Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zanafilla 39: Mposhtja e Tundimit

“Zanafilla 39: Mposhtja e Tundimit”, Manuali i Mësuesit të Seminarit për Dhiatën e Vjetër (2026)

“Zanafilla 39: Mposhtja e Tundimit”, Manuali i Mësuesit të Seminarit për Dhiatën e Vjetër

Zanafilla 37–41: Mësimi 34

Zanafilla 39

Mposhtja e Tundimit

Pasi Jozefi u bë kryeadministrator në shtëpinë e Potifarit, gruaja e Potifarit e tundoi atë të shkelte ligjin e dëlirësisë. Jozefi e dinte se nënshtrimi ndaj atij tundimi ishte një “mëkat kundër Perëndisë” dhe zgjodhi të largohej nga tundimi (shih te Zanafilla 39:9, 12). Ky mësim mund t’i ndihmojë nxënësit ta tregojnë përkushtimin e tyre ndaj Perëndisë duke i bërë ballë tundimit për të shkelur ligjin e dëlirësisë.

Përgatitja e nxënësve: Ftojini nxënësit të imagjinojnë sikur iu kërkua të drejtonin një diskutim në orën mësimore të Shkollës të së Dielës rreth mënyrave të ndryshme se si mund t’u bëjnë ballë tundimeve të Satanit. Ftojini nxënësit të mendojnë për tri mënyra se si mund të flasin me klasën.

Veprimtari të Mundshme të të Mësuarit

Tundimet që hasim

Merreni parasysh ta vini klasën të bëjë në tabelë një listë të tundimeve që hasin të rinjtë sot. Për t’i ndihmuar nxënësit të mendojnë më shumë rreth tundimeve që hasin personalisht dhe se si reagojnë ndaj tyre, mund ta ftoni secilin nxënës të plotësojë veprimtarinë vijuese në një copë letër.

Zgjidh një tundim dhe shkruaj një skenar të shkurtër, real ku një adoleshent mund të përballet me atë tundim.

Mblidhini skenarët dhe rishpërndajini ata në klasë.

Lexoje skenarin tënd të ri. Në pjesën e pasme të letrës, shkruaj se çfarë mund ta bëjë të vështirë t’i bësh ballë atij tundimi. Gjithashtu, shkruaj dy gjëra që mund ta inkurajosh dikë t’i bëjë për ta ndihmuar t’i bëjë ballë ose ta mposhtë atë tundim.

Vëruni nxënësve në dukje se megjithëse mund të mos përballen me të njëjtin tundim të renditur në skenar, ata mund të jenë në gjendje të zbatojnë këshillë të ngjashme në situatat e tyre. Ndihmojini nxënësit të vlerësojnë aftësinë e tyre për t’i bërë ballë ose mposhtur tundimin.

Mendo për tundimet me të cilat përballesh personalisht.

Çfarë ke bërë, ose mund të bësh, për të fituar forcë nga Ati Qiellor dhe Jezu Krishti për t’u bërë ballë atyre tundimeve?

Mund t’i ftoni nxënësit t’i shtojnë diçka asaj që shkruan në skenar për përvojat e tyre. Inkurajojini ata të vazhdojnë të shtojnë ide në skenarin e tyre ndërsa studiojnë kapitullin te Zanafilla 39. Bëjuni të ditur atyre se, ndërsa kërkojnë ndihmë nga Fryma e Shenjtë, Ai mund t’i frymëzojë me ide për t’i bërë ballë dhe madje për t’i mposhtur tundimet me të cilat përballen.

Përvoja e Jozefit me tundimin

Nëse përdorët figura për t’i përmbledhur ngjarjet e jetës së Jozefit te Mësimi 33: “Zanafilla 37–41”, merreni parasysh t’i paraqitni ato sërish. Ftojeni një nxënës ta përmbledhë atë që mban mend rreth mënyrës se si Zoti e bekoi Jozefin në shtëpinë e Potifarit. Nëse nxënësit kanë nevojë për ndihmë, ftojini ata të lexojnë dhe përmbledhin vargjet te Zanafilla 39:1–6.

Lexo te Zanafilla 39:7–8, duke kërkuar atë që i ndodhi Jozefit pasi u bë kryeadministrator në shtëpinë e Potifarit.

Çfarë tundimi hasi Jozefi?

Shpjegoni se Jozefi u përball me tundimin për ta shkelur ligjin e dëlirësisë. Ndihmojini nxënësit të reflektojnë mbi atë që kuptojnë rreth ligjit të dëlirësisë duke i ftuar ata të bëjnë sa vijon.

Në ditarin tënd të studimit, shkruaj se si do ta përkufizoje ligjin e dëlirësisë dhe përse është i rëndësishëm.

Kur nxënësit të mbarojnë së shkruari, merreni parasysh të paraqitni thënien vijuese. Ftojini nxënësit ta lexojnë vetë atë, duke kërkuar ide që ata mund t’ia shtojnë asaj që shkruan në ditarët e tyre të studimit.

Materiali Për Forcën e Rinisë: Një Udhëzues për Bërjen e Zgjedhjeve thotë sa vijon rreth ligjit të dëlirësisë:

“Ligji i dëlirësisë thotë se Perëndia e miraton aktivitetin seksual vetëm midis një burri dhe një gruaje që janë të martuar. …

Jashtë martesës midis një burri dhe një gruaje, është e gabuar të prekësh pjesët private, të shenjta të trupit të një personi tjetër, edhe nëse është i veshur. Në zgjedhjet tuaja se çfarë të bëni, shikoni, lexoni, dëgjoni, mendoni, afishoni ose shkruani, shmangiuni çdo gjëje që qëllimisht ngjall emocione epshore tek të tjerët ose te vetja. Kjo përfshin pornografinë në çdo formë.” (Për Forcën e Rinisë: Një Udhëzues për Bërjen e Zgjedhjeve, f. 23, 25)

Pse mendon se Ati Qiellor na ka dhënë ligjin e dëlirësisë?
Cilat janë disa mënyra se si Satani i tundon të rinjtë ta shkelin ligjin e dëlirësisë?

Përgjigjet e mundshme që mund të japin nxënësit përfshijnë bërjen ose dërgimin e fotografive të papërshtatshme, shikimin ose dëgjimin e mediave që janë seksualisht sugjestionuese ose erotike, mosmbajtjen e marrëdhënies ose ndjenjave seksuale të shenjta. Nëse nxënësit kanë pyetje rreth tërheqjes ndaj së njëjtës gjini, mund të jetë e dobishme të shpjegoni se “të ndiesh tërheqje ndaj së njëjtës gjini nuk është mëkat. Nëse [dikush i ka] këto ndjenja dhe nuk i [ndjek] apo nuk vepron sipas tyre, [ai] po e jeton ligjin e shenjtë të Atit Qiellor për dëlirësinë” (Për Forcën e Rinisë: Një Udhëzues për Bërjen e Zgjedhjeve, f. 27–28).

Lexo te Zanafilla 39:9–12, duke kërkuar mënyrën se si Jozefi i bëri ballë tundimit për të shkelur ligjin e dëlirësisë.

Zanafilla 39:9 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Çfarë mësove nga shembulli i Jozefit?

Nxënësit mund të përcaktojnë të vërteta të tilla si: Përkushtimi ynë ndaj Perëndisë mund të na japë forcë për t’i bërë ballë tundimit për të shkelur ligjin e dëlirësisë (vargu 9).

Nxënësit mund të shenjojnë në shkrimet e tyre të shenjta atë që përkushtimi ndaj Perëndisë i mundësoi Jozefit të bënte, për shembull, te vargu 8 (“ai e refuzoi”), vargu 10 (“ai nuk pranoi”) dhe vargu 12 (“iku duke vrapuar jashtë”).

Për t’i ndihmuar nxënësit t’i përgjigjen pyetjes vijuese, nëse dëshironi, mund t’u jepni atyre një skenar që mund ta përdorin për të treguar se si dikush mund t’i bëjë të tria gjërat që bëri Jozefi. Një skenar i mundshëm mund të përfshijë të qenit i ftuar në një film, shfaqje ose koncert ku përdoren figura dhe fjalë imorale. Një tjetër skenar i mundshëm mund të përfshijë ndjenjën e presionit për t’iu dërguar mesazhe me tekst ose figura të papërshtatshme bashkëmoshatarëve.
Cilat janë disa mënyra se si mund ta ndjekim shembullin e Jozefit kur përballemi me tundimin?

Forcimi i aftësisë sonë për ta mbajtur ligjin e dëlirësisë

Ftojini nxënësit t’ua tregojnë atë që mësuan partnerëve të tyre.

Shpëtimtari mund të na ndihmojë ta mposhtim tundimin

Mund të keni nxënës që kanë vështirësi me bindjen ndaj ligjit të dëlirësisë dhe kanë nevojë të ndiejnë shpresë për pendim dhe mposhtje të varësisë. Dëshmoni për natyrën e dashur, të duruar dhe falëse të Atit Qiellor dhe Jezu Krishtit. Merreni parasysh të shfaqni materialin filmik “Temptation Fades as We Seek Christ in Every Thought” [“Tundimi Zbehet Kur e Kërkojmë Krishtin në Çdo Mendim”] (2:57), në dispozicion në ChurchofJesusChrist.org. Ftojini nxënësit të kërkojnë mënyrën se si Shpëtimtari mund të na japë shpresë.

2:58

Plaku Dejll G. Renland, i Kuorumit të Dymbëdhjetë Apostujve, dha mësim se si Shpëtimtari mund t’u japë shpresë atyre që kanë vështirësi me zbatimin e urdhërimeve të Perëndisë.

“Pavarësisht se sa kohë kemi qenë larg shtegut ose sa larg jemi endur, në çastin kur vendosim të ndryshojmë, Perëndia na ndihmon të kthehemi. Sipas këndvështrimit të Perëndisë, nëpërmjet pendimit të sinqertë dhe shkuarjes përpara me vendosmëri në Krisht, pasi të kthehemi në shteg, do të jetë sikur të mos ishim larguar kurrë. Shpëtimtari shpaguan për mëkatet tona dhe na çliron nga pakësimi i pashmangshëm i lumturisë dhe bekimeve.” (“Zgjidhni Sot”, Liahona, nëntor 2018, f. 106)

Çfarë do të doje të kuptonte nga thënia e Plakut Renland dikush që ndihet i pashpresë për shkak të zgjedhjeve të veta të mëparshme?
Çfarë të ka ndihmuar t’i bësh ballë tundimit që mund t’ua sugjerosh njerëzve të tjerë?

Bërja e një plani për të mbajtur ligjin e dëlirësisë

Për t’i ndihmuar nxënësit të bëjnë një plan për të vepruar sipas asaj që u ka mësuar Shpirti rreth mbajtjes së ligjit të dëlirësisë, jepuni atyre disa minuta për t’u përgjigjur për pyetjet vijuese në ditarët e tyre të studimit.

Çfarë mësove që mund të të ndihmojë ta mbash ligjin e dëlirësisë ose t’u bësh ballë tundimeve të tjera?
Çfarë mësove rreth të qenit i/e përkushtuar ndaj Perëndisë?
Si do të fillosh ta zbatosh atë që ke mësuar dhe ndier sot?

Inkurajojini nxënësit t’i përfshijnë Atin Qiellor dhe Jezu Krishtin në përpjekjet e tyre për t’i bërë ballë tundimit. Merreni parasysh të jepni dëshminë tuaj për aftësinë e Shpëtimtarit për të na ndihmuar ta mposhtim tundimin dhe për mëshirën e Tij të dashur për të na ndihmuar të pendohemi.

Mësoni Përmendsh

Nëse dëshironi, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë është: “Si mund ta bëj unë këtë të keqe të madhe dhe të kryej një mëkat kundër Perëndisë?” Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Si mund t’i mposht tundimet e mia?

“Ati Qiellor dhe Jezu Krishti kanë fuqinë që t’ju ndihmojnë. Mbusheni jetën tuaj me gjëra që e ftojnë atë fuqi në jetën tuaj, të tilla si lutja, studimi i shkrimeve të shenjta dhe shërbimi ndaj të tjerëve. Drejtohuni te Jezu Krishti dhe ungjilli i Tij dhe do të zbuloni se dobësitë mund të bëhen anë të forta. Kërkoni ndihmë nga prindërit, udhëheqësit dhe këshilluesit profesionistë sipas nevojës.” (Për Forcën e Rinisë: Një Udhëzues për Bërjen e Zgjedhjeve, f. 27)

Si zbatohet ligji i Zotit për dëlirësinë për ata që tërhiqen ndaj të njëjtës gjini?

“Të ndiesh tërheqje ndaj së njëjtës gjini nuk është mëkat. Nëse i keni këto ndjenja dhe nuk i ndiqni apo nuk veproni sipas tyre, ju po e jetoni ligjin e shenjtë të Atit Qiellor për dëlirësinë. Ju jeni një fëmijë i dashur i Perëndisë dhe një dishepull i Jezu Krishtit. Mbani mend se Shpëtimtari e kupton gjithçka që ju përjetoni. Nëpërmjet lidhjes suaj besëlidhëse me Të, ju do të gjeni forcë për t’iu bindur urdhërimeve të Perëndisë dhe për të marrë bekimet që premton Ai.” (Për Forcën e Rinisë: Një Udhëzues për Bërjen e Zgjedhjeve, f. 27–28)

Përse e dha Ati Qiellor ligjin e dëlirësisë?

“Ndjenjat seksuale janë një pjesë e rëndësishme e planit të Perëndisë për të krijuar martesa të lumtura dhe familje të përjetshme. Këto ndjenja nuk janë mëkatare, ato janë të shenjta. Për shkak se ndjenjat seksuale janë kaq të shenjta dhe kaq të fuqishme, Perëndia ju ka dhënë ligjin e Tij të dëlirësisë për t’ju përgatitur që t’i përdorni këto ndjenja ashtu siç e ka për qëllim Ai.

… Bindja ndaj këtij ligji do të bëjë të mundur që ju të përparoni përjetësisht dhe të bëheni më shumë si Ati juaj Qiellor. Vetëbesimi juaj do të rritet ndërsa jetoni si një dishepull i Jezu Krishtit.” (Për Forcën e Rinisë: Një Udhëzues për Bërjen e Zgjedhjeve, f. 23, 26)

Veprimtari Plotësuese të të Mësuarit

Përballja me tundimet e kohës sonë

Ndihmojini nxënësit të shohin se si materiali Për Forcën e Rinisë: Një Udhëzues për Bërjen e Zgjedhjeve mund t’i ndihmojë ata t’i kapërcejnë tundimet. Mund të paraqitni një kopje të tij dhe të pyesni:

Cilat janë disa arsye përse mendoni se udhëheqësit e Kishës e kanë krijuar librin udhëzues Për Forcën e Rinisë?

Tregoni se Plaku Diter F. Uhtdorf, i Kuorumit të Dymbëdhjetë Apostujve, dha mësim se materiali Për Forcën e Rinisë mund t’i ndihmojë të rinjtë “t’i përball[ojnë] më mirë sfidat dhe tundimet e kohës sonë” (“Jezu Krishti Është Forca e Rinisë”, Liahona, nëntor 2022, f. 10). Nxënësit mund të kërkojnë më vonë pjesën e titulluar “Po për …?” në librin udhëzues Për Forcën e Rinisë, duke kërkuar temat e trajtuara që mund të jenë një tundim për të rinjtë sot. Ata mund të kërkojnë faqet që e trajtojnë atë tundim dhe të japin një parim që mund ta ndjekin të rinjtë për të shmangur tundimin.

Krijimi i një plani për t’i bërë ballë tundimit

Për t’i ndihmuar nxënësit të krijojnë një plan për të ardhur te Krishti dhe për t’i bërë ballë tundimit, ata mund të përdorin burimin Adjusting to Missionary Life [Përshtatja me Jetën Misionare]. Ata mund të shohin te Section F: Managing Sexual or Romantic Feelings [Pjesa F: Mbajtja nën Kontroll e Ndjenjave Seksuale ose Romantike] nën “Resources for Managing Social Demands” [“Burimet për Mbajtjen nën Kontroll të Kërkesave Sociale”], duke kërkuar ide që mund t’ia shtojnë planit të tyre. Gjithashtu, mund t’i ftoni nxënësit ta lidhin vargun te Zanafilla 39:9 me këtë seksion.

Këndvështrimi i përjetshëm

Disa nxënës mund ta dinë se Jozefin e futën në burg pasi iu largua tundimit për të shkelur ligjin e dëlirësisë (shihni te Zanafilla 39:20). Për t’i ndihmuar ata të kuptojnë se si u bekua Jozefi duke pasur një këndvështrim të përjetshëm, merreni parasysh të shihni “Marrëdhënia Jonë me Perëndinë” nga kodi kohor 8:41 deri në 9:42.

13:17

Mundësi materialesh filmike

“I Choose to Be Pure” [“Zgjedh të Jem i/e Dëlirë”] (4:19). Gjashtë të rinj të feve të ndryshme flasin hapur mbi arsyen përse kanë zgjedhur të jenë të dëlirë nga ana seksuale. Nxënësit mund ta shohin materialin filmik duke kërkuar atë që u lë mbresa rreth arsyes përse këta të rinj zgjedhin ta mbajnë ligjin e dëlirësisë.

4:19

“Why is it important to live the law of chastity?” [“Përse është e rëndësishme ta jetojmë ligjin e dëlirësisë?”] (5:42). Plaku Dejll G. Renland, i Kuorumit të Dymbëdhjetë Apostujve, dhe bashkëshortja e tij, Motra Ruth L. Renland, i përgjigjen pyetjes së një të reje rreth ligjit të dëlirësisë.

5:43

“Trial of Your Faith” [“Prova e Besimit Tuaj”] nga kodi kohor 7:15 deri në 8:11. Plaku Nil L. Andersen, i Kuorumit të Dymbëdhjetë Apostujve, tregon se si shoku i tij i është bindur ligjit të dëlirësisë ndërkohë që përjetonte ndjenja të tërheqjes ndaj së njëjtës gjini.

14:56