“Exodo 14–18: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Exodo 14–18: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Exodo 14–18
Exodo 14–18
Kinatibuk-ang Pagpasabot
Human ang mga anak sa Israel mibiya sa Ehipto, nakita nila ang ilang mga kaugalingon nga natanggong taliwala sa Pulang Dagat ug sa kasundalohan ni Paraon. Ang Ginoo milagrosong miluwas kanila pinaagi sa pag-abli sa usa ka agianan latas sa dagat sa uga nga yuta. Didto sa kamingawan, ang Ginoo mitudlo, nanalipod, ug misangkap sa mga Israelita pinaagi sa paglig-on kanila sa gubat ug pinaagi sa milagrosong tubig ug pagkaon, lakip ang manna.
Tabangi ang mga tigkat-on nga mangako og responsibilidad alang sa ilang pagkat-on. Kon ang mga estudyante mogamit sa ilang kabubut-on sa aktibong pag-apil diha sa proseso sa pagkat-on, mas lagmit nga mobati sa pagkamakakabig nga impluwensya sa Espiritu Santo. Alang sa dugang pa kon sa unsang paagi kini gibuhat sa Manluluwas, tan-awa sa “Gitabangan sa Manluluwas ang Uban nga Mangako og Responsibilidad alang sa Ilang Pagkat-on” (Pagtudlo Sumala sa Pamaagi sa Manluluwas [2022], 24–25). Usa ka ehemplo sa pagtabang sa mga estudyante nga mangako og responsibilidad alang sa pagkat-on mahimong makita diha sa Leksiyon 46: “Exodo 15, 17.”
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
Exodo 14
Katuyoan sa leksyon: Aron matabangan ang mga estudyante nga mobati sa tinguha sa pag-una sa ilang pagsalig diha sa Ginoo alang sa kalig-on ug kaluwasan.
-
Pagpangandam sa estudyante: Dapita ang mga estudyante sa pagtuon sa Exodo 14:13–14 ug sa pagkonsiderar sa mga aspeto sa ilang kinabuhi diin mahimong makatabang kini nga mga bersikulo.
-
Mga imahe: Mga Mapa sa Biblia, nu. 2, “Ang Exodo sa Israel gikan sa Ehipto ug ang Pagsulod ngadto sa Canaan”; ang Pulang Dagat; Jesukristo
-
Sulod nga ipakita: Mga pangutana nga hisgotan nga magtinagurha o gagmay nga mga grupo
-
Mga bidyo: “Ang Pagpalabay” (2:55) (animated video) gikan sa time code nga 1:28 hangtod 2:32; “Pagpangita kang Kristo Atol sa Lisod nga mga Panahon” (4:35); “Pagbati sa Gugma ug Kamaayo sa Ginoo diha sa mga Pagsulay” (4:18)
Exodo 15, 17
Katuyoan sa leksiyon: Aron matabangan ang mga estudyante nga makapraktis sa pag-ila sa mga kamatuoran gikan sa Dios diha sa mga asoy sa kasulatan ug sa pagkonektar niadtong mga kamatuoran ngadto sa ilang kinabuhi.
-
Pagpangandam sa estudyante: Dapita ang mga estudyante sa pagpamalandong sa mga asoy nga ilang gitun-an gikan sa Daang Tugon ug sa Perlas nga Labing Bililhon hangtod karon nga semester. Hangyoa sila sa pag-adto sa klase nga andam nga mopakigbahin kon unsaon nila pagkompleto ang mosunod nga kapahayag: “Ganahan ko sa asoy nga tungod kay kini nagtudlo kanako nga .”
-
Mga imahe: Si Abraham uban ni Isaac sa halaran; Jose sa Ehipto; Gibahin ni Moises ang Pulang Dagat
-
Handout: “Pag-ila sa mga Kamatuoran sa Ebanghelyo gikan sa Exodo 15, 17”
Exodo 16
Katuyoan sa leksiyon: Aron tabangan ang mga estudyante nga mosalig sa Ginoo kada adlaw.
-
Pagpangandam sa estudyante: Dapita ang mga estudyante sa pagpangita og ebidensiya sa gahom sa Ginoo diha sa ilang kinabuhi tali karon ug sa sunod nga klase. Awhaga sila sa paggahin og panahon diha sa ilang personal o pamilya nga mga pag-ampo sa pagpasalamat sa Langitnong Amahan alang sa Iyang tabang.
-
Butang nga ipakita: Pan
-
Handout: “Pagkaon gikan sa Langit”
-
Bidyo: “Pagkaon sa Matag Adlaw: Sundanan” (2:51)