Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Akoako Fakataukei Fakatokāteline 4: Fakaʻaongaʻi ʻa e Ngaahi Tefitoʻi Moʻoni ʻo Hono Maʻu ʻo e ʻIlo Fakalaumālié

“Akoako Fakataukei Fakatokāteline 4: Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí (2026)

“Akoako Fakataukei Fakatokāteline 4: Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí

Sosiua 1–8; 23–24: Lēsoni 64

Akoako Fakataukei Fakatokāteline 4

Fakaʻaongaʻi ʻa e Ngaahi Tefitoʻi Moʻoni ʻo Hono Maʻu ʻo e ʻIlo Fakalaumālié

ʻE lava ke tokoni ʻa e fakataukei fakatokāteliné ki he kau akó ke langa ʻa e makatuʻunga maʻa ʻenau moʻuí ʻia Sīsū Kalaisi mo ʻEne ongoongoleleí. ʻE tokoni ʻa e lēsoni ko ʻení ke fakaʻaongaʻi ʻe he kau akó ʻa e ngaahi moʻoni ʻoku maʻu ʻi he ngaahi potufolofola fakataukei fakatokāteliné pea ako mo fakaʻaongaʻi ʻa e ngaahi tefitoʻi moʻoni fakalangi ki hono maʻu ʻo e ʻilo fakalaumālié.

Teuteu ʻa e tokotaha akó: Fakaafeʻi e kau akó ke fili ha taha ʻo e ngaahi potufolofola fakataukei fakatokāteline kuo nau ako ʻi he taʻu ní. Poupouʻi kinautolu ke fakakaukau ki ha tūkunga moʻoni ʻe lava ke ʻaonga ki ha taha taʻu hongofulu tupu hono fakaʻaongaʻi e ngaahi akonaki ʻi he potufolofola ko iá. ʻE lava ke maʻu ha lisi ʻo e ngaahi potufolofolá ʻi he Fakamatala ki he ʻElito ʻo e Fakataukei Fakatokāteliné (2023).

Ngaahi ʻEkitivitī Ako ʻOku Ala Fakahokó

Toe vakaiʻi ʻo e fakataukei fakatokāteliné: Fakaʻaongaʻí

Ke kamata aleaʻi ʻa e mahuʻinga ʻo hono fakaʻaongaʻi ʻo e ngaahi potufolofola fakataukei fakatokāteliné, fakakaukau ke ʻomi pe fakaʻaliʻali ha ngaahi fakatātā ʻo ha ngaahi meʻa ʻe fakatokangaʻi ʻe ha toʻu tupu tokolahi ka ʻoku ʻikai ke nau ʻilo e founga hono fakaʻaongaʻí. Ko ha ngaahi sīpinga ʻeni. Fehuʻi ki he kau akó pe ko e hā ʻa e meʻa takitaha pea ʻoku nau ʻilo nai ʻa e founga ke fakaʻaongaʻi ai iá.

Close up of hand on manual gear shift knob

Male hand turning retro radio button. Listen to music or news with old classic radio receiver. Vintage lifestyle

Ko e hā e ʻuhinga ʻoku mahuʻinga ai ke ʻoua naʻa ngata pē ʻi hono ʻiloʻi ha meʻá ka ke ʻiloʻi foki e founga ke fakaʻaongaʻi ai iá?
ʻE fakaʻaongaʻi fēfē ʻa e tefitoʻi moʻoni ko ʻení ki heʻetau ako e ngaahi potufolofola fakataukei fakatokāteliné?

Te ke akoako fakaʻaongaʻi ʻi he ʻahó ni ʻa e ngaahi potufolofola fakataukei fakatokāteliné mo e ngaahi tefitoʻi moʻoni ki hono maʻu ʻo e ʻilo fakalaumālié ʻi he ngaahi tūkunga moʻoni ʻo e moʻuí. Fekumi ki ha ueʻi fakalaumālie mei he Laumālie Māʻoniʻoní ke tokoni atu ke ke ako ʻa e ngaahi potufolofola mo e ngaahi tefitoʻi moʻoni ko ʻení pea fakaʻaongaʻi kinautolu ʻi hoʻo moʻuí.

Fakakaukau ke fakaafeʻi e kau akó ke hiki e ngaahi potufolofola fakataukei fakatokāteliné mo e ngaahi kupuʻi lea fakafolofola mahuʻinga kuo nau ako ʻi he taʻu ní. Kapau ʻe fiemaʻu, vakai ki he Fakamatala ki he ʻElito ʻo e Fakataukei Fakatokāteliné (2022).

Fokotuʻutuʻu e kau akó ki ha fanga kiʻi kulupu iiki, pea ʻoange ki he kulupu takitaha ha laʻipepa. Vahe pe fakaafeʻi e ngaahi kulupú ke fili ha potufolofola fakataukei fakatokāteline ʻe taha. Kole ange ke nau faʻu ha tūkunga (pe tuʻunga) ʻe lava ke ʻaonga ai ki ha taha hono fakaʻaongaʻi ʻo e tokāteliné ʻi he potufolofola ko iá. Hangē ko ʻení, ʻe lava ke hiki ʻe he kau ako ʻoku nau fili ʻa e Sosiua 24:15 ʻa e tūkunga ko ʻení: “ʻOku ʻahiʻahiʻi ha taʻahine ʻi ha paati ke fai ha meʻa ʻoku fai ʻe he tokotaha kotoa pē ka ʻokú ne ʻiloʻi ʻoku ʻikai fakahōifua ki he ʻEikí.” Poupouʻi e kau akó ke ʻoua te nau hiki ʻa e potufolofolá ʻi he laʻipepá kae mateuteu ke vahevahe ʻa e potufolofolá ʻamui ange.

Tānaki e ʻū laʻipepá. Te ke lava ʻo lau ʻa e ngaahi tūkungá ki he kalasí pe tufaki kinautolu ki ha ngaahi kulupu kehekehe.

Fakaafeʻi e kau akó ke vahevahe ha potufolofola fakataukei fakatokāteline ʻe lava ʻo tokoni ki he tokotaha ʻi he tūkunga takitaha. Tokoni ke mahino kiate kinautolu ʻe lava ke felāveʻi ha ngaahi potufolofola lahi ange ʻi he tahá ki he tūkunga takitaha. ʻE lava foki ke aleaʻi ʻe he kau akó ʻa e founga ʻe lava ke tokoni ai hono fakaʻaongaʻi ʻo e tokāteline ʻoku akoʻi ʻi he potufolofolá ki he tokotahá ke fakamālohia honau vā fetuʻutaki mo e Tamai Hēvaní mo Sīsū Kalaisí. Kapau ʻe fiemaʻu, ʻe lava leva ʻe he kulupu naʻa nau hiki ʻa e tūkungá ʻo vahevahe ʻa e ʻuluaki potufolofola naʻa nau filí pea fakamatalaʻi ʻa e founga ʻe lava ke tokoni ai ʻi he tūkunga naʻa nau filí.

Tuku ha miniti ʻe 20–30 ki he ʻekitivitī “Ako mo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālie” ʻi laló.

ʻOku maʻu ha ngaahi fakakaukau lahi ange ki hono tokoniʻi ʻo e kau akó ke fakaʻaongaʻi e ngaahi potufolofola fakataukei fakatokāteliné ʻi he naunau fakalahí ʻi lalo ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ako mo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié

ʻOku nofotaha ʻa e toenga ʻo e lēsoní ʻi hono tokoniʻi ʻo e kau akó ke fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié ki ha tūkunga moʻoni ʻo e moʻuí. Mahalo naʻá ke fie tomuʻa toe vakaiʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié. ʻOku fakakau ʻa e ngaahi ʻekitivitī fakamanatu ʻoku fokotuʻu atú ʻi he fakamatala fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.” ʻOku maʻu ʻa e ngaahi fakamatala ʻo e ngaahi tefitoʻi moʻoní ʻi he palakalafi 5–12 ʻo e konga “Ko Hono Maʻu ʻo e ʻIlo Fakalaumālié” ʻi he Fakamatala ki he ʻElito ʻo e Fakataukei Fakatokāteliné (2023).

Fakalaulauloto ki he ngaahi fiemaʻu hoʻo kau akó pea fekumi ki he tokoni ʻa e ʻEikí ke fili pe liliu ha taha ʻo e ngaahi tūkunga ko ʻení pe faʻu ha tūkunga pē ʻaʻau.

ʻOku taʻekakato ʻa e ongo tūkungá fakatouʻosi. Tokoni ke fakafonu ʻe he kau akó ʻa e ngaahi konga ʻatā ʻo e tūkunga kuo filí ʻi ha founga ʻoku taau mo ʻuhingamālié.

ʻOku ongoʻi ʻe ha talavou ko hono hingoá ko [hingoa ʻo e toʻu tupú] ha teke mei ha [taha pe kulupu] ke ne maumauʻi e fekau ʻa e ʻEikí [ha fekau ʻe ala ongoʻi ʻe ha toʻu tupu ʻoku ʻahiʻahiʻi ia ke ne maumauʻi]. ʻOku faʻa talaange ʻoku ʻikai ko ha meʻa lahi ke maumauʻi ʻa e fekau ko ʻení koeʻuhí [ko ha ʻuhinga ʻe pehē ai ʻe ha taha ʻoku sai pē ke maumauʻi ʻa e fekau ko ʻení]. ʻOku ongoʻi puputuʻu ʻa [hingoa ʻo e toʻu tupú] pea ʻoku ʻikai ke ne ʻilo ʻa e meʻa ke faí.
ʻOku fiefia ha finemui ko hono hingoá ko [hingoa ʻo e toʻu tupú] ki he taimi te ne taʻu motuʻa feʻunga ai ke mavahe mei he ʻapi ʻo ʻene ongomātuʻá pea ʻalu ʻo ʻeva ʻiate ia peé. ʻI he ʻapi ʻo ʻene ongomātuʻá, kuo pau ke ne tauhi ʻa e fekau [ko ha fekau ʻe ala ʻikai fie tauhi ʻe ha taha taʻu hongofulu tupu]. ʻOkú ne fie hoko ko ha tokotaha lelei, ka ʻoku ʻikai ke ne ʻilo pe ʻe hokohoko atu ʻene tauhi ʻa e fekau ko iá hili ʻene mavahe mei ʻapí. ʻOku hoko ʻeni koeʻuhí [ko ha ʻuhinga he ʻikai fie tauhi ai ʻe ha taha ʻa e fekau ko ʻení].
ʻE fakaʻaongaʻi ʻe he kau akó ʻi he taimí ni ʻa e ngaahi tefitoʻi moʻoni ki hono maʻu ʻo e ʻilo fakalaumālié ke tokoni ki he tokotaha ʻi he tūkunga kuo filí. ʻE lava ke ngāue ʻa e kau akó ʻi ha ngaahi hoa pe fanga kiʻi kulupu iiki.

Fakaʻaliʻali e tefitoʻi moʻoni ʻe tolu ki hono maʻu ʻo e ʻilo fakalaumālié:
- Ngāue ʻi he tuí.
- Vakaiʻi e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá.
- Fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí.
Fakaafeʻi e kau akó ke aleaʻi e ngaahi fehuʻi ko ʻení.
Ko e tefitoʻi moʻoni fē ki hono maʻu ʻo e ʻilo fakalaumālié ʻokú ke pehē ʻe ʻaonga taha ki he tokotaha ʻi he tūkungá? Ko e hā hono ʻuhingá?
Ko e potufolofola fakataukei fakatokāteline pe ngaahi potufolofola kehe fē ʻokú ke ongoʻi ʻe lava ʻo tokoni ki he tokotaha ʻi he tūkungá? Ko e hā hono ʻuhingá?

Hili ha taimi feʻunga, fakaafeʻi e kau akó ke vahevahe ʻa e meʻa naʻa nau aleaʻí.

Fakaʻaliʻali ʻa e fakatātā mei he kamataʻanga ʻo e lēsoní. Vahevahe ʻa e kau akó ki ha ngaahi hoa ke fakakakato ʻa e ʻekitivitī ko ʻení.

Fakakaukauloto ʻoku fili ʻa e tokotaha ʻi he tūkungá ke tukunoaʻi e tokāteline ʻa e Fakamoʻuí. Fakakaukau pe ko e hā ʻe hoko kiate kinautolú. Fakapapauʻi leva ʻa e meʻa ʻe lava ke hoko kapau te nau fili ke ngāueʻi ʻa e tokāteline ko iá mo e ngaahi tefitoʻi moʻoni ki hono maʻu ʻo e ʻilo fakalaumālié.

Hili hono maʻu ʻe he kau akó ha taimi feʻunga ke aleaʻi ʻa e tūkungá, fakaafeʻi kinautolu ke vahevahe ʻenau ngaahi fakakaukaú mo e kalasí. ʻI he vahevahe ʻa e kau akó, fakakaukau ke fai ha ngaahi fehuʻi vakaiʻi hangē ko ʻení ke tokoni ki hono tataki ha fealēleaʻaki fakakalasi ʻoku mahuʻingamālié:

Ko e hā mo ha toe meʻa te ke tānaki atu ki he meʻa naʻe vahevahe ʻe hoʻo kaungāakó?
ʻE tokoni fēfē ʻa e ngaahi tefitoʻi moʻoni ki hono maʻu ʻo e ʻilo fakalaumālié ki he tokotaha ʻi he tūkunga ko ʻení ke fili ke muimui ʻia Sīsū Kalaisi?
Ko e hā ha meʻa ʻokú ke ʻilo fekauʻaki mo e Tamai Hēvaní pe ko Sīsū Kalaisi ʻe lava ke mahuʻinga ke manatuʻi ʻe he tokotaha ʻi he tūkungá?

Fakaafeʻi e kau akó ke fakalaulauloto ki he founga kuo tokoniʻi ai kinautolu ʻe he ngaahi potufolofola fakataukei fakatokāteliné pe ngaahi tefitoʻi moʻoni ʻo hono maʻu ʻo e ʻilo fakalaumālié ki heʻenau ngaahi fili fakatāutahá. Te ke lava ʻo fakaafeʻi e kau akó ke nau tohi pe vahevahe ʻenau ngaahi fakakaukaú.

Ngaahi ʻEkitivitī Fakalahi ki he Akó

Ngaahi sīpinga ʻo ha ngaahi tūkunga kuo kakató

Te ke lava ʻo fakaʻaongaʻi ha taha pe fakatouʻosi ʻo e ongo tūkunga ko ʻení, kae ʻoua ʻe fakaafeʻi ʻa e kau akó ke nau fakafonu ha taha ʻo e ngaahi tūkunga taʻekakato ko ʻení:

ʻOku ongoʻi ʻe ha talavou ko Falanikō ʻoku teke ia ʻe hono kaungā-vaʻingá ke kapekape mo kata ʻi he ngaahi tūkuhua taʻefeʻungá. Kuo faʻa talaange kiate ia ʻoku ʻikai ko ha fuʻu meʻa fēfē hono fakaʻaongaʻi ha lea koví koeʻuhi he ʻoku lea pehē ʻa e tokolahi taha ʻo e kakaí. ʻOku ongoʻi puputuʻu ʻa Falanikō pea ʻikai ke ne ʻilo e meʻa ke faí.

ʻOku fiefia ha finemui ko Malia ke taʻu motuʻa feʻunga ke mavahe mei he ʻapi ʻo ʻene ongomātuʻá pea ke ʻeva ʻiate ia pē. ʻI he ʻapi ʻo ʻene ongomātuʻá, kuo pau ke ne tauhi ʻa e Lea ʻo e Potó. ʻOkú ne fie hoko ko ha tokotaha lelei, ka ʻoku ʻikai ke ne ʻilo pe te ne talangofua ki he fekau ko ʻení hili ʻene mavahe mei ʻapí. ʻOku talangofua ki ai ha niʻihi ʻo hono ngaahi kaungāmeʻá, pea hangē ʻoku nau sai peé.

Ko ha tūkunga ʻe taha

Kapau ʻokú ke pehē ʻe ʻaonga ki hoʻo kau akó ha tūkunga mo ha fakakaukau ʻoku kehe, te ke lava ʻo fakaʻaongaʻi pe liliu ʻa e tūkunga ko ʻení:

Ko e taimi kotoa pē ʻoku ʻalu ai ʻa Samanitā ki he lotú, ʻokú ne maʻu ha ngaahi fanongonongo (notifications) lahi ʻi heʻene telefoní. ʻOkú ne fili ke sio mo tali ʻa e ngaahi fanongonongó lolotonga ʻa e houalotu sākalamēnití mo ʻene ngaahi kalasi ʻi he lotú. ʻOku fakaafeʻi ia ʻe ha taki pe faiako ke tuku ʻene telefoní ki he tafaʻakí pe fakaʻaongaʻi pē ia ki he lēsoní. ʻOkú ne momou ke tukunoaʻi ia ʻi ha ngaahi miniti siʻi, ka ʻokú ne ongoʻi ʻita. ʻOkú ne fifili leva, “ʻOku fuʻu mahuʻinga nai e founga ʻoku ou fakaʻaongaʻi ai ʻeku telefoní ʻi he lotú, koloá pē ke ʻoua naʻá ku fai ha meʻa kovi?” ʻOku kamata ke ne ongoʻi loto-foʻi ʻi he taki pe faiako ko iá, pea kamata ke ne loto-foʻi ʻi he ʻalu ki he lotú.

Tokoni ke aleaʻi ʻe he kau akó ʻa e ngaahi tefitoʻi moʻoni ki hono maʻu ʻo e ʻilo fakalaumālié ʻo hangē pē naʻa nau fehangahangai mo ha tūkunga tatau mo Samanitaá.