Ղևտական, Մաս 2

Մեր օրը հաջողակ դարձնելու բանալին … է։

• Ինչպե՞ս կավարտեիք այդ արտահայտությունը:

• Ինչո՞ւ եք կարծում, որ ձեր պատասխանը կարող է օգնել որևէ մեկին հաջողակ օր ունենալ:

Յոթանասունից Երեց Թեյլոր Գ. Գոդոյը հաջողակ օրվա մասին կիսվել է հետևյալով.

Մեր օրը հաջողակ դարձնելու բանալին զոհաբերելու պատրաստակամությունն է։ («Եվս մեկ օր», Լիահոնա, մայիս 2018, 34)

• Ինչո՞ւ եք կարծում, որ զոհաբերելու պատրաստակամությունը կարող է մեր օրը հաջողակ դարձնել:

  Կարող եք գրատախտակին գրել ուսանողների պատասխանները հետևյալ հարցի վերաբերյալ։ Կարող եք անդրադառնալ այդ պատասխաններին դասի տարբեր հատվածներում:

• Ի՞նչ զոհաբերություններ է Տերը պատվիրում մեզ կատարել, որոնք, ըստ ձեզ, կարող են մեր օրը, շաբաթը կամ կյանքը հաջողակ դարձնել:

Ձեր օրագրում շրջանաձև գծապատկեր գծեք։ Նշեք այն տոկոսը (0-100 տոկոս), որն, ըստ ձեզ, արտացոլում է վերջին շաբաթվա ընթացքում Տիրոջ համար զոհաբերություններ անելու ձեր պատրաստակամությունը: Ապա խորհեք հետևյալ հարցերի շուրջ.

• Եթե ​​կարծում եք, որ ձեր նշած տոկոսը բարձր է, ապա ինչո՞ւ եք պատրաստակամ զոհաբերություններ անել Տիրոջը:

• Եթե ​​կարծում եք, որ ձեր նշած տոկոսը ցածր է, ապա ի՞նչն է ձեզ հետ պահել զոհաբերություններին ավելի պատրաստակամ լինելուց:

Կարող եք առաջարկել ուսանողներին լուռ աղոթել: Խնդրեք Երկնային Հորը օգնել ձեզ հասկանալ, թե ինչ է Նա ցանկանում, որ դուք իմանաք և անեք ձեր անձնական զոհաբերություններում: Այս դասի ընթացքում ուշադրություն դարձրեք այն մտքերին և զգացմունքներին, որոնք կարող են լինել ձեզ մոտ Սուրբ Հոգու միջոցով:

Ղևտական 1 գլխում Տերը հրահանգում է իսրայելացիներին ողջակեզներ մատուցել: Քահանաներն ամեն օր զոհաբերություններ էին անում: Զոհաբերությունները խորհրդանշում էին Փրկչի Քավությունը: Այդ զոհաբերությունները նաև Տիրոջ հանդեպ Իսրայելի շարունակական նվիրվածության նշան էին:

Կարդացեք Ղևտական 1.3, 8–9 հատվածները՝ փնտրելով բառեր և արտահայտություններ, որոնք կարող են վերաբերել այն զոհաբերություններին, որոնք մենք կարող ենք անել այսօր Տիրոջ համար:

• Ի՞նչ գտաք:

Հիսուս Քրիստոսը զոհաբերություն անելու կատարյալ օրինակ է:

• Ինչպե՞ս կարող է զոհաբերություն անելու մեր պատրաստակամությունն օգնել մեզ ավելի նմանվել Փրկչին:

Դասերից մեկը, որը մենք կարող ենք սովորել՝ հասկանալով ողջակիզության իմաստը, այն է, որ մենք կարող ենք ավելի նմանվել մեր Փրկչին, եթե պատրաստակամ լինենք զոհաբերելու այն ամենը, ինչ Երկնային Հայրը ակնկալում է մեզանից։

Հիսուս Քրիստոսի քավիչ զոհաբերությունից հետո Նա փոխեց զոհաբերություն անելու տեսակը և պատվիրեց Իր ժողովրդին այսուհետ զոհաբերություններ անել ըստ Իր պատվիրանի (տես 3 Նեփի 9․19–20)։ Թեև մենք ներկայումս կենդանիներ չենք զոհաբերում, Տերը նախկինի պես ակնկալում է Իր ժողովրդից զոհաբերություններ անել: Այդ զոհաբերությունները ներառում են ավելին, քան մեր նյութական ունեցվածքից հրաժարվելն է:

Ուսումնասիրեք հետևյալ հատվածներից երկուսը կամ ավելին՝ փնտրելով գաղափարներ, որոնք կարող են օգնել ձեզ պատասխանել հետևյալ հարցերին:

1. Հռովմայեցիներին 12․1–2

2. Օմնի 1.26

3. 3 Նեփի 9․19–20

4. Վարդապետություն և Ուխտեր 4.2

   • Ինչպե՞ս կարող եք օգտագործել այդ հատվածները՝ օգնելու մարդուն հասկանալ, թե Տերը ինչ է ցանկանում, որ մենք զոհաբերենք մեր ժամանակներում:

   • Ինչպե՞ս կարող է այդ եղանակներով զոհաբերություն անելն օգնել մեզ ավելի նմանվել Փրկչին:

   • Ինչո՞ւ եք կարծում, որ որոշ մարդկանց համար կարող է դժվար լինել պատրաստակամություն ցուցաբերել՝ զոհաբերելու այն, ինչ Տերն է ակնկալում իրենցից:

Պատկերացրեք, որ դուք ունեք մի ընկեր, որը կարծում է, որ ինքը բավականաչափ ժամանակ չունի անելու այն զոհաբերությունները, որոնք Տերն է ակնկալում իրենից:

• Ինչո՞վ կարող եք կիսվել, որը կօգնի լուծել ձեր ընկերոջ որոշ մտահոգությունները:

Տասներկու Առաքյալների Քվորումից երեց Ուլիսես Սոարեսը կիսվել է այն օրհնություններով, որոնք Տերը տալիս է, երբ մենք զոհաբերություններ ենք անում Նրա համար.

14:48

Եթե մենք վճռական լինենք՝ թողնելով բոլոր բաները, որոնք հակասում են Աստծո կամքին, զոհաբերելով այն, ինչ մեզանից ակնկալվում է, ձգտելով հետևել Նրա ուսմունքներին, ապա դա կօգնի մեզ մնալ Հիսուս Քրիստոսի ավետարանի ճանապարհին, նույնիսկ եթե բախվենք ձախորդությունների, մեր հոգիների թուլության կամ սոցիալական ճնշման ու աշխարհիկ փիլիսոփայությունների, որոնք դեմ են Նրա ուսմունքներին: («Վերցնենք մեր խաչը», Լիահոնա, նոյեմբեր 2019, 114)

• Ի՞նչ սովորեցիք Տիրոջ մասին և այն պատճառների մասին, թե ինչու է Նա զոհաբերություն ակնկալում մեզանից:

Ձեր օրագրում լրացրեք հետևյալ անավարտ արտահայտություններից մեկը.

1. Այն զոհաբերությունը, որը ես արդեն անում եմ Երկնային Հոր համար այն է, որ …

   Այսօրվա իմ սովորածը, որը կօգնի ինձ շարունակել կամ բարելավել այս զոհաբերությունը, այն է, որ …

2. Այն բանը, որը ես կսկսեմ կամ կդադարեմ անել՝ ցուցադրելու Տիրոջ համար զոհաբերություն անելու իմ պատրաստակամությունը, այն է, որ …

   Այսօրվա իմ սովորածը, որը կօգնի ինձ կատարել այդ փոփոխությունն այն է, որ …