Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esoto 1: Faamamaluina o le Atua i le Feagai ai ma Faatauteega

“Esoto 1: Faamamaluina o le Atua i le Feagai ai ma Faatauteega,” Tusi Lesona a le Faiaoga Seminare o le Feagaiga Tuai (2026)

“Esoto 1: Faamamaluina o le Atua i le Feagai ai ma Faatauteega,” Tusi Lesona a le Faiaoga Seminare o le Feagaiga Tuai

Esoto 1–6: Lesona 38

Esoto 1

Faamamaluina o le Atua pe a Feagai ma Faatauteega

Illustration of a party scene with drinking going on and one girl standing alone.

Na faapologaina e le farao o Aikupito tagata Isaraelu ma faatonu faatosaga e fasioti tama tane o Isaraelu pe a fananau mai. Na filifili nei faatosaga e lē usiusitai iā Farao ona o lo latou matata’u i le Atua. E pei o nei tamaitai faamaoni, e mafai ona tatou filifili e tuu lo tatou faalagolago i le Atua e oo lava i tulaga faigata. E mafai ona fesoasoani lenei lesona i tagata aoga ia mananao e faamuamua le Atua nai lo isi uunaiga.

Sauniuniga a le tagata aoga: Mafaufau e valaaulia tagata aoga e fesili atu i se tagata o le aiga po o se uo pe na faapefea ona latou vaai i le faamanuiaina o i latou e le Atua mo le mulimuli ai ia te Ia nai lo isi.

Gaoioiga E Ono Mafai Ona Aoao Ai

Lototele faaKeriso

Mafaufau e faasoa atu mea nei mai ia Peresitene Nelson.

Na faamatala e Peresitene Russell M. Nelson uiga o soo o Iesu Keriso:

14:51

O soo moni o Iesu Keriso ua loto e tutu atu, tautatala atu, ma ia ese mai ai i tagata o le lalolagi. E le fefefe i latou, ae tuuto ma lototetele. “Mauaina o le Mana o Iesu Keriso i o Tatou Olaga,” Liahona, Me 2017, 40–41)

Aisea atonu e manaomia ai le lototele e faatino ai i le ala na faamatalaina e Peresitene Nelson?
Aisea e te manatu ai e taua le mulimuli i le fautuaga a Peresitene Nelson?

Faaali atu le iloiloga lenei a le tagata lava ia e fesoasoani ai i tagata aoga e mafaufau loloto i o latou lagona e uiga i le usiusitai ai i le Atua nai lo le gauai atu i isi uunaiga.

Faitau faamatalaga nei ma fuaina le moni o na faamatalaga ia te oe i se fua mai le 1 (e le moni lava) i le 5 (e moni lava).

Ou te naunau e faamuamua le Alii, e tusa lava pe ou te lagonaina le uunaiga mai isi ia faaitiitia ou tulaga faatonuina.
Ou te le o mautinoa pe o le a faamanuiaina au e le Atua mo le taumafai ai e usitaia Ana poloaiga.
Ou te naunau e tu atu mo le mea ou te iloa e tonu, e tusa lava pe le o se filifiliga lauiloa.

Uunaia tagata aoga e gauai atu i uunaiga mai le Agaga a o latou suesueina le Esoto 1. E mafai ona fesoasoani le Agaga ia i latou e saunia e galulue ma le lototele pe a latou lagonaina le uunaiga e fai mea e faatautee i le finagalo o le Atua.

O faataitaiga amiotonu

Mafaufau e valaaulia tagata aoga e faasoa mai mea latou te iloa e uiga i le mea na tupu i tagata Isaraelu ina ua mavae le maliu o Iosefa o Aikupito. Pe a manaomia, faaaoga nisi po o le aotelega atoa lenei.

Ina ua maliu Iosefa o Aikupito, sa faateleina le aofa’i o tagata Isaraelu (e ta’ua fo’i o tagata Eperu) i le laueleele o Aikupito. I le fefe ai nei mafai e tagata Isaraelu ona faatoilalo tagata Aikupito, na faapologaina ai i latou e le farao fou (tagai Esoto 1:6–14).

Faitau le Esoto 1:15–16, ma vaavaai mo mea na poloaiina ai e Farao ia Sepela ma Pu’a, o faatosaga Eperu e toalua, e fai. “Faatosaga” e faasino i tamaitai o e fesoasoani i le faafanauina o se tamaitiiti. “Nofoa” (fuaiupu 16) e faatatau i nofoa e faaaoga e fafine o loo faafanau.

Valaaulia tagata aoga e faasoa mai mea na latou maua. Saili ni auala e fesoasoani ai i tagata aoga e fesootai ai i uunaiga atonu na lagona e nei fafine e fai mea sa mananao i ai isi nai lo le mea na finagalo i ai le Atua. O le fesili ma le gaoioiga lenei o se tasi lea o auala e fai ai lenei mea.

Afai o oe o Sepela po o Pu’a, o le a se mea semanu e faigata ai ia te oe ona faasili le finagalo o le Atua i luga o le manao o Farao?

Mafaufau e vaevae le vasega i ni vaega. Valaaulia vaega e faailoa mai tulaga na latou feagai pe atonu foi latou te ono feagai ma tulaga e ono faigata ai ona filifili le finagalo o le Atua ona o isi uunaiga. Tuu atu ia i latou e fai se lisi o mafuaaga e ono popole ai se tasi i le mulimuli i le Atua i na tulaga.

Faitau le Esoto 1:17–21, ma vaavaai pe aisea na faia ai e Sepela ma Pu’a ia faaiuga na la faia.

O le a se mea sa e mauaina?
O le a se mea i nei fuaiupu e mafai ona uunaia ai se tasi atonu e mafaufau pe tatau ona latou faamuamua le Atua nai lo isi uunaiga latou te feagai?

A o faasoa mai e tagagta aoga, atonu e te manao e tau atu ia i latou o le “mata’u i le Atua” (tagai fuaiupu 17, 21) o lona uiga o le migao po o le faaaloalo i le Atua. Faasino atu le fuaitau “ua agalelei le Atua” ia Sepela ma Pu’a (fuaiupu 20) pe afai e le o faailoa mai e tagata aoga. Valaaulia tagata aoga e faailoga le fuaitau lenei. O lona uiga na faamanuiaina e le Atua ia Sepela ma Pu’a mo le tuuina o Ia i luga a’e o faafitauli na laua feagai. E tusa ai ma le vaefaamatalaga e i le fuaiupu e 21, o se tasi o faamanuiaga na tuuina mai e le Alii ia Sepela ma Pu’a o ni augatupuaga.
O le a se upumoni e mafai ona tatou aoao mai ia Sepela ma Pu’a e mafai ona fesoasoani ia i tatou pe a tatou feagai ma uunaiga e mulimuli i isi nai lo le Atua?

I le faaaogaina ai o a latou lava upu, e ono mafai ai e tagata aoga ona faailoa mai se upumoni e pei ao tatou tuuina atu o tatou loto i le Atua nai lo le gauai atu i isi uunaiga, o le a Ia faamanuiaina i tatou.

E ui lava o le vaega o totoe o le lesona o loo taulai atu i le auala e “lelei ai le [taulimaina] e le Atua” o i tatou, ae atonu e te mafaufau e faaalu se taimi e taulai atu ai i le faataitaiga a le Faaola o le gauai atu lea i le finagalo o le Tama Faalelagi. E mafai ona e faaaogaina se fesili e pei o lenei e fai ai lena mea. Afai e faigata i tagata aoga ona maua ni faataitaiga, e mafai ona e faasino atu i latou i le Ioane 6:38 po o le Luka 22:42.
O le a se mea na aoao mai pe na faia e le Faaola e faaalia ai le auala o Ia o le faataitaiga atoatoa o lenei upumoni?
Mafaufau i se gaoioiga e fesoasoani ai i tagata aoga ia malamalama ai i auala e ono taulimaina lelei ai e le Alii (faamanuia) i latou mo le faamamaluina o Ia e ala i le faamuamuaina o Ia. O ni nai manatu nei e lua. Filifili se tasi o nei fesili po o se isi foi e te filifilia e fesoasoani ai i tagata aoga e tali fesili nei.
1. Faasoa atu ma tagata aoga le vitio “Tuua le Pati” (6:26) po o le vitio “IaLototoa i le Lototele, Malosi, ma le Toaga” mai le faailo taimi 1:20 i le 5:13 (e maua uma vitio e lua i le ChurchofJesusChrist.org). Valaaulia tagata aoga e faailoa mai pe na faapefea ona faamanuiaina e le Alii ia Ioane mo le tuuina o le Atua i luga a’e o isi uunaiga.
10:35
1. Tuu atu i tagata aoga ni nai mau e suesue ai o loo faaalia ai auala na lelei ai le taulimaina e le Atua o isi mo le filifilia o Ia nai lo isi uunaiga. E mafai ona latou suesueina le 2 Nifae 5:6–13; Mosaea 24:11–15; 4 Nifae 1:15–18. E mafai foi e tagata aoga ona maua isi mau o loo faapupula ai le auala e taulimaina lelei ai e le Atua ia Ana fanau pe a latou faamuamua o Ia.
E foliga faape’ī pe a “[taulimaina] lelei e le Atua” i tatou?
Na faapefea ona taulimaina e le Atua oe po o se tasi e te iloa mo le gauai atu i Lona finagalo nai lo le faamalo’u atu i isi uunaiga?
Aisea e aoga ai ia te oe le filifili e faamuamua le Atua e tusa lava po o le a le taunuuga?

Gauai atu o o tatou loto i le Atua

Mafaufau e faaali atu fesili nei e fesoasoani ai i tagata aoga e mafaufau i mea ua latou aoaoina pe lagonaina i le aso ma pe faapefea ona fesoasoani ia i latou pe a latou feagai ma tulaga faigata.

Filifili se tasi o fesili nei e te tali atu iai i lau api faamaumau mo suesuega.

O a mea ua e aoaoina pe lagonaina i le asō e mafai ona fesoasoani ia te oe e mautinoa ai o le a faamanuiaina oe e le Atua pe a e filifili e faamuamua o Ia?
O le a se mea e te faasoa atu i se tasi e le o mautinoa pe aoga le filifilia o le Atua pe a tatou feagai ma isi uunaiga?

Mafaufau e tuuina atu i tagata aoga se avanoa e faasoa mai ai i mea sa latou tusia. E mafai foi ona e faasoa atu le folafolaga a le Faaola i tagata o e ua sauaina ona o le filifiliina o Ia, o loo maua i le Mataio 5:10–12. Mafaufau e faasoa atu lau molimau i le auala o le a faamanuiaina ai i tatou e le Atua pe a tatou filifili e mulimuli ia te Ia, e tusa lava pe faigata.

Punaoa Faaopoopo

Esoto 1:17. O le a le uiga o le mata’u i le Atua?

Ua tuuina mai i le Taiala i Tusitusiga Paia ni faauigaga se lua o le mata’u: “ (1) o le mata’u i le Atua o le lagona lea o le migao ma le maofa mo Ia ma usitai i Ana poloaiga; (2) o le fefe i tagata, i tulaga lamatia faaletino, i tiga, ma le leaga, o le fefe lea i na mea ma atuatuvale i ai” (Taiala i Tusitusiga Paia, “Fefe,” Potutusi o le Talalelei).

Na aoao mai Elder David A. Bednar o le Korama a Aposetolo e Toasefululua:

16:21

E ese mai ae fesootai i le fefe e masani ona tatou oo i ai, o le mea lea ua faamatalaina e tusitusiga paia o le “mata’u faaleAtua” (Eperu 12:28) po o le “mata’u ia Ieova” (Iopu 28:28; Faataoto 16:6; Isaia 11:2–3). E le pei la o le mata’u faalelalolagi lea e tupu ai le te’i ma le atuatuvale, o le mata’u faaleAtua o se puna lea o le filemu, faamautinoaga, ma le talitonuga.

Ae e mafai faapefea e soo se mea e fesootai ma le mata’u ona faagaeetia pe aogafaaleagaga?

O le mata’u amiotonu o loo ou taumafai e faamatalaina e aofia ai se lagona loloto o le migao, faaaloalo, ma le maofa mo le Alii o Iesu Keriso (tagai Salamo 33:8; 96:4), usiusitai i Ana poloaiga (tagai Teuteronome 5:29; 8:6; 10:12; 13:4; Salamo 112:1), ma le tulimatai atu o le Faamasinoga Mulimuli ma le faamasinogatonu i Lona aao. (“O Lea Na Latou Faafilemu Ai Lo Latou Matata’u,” Liahona, Me 2015, 48)

E mafai faapefea ona ou agai i luma ma le lototele e tusa lava pe ou te lagona le fefe?

Na saunoa mai Elder Carl B. Cook o le Au Peresitene o Fitugafulu e faapea:

11:4

O le a fesoasoani le Atua o le lagi ma le lalolagi ia i tatou e faatoilalo le lotovaivai ma soo se mea faalavefau tatou te fetaia’i pe a tatou taulai atu ia te Ia, mulimuli i uunaiga a le Agaga Paia, ma tau lava ina agai pea i luma—ma le faatuatua.

O le mea e faafetai ai, pe a tatou vaivai pe le gafatia, e mafai e le Alii ona faamalosia lo tatou faatuatua. E mafai ona Ia faateleina lo tatou gafatia e sili atu nai lo o lo tatou lava malosi. (Na o le Faaauau Pea—ma le Faatuatua, Liahona, Me 2023, 14)

Na aoao mai Peresitene Thomas S. Monson (1927–2018):

16:18

O le a tatou fetaiai uma ma le fefe, lagona o le tauemuina, ma fetaia’i ma faatauteega. E tatau ia i tatou—ia i tatou uma—ona tatou maua le lototele e faafetaiaia ai manatu lautele, le lototele e tu atu ai mo mataupu faavae. O le lototele, ae le o le palaai, e aumai ai le fiafia o le faamaoniga a le Atua. E avea le lototele ma se amio mama e ola pea ma mataina pe a manatu i ai ua le na o se naunautaiga e oti … ae o se naunautaiga foi ia ola tausaafia. A o tatou agai pea i luma, ma tatou taumafai e ola e pei ona tatau ai, o le a mautinoa lava tatou te mauaina le fesoasoani mai le Alii ma mafai ona maua ai le mafanafana i Ana afioga. (“Ia Faamalosi ma Loto Tele,” Liahona, Me 2014, 69)

Gaoioiga Faaopoopo e Aoao Ai

Se isi amataga

Nai lo le faitauina o le saunoaga a Peresitene Nelson, e mafai ona e amataina le lesona i le matamataina o le “Tuua le Pati.” Taofi le vitio i le 3:08. Fesili atu i tagata aoga po o le a se mea atonu na faigata ia Ioane i lenei tulaga. Fesili atu ia i latou po o a tulaga e ono lagona ai foi e talavou le uunaiga e le usiusitai i le Atua.

A uma ona faailoa mai e tagata aoga le upumoni faateleina e uiga i faamanuiaga a le Atua, matamata le vaega o totoe o le vitio. Tuu atu i tagata aoga e vaavaai po o le a le faaiuga na faia e Ioane ma le auala na “taulimaina lelei” ai e le Atua ia Ioane ona o lana faaiuga.

Esoto 1:17, 21. Mata’u ma le mulimuli ai i le Atua

A uma ona talanoaina e tagata aoga tulaga na latou lagonaina pe atonu foi o le a lagona ai le uunaia faamalosi, e mafai ona e fesoasoani ia i latou ia iloa le uiga o le matau i le Atua ma mulimuli ai ma le lototele ia te Ia. Mafaufau e valaaulia tagata aoga e faaaoga le Taiala o Autu ma suesue mau o loo lisiina i lalo o le “Lototele,” “Fefe,” po o le “Mata’u i le Atua.” Uunaia i latou e vaavaai mo mau e ono mafai ona fesoasoani pe a oo se tasi i uunaiga o le lē amanaia o poloaiga po o tulaga faatonuina a le Alii.

Malamalama i faamanuiaga a le Alii

Ina ia fesoasoani i tagata aoga ia malamalama o faamanuiaga a le Atua mo le mulimuli i Lona finagalo e le tutusa i taimi uma i tulaga uma, faitau le saunoaga lenei mai ia Peresitene Monson.

Na aoao mai Peresitene Thomas S. Monson (1927–2018):

16:18

E le o faatinoga uma o le lototele e maua ai sea taunuuga mataina pe i le taimi lava lena, ae o lototele uma e aumaia ai le filemu o le mafaufau ma se malamalama ua puipuia le mea tonu ma le upumoni. (“Ia Faamalosi ma Loto Tele,” Liahona, Me 2014, 68)

E mafai foi ona e faamatala atu o le mulimuli i le Atua e le faapea o le a tatou saogalemu ai i taimi uma mai filifiliga a isi. E ui ina sa foliga mai sa le afaina nei faatosaga e Farao, ae sa fasiotia afafine o Onita e faitaulaga leaga ona o le mumusu e tapuai i atua pepelo (tagai Aperaamo 1:11). Ina ia fesoasoani i tagata aoga ia malamalama i le manaomia ona faatuatuaina o le Atua tusa lava po o le a le taunuuga, e mafai ona e fai atu fesili e pei o nei:

Aisea e te manatu ai o faamanuiaga a le Atua e le faapea o le a le aveesea ai i taimi uma ia luitau po o mafatiaga?
O le a se mea e fesoasoani ia te oe e tuu ai Lona finagalo i luga a’e o isi uunaiga tusa lava po o le a le taunuuga?

“Aua Nei Atuatuvale”

Afai o faamatalaga a tagata aoga e faasino atu ai le lesona i le talanoaina o le mata’u, mafaufau e matamata i le “Aua le Popole” (4:30). Fai atu i tagata aoga e vaavaai pe faapefea ona fesoasoani le Atua ia i tatou e faatoilalo o tatou atuatuvalega. Ona valaaulia lea o tagata aoga e faasoa mai pe na faapefea ona fesoasoani le Atua ia i latou e faatoilalo o latou atuatuvalega.

4:31