Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esoto 12–13, Vaega 2: “Ia Faia lenei Mea ma Faamanatuga o Au”

“Esoto 12–13, Vaega 2: ‘Ia Faia lenei mea ma Faamanatuga o Au,’” Tusi Lesona a le Faiaoga Seminare o le Feagaiga Tuai (2026)

“Esoto 12–13, Vaega 2: ‘Ia Faia lenei Mea ma Faamanatuga o Au,’” Tusi Lesona a le Faiaoga Seminare o le Feagaiga Tuai

Esoto 7–13: Lesona 43

Esoto 12–13, Vaega 2

“Ia Faia Lenei Mea ma Faamanatuga o Au”

Aisea e te manatu e taua ai ona manatua le Tama Faalelagi ma Iesu Keriso? Ina ia fesoasoani i le fanauga a Isaraelu ia manatua na Ia laveaiina i latou mai Aikupito, na faavaeina ai e le Alii le Tausamiga o le Paseka. Na tuuina mai e Iesu Keriso ia i tatou se auala fou e manatua ai pea o Ia ina ua Ia faavaeina le sauniga o le faamanatuga. E mafai ona fesoasoani lenei lesona i tagata aoga e manatua ai le Faaola a o latou sauniuni ma auai i le sauniga o le faamanatuga.

Sauniuniga a le tagata aoga: Valaaulia tagata aoga e saunia e faasoa mai se mea na fesoasoani ia i latou e manatua ai le Faaola a o lei faia, i le taimi, po o le maea ai foi o le faamanatuga. E mafai ona aofia ai se ata, mau, viiga, po o se upusii e sili ona fiafia i ai.

Gaoioiga E Ono Mafai Ona Aoao Ai

Ia manatua pea

Ina ia fesoasoani i tagata aoga ia iloa le taua o le manatuaina, faaali atu se ata po o se mea faitino e fesoasoani ia te oe e manatua ai se mea po o se tasi e taua ia te oe. E mafai ona pei lenei mea o se mama faaipoipo, se ata, po o se mea faamanatu. Faasoa puupuu atu pe faapefea ona fesoasoani lenei aitema ia te oe e manatua ai le tagata po o le mea na tupu. Ona valaaulia lea o tagata aoga e tali fesili nei.

O le a se mea po o ai se tasi e te manao e manatua i lou olaga atoa? Aisea?
O a nisi o mea e te faia pe na e faia e fesoasoani ai ia te oe e manatua lenei mea po o le tagata?

Ona mafai lea ona e faaali atu se ata o Iesu Keriso. Valaaulia tagata aoga e vaai i le ata a o latou mafaufau ma le agaga tatalo e uiga i le Faaola. Ona mafai lea ona e faaali atu fesili nei mo tagata aoga e tali i a latou api faamaumau mo suesuega.

O le a sou lagona e uiga i le Faaola?
O le a se mea e te lagona e taua ona manatua e uiga ia te Ia? Aisea?

A o e suesue i le asō, saili le taitaiga a le Agaga Paia e fesoasoani ia te oe e iloa ai mea e mafai ona e faia e manatua ai le Faaola ma mea na Ia faia mo oe.

“E fai foi lenei aso ma faamanatuga ia te outou”

I le lesona na muamua atu, “Esoto 12–13, Vaega 1,” sa suesue ai e tagata aoga le auala na laveaiina ai e le Alii le fanauga a Isaraelu mai Aikupito. E mafai ona e tusia le upu Paseka i luga o le laupapa. E mafai ona e faaali atu le ata o le Paseka sa faaaogaina i le lesona ua te’a. Ona valaaulia lea o tagata aoga e aotele mea latou te manatua e uiga i le vavega o le Paseka muamua (tagai Esoto 12:1–13).

Mafaufau e faatulaga tagata aoga i ni vaega taitoatolu. Tuu atu i tagata aoga taitasi e suesue se tasi o fuaitau nei ma faasoa atu mea ua latou aoaoina i isi tagata o le vaega.

Na poloaiina e le Alii Lona nuu e faia pea lava pea le tausamiga o le Paseka “i [o latou] augatupulaga uma” (Esoto 12:14). Faitau fuaiupu nei, ma vaavaai mo upu ma fasifuaitau e faailoa mai ai mea na finagalo le Alii latou te manatua ma fai:

Esoto 12:14, 17

Esoto 12:25–27

Esoto 13:3, 8–10

O le a le mea na faamoemoe e le sauniaina ma taumamafa ai i le tausamiga o le Paseka e fesoasoani ai i tagata Isaraelu ia manatua e uiga i le Alii?
E te manatu na faapefea ona faamanuiaina e le Alii le fanauga a Isaraelu mo le auai usiusitai i le Tausamiga o le Paseka?

O le Paseka ma le faamanatuga

Jesus Christ seated at a table with His apostles. The apostles are watching Christ as He breaks bread and offers it to them in remembrance of His body and blood. The painting depicts the institution of the Sacrament at the Last Supper.

Faitau le Luka 22:13–15, 19–20, ma vaavaai mo le sauniga fou na faavaeina e le Faaola.

E faapefea ona pei le sauniga o le faamanatuga o le Paseka? E faapefea ona eseese?

O le fesili lenei e mafai ona fesoasoani i tagata aoga e iloa ai upumoni e faatatau i o latou olaga. O fesili faapenei e mafai ona fesoasoani i tagata aoga e maua ai le taua patino i mau latou te suesueina. O fesili faapena e mafai ai foi e le Tama Faalelagi ona aoao ma musuia tagata aoga mo i latou lava.

Mo aoaoga faaopoopo i le fesoasoani ai i tagata aoga ia maua le taua i tusitusiga paia, tagai i le “Aoao le aoaoga faavae a Iesu Keriso mo oe lava ia” i le Tomai i Atinaega o Faiaoga [2022], 29.
O a upumoni e mafai ona tatou aoaoina a o tatou mafaufau pe aisea ua saunia ai e le Tama Faalelagi ma Iesu Keriso ia sauniga e pei o le Paseka anamua ma le faamanatuga i aso nei?

E mafai e tagata aoga ona faasoa mai ni upumoni eseese. O se tasi o upumoni atonu latou te faailoa mai e mafai ona faapea o le Tama Faalelagi ma Iesu Keriso e tuuina mai sauniga e pei o le Paseka ma le faamanatuga e fesoasoani ia i tatou e manatua ai i La’ua.

Na faamalamalama mai e Elder Dale G. Renlund o le Korama a Aposetolo e Toasefululua se mafuaaga se tasi e uunaia ai i tatou e le Tama Faalelagi ma Iesu Keriso ia manatua i La’ua:

E finagalo lo tatou Tama Faalelagi ia i tatou ia manatuaina Lona agalelei ma le agalelei o Lona Alo Pele … mo le tosinaga e mafai e lena manatuaga ona faia ia i tatou. E ala i le mafaufau ai i lo La’ua agalelei, e faateleina ai la tatou vaaiga ma le malamalamaga. E ala i le manatunatu ai i lo La’ua agaalofa, o le a atili ai ona tatou lotomaualalo, lototatalo, ma tumau mausali. (“Mafaufau i le Agaglelei ma le Silisiliese o le Atua,” Liahona, Me 2020, 41)

Na faapefea ona aafia oe i le manatuaina o le agalelei o le Atua?

Manatuaina o le Faaola a o lei faia, i le taimi, ma pe a uma le faamanatuga

O le gaoioiga lenei e mafai ona fesoasoani i tagata aoga e saunia ai e manatua le Faaola a o lei faia, i le taimi, ma pe a uma le faamanatuga. E mafai ona e saunia ni sapalai o pepa ma tusigaata. Valaaulia tagata aoga e fatu se mea e pei o se pepa lautele o i ai se savali, tamaitusi, manatu mai le initoneti, po o se isi faamanatu o le faamanatuga. Ia uunaia tagata aoga ia fatufatuai i a latou mamanu.

E mafai e tagata aoga ona faaavanoa tua o a latou pepa mo le faaiuga o le lesona. I le faaiuga o le lesona, o le a faia ai e tagata aoga ni fuafuaga e fai ai se mea e manatua lelei ai le Faaola a o lei faia, i le taimi, po o le maea ai foi o le faamanatuga.

Ina ia fesoasoani ia te oe e manatua le agalelei o le Atua a o e sauniuni mo, auai ai, ma manatua le sauniga o le faamanatuga, fai se tasi pe sili atu o mea nei:

Lisi nisi o faatusa o le tausamiga o le Paseka na e suesueina. Tusi i lalo pe faapefea e nei faatusa o le Paseka ona fesoasoani ia te oe e manatua ai le Faaola ae e te lei ’ai ma inu le faamanatuga.
Faitau ia tatalo o le faamanatuga i le Mataupu Faavae ma Feagaiga 20:77, 79. Lisi folafolaga tatou te faia pe a tatou aai ma feinu i le faamanatuga. Ona lisi lea o folafolaga a le Alii. Tusi se parakalafa puupuu pe faapefea e le mafaufau i nei folafolaga ona fesoasoani ia te oe e manatua ai le Faaola i le taimi o le faamanatuga.
Lisi ni nai fuaitau o mau po o se faamatalaga mai se taitai o le Ekalesia atonu e te manao e faitau ma mafaufau loloto i ai i le taimi o le faamanatuga. Filifili ni fuaitau po o ni faamatalaga e mafai ona fesoasoani ia te oe e manatua ai le Faaola.
Filifili se viiga faamanatuga e sili ona e fiafia i ai. Lisi le igoa ma laina e lua pe tolu mai le viiga. Filifili ni laina e anoa ia te oe ma e mafai ona fesoasoani ia te oe e manatua ai le Faaola i le mae’a ai o le faamanatuga.

E mafai ona faasoa atu e tagata aoga mea na latou fatuina ma se paga, se vaega, po o le vasega. E mafai ona e uunaia tagata aoga e faaopoopo ni manatu e faasoa mai e isi tagata o le vasega.

Fai se fuafuaga e manatua ai le Faaola

Tomanatu ma le filemu i mea ua e aoao i ai ma lagonaina i lenei aso. Valaaulia le Agaga Paia e fesoasoani ia te oe e iloa se mea e mafai ona e faia e manatua lelei ai Iesu Keriso a o lei faia, i le taimi, ma pe a uma le faamanatuga.

Valaaulia tagata aoga e faaaoga sina avanoa i tua o a latou pepa e tali ai le fesili lenei.

O a nisi o mea faapitoa e mafai ona e faia e manatua lelei ai le Faaola a o e sauniuni mo, auai ai, ma manatunatu i le faamanatuga?

E mafai e nisi o tagata aoga naunautai ona faasoa mai mea ua uunaia ai i latou e faia. Valaaulia tagata aoga e ave a latou pepa i le sauniga faamanatuga e fesoasoani ai ia i latou e manatua mea ua latou aoaoina ma lagonaina. Mafaufau e faasoa atu lau molimau i le mana e mafai ona oo mai i o tatou olaga a o tatou manatua lelei le Faaola a o sauniuni ma auai i le faamanatuga.

Punaoa Faaopoopo

Esoto 12:17. E faapefea ona avea le tausamiga o le Paseka “o se sauniga e faavavau”?

Sa faamalamalama mai e Peresitene Boyd K. Packer (1924–2015) o le Korama a Aposetolo e Toasefululua:

I Ketesemane ma Kolokota sa faamaligiina ai le toto o le Faaola. O seneturi na muamua atu, sa muai tuuina mai ai le Paseka o se faatusa ma se ituaiga o mea o le a oo mai. Sa o se sauniga e ao ina tausisia e faavavau (tagai Esoto 12). …

Ina ua uma le faasatauroga o le Alii, sa le toe manaomia e le tulafono o le taulaga ona toe faamaligiina le toto. … O le taulaga amata mai iina e ao ona [osia] i se loto momomo ma se agaga ua nutimomoia---salamo.

Ma o le Paseka o le a faamanatuina e faavavau o le faamanatuga, lea tatou te faafouina ai la tatou feagaiga o le papatisoga ma taumamafa i le faamanatuina o le tino o le Tamai Mamoe a le Atua ma Lona toto, lea na faamaligiina mo i tatou. (“Atonement, Agency, Accountability,” Ensign, May 1988, 72)

O le a la’u mea e ao ona ou faia i le taimi o le faamanatuga?

Na saunoa mai Brother Milton Camargo, Fesoasoani Muamua i le Au Peresitene Aoao o le Aoga Sa:

O le faafouina o a tatou feagaiga i le taimi o le faamanatuga i Aso Sa taitasi o se avanoa sili lea e suesue ai i tatou lava ma toe taulai atu o tatou olaga ia Iesu Keriso. E ala i le taumamafa ai i le faamanatuga, tatou te tautino atu ai faapea tatou “te manatua pea o ia.” O le upu pea e taua tele. E faasafua mai ai le tosinaga a le Faaola i vaega uma o o tatou olaga. Tatou te le manatua o Ia i le na o le lotu pe na o le taimi o a tatou tatalo i le taeao pe na o taimi tatou te pagatia ai ma tatou manaomia se mea.

Ioe, o nisi taimi e tosina ese ai i tatou. E galo ia i tatou. E aluese ai lo tatou taulai. Ae o le toefaafouina o a tatou feagaiga o lona uiga ua tatou mananao ia manatua pea le Faaola, o le a tatou taumafai e faia lena mea i le vaiaso atoa, ma o le a tatou toetuuto atu ma toe taulai atu foi ia te Ia i le la’o’ai o le faamanatuga i le vaiaso a sau. (“Taulai Atu ia Iesu Keriso,” Liahona, Me 2023, 65)

O fea e mafai ona ou aoao atili ai e uiga i le tausamiga o le Paseka?

E mafai ona e faitau atili e uiga i le tausamiga o le Paseka i le “The Passover Supper” (Ensign, Ape. 2014, 74–75).

Gaoioiga Faaopoopo e Aoao Ai

Se isi amataga

Valaaulia tagata aoga e vaai faalemafaufau e faapea, latou te iloa o le a asiasi atu Iesu Keriso i le tino i le isi a latou sauniga faamanatuga. Valaaulia i latou e mafaufau pe faapefea e le iloaina o le a i ai Iesu iina ona tosina ai le ala latou te saunia ai ma auai i le sauniga faamanatuga.

O le a sou manatu o le a faapeī le auai i se sauniga faamanatuga faatasi ma le Faaola o loo auai ai?
Faamata o le a se mea e ese e te faia e saunia ai mo le sauniga lotu? Ina ia saunia e taumafa i le faamanatuga? O le a se mea o le a tutusa pea ona e faia?
E mafai faapefea e lenei aafiaga ona fesoasoani ia te oe e manatua ai pea Iesu Keriso ma Lana taulaga togiola a o e auai i sauniga faamanatuga i le lumanai?

O viiga o le faamanatuga

Atonu e fesoasoani mo tagata aoga le malamalama i le taua o le usuina o viiga o le faamanatuga o se vaega o le manatuaina o le Faaola. Atonu e te faamanatu atu i tagata aoga na usuina e Iesu se viiga a o lei alu atu i le Faatoaga o Ketesemane (tagai Mareko 14:26).

Na faamanatu mai e Peresitene Jeffrey R. Holland o le Korama a Aposetolo e Toasefululua ia i tatou:

O le taulimaina ma le tufaina atu o le faamanatuga e faatomua i se viiga e tatau ona usuina e i tatou uma. E le afaina po o le a le ituaiga leo faamusika o loo ia i tatou. E le gata i lea, o viiga o le faamanatuga e pei lava o tatalo—ma e mafai e tagata uma ona tuuina atu le leo i se tatalo! …

O se elemene taua o la tatou tapuaiga le autasi i na faailoaga vivii ma le faagaeetia o le lotofaafetai. (“This Do in Remembrance of Me,” Ensign, Nov. 1995, 68)

Mafaufau e valaaulia tagata aoga e faasoa mai ni aafiaga na latou maua ina ua fesoasoani le usuina o le viiga o le faamanatuga ia i latou e lagona ai le latalata atili atu i le Tama Faalelagi ma Iesu Keriso.

E mafai ona e valaaulia tagata aoga e filifili le viiga faamanatuga e sili ona latou fiafia i ai e faasoa atu i se paga, se vaega toalaiti, po o le vasega. Atonu e faasoa mai e tagata aoga se laina e sili ona fiafia i ai mai le viiga ma pe faapefea ona anoa ia i latou. Pe a talafeagai ai, e mafai ona e taina pe usu se fuaiupu se tasi mai viiga faamanatuga e sili ona fiafia i ai ni nai tagata aoga. A o faalogologo pe usuina e tagata aoga, e mafai ona e valaaulia i latou e faailoa mai laina mai viiga e tulaga ese ia i latou.

Lagona le mana o le manatuaina o le Faaola

I le vitio “Latou te Manatua Pea o Ia” (6:29), ua aoao mai ai e Elder Claudio R. M. Costa o le Fitugafulu mea e mafai ona tatou faia e manatua ai le Faaola ma faateleina ai le mana o le sauniga o le faamanatuga i o tatou olaga.

6:29

O le vitio “Puupuu Fa’aosofia: Manatua Pea le Fa’aolaina” (2:51), na gaosia e le BYU Speeches, o loo faasoa mai ai le tala i se tagata na faasaoina lona ola a o feaei i mauga papa. Ua faasoa mai e le failauga lenei tala e aoao atu ai e mafai ona tatou faamamaluina moni le Faaola e ala i le manatuaina o Ia.