инерцийн хүч,” Лиахона, 2022 оны 5-р сар, 97–100)

Нэмэлт суралцах үйл ажиллагаанууд

Шүүгчид 6:25–28 Зөв шударга бус нөлөөллийг амьдралаасаа зайлуулах нь

Баалын тахилын ширээг нураан хаяж, Их Эзэнд тахилын ширээ босгосон тухай Гидеоны түүхэд та нар илүү их цаг зарцуулахыг хүсвэл дараах зүйлийг бодож үз.

Израилчууд Гидеоны үед канаанчуудын хуурамч бурхан Баалыг шүтдэг байв. Шүүгчид 6:25–27-р шүлэгт юу гэж цэдэглэснийг унш, эргэн сана.

Их Эзэн Гидеоноос юу зайлуулахыг мөн Тэр үүнийг юугаар солихыг хүссэн бэ?
Та нар 26-р шүлэгт Христийн ямар ямар бэлгэдлийг харж байна вэ? (Суралцагчдад шатаалт тахил нь Христ байхын бэлгэдэл бөгөөд үүнийг хадан дээр мөн Христийн бэлгэдэл болгон өргөж байгааг ойлгоход тусал.)
Та нар Их Эзэн хүмүүсээс Гидеоны хийсэн зүйлээс юуг олж мэдээсэй хэмээн хүссэн гэж бодож байна вэ?

Заримдаа бидний эрэлхийлдэг хүч чадлын хуурамч эх сурвалжуудын талаар бодоход суралцагчдыг урь. Эдгээр эх сурвалжийг хүч чадлын төлөө хэрхэн Христэд төвлөрүүлэх талаар тунгаан бодохыг тэднээс хүс. Та ерөнхийлөгч Рассэлл М.Нэлсоны “Дэлхийг ялж, амралтыг ол” үгийн дараах бичлэгийг хуваалцаж болно (Лиахона, 2022 оны 11-р сар, 97).

18:44

Шүүгчид 13–16 Самсон бол агуу их чадвартай төрсөн хүн

Дараах үйл явдлуудын заримыг эсвэл бүгдийг нь ашиглан Гидеоны түүхийг Самсоныхтай харьцуулах талаар бодож үз.

Гидеоны ялалтын дараахан израилчууд дахин гэм нүгэлд болон ёс бус байдалд унав (Шүүгчид 8-р шүлгийг үзнэ үү). Эцэст нь Их Эзэн өөр нэгнийг Израилыг чөлөөлүүлэхээр сонгожээ.

Их Эзэн израилчуудыг филистчүүдээс чөлөөлүүлэхээр дуудсан шүүгчдийн нэг болох Самсоныг дүрсэлсэн доорх зургуудыг үз.

Та нар Самсоны талаар юу мэдэх вэ?

Бурханы өгсөн хүчээр Самсон алдар нэрийг олсон билээ. Тэр хүч чадлын бэлгээ заримдаа зөв зохистой ашигладаг байсан хэдий ч эцэст нь тэрээр Их Эзэний хүч чадлаас илүүтэй өөрийн хүч чадалд найдсан тул амьдрал нь эмгэнэлтэйгээр төгсжээ.

Дараах хэсгүүдээс Самсоны зан чанар, эн тэргүүнд тавьдаг зүйлсийг харуулсан хоёр юм уу гурван шүлгийг унш.

Шүүгчид 14:2 (гэрээнээс гадуур гэрлэдэг)

Шүүгчид 14:19 (уур хилэнгээс болж хүмүүсийг устгадаг)

Шүүгчид 15:5–6 (өшөө авахыг эрмэлздэг)

Шүүгчид 16:1 (янхан эм дээр ордог)

Шүүгчид 16:4–6 (худал хуурмаг эмэгтэй Делилад дурладаг)

Шүүгчид 16:28 (зөвхөн өөрийнхөө төлөө өшөө авахад санаа зовсон)

Самсонд тохиолдсон явдлыг Гидеоныхтай харьцуулснаар бид ямар сургамж авч болох вэ?
Та нар Их Эзэнд найдахын зэрэгцээ хүч чадлаа тултал нь гүйцэд ашиглах талаар юу сурч мэдсэн бэ?