Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Sosiua 2–4: Ko Hono Ngāue ʻAki ʻo e Tui kia Sīsū Kalaisí

“Sosiua 2–4: Ko Hono Ngāue ʻAki ʻo e Tui kia Sīsū Kalaisí,” Fuakava Motuʻá – Tohi Lēsoni ʻa e Faiako Seminelí (2026)

“Sosiua 2–4: Ko Hono Ngāue ʻAki ʻo e Tui kia Sīsū Kalaisí,” Fuakava Motuʻá – Tohi Lēsoni ʻa e Faiako Seminelí

Sosiua 1–8; 23–24: Lēsoni 62

Sosiua 2–4

Ko Hono Ngāue ʻAki ʻo e Tui kia Sīsū Kalaisí

Hili e fononga ʻa e kakai ʻIsilelí ʻi he toafá, naʻe fekauʻi ʻe he ʻEikí ʻa Sosiua ke tataki kinautolu ki he fonua ʻo e talaʻofá. Naʻe fiemaʻu ke nau fakaʻaongaʻi ʻenau tui kia Sīsū Kalaisí ʻi heʻenau aʻu ki he fonua ʻo e talaʻofá. Naʻe fakahaaʻi ʻe he fānau ʻa ʻIsilelí mo ha fefine ko Lēhapi ʻa ʻenau tui kia Sīsū Kalaisí. ʻE lava ke tokoni ʻa e lēsoni ko ʻení ke mahino ki he kau akó ʻa e founga te nau lava ai ʻo fakaʻaongaʻi ʻenau tui kia Sīsū Kalaisí.

Teuteu ʻa e tokotaha akó: Fakaafeʻi e kau akó ke kumi ha potufolofola ʻoku tokoni ke mahino kiate kinautolu ʻa e ʻuhinga ʻo e tui kia Sīsū Kalaisí. Kole ange ke nau omi mateuteu ke vahevahe ʻi he kalasí. ʻO ka fiemaʻu, ʻe lava ke nau kumi ʻa e “Tuí” ʻi he Fakahinohino ki he Ngaahi Folofolá.

Ngaahi ʻEkitivitī Ako ʻOku Ala Fakahokó

Tui kia Sīsū Kalaisí

Fakakaukau ke kamata e kalasí ʻaki hano fakaafeʻi ha tokotaha ako ke fakakaukau ki ha foʻi lea ʻokú ne fakafofongaʻi e meʻa ʻoku saiʻia aí—hangē ko ʻení, pasiketipoló pe hivá. Kole ki he kau akó ke fakamatalaʻi ʻenau ngaahi leá ʻo ʻikai fakaʻaongaʻi ʻa e foʻi leá ʻi he fakamatalá. ʻE lava ke mateʻi ʻe he kau akó ʻa e foʻi leá.

Hokó, hiki ʻa e tuí ʻi he palakipoé, pea fakaafeʻi e kau akó ke nau fakamatalaʻi ʻa e tui kia Sīsū Kalaisí. Te nau lava ʻo vahevahe ʻa e meʻa naʻa nau maʻú ko ha konga ʻo ʻenau teuteu ki he kalasí. Mahalo te ke fie fakamahinoʻi ange ʻoku finangalo ʻa e Tamai Hēvaní ke tau fakaʻaongaʻi ʻa e tui kia Sīsū Kalaisí koeʻuhí ke Ne lava ʻo fakamoʻui mo tāpuakiʻi kitautolu (vakai, 2 Nīfai 26:13; ʻEta 12:12, 18; Molonai 7:33).

Fakamanatu ki he kau akó ko e taha ʻo e ngaahi fatongia ʻo e Laumālie Māʻoniʻoní ke tataki kitautolu ki he moʻoní (vakai, Sione 16:13). Poupouʻi e kau akó ke fakaafeʻi ʻa e Laumālie Māʻoniʻoní ke tokoni ke mahino lelei ange kiate kinautolu ʻa e tui kia Sīsū Kalaisí.

ʻE tokoniʻi fēfē koe ʻe hono fakatupulaki hoʻo tui kia Sīsū Kalaisí ʻi ho ngaahi tūkunga lolotongá?

Lau ʻa e meʻa naʻe akoʻi ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá fekauʻaki mo e tui kia Sīsū Kalaisí, pe mamata ʻi he foʻi vitiō “Seek Learning by Faith” mei he taimi 3:15 ki he 4:33. ʻOku maʻu ʻa e foʻi vitioó ʻi he ChurchofJesusChrist.org.

33:36

Ne fakaʻuhingaʻi ʻe he ʻAposetolo ko Paulá ʻa e tuí ko ha “tuʻunga ia ʻo e ngaahi meʻa ʻoku ʻamanaki lelei ki ai, [mo e] fakamoʻoni ʻo ha ngaahi meʻa taʻe hā mai” (Hepelū 11:1). Naʻe tala ʻe ʻAlamā ʻoku ʻikai ko e tuí ʻa e maʻu ha ʻilo haohaoá; ka, kapau ʻoku tau tui, ʻoku tau “ʻamanaki lelei ki he ngaahi meʻa ʻoku ʻikai ke mamata ki ai, [ka] ʻoku moʻoni” (ʻAlamā 32:21). ʻIkai ngata aí, ʻoku tau ako ʻi he Lectures on Faith ko e tuí ko e … “tefitoʻi ngāue ia ʻa e taha ʻatamai lelei kotoa pē.”

ʻOku fakamahino mai ʻe he ngaahi akonakí ni ha ngaahi ʻelemēniti mahuʻinga ʻe tolu ʻo e tuí: (1) ko e tuí ʻo hangē ko hano fakapapauʻi ʻo ha ngaahi meʻa ʻoku fai ha ʻamanaki ki ai ʻoku nau moʻoni, (2) tuí ʻo hangē ha fakamoʻoni ki ha ngaahi meʻa ʻoku ʻikai hā mai, pea mo e (3) tuí ʻi heʻene hoko ko ha tefitoʻi moʻoni ʻo e ngāué ʻi he taha maʻu ʻatamai kotoa pē. ʻOku ou lau ʻa e ngaahi kupu ko ʻeni ʻe tolu ʻo e tui ki he Fakamoʻuí ko ha sio maʻu pē ki he kahaʻú, vakai ki he kuohilí, mo kamataʻi ha ngāue ʻi he lolotongá. (“Seek Learning by Faith,” Ensign, Sept. 2007, 61–62)

ʻE lava ke tokoni ʻa e fakatātā “Ngāue ʻaki ʻa e tui kia Sīsū Kalaisí” ke mahino ki he kau akó ʻa e fakaʻuhinga ʻa ʻEletā Petinā ki he tui kia Sīsū Kalaisí. Tā ʻa e fakatātaá ʻi he palakipoé pe fakaʻaliʻali ia ke fakamoʻoni ki ai ʻa e kau akó ʻi he lolotonga ʻo e lēsoní.

Ko e hā ha meʻa kuo fai ʻe he ʻOtuá ʻi he kuohilí ʻe lava ʻo tokoni atu ke ke tui kiate Iá?
ʻE tokoni fēfē hoʻo maʻu ha ʻamanaki lelei ki he ngaahi tāpuaki kuo talaʻofa mai ʻe he ʻOtuá ke ke ngāue ʻaki hoʻo tui kiate Iá?
Te ke fakamatalaʻi fakanounou fēfē ʻa e ngaahi akonaki ʻa ʻEletā Petinā fekauʻaki mo e tui kia Sīsū Kalaisí?

Tokoni ke ʻiloʻi ʻe he kau akó ha moʻoni hangē ko ʻení: ʻOku tau ngāue ʻaki ʻa e tui kia Sīsū Kalaisí ʻi heʻetau fehangahangai mo e kahaʻú, vakai ki he kuohilí, pea ngāue ʻi he lolotongá.

Ngaahi sīpinga ʻo e tuí

Kapau ʻoku ʻi ai ha ngaahi fehuʻi ʻa e kau akó fekauʻaki mo hono fakaʻauha ʻo e kakai ʻi Selikoó, te ke lava ʻo vakai ki he fehuʻi “Ko e hā e ʻuhinga naʻe fakaʻauha ai ʻa e kau Kēnaní?” ʻi he konga ʻo e Ngaahi Maʻuʻanga Tokoni Kehé ʻi he Lēsoni 63: “Sosiua 23–24.”

Hili ha taimi feʻunga, fakaafeʻi ha kau ako ke vahevahe mo e kalasí ʻa e meʻa naʻa nau ako fekauʻaki mo e tui kia Sīsū Kalaisí. ʻE lava ke pukepuke ʻe he kau akó ʻa e filo kulokulá, hoaʻi suú, pe foʻi maká ʻi heʻenau vahevahé. ʻE lava ke tokoni ʻa e ngaahi fehuʻi pehení.

Ko e hā ha meʻa kuó ke ako fekauʻaki mo hono ngāue ʻaki ʻo e tui kia Sīsū Kalaisí? ʻE tokoniʻi fēfē ʻe he meʻa naʻá ke akó ʻa e toʻu tupu ʻo e ʻaho ní?

Fakakaukau ke fakaafeʻi e kau akó ke vahevahe ʻa e founga kuo nau ngāue ʻaki ai pe ko ha taha ʻoku nau ʻilo ʻa e tui kia Sīsū Kalaisí ʻaki ʻenau fehangahangai mo e kahaʻú, ngāue ʻi he lolotongá, pea vakai ki he kuohilí. Te ke lava foki ʻo vahevahe ha aʻusia fakataautaha fekauʻaki mo hono ngāue ʻaki ʻo e tui kia Sīsū Kalaisí.

Ngaahi Maʻuʻanga Tokoni Kehé

Te u lava fēfē ʻo ngāue ʻaki ʻa e tui kia Sīsū Kalaisí?

Naʻe akonaki ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

33:36

ʻOku tuʻu ki he kahaʻú ʻa e tuí, ʻi hono tuʻunga ko ia ko ha fakapapauʻi ʻo ha ngaahi meʻa ʻoku ʻamanaki ki aí. …

Ko e tui kia Kalaisí ʻoku haʻi taʻe toe lava ke fakamavaheʻi, pea iku ai ʻo maʻu ha ʻamanaki lelei kia Kalaisi ʻi hotau huhuʻí mo e hakeakiʻí. Pea ʻoku fakaʻatā ʻe he fakapapaú mo e ʻamanakí ke tau laka atu ki he ngataʻanga ʻo e māmá pea toe manga atu ki he fakapoʻulí—ʻo ʻamanaki pea mo falala ki he māmá ke ne ueʻi mo fakamaama e halá. ʻOku fakatupu ʻe hono fakatahaʻi ʻo e fakapapaú mo e ʻamanakí ha ngāue ʻi he lolotongá.

Ko e tuí ʻi heʻene hoko ko ha fakamoʻoni ki ha ngaahi meʻa taʻe hā maí, ʻoku vakai ia ki he kuohilí mo fakapapauʻi ʻetau falala ki he ʻOtuá pea mo ʻetau falala ki he moʻoni ʻo e ngaahi meʻa ʻoku ʻikai fai ha mamata ki aí. ʻOku tau manga atu ai ki he fakapoʻulí ʻi he fakapapau mo e ʻamanaki lelei, pea ko hono moʻoní ʻoku tau maʻu ha fakamoʻoni mo ha fakapapau pea ʻokú ne ʻomi ʻa e maama ʻoku tau fiemaʻú. Ko e fakamoʻoni ko ia ʻoku tau maʻu ʻi he hili hono siviʻi ʻo ʻetau tuí (vakai, ʻEta 12:6), ko ha fakamoʻoni ia ʻokú ne fakalahi mo fakaivia ʻetau fakapapauʻí.

ʻOku fetokoniʻaki ʻa e loto-fakapapaú, ngāué, mo e fakamoʻoní ʻi ha founga ʻoku hokohoko atu. ʻOku hangē ʻeni ha uaea ʻoku ngaofe takatakaí, pea ʻi heʻene vilovilo ki ʻolungá ʻoku mafao pea fālahi. ʻOku ʻikai mavahevahe mo kehekehe ʻa e ngaahi ʻelemēniti ko ʻeni ʻe tolu ʻo e tuí—ʻa e loto-fakapapaú, ngāué, mo e fakamoʻoní; ka ʻoku nau fengāueʻaki mo hokohoko pea fakatupulaki. Pea ko e tui ʻokú ne paotoloaki ʻa e ngāue ʻoku hokohoko atu ko ʻení ʻoku tupulaki, fakalakalaka mo liliu. ʻI heʻetau toe tafoki ʻo hanga atu ki muʻa ki ha kahaʻu taʻepaú, ʻoku iku ʻa e loto-fakapapaú ki ha ngāue pea ʻokú ne ʻomi ha fakamoʻoni, ʻa ia ʻokú ne fakalahi ʻa e loto-fakapapaú. ʻOku tupulaki ʻetau loto-falalá ʻo mālohi ange ʻi he ʻotu lea ki he ʻotu lea, akonaki ki he akonaki, ko e siʻi ʻi heni pea siʻi ʻi hena. (“Seek Learning by Faith,” Ensign, Sept. 2007, 62−63)

Te u lava fēfē ʻo ngāue ʻaki ʻa e tuí ʻi heʻeku vakai ki he kuohilí mo e kahaʻú?

Naʻe fakamatala ʻa Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Ko e kuohilí ke ako mei ai kae ʻoua ʻe toe nofo ai. ʻOku tau vakai ki muí ke ʻekeʻi ʻa e malala ulo ʻo e meʻa ne tau fouá kae ʻikai ko e efuefú. Pea ko e taimi kuo tau ʻilo ai ʻa e meʻa naʻe fiemaʻu ke tau ako mo ʻomi ʻa e lelei taha ne tau aʻusiá, tau sio leva ki muʻa mo manatuʻi ko e tuí ʻoku tuhu maʻu pē ki he kahaʻú. Ko e tuí ʻoku fekauʻaki maʻu pē mo e ngaahi tāpuaki mo e moʻoni pea mo e ngaahi meʻa ʻoku teʻeki ke hoko ʻi heʻetau moʻuí. (“Ko e Lelei Tahá ʻOku Teʻeki ke Aʻusia,” Ensign, Sānuali 2010, 24)

Ko e hā ha meʻa te u lava ʻo fai ke fakamālohia ʻeku tui kia Sīsū Kalaisí?

Naʻe fakaafe mai ʻe Palesiteni Lāsolo M. Nalesoni:

Ko e hā ha meʻa naʻá ke mei fai kapau naʻá ke maʻu ha tui ʻoku lahi angé? Fakakaukau angé ki aí. Tohi fekauʻaki mo ia. Pea maʻu [leva ha tui] ʻoku lahi angé ʻi hono fai ha meʻa ʻoku fiemaʻu ki ai [ha tui] ʻoku lahi angé. …

Ko e tui kia Sīsū Kalaisí ʻa e mālohi maʻongoʻonga taha ʻoku malava ke tau maʻu ʻi he moʻui ní. ʻOku malava ʻa e meʻa kotoa pē kiate kinautolu ʻoku tuí.

ʻE ikunaʻi hoʻo ngaahi faingataʻá ʻi hoʻo tui lahi kiate Iá—ʻo ʻikai ko e ngaahi moʻunga maka ʻoku nau fakamatamataleleiʻi e māmaní ka ko e ngaahi moʻunga fakamamahi ʻi hoʻo moʻuí. ʻE tokoni hoʻo tui ʻoku tupulakí ke liliu hoʻo ngaahi faingataʻaʻiá ki he tupulaki mo e faingamālie taʻe-hano-tatau. (“Kuo Toetuʻu ʻa Kalaisi; ʻE Hiki e Ngaahi Moʻungá ʻi he Tui Kiate Iá,” Liahona, Mē 2021, 103, 104)

Naʻe fakahā ʻe Palesiteni Henelī B. ʻAealingi ʻo e Kau Palesitenisī ʻUluakí ʻo pehē:

ʻE kāinga, ʻoku fiemaʻu ʻa e tuí ke lava ʻo talangofua ki he ngaahi fekau ʻa e ʻEikí. ʻOku fiemaʻu ʻa e tui kia Sīsū Kalaisí ke lava ʻo tokoniʻi e niʻihi kehé Maʻana. ʻOku fiemaʻu e tuí ke ʻalu atu ʻo akoʻi ʻEne ongoongoleleí pea foaki ia ki he kakai ʻoku ʻikai ke nau lava ʻo ongoʻi e leʻo ʻo e Laumālié pe mahalo te nau fakaʻikaiʻi e moʻoni ʻo e pōpoakí. Ka ʻi heʻetau fakaʻaongaʻi ʻetau tui kia Kalaisí—pea muimui ki Heʻene palōfita moʻuí—ʻe tupulaki ʻa e tuí ʻi he funga ʻo e māmaní. (“Ko e Tui ke Kole pea Ngāué,” Liahona, Nōvema 2021, 75)

Ngaahi ʻEkitivitī Fakalahi ki he Akó

Sosiua 3:5. “Fakamāʻoniʻoniʻi ʻa kimoutolu”

Mahalo ʻe ʻaonga ki hoʻo kau akó hono ako e founga ʻe lava ke tokoni ai hono fakamāʻoniʻoniʻi kitautolú ke tau ngāue ʻaki e tui kia Sīsū Kalaisí mo aʻusia ha ngaahi mana. Lau ʻa e Sosiua 3:5. Hili iá, te ke lava ʻo huluʻi ʻa e foʻi vitiō “Fakamāʻoniʻoniʻi ʻa Kimoutolú” (4:37). Fakaafeʻi e kau akó ke kumi e founga naʻe fakaʻaongaʻi ai ʻe he ʻEikí ha tokotaha maʻu Lakanga Taulaʻeiki Faka-Melekisēteki kei talavou mo moʻui taau ke fakahoko ha mana. Hili iá, aleaʻi hono ʻuhinga ke fakamāʻoniʻoniʻi kitautolú mo e founga ʻokú ne fakafeʻungaʻi ai kitautolu ke tau aʻusia e ngaahi mana ʻa e ʻEikí. ʻO ka fiemaʻu, tokoni ke mahino ki he kau akó ʻoku ʻuhinga ʻa e fakamāʻoniʻoniʻí ke ngaohi ke toputapu pe maʻa fakalaumālie.

4:38

Sosiua 3:6. “Pea naʻa nau toʻo hake ʻa e puha ʻo e fuakavá, ʻo ʻalu muʻomuʻa ʻi he kakaí”

ʻE lava ke tokoni ʻeni ki he kau akó ke nau sio kia Sīsū Kalaisi ʻi heʻenau ngāue ʻaki ʻa e tui kiate Iá pea vilitaki atu ki muʻa. Fakaafeʻi e kau akó ke nau lau ʻa e Sosiua 3:6–16, ʻo kumi e meʻa ne fai ʻe he kau taulaʻeikí ki he puha ʻo e fuakavá.

Fakamanatu ki he kau akó ʻe lava ke fakataipe ʻe he puha ʻo e fuakavá ʻa Sīsū Kalaisi. Fakaafeʻi leva e kau akó ke nau toe vakai ki he ngaahi vēsí, ʻo fakakaukau ki he meʻa ʻoku nau ako fekauʻaki mo Sīsū Kalaisí. Aleaʻi ha ngaahi founga te tau lava ai ʻo vilitaki atu ki muʻa mo ʻamanaki ki ha ngaahi mana ʻi he taimi ʻoku tau tui ai ʻoku muʻomuʻa ʻa Sīsū Kalaisi ʻiate kitautolú. Fakakaukau ke fakafekauʻaki e ngaahi veesi ko ʻení ʻi he Sosiua 3 mo e ʻĪsaia 52:12 mo e Tokāteline mo e Ngaahi Fuakava 84:88.

Sosiua 4. Ngaahi fakamanatu ʻo e tuí

Fakakaukau ke tokoni ki he kau akó ke maʻu haʻanau ngaahi fakamanatu pe ngaahi sīpinga ʻo e tuí. Hili hoʻo ako ʻa e Sosiua 4, te ke lava ʻo fakaafeʻi e kau akó ke nau fakakaukau ki he tukufakaholo ʻo e tuí naʻe tuku ʻe honau fāmilí pe Kāingalotu ʻi homou fonuá. ʻE lava ke talanoa ʻa e kau akó (naʻa mo e fetuʻutaki lolotonga e kalasí) ki ha mātuʻa pe kui, pe ko ʻenau fakaʻaongaʻi ʻa e polokalama Fuʻu ʻAkau Fakafāmilí ke maʻu ha ngaahi manatu melie fakafāmili. ʻE lava foki ke fakakaukau ʻa e kau akó ki ha feituʻu naʻa nau maʻu ai ha aʻusia fakalaumālie mahuʻinga.

ʻE lava foki ke fekumi e kau akó ʻi he Ngaahi Hisitōlia Fakaemāmani Lahí ʻi he ChurchofJesusChrist.org ke kumi ha ngaahi fakamatala ʻo e Kāingalotu faivelenga ʻo e Siasí ʻi homou fonuá.

Fakaafeʻi ʻa e kau akó ke vahevahe ʻa e meʻa naʻa nau maʻú.

ʻEta 12:6. ʻOku hoko ha fakamoʻoni hili hono ʻahiʻahiʻi ʻo e tuí

Ke tokoni ke fakafehokotaki ʻe he kau akó ʻa e meʻa ʻoku nau akó ki he Tohi ʻa Molomoná, fakaafeʻi kinautolu ke lau ʻa e ʻEta 12:6. Aleaʻi ʻa e ʻuhinga ʻoku faʻa hoko mai ai ʻa e fakamoʻoní hili hono ʻahiʻahiʻi ʻo e tuí. Fakaafeʻi e kau akó ke vahevahe e founga naʻe moʻoni ai ʻeni ʻi he moʻui ʻa Lēhapí (vakai, Sosiua 2; Sosiua 6:25) pea mo e kakai ʻIsileli naʻe kolosi ʻi he Vaitafe Soataní (vakai, Sosiua 3). Kole ki he kau akó ke vahevahe ha ngaahi aʻusia ʻo ha taimi ne nau maʻu ai ha fakamoʻoni hili hono ʻahiʻahiʻi ʻenau tuí.